ಕಿಶೋರಿ ಅಮೋನ್ಕರ್

ಕಿಶೋರಿ ಅಮೋಂಕರ್ (೧೦ ಏಪ್ರಿಲ್ ೧೯೩೧ - ೩ ಏಪ್ರಿಲ್ ೨೦೧೭) ಹಿಂದೂಸ್ತಾನಿ ಸಂಗೀತ ಸಂಪ್ರದಾಯೊಡು ಪುದರ್ ಪೋಯಿನ ಗಾಯಕೆರ್. ಆರ್ ಜೈಪುರ ಘರಣದ ಮೊಗುಬಾಯಿ ಕುರ್ದಿಕಾರೆರೆನ ಮಗಲ್. ಖ್ಯಾಲ್, ತುಮರಿ ಬೊಕ್ಕ ಭಜನೆ ಪನ್ಪಿನ ಗೀತೆಲೆನ್ ಪಾಡುನೆಕ್ ಆರ್ ಪುದರ್ ಪೋಯಿನಾರ್. ಮೇರೆಗ್ ೨೦೦೨ಡ್ ಪದ್ಮವಿಭೂಷಣ ಪ್ರಶಸ್ತಿ ಪುರಸ್ಕೃತ ಆಂಡ್.

ಕೆಲಸ

ತರಬೇತಿ

ಅಮೋಂಕರ್ ನ ಸಂಗೀತೊಡು ಸುರುತ ತರಬೇತಿನ್ ಅರೆನ ಅಮ್ಮೆ, ಶಾಸ್ತ್ರೀಯ ಗಾಯಕಿ ಮೊಗುಬಾಯಿ ಕುರ್ದಿಕರ್ ಕೊರ್ತೆರ್. ಆರ್ ಒಂಜಿ ಸಂದರ್ಶನೊಡು ತನ್ನ ಅಮ್ಮೆರ್ ಒರಿ ನಿಖರವಾದ್ ಶಿಕ್ಷಕಿ ಪಂಡ್ದ್ ಪನ್ಪೆರ್, ಸುರುಟು ಆರ್ ನುಡಿಗಟ್ಟುಲೆನ್ ಪಾಡ್ದ್ ಅಮೋಂಕರ್ ನ್ ಪುನರಾವರ್ತನೆ ಮಲ್ಪುನ ಮೂಲಕ ಕಲ್ಪಾವೊಂದಿತ್ತೆರ್.ಅರೆನ ವೃತ್ತಿಜೀವನದ ಸುರುತ ಹಂತೊಡು, ಅರೆನ ಅಮ್ಮೆರೆನೊಟ್ಟುಗು ಪ್ರದರ್ಶನೊಲೆಗ್ ಪೋಯೆರ್, ಕುರ್ದಿಕರ್ ಪಾಡುನಗ ತಾನ್ಪುರೊಡು ಅರೆನೊಟ್ಟುಗು ಪೋಯೆರ್.

೧೯೪೦ ದಶಕದ ಸುರುಟು, ಜವನೆರ್ ಅಮೋಂಕರ್ ಭೆಂಡಿಬಜಾರ್ ಘರಾಣದ ಅಂಜನಿಬಾಯಿ ಮಲ್ಪೇಕರ್ ಡ್ದ್ ಹಿಂದೂಸ್ತಾನಿ ಶಾಸ್ತ್ರೀಯ ಸಂಗೀತೊಡು ಗಾಯನ ಪಾಠೊಲೆನ್ ಪಡೆಯೆರೆ ಸುರು ಮಲ್ತೆರ್ ಬೊಕ್ಕ ನನೊಂಜಿ ಕೆಲವು ಘರಾಣೊಲೆನ ಶಿಕ್ಷಕೆರೆಡ ತರಬೇತಿ ಪಡೆಯೆರ್. ಆಗ್ರಾ ಘರಾಣದ ಅನ್ವರ್ ಹುಸೇನ್ ಖಾನ್, ಗ್ವಾಲಿಯರ್ ಘರಾಣದ ಶರದ್ಚಂದ್ರ ಅರೋಲ್ಕರ್, ಬೊಕ್ಕ ಬಾಲ್ಕೃಷ್ಣಬುವಾ ಪರ್ವತ್ಕರ್ ನಕುಲು ಅರೆನ ಶಿಕ್ಷಕೆರ್. ಅಮೋಂಕರ್ ಅಂಜನಿಬಾಯಿಗ್, ನಿರ್ದಿಷ್ಟವಾದ್, ಸ್ವರೊಲೆನ ನಡುಟು ಮೀಂಡ್ ಅತ್ತ್ಂಡ ಗ್ಲೈಡಿಂಗ್ ತಂತ್ರೊನು ಕಲ್ಪಾವುನ ಶ್ರೇಯೊನು ಕೊರ್ತೆರ್.