ಕಸ್ತೂರ್ಭ ಗಾಂಧಿ

ಕಸ್ತೂರ್ಬಾ ಗಾಂಧಿ
1940 ರಲ್ಲಿ ಕಸ್ತೂರ್ಬಾ ಗಾಂಧಿ
ಪುಟ್ಟು	ಕಸ್ತೂರ್ಬಾ ಗೋಕುಲದಾಸ್ ಕಪಾಡಿಯಾ (1869-04-11)11 ಎಪ್ರಿಲ್ 1869 ಪೋರಬಂದರ್, ಪೋರಬಂದರ್ ರಾಜ್ಯ, ಕಥಿಯಾವಾರ್ ಏಜೆನ್ಸಿ, ಬ್ರಿಟಿಷ್ ರಾಜ್
ಸಾವು	22 February 1944(1944-02-22) (aged 74) ಅಗಾ ಖಾನ್ ಅರಮನೆ, ಪುಣೆ, ಬಾಂಬೆ ಪ್ರೆಸಿಡೆನ್ಸಿ, ಬ್ರಿಟಿಷ್ ಇಂಡಿಯಾ
ಬೇಲೆ	ಮಹಿಳಾ ಕಾರ್ಯಕರ್ತೆ
ಸಂಗಾತಿ	ಮಹಾತ್ಮ ಗಾಂಧಿ ​ (m. ೧೮೮೩)​
ಜೋಕುಲು	ಹರಿಲಾಲ್ ಮಣಿಲಾಲ್ ರಾಮದಾಸ್ ದೇವದಾಸ್

ಕಸ್ತೂರ್ಬ ಮೋಹನದಾಸ್ ಗಾಂಧಿ ( listen ⓘ, ಹುಟ್ಟಿದ ಕಸ್ತೂರ್ಬ ಗೋಕುಲ್ದಾಸ್ ಕಾಪಾಡಿಯ) ಕಸ್ತೂರ್ಬ (ಪುಟ್ಟು ೧೧ ಏಪ್ರಿಲ್ ೧೮೬೯) ಬ್ರಿಟಿಷ್ ಭಾರತೀಯ ಸಾಮ್ರಾಜ್ಯದ ಕಾಲೊಡು ಭಾರತೀಯ ಸ್ವಾತಂತ್ರ್ಯ ಚಳುವಳಿಡ್ ಪಾಲ್ ಪಡೆಯಿನ ಒರ್ತಿ ಭಾರತೀಯ ರಾಜಕೀಯ ಕಾರ್ಯಕರ್ತೆ. ಆರ್ ಮೋಹನ್ದಾಸ್ ಕರಮ್ಚಂದ್ ಗಾಂಧಿನ್ ಮದಿಮೆ ಆಯೆರ್, ಸಾಮಾನ್ಯವಾದ್ ಮಹಾತ್ಮಾ ಗಾಂಧಿ ಪಂಡ್ದ್ ಲೆಪ್ಪುವೆರ್. ಕಸ್ತೂರ್ಬೆರೆನ ಪುಟ್ಟು ಪರ್ಬೊನು ಭಾರತೊಡು ರಾಷ್ಟ್ರೀಯ ಸುರಕ್ಷಿತ ಮಾತೃತ್ವ ದಿನೊ ಆದ್ ವಾರ್ಷಿಕವಾದ್ ಏಪ್ರಿಲ್ ೧೧ ತಾರೀಕ್ ಗ್ ಆಚರಣೆ ಮಲ್ಪುವೆರ್.

ಸುರುತ ಜೀವನ ಬೊಕ್ಕ ಹಿನ್ನೆಲೆ

ಕಸ್ತೂರ್ಬ 1869 ಏಪ್ರಿಲ್ 11 ದಾನಿ ಗೋಕುಲ್ದಾಸ ಬೊಕ್ಕ ವೃಜಕುನ್ವರ್ಬ ಕಾಪಾಡಿಯನ ಇಲ್ಲಡ್ ಪುಟ್ಟಿಯೆರ್. ಈ ಕುಟುಮೊ ಗುಜರಾತಿ ಹಿಂದೂ ವ್ಯಾಪಾರಿಲೆನ ಮೋಧ ಬನಿಯ ಜಾತಿದಕುಲು ಆದ್ ಕರಾವಳಿದ ಊರು ಪೊರ್ಬಂದರ್ ಡ್ ನೆಲೆಯಾಯೆರ್. ಮೇ ೧೮೮೩ಡ್, ೧೪ ವರ್ಸೊದ ಕಸ್ತೂರ್ಬ ೧೩ ವರ್ಸೊದ ಮೋಹನದಾಸ್ ನ್ ಅಪ್ಪೆ ಅಮ್ಮೆ ಏರ್ಪಾಡ್ ಮಲ್ತಿನ ಮದಿಮೆಡ್ ಮದಿಮೆ ಆಯೆರ್.

ಅಕ್ಲೆನ ಮದಿಮೆದ ದಿನೊನು ನೆಂಪು ಮಲ್ಪುನಗ, ಅರೆನ ಕಂಡನಿ ಒಂಜಿ ಸರ್ತಿ ಪಂಡೆರ್, "ಮದಿಮೆದ ಬಗ್ಗೆ ಎಂಕ್ಲೆಗ್ ಮಸ್ತ್ ಗೊತ್ತುಜ್ಜಿ, ಎಂಕ್ಲೆಗ್ ಅವು ಪೊಸ ಬಟ್ಟೆ ಪಾಡುನವು, ಸಿಹಿತಿಂಡಿ ಪರ್ಪುನವು ಬೊಕ್ಕ ಬಂಧುಲೆನೊಟ್ಟುಗು ಆಟ ಆಡುನವು ಮಾತ್ರ ಪಂಡ್ದ್ ಅರ್ಥ." ಆಂಡಲಾ, ಪದ್ಧತಿದಲೆಕ, ಒಂಜಿ ಹದಿಹರೆಯದ ಮದಿಮಲ್ ಮದಿಮೆದ ಸುರುತ ಕೆಲವು ವರ್ಷೊಲೆನ್ ಅರೆನ ಅಪ್ಪೆ ಅಮ್ಮೆರೆನ ಇಲ್ಲಡ್ ಬೊಕ್ಕ ಅರೆನ ಕಂಡನಿಡ್ದ್ ದೂರೊಡು ಕಳೆವೊಡು ಪನ್ಪಿನ ನಿರೀಕ್ಷೆ ಇತ್ತ್ಂಡ್. ಮಸ್ತ್ ವರ್ಸೊಡ್ದು ಬೊಕ್ಕ ಬರೆಯಿನ ಮೋಹನದಾಸ್ ತನ್ನ ಜವನ್ಯೆನ ಬಗ್ಗೆ ತನ್ನ ಮನಸ್ಸ್ ಡ್ ಇತ್ತಿನ ಕಾಮದ ಭಾವನೆಲೆನ್ ವಿಷಾದೊಡು ವರ್ಣನೆ ಮಲ್ತೆರ್, "ಶಾಲೆಡ್ ಲಾ ಯಾನ್ ಅಲೆನ ಬಗ್ಗೆ ಯೋಚನೆ ಮಲ್ಪುವೆ, ಬೊಕ್ಕ ರಾತ್ರೆ ಬೊಕ್ಕ ಅಯಿಡ್ದ್ ಬೊಕ್ಕ ನಮ್ಮ ಭೇಟಿದ ಯೋಚನೆ ಎಂಕ್ ಯಾಪಲ ಕಾಡುಂಡು."' ' ಅಕ್ಲೆನ ಮದಿಮೆದ ಸುರುಟು, ಮೋಹನ್ದಾಸ್ ಸ್ವಾಮ್ಯೊಡು ಬೊಕ್ಕ ಕುಶಲತೆಡ್ ಇತ್ತೆರ್; ಆಯನ ಆಜ್ಞೆಲೆನ್ ಪಾಲನೆ ಮಲ್ಪುನ ಒರಿ ಆದರ್ಶ ಪತ್ನಿನ್ ಆರ್ ಬಯಕೆ ಮಲ್ತೆರ್. ಕಸ್ತೂರ್ಬ 17 ವರ್ಸೊದ ಪ್ರಾಯೊಡು ಗರ್ಭಿಣಿ ಆಯೆರ್. ಸುರುತ ಬಾಲೆ ಅಕಾಲಿಕವಾದ್ ಪುಟ್ಟುದು ಸುರುತ ವರ್ಷ ಬದುಕುಜಿ. ಅಕ್ಲೆನ ಬೇತೆ ನಾಲ್ ಜೋಕುಲು ಮಲ್ಲೆ ಆದ್ ಬದುಕುದು ಉಪ್ಪುಂಡಲಾ, ಕಸ್ತೂರ್ಬಾ ಅರೆನ ಸುರುತ ಬಾಲೆದ ಸಾವುಡ್ದ್ ಪೂರ್ತಿ ಗುಣ ಆಯಿಜಿ. ಮೋಹನ್ದಾಸ್ ಲಂಡನ್ ಗ್ ಪೋದು ಅಧ್ಯಯನ ಮಲ್ಪೆರೆ ನಿರ್ಧರಿಸಯೆರ್ ಬೊಕ್ಕ ೧೮೮೮ಡ್ ಅಕ್ಲೆನ ರಡ್ಡನೆ ಬಾಲೆ ಪುಟ್ಟುನ ಬೊಕ್ಕ ಅಕ್ಲೆನ ಮಗೆ ಹರಿಲಾಲ್ ನ್ ಬುಡ್ದು ಪೋಯೆರ್. ಕಸ್ತೂರ್ಬಾ ಭಾರತೊಡು ಉಂತುದು ಪೋಯೆರ್. ಮೋಹನ್ದಾಸ್ 1891ಡ್ ಲಂಡನ್ ಡ್ದ್ ವಾಪಸ್ ಬತ್ತೆರ್, ಬೊಕ್ಕ 1892ಡ್ ಕಸ್ತೂರ್ಬಗ್ ಮನಿಲಾಲ್ ಪನ್ಪಿನ ಬೇತೆ ಒರಿ ಮಗೆ ಪುಟ್ಟುವೆರ್. ಭಾರತೊಡು ಯಶಸ್ವಿ ವೃತ್ತಿಜೀವನೊನು ಕಂಡುಕೊನೆರೆ ಸಾಧ್ಯ ಆಯಿಜಿ, ಮೋಹನ್ದಾಸ್ 1893ಡ್ ದಕ್ಷಿಣ ಆಫ್ರಿಕಾಗ್ ಪೋಯೆರ್, ಮತ್ತೆ ಒಂಜಿ ಸರ್ತಿ ಕಸ್ತೂರ್ಬಾ ಬೊಕ್ಕ ಅಕ್ಲೆನ ಜೋಕುಲೆನ್ ಬುಡ್ದು ಪೋಯೆರ್. ಈ ಕುಟುಮ ೧೮೯೬ಡ್ ದಕ್ಷಿಣ ಆಫ್ರಿಕಾಡ್ ಮೋಹನದಾಸ್ ಗ್ ಸೇರ್ಂಡ್.

ನಾಲ್ ಜೋಕುಲೆನೊಟ್ಟುಗು ಕಸ್ತೂರ್ಬ

೧೯೦೬ಡ್, ಮೋಹನ್ದಾಸ್ ಶುದ್ಧತೆದ ಪ್ರತಿಜ್ಞೆ ಮಲ್ತೆರ್, ಅತ್ತ್ಂಡ ಬ್ರಹ್ಮಚರ್ಯ . ಕೆಲವು ವರದಿಲು ಸೂಚಿಸವುನಂಚಿನ ಕಸ್ತೂರ್ಬಾಗ್ ಉಂದು ಒಂಜಿ ಸಾಂಪ್ರದಾಯಿಕ ಹಿಂದೂ ಬೊಡೆದಿಯಾದ್ ತನ್ನ ಪಾತ್ರೊಗು ವಿರುದ್ಧವಾದುಂಡು ಪಂದ್ ಎನ್ಯೆರ್ . ಆಂಡಲಾ, ಒರಿ ಪೊಣ್ಣು ತನ್ನನ್ ದುಃಖೊಡು ಉಲ್ಲೆ ಪಂಡ್ದ್ ಸೂಚನೆ ಕೊರ್ನಗ ಕಸ್ತೂರ್ಬಾ ತನ್ನ ಮದಿಮೆನ್ ತ್ವರಿತವಾದ್ ಸಮರ್ತನೆ ಮಲ್ತೆರ್.ಕಸ್ತೂರ್ಬನ ಬಂಧುಲುಲಾ ತನ್ನ ಕಂಡನಿ ಮಹಾತ್ಮಾನ ಪಾತೆರೊನು ಪಾಲಿಸೊಡು ಬೊಕ್ಕ ಅಯಿನ್ ಅನುಸರಿಸೊಡು ಪನ್ಪಿನವು ಎಡ್ಡೆ ಪಂಡ್ದ್ ಒತ್ತಾಯ ಮಲ್ತೆರ್. ರಾಮಚಂದ್ರ ಗುಹಾನ ಜೀವನ ಚರಿತ್ರೆ ಗಾಂಧಿ ಬಿಫೋರ್ ಇಂಡಿಯಾ ಮದಿಮೆನ್ ವರ್ಣನೆ ಮಲ್ಪುಂಡು, "ಅಕುಲು ಯಾಪಲ ಭಾವನಾತ್ಮಕವಾದ್ ಬೊಕ್ಕ ಲೈಂಗಿಕವಾದ್ ಒಂಜೊಂಜಿ ಭಕ್ತಿಡ್ ಇತ್ತೆರ್. ಬಹುಶಃ ಅಕ್ಲೆನ ಆವರ್ತಕ, ಸುದೀರ್ಘ ಪ್ರತ್ಯೇಕತೆಡ್ದ್, ಕಸ್ತೂರ್ಬಾ ಅಕುಲು ಒಟ್ಟುಗು ಕಳೆಯಿನ ಸಮಯೊನು ಮಸ್ತ್ ಮೋಕೆ ಮಲ್ತೆರ್."

ರಾಜಕೀಯ ವೃತ್ತಿಜೀವನ

ಬಂಗಾಳಿ ಕವಿ ರವೀಂದ್ರನಾಥ್ ಟಾಗೋರ್ ಮಹಾತ್ಮಾ ಗಾಂಧಿ ಬೊಕ್ಕ ಕಸ್ತೂರ್ಬ ಗಾಂಧಿನೊಟ್ಟುಗು ಶಾಂತಿನಿಕೇತನೊಡು, ೧೯೪೦.

ಕಸ್ತೂರ್ಬಾ ಸುರುಕು 1904ಡ್ ತನ್ನ ಕಂಡನಿ ಬೊಕ್ಕ ಬೇತೆಕ್ಲೆನೊಟ್ಟುಗು ದಕ್ಷಿಣ ಆಫ್ರಿಕಾದ ಡರ್ಬನ್ ದ ಸುತ್ತಮುತ್ತ ಫೀನಿಕ್ಸ್ ವಸಾಹತುನ್ ಸ್ಥಾಪನೆ ಮಲ್ತಿನಗ ರಾಜಕೀಯೊಡು ತೊಡಗಿನೆರ್. ೧೯೧೩ಡ್, ದಕ್ಷಿಣ ಆಫ್ರಿಕಾಡ್ ಭಾರತೀಯ ವಲಸೆ ಬತ್ತಿನಕ್ಲೆನ ಮಿತ್ತ್ ನಡತಿನ ದುರ್ಬಳಕೆದ ವಿರುದ್ಧದ ಪ್ರತಿಭಟನೆಲೆಡ್ ಪಾಲ್ ಪಡೆಯೆರ್, ಅಯಿಕ್ ಅರೆನ್ ಬಂಧಿ ಮಲ್ತೆರ್ ಬೊಕ್ಕ ಕಠಿಣ ಕಾರ್ಮಿಕ ಶಿಕ್ಷೆ ಕೊರ್ತೆರ್. ಜೈಲ್ಡ್ ಇಪ್ಪುನಗ, ಆರ್ ಬೇತೆ ಪೊಣ್ಣುಲೆನ್ ಪ್ರಾರ್ಥನೆಡ್ ಲೆತೊಂದು ಪೋಯೆರ್ ಬೊಕ್ಕ ಶಿಕ್ಷಣ ಪಡೆಯಿನ ಪೊಣ್ಣುಲೆನ್ ಅನಕ್ಷರಸ್ಥ ಪೊಣ್ಣುಲೆಗ್ ಓದುನ ಬೊಕ್ಕ ಬರೆಯೆರೆ ಕಲ್ಪಾವೊಡು ಪಂದ್ ಪ್ರೋತ್ಸಾಹಿಸಯೆರ್. ಗಾಂಧಿ ಕುಟುಮೊ ಜುಲೈ ೧೯೧೪ಡ್ ದಕ್ಷಿಣ ಆಫ್ರಿಕಾನ್ ಬುಡ್ದು ಭಾರತೊಗು ವಾಪಸ್ ಬತ್ತೆರ್. ಕಸ್ತೂರ್ಬಾಗ್ ದೀರ್ಘಕಾಲದ ಶ್ವಾಸನಾಳದ ಸೋಂಕು (ಶ್ವಾಸನಾಳೊಲೆನ ಒಳಪದರೊದ ಉರಿಯೂತ) ಇತ್ತ್ಂಡಲಾ, ಆರ್ ಭಾರತೊದ ನಾಗರಿಕ ಕ್ರಮೊಕುಲೆಡ್ ಬೊಕ್ಕ ಪ್ರತಿಭಟನೆಲೆಡ್ ಪಾಲ್ ಪಡೆಯೆರೆ ಸುರು ಮಲ್ತೆರ್ ಬೊಕ್ಕ ಅರೆನ ಕಂಡನಿ ಜೈಲ್ ಡ್ ಇತ್ತಿನಗ ಅರೆನ ಜಾಗೆನ್ ದೆತೊನುವೆರ್. ಅಲೆನ ಮಸ್ತ್ ಸಮಯ ಆಶ್ರಮೊಲೆಡ್ ಸೇವೆ ಮಲ್ಪೆರೆ ಮೀಸಲಾತ್ಂಡ್.ಆಶ್ರಮೊಡು ಕಸ್ತೂರ್ಬೆರೆನ್ "ಬಾ" ಅತ್ತ್ಂಡ ಅಪ್ಪೆ ಪಂದ್ ಲೆಪ್ಪುವೆರ್. ಕಸ್ತೂರ್ಬ ಬೊಕ್ಕ ಮೋಹನ್ದಾಸ್ ನಕುಲೆನ ನಡುಟು ಉಪ್ಪುನ ವ್ಯತ್ಯಾಸ ಪಂಡ ಅಕ್ಲೆನ ಆಶ್ರಮೊಡು ಅಕ್ಲೆನ ಜೋಕುಲೆನ್ ಎಂಚ ನಡಪಾವೊಂದಿತ್ತೆರ್. ಮೋಹನದಾಸ್ ತನ್ನ ಮಗೆಲೆಗ್ ವಿಶೇಷ ಟ್ರೀಟ್ ಮೆಂಟ್ ಗ್ ಅರ್ಹತೆ ಇಜ್ಜಿ ಪಂದ್ ನಂಬಿಯೆರ್, ಆಂಡ ಕಸ್ತೂರ್ಬಾಗ್ ಮೋಹನ್ದಾಸ್ ತನ್ನ ಜೋಕುಲೆನ್ ನಿರ್ಲಕ್ಷ ಮಲ್ತೆರ್ ಪಂದ್ ಎನ್ಯೆರ್.

೧೯೧೭ಡ್, ಕಸ್ತೂರ್ಬಾ ಬಿಹಾರೊದ ಚಂಪಾರನ್ ಡ್ ಮಹಿಳಾ ಕಲ್ಯಾಣೊಗು ಬೇಲೆ ಮಲ್ತೆರ್, ಅಲ್ಪ ಮೋಹನ್ದಾಸ್ ಇಂಡಿಗೊ ರೈತೆರೆನೊಟ್ಟುಗು ಬೇಲೆ ಮಲ್ತೆರ್. ಆರ್ ಪೊಣ್ಣುಲೆಗ್ ನೈರ್ಮಲ್ಯ, ಶಿಸ್ತು, ಆರೋಗ್ಯ, ಓದುನ ಬೊಕ್ಕ ಬರೆಯೆರೆ ಕಲ್ಪಾಯೆರ್. ೧೯೨೨ಡ್, ಅರೆನ ಕಳಪೆ ಆರೋಗ್ಯ ಇತ್ತ್ಂಡಲಾ, ಗುಜರಾತ್ ದ ಬೊರ್ಸಾಡ್ ಡ್ ಸತ್ಯಾಗ್ರಹ (ಅಹಿಂಸಾತ್ಮಕ ಪ್ರತಿರೋಧ) ಚಳುವಳಿಡ್ ಪಾಲ್ ಪಡೆಯೆರ್. ೧೯೩೦ಡ್ ಆರೆನ ಕಂಡನಿನ ಪುದರ್ ಪೋಯಿನ ಉಪ್ಪುದ ಸತ್ಯಾಗ್ರಹೊಡು ಪಾಲ್ ಪಡೆಯಂದೆ, ಮಸ್ತ್ ನಾಗರಿಕ ಅಸಹಕಾರದ ಅಭಿಯಾನೊಲೆಡ್ ಬೊಕ್ಕ ಮೆರವಣಿಗೆಲೆಡ್ ಪಾಲ್ ಪಡೆಯೆರ್. ಫಲವಾದ್, ಅರೆನ್ ಕೆಲವು ಸರ್ತಿ ಬಂಧಿ ಮಲ್ತೆರ್ ಬೊಕ್ಕ ಜೈಲ್ ಗ್ ಪಾಡ್ದೆರ್. ೧೯೩೯ಡ್, ಕಸ್ತೂರ್ಬ ರಾಜ್ಕೋಟ್ ಡ್ ಬ್ರಿಟಿಷ್ ಆಡಳಿತದ ವಿರುದ್ಧ ಅಹಿಂಸಾತ್ಮಕ ಪ್ರತಿಭಟನೆಲೆಡ್ ಪಾಲ್ ಪಡೆಯೆರ್, ನಗರೊದ ಪೊಣ್ಣುಲೆನ್ ಅಕ್ಲೆನ ಪರವಾದ್ ವಕೀಲತ್ವ ಮಲ್ಪೆರೆ ನಿರ್ದಿಷ್ಟವಾದ್ ಕೇನ್ಯೆರ್. ಕಸ್ತೂರ್ಬನ್ ಪುನರ್ ಬಂಧಿ ಮಲ್ತೆರ್ ಬೊಕ್ಕ ಒಂಜಿ ತಿಂಗೊಲು ಏಕಾಂತ ಬಂಧನೊಡು ದೀಯೆರ್. ಅಲೆನ ಆರೋಗ್ಯ ಕಮ್ಮಿ ಆಂಡ್ ಆಂಡಲಾ ಅಲೆನ್ ಸ್ವಾತಂತ್ರ್ಯೊಗು ಹೋರಾಟ ಮಲ್ಪೆರೆ ಸುರು ಮಲ್ತೆರ್. ೧೯೪೨ಡ್, ಮೋಹನದಾಸ್ ಬೊಕ್ಕ ಬೇತೆ ಸ್ವಾತಂತ್ರ್ಯ ಹೋರಾಟಗಾರೆರೆನೊಟ್ಟುಗು, ಭಾರತ ಬುಡ್ಲೆ ಚಳುವಳಿಡ್ ಪಾಲ್ ಪಡೆಯಿನೆಕ್ ಅರೆನ್ ಮತ್ತೆ ಬಂಧಿಸಯೆರ್. ಅರೆನ್ ಪುಣೆದ ಅಗಾ ಖಾನ್ ಅರಮನೆಡ್ ಬಂಧಿಸಯೆರ್. ಈ ಪೊರ್ತುಗು, ಅಲೆನ ಆರೋಗ್ಯ ಮಸ್ತ್ ಹಾಳಾತ್ಂಡ್ ಬೊಕ್ಕ ಅಲೆನ್ ಪುಣೆದ ಬಂಧನ ಶಿಬಿರೊಡು ತೀರ್ ಪೋಯೆರ್.

ಮೋಹನದಾಸ್ ತನ್ನ ಮದಿಮೆದ ಬಗ್ಗೆ ಪನ್ಪಿನ ಪಾತೆರೊಡು ಆರ್ ಅಲೆಡ ಆಜ್ಞಾಪಾಲನೆನ್ ನಿರೀಕ್ಷೆ ಮಲ್ತೆರ್ ಪನ್ಪಿನೆನ್ ತೋಜಾವುಂಡು. "ಎನ್ನ ದುಂಬುದ ಅನುಭವೊದ ಪ್ರಕಾರ, ಅಲ್ ಮಸ್ತ್ ಮುಟ್ಟಾಲೆ ಆದಿತ್ತೆರ್. ಎನ್ನ ಒತ್ತಡ ಇತ್ತ್ಂಡಲಾ, ಅಲ್ ಅರೆಗ್ ಇಷ್ಟ ಆಯಿನಲೆಕ ಮಲ್ಪುವೆರ್. ಉಂದು ಎಂಕ್ಲೆನ ನಡುಟು ಅಲ್ಪಾವಧಿ ಅತ್ತಂದೆ ದೀರ್ಘಾವಧಿದ ದೂರೊಗು ಕಾರಣ ಆಂಡ್. ಆಂಡ ಎನ್ನ ಸಾರ್ವಜನಿಕ ಜೀವನ ವಿಸ್ತಾರ ಆನಗ, ಎನ್ನ ಮದಿಮೆ ಆಯಿನಾಲ್ ಬುಲೆಯೆರ್ ಬೊಕ್ಕ ಉದ್ದೇಶಪೂರ್ವಕವಾದ್ ಎನ್ನ ಬೇಲೆಡ್ ತನ್ನನ್ ತಾನ್ ಕಳೆವೊಂದಿತ್ತೆರ್."

ಬಾಹ್ಯ ಕೊಂಡಿಗಳು

• ಶ್ರೀಮತಿ ಮಹಾತ್ಮ ಗಾಂಧಿ