ಕಲ್ಪನಾ ಶಾ

ಕಲ್ಪನಾ ಶಾ
ಭಾರತೊದ ಸೀರೆ ಶೈಲಿಶಿಲ್ಪಿ
ಪುಟ್ಟಿನ ಊರು	(1948-11-30) 30 November 1948 ಸೂರತ್, ಗುಜರಾತ್, ಭಾರತ
ಬೇಲೆ	ಲೇಖಕಿ, ಸೀರೆ ಶೈಲಿಶಿಲ್ಪಿ, ಉದ್ಯಮಿ
ಪ್ರಕಾರೊ	ವಾಸ್ತವಜೀವನ
ವಿಸಯೊ	ಭಾರತೊದ ಸಂಸ್ಕೃತಿ, ದಿನೊತ ಜೀವನ, ಶೈಲಿ
ಬೆಂದಿನ ವರ್ಸೊ	1985–ಇದನೆಟ್ಟ
ಕಾವ್ಯೊನಾಮೊ	ಕಲ್ಪನಾ
ಜೋಕುಲು	ನಿರ್ಭಯ್ ಬೊಕ್ಕ ಬ್ರಿಂದಾ
Website
kalpanashah.in

ಕಲ್ಪನಾ ಶಾ (ಪುಟ್ಟು ೩೦ ನವೆಂಬರ್ ೧೯೪೮) ಒರಿ ಭಾರತೀಯ ಸೀರೆ ಡಿಸೈನರ್, ಸ್ಟೈಲಿಸ್ಟ್, ಲೇಖಕಿ ಬೊಕ್ಕ ಉದ್ಯಮಿ. ಆರ್ ಭಾರತದ ಮುಂಬೈಡ್ ಆಲ್ಟಮೌಂಟ್ ರಸ್ತೆಡ್ ಜೀವನ ಮಲ್ಪುವೆರ್. ಮೇರ್ ೧೯೮೫ಡ್ದ್ ಸೀರೆ ಕಸೂತಿದ ಕಲೆನ್ ಅಭ್ಯಾಸ ಮಲ್ತೊಂದುಲ್ಲೆರ್. ಸೀರೆ ಅಲಂಕಾರ ಮಲ್ಪುನ ತರಗತಿ ಬೊಕ್ಕ ಕಾರ್ಯಾಗಾರೊಲೆನ್ ನಡಪಾವೆರ್, ಬೊಕ್ಕ ಅಧಿಕೃತ ಕಾರ್ಯಕ್ರಮೊಲೆಗ್ ಸೀರೆಲೆನ್ ಅಲಂಕಾರ ಮಲ್ಪುವೆರ್.

ವೈಯಕ್ತಿಕ ಜೀವನ

ಕಲ್ಪನಾ ಶಾ ಒಂಜಿ ಗುಜರಾತಿ ಜೈನ ಕುಟುಂಬೊಡು ಪುಟ್ಟುದು ಆಭರಣೊಲೆನ ವ್ಯವಹಾರ ಮಲ್ತೊಂದಿತ್ತೆರ್. ಅರೆನ ಬಾಲ್ಯ ಗುಜರಾತ್‌ದ ಸೂರತ್‌ಡ್ ಕರಿಂಡ್. ೧೦ ವರ್ಸೊದ ಪ್ರಾಯೊಡು, ಆರ್ ಬೊಕ್ಕ ಅರೆನ ಕುಟುಂಬೊದಕುಲು ಮಹಾರಾಷ್ಟ್ರೊದ ಮುಂಬೈಗ್ ಪೋಯೆರ್, ಅಲ್ಪ ಆರ್ ಶಾಲೆದ ಶಿಕ್ಷಣ ಬೊಕ್ಕ ಕೆಲವು ಕಾಲೇಜ್ ವರ್ಷೊಲೆನ್ ಮುಗಿತೆರ್.

ವೃತ್ತಿಜೀವನ

ಕಲ್ಪನಾ ಭಾರತ ನಾಟ್ಯ ನರ್ತಕಿಯಾದ್ ತರಬೇತಿ ಪಡೆಯೆರ್ ಬೊಕ್ಕ ಭಾರತದ ಮಸ್ತ್ ಕಡೆಟ್ ಲೈವ್ ಪ್ರದರ್ಶನ ಕೊರ್ತೆರ್. ನಲಿಕೆದ ವೃತ್ತಿಜೀವನೊದ ನಂತರ, ಆರ್ 23 ವರ್ಸೊದ ಪ್ರಾಯೊಡು ಮದಿಮೆ ಆಯೆರ್. ತನ್ನ ವೈಯಕ್ತಿಕ ಜೀವನೊನು ಸ್ಥಿರ ಮಲ್ತಿನ ಬುಕ್ಕೊ, ಕಲ್ಪನಾ ಸೌಂದರ್ಯ ಬೊಕ್ಕ ಸೌಂದರ್ಯವರ್ಧಕ ಕ್ಷೇತ್ರೊಡು ತರಬೇತಿ ಪಡೆಯೆರ್, ಬೊಕ್ಕ ಜೀವನಪೂರ್ತಿ ಕಲ್ಪುನ ಮಾರ್ಗೊನು ಆಯ್ಕೆ ಮಲ್ತೆರ್.

ದುಂಬುಗು, ಮಸ್ತ್ ಪೊಂಜೊವುಲು ಅಕ್ಲೆನ ಸೀರೆನ್ ಅಲಂಕಾರ ಮಲ್ಪೆರೆ ಆರಾಮ ಇಜ್ಜಂದಿನವು ತೆರಿದ್, ಫ್ಯಾಷನ್ ಇಂಡಸ್ಟ್ರಿಡ್ ತನ್ನ ವೃತ್ತಿಜೀವನೊನು ಕೇಂದ್ರೀಕರಿಸಯೆರ್. ಬಾಲಿವುಡ್ ನಿರ್ಮಾಣೊಲೆಗ್, ಫ್ಯಾಷನ್ ಶೋಲೆಗ್, ಬೊಕ್ಕ ಖಾಸಗಿ ಕಾರ್ಯಕ್ರಮೊಲೆಗ್ ಸೀರೆ ಅಲಂಕಾರೊದ ಬೇಲೆಡ್ ಸಹಾಯ ಮಲ್ತೊಂದು ಭಾರತೀಯ ಫ್ಯಾಷನ್ ಬೊಕ್ಕ ಸೀರೆ ಅಲಂಕಾರೊದ ಉದ್ಯಮೊಡು ಮನೆತನೊದ ಪುದರ್ ಆಯೆರ್.

ಬಾಲಿವುಡ್ ನಟಿ ದೀಪಿಕಾ ಪಡುಕೋಣೆ, ಐಶ್ವರ್ಯಾ ರೈ, ಸೋನಮ್ ಕಪೂರ್, ಕರೀನಾ ಕಪೂರ್, ಕತ್ರಿನಾ ಕೈಫ್, ನರ್ಗಿಸ್ ಫಖ್ರಿ, ಹುಮಾ ಕುರೇಶಿ ಬೊಕ್ಕ ಜಾಕ್ವೆಲಿನ್ ಫೆರ್ನಾಂಡಿಸ್ ನಕ್ಲೆಗ್ ಕಲ್ಪನಾ ಶಾ ಸೀರೆನ್ ಅಲಂಕರಿಸಯೆರ್.

ಬಿರ್ಲಾ, ಹಿಂದೂಜಾ, ಧೂಟ್, ರುವಿಯಾ, ಅಂಬಾನಿ, ಗೋಯಲ್, ವಾಡಿಯಾ ಕುಟುಂಬೊಲು ಬೊಕ್ಕ ದೆಹಲಿ, ಲಂಡನ್ ದ ಮಿತ್ತಲ್ ಕುಟುಂಬೊಗು ಮದಿಮೆ ಬೊಕ್ಕ ಅಧಿಕೃತ ಸಮಾರಂಭೊಲೆಗ್ ಸೀರೆಲೆನ್ ಅಲಂಕಾರ ಮಲ್ತೆರ್.

ಅರೆನ ಪುಸ್ತಕ "ದಿ ಹೋಲ್ 9 ಯಾರ್ಡ್ಸ್" 2012ಡ್ ಪ್ರಕಟ ಆಂಡ್ ಬೊಕ್ಕ 2014ಡ್ "ಲರ್ನ್ ಸಾರಿ" ಪನ್ಪಿನ ಒಂಜಿ ಆ್ಯಪ್ ಬಿಡುಗಡೆ ಆಂಡ್.