ಕವರಟ್ಟಿ

ಕವರಟ್ಟಿ ಉಂದೊಂಜಿ ಹವಳ ದ್ವೀಪ, ಅತ್ತಂದೆ ನಮ ದೇಸೊದ ಕೇಂದ್ರಾಡಳಿತ ಪ್ರದೇಶ ಆಯಿನ ಲಕ್ಷದ್ವೀಪದ ರಾಜದಾನಿಲಾ ಅಂದ್. ಉಂದು ಭಾರತದ ಮುಖ್ಯ ಭೂಭಾಗದ ಮಲಬಾರ್ ಕರಾವಳಿಡ್ದ್ ಪಡ್ಡಾಯಿಡ್ ಸುಮಾರ್ 360 ಕಿ.ಮೀ ದೂರೊಡು ಉಂಡು. ೨೦೧೧ನೇ ಇಸವಿದ ಕಾನೇಸ್ಮಾರಿದ ಪ್ರಕಾರ ಮುಲ್ಪದ ಜನಸಂಕ್ಯೆ ೧೧೨೨೧ ಉಂಡು.

ಮುಲ್ಪ ಸರ್ಕಾರಿ ಕಚೇರಿಲು, ನ್ಯಾಯಾಲಯ ಬೊಕ್ಕ ಪೊಲೀಸ್ ಕೇಂದ್ರೊಲು ಉಂಡು. ಮುಲ್ಪದ ಜನಕುಲು ಹೆಚ್ಚಾದ್ ಇಸ್ಲಾಮ್ ಧರ್ಮದಕುಲು, ಅಂಚಾದ್ ಮುಲ್ಪ ಮಸ್ತ್ ಮಸೀದಿಲು ಉಂಡು. ಐಟ್ ಉಜ್ರಾ ಮಸೀದಿ ಮಸ್ತ್ ಪುದರ್ ಪೋಯಿನವು, ಉಂದೆತ ಛಾವಣಿನ್ ಒಂಜೇ ಮರಟ್ ಕೆತ್ತನೆ ಮಲ್ತ್‌ದೆರ್. ಮುಲ್ಪದ ಜನಕುಲು ಮಲಯಾಳಂ ಬೊಕ್ಕ 'ಜೆಸೆರಿ' ಪನ್ಪುನ ಭಾಷೆನ್ ಪಾತೆರುವೆರ್.

ಕವರತ್ತಿದ ಆರ್ಥಿಕತೆ ಪ್ರವಾಸೋದ್ಯಮ ಮೀನ್‌ದ ಬ್ಯಾರ ಬೊಕ್ಕ ತಾರಾಯಿದ ಕೃಷಿತ ಮಿತ್ತ್ ಉಂತುದುಂಡು. ಮೀನು ಪತ್ತುನೆ ಬೊಕ್ಕ ಕೊಬ್ಬರಿ ಮಲ್ಪುನವು ಮುಲ್ಪದ ಮುಖ್ಯ ಕಸುಬು. ಇತ್ತೆ ಪ್ರವಾಸೋದ್ಯಮಲಾ ಮುಲ್ಪ ಅಭಿವೃದ್ಧಿ ಆವೊಂದುಂಡು. ಇಡೆಗ್ ಬರಿಯೆರೆ ಭಾರತ ಸರ್ಕಾರದ ವಿಶೇಷ ಅನುಮತಿ ಬೋಡು. ಪ್ರವಾಸಿನಕ್ಲು ಸ್ಕೂಬಾ ಡೈವಿಂಗ್, ಕಯಾಕಿಂಗ್ ಬೊಕ್ಕ ಸ್ನಾರ್ಕೆಲಿಂಗ್ ಮಲ್ಪೆರೆ ಇಡೆಗ್ ಬರ್ಪೆರ್.