ವಿಷಯಕ್ಕೆ ಹೋಗು

ಕೀವ್ ದ ಬಂಗಾರ್ದ ದ್ವಾರ

ಉಂದು ವಿಕಿಪೀಡಿಯಡ್ದ್, ಒಂಜಿ ಸೊತಂತ್ರ ವಿಶ್ವಕೋಶ
ಕೀವ್‌ದ ಬಂಗಾರ್ದ ದ್ವಾರ
Золоті ворота
ಫೈಲ್:Golden Gate Kyiv.jpg
ಕೀವ್‌ದ ಬಂಗಾರ್ದ ದ್ವಾರೊದ ಪುನರ್‌ನಿರ್ಮಿತ ರೂಪ
Map
Interactive map of the ಕೀವ್‌ದ ಬಂಗಾರ್ದ ದ್ವಾರ area
General information
Locationವೊಲೊದಿಮಿರ್ಸ್ಕಾ ಬೀದಿ, ಕೀವ್, ಉಕ್ರೇನ್
Coordinates50°26′56″N 30°30′48″E / 50.44889°N 30.51333°E / 50.44889; 30.51333
Current tenantsಬಂಗಾರ್ ದ್ವಾರ ಮ್ಯೂಸಿಯಂ
Construction started
1017
Completed
1024
Ownerಸೋಫಿಯಾ ಕೀವ್ಸ್ಕಾ ರಾಷ್ಟ್ರೀಯ ಸಂರಕ್ಷಿತ ಪ್ರದೇಶ

ಕೀವ್‌ದ ಬಂಗಾರ್ದ ದ್ವಾರಉಂದು ಉಕ್ರೇನ್‌ದ ಕೀವ್ ಪಟ್ಟಣೊದ ಒಂಜಿ ಪ್ರಮುಖ ಐತಿಹಾಸಿಕ ಸ್ಮಾರಕ ಆದುಂಡು. ಉಂದು 11ನೇ ಶತಮಾನೊಡ್ ಕೀವನ್ ರಸ್‌ದ ರಾಜಧಾನಿ ಕೀವ್ ನಗರೊನು ರಕ್ಷಿಸುನ ಕೋಟೆದ ವ್ಯವಸ್ಥೆಡು ಮುಖ್ಯ ದ್ವಾರೊಲೆಡ್ ಒಂಜಿ ಆದುಂಡು.[1]

ಆಧುನಿಕ ಇತಿಹಾಸ ಅಧ್ಯಯನೊದ ಪ್ರಕಾರ ಬಂಗಾರ್ ದ್ವಾರೊನು ಕೀವ್‌ದ ಮಹಾರಾಜೆ ಯಾರೊಸ್ಲಾವ್ ದ ವೈಸ್ (Yaroslav the Wise) ನ ಆಳ್ವಿಕೆಡ್ 1017–1024ರ ಮಧ್ಯೆ ಕಟ್ಟಾದೆರ್. ಉಂದು ಕೀವನ್ ರಸ್ ಕಾಲೊದ ಕೀವ್‌ದ ಮುಖ್ಯ ಪ್ರವೇಶ ದ್ವಾರೊಲೆಡ್ ಒಂಜಿ ಆದುಂಡು.[2]

ಇತಿಹಾಸ

[ಸಂಪೊಲಿಪುಲೆ]

ಬಂಗಾರ್ ದ್ವಾರೊನು ಮೂಲಡ್ ದಕ್ಷಿಣ ದ್ವಾರ ಪಂದ್ ಲೆತ್ತೊಂದು ಇತ್ತೆರ್. ಉಂದು ಕೀವ್ ನಗರೊನು ಸುತ್ತುವರಿದಿನ ಕೋಟೆ ವ್ಯವಸ್ಥೆದ ಮೂಜಿ ಪ್ರಮುಖ ಪ್ರವೇಶ ದ್ವಾರೊಲೆಡ್ ಒಂಜಿ ಆದುಂಡು. ಬಾಕಿದ ಮುಖ್ಯ ದ್ವಾರೊಲು ಲಾಡ್ಸ್ಕಿ ಬೊಕ್ಕ ಝಿಡಿವ್ಸ್ಕಿ ದ್ವಾರೊಲು.[1]

ಕೀವ್‌ದ ಪ್ರಾಚೀನ ಕೋಟೆ ವ್ಯವಸ್ಥೆ ಸುಮಾರು 3.5 ಕಿಲೋಮೀಟರ್ ಉದ್ದ ಉಂಡು. ದಕ್ಷಿಣ ದ್ವಾರಡ್ದ್ ಕೋಟೆಗೋಡೆ ಇತ್ತೆದ ಇಂಡಿಪೆಂಡೆನ್ಸ್ ಸ್ಕ್ವೇರ್ ಪ್ರದೇಶೊದಡೆ ಮುಟ್ಟ ಉಂಡು ಬೊಕ್ಕ ಪಿರಾಕ್ ನಗರೊದ ಉತ್ತರ ಭಾಗೊದ ಕಡೆಕ್ ತಿರುಗುದು ಬಂಗಾರ್ ದ್ವಾರೊಗು ಬರ್ಪುಂಡು.[1]

ಪಿರಾಕ್ ದ್ವಾರೊದ ಕೈತಲ್ ಬ್ಲಾಹೊವಿಸ್ಟ್ ಚರ್ಚ್ (ಚರ್ಚ್ ಆಫ್ ದ ಅನನ್ಸಿಯೇಷನ್) ನಿರ್ಮಾಣ ಆತುಂಡು. ಈ ಚರ್ಚ್‌ದ ಬಂಗಾರ್ ಬಣ್ಣದ ಗುಮ್ಮಟೊಲು ನಗರೊದ ಪಿದಾಯಿಡ್ದ್ ಬೊಕ್ಕ ದೂರೊಡ್ದು ಸ್ಪಷ್ಟವಾದ್ ತೋಜುನ ಕಾರಣೊಡ್ದು ದ್ವಾರೊನು ಬಂಗಾರ್ ದ್ವಾರ ಪಂದ್ ಲೆಪ್ಪುವೆರ್.[1]

ದ್ವಾರೊದ ಪ್ರವೇಶ ಮಾರ್ಗ ಸುಮಾರು 12 ಮೀಟರ್ ಎತ್ತರ ಬೊಕ್ಕ 6 ಮೀಟರ್ ಅಗಲ ಉಂಡು. ಸುಮಾರು ಐನೂದು ವರ್ಷೊಲೆಗ್ ಉಂದು ಕೀವ್ ನಗರೊದ ವಿಜಯದ್ವಾರ ಆದ್ ಪ್ರಮುಖ ಸಂಕೇತ ಆದುಲಾ ಬಳಕೆಯಾತುಂಡು.[1]

ಬಂಗಾರ್ ದ್ವಾರೊನು ಕಾನ್ಸ್ಟಾಂಟಿನೋಪಲ್‌ದ ಬಂಗಾರ್ ದ್ವಾರೊದ ಮಾದರಿ ಅಂದ್ ಪರಿಗಣಿಸುಂಡು.[1]

1240ಡ್ ಬಟು ಖಾನ್ ನೇತೃತ್ವದ ಮಂಗೋಲ್ ಪಡೆ ಕೀವ್ದ ಮಿತ್ತು ದಾಳಿ ಮಲ್ಪಿನ ಸಮಯೊಡ್ ದ್ವಾರೊನು ಭಾಗಶಃ ನಾಶ ಮಲ್ತೆರ್. ಆಂಡಾ ಪಿರಾಕ್ ಅವೆತೋ ಶತಮಾನೊಲೆಗ್ ಉಂದು ನಗರೊದ ಪ್ರವೇಶ ದ್ವಾರ ಬೊಕ್ಕ ಸಮಾರಂಭೊಲೆಗ್ ಗಳಿಸಾಯೇರ್. 18ನೇ ಶತಮಾನೊದ ಉಂದು ಬೊಕ್ಕ ನಿಧಾನವಾದ್ ಅವಶೇಷ ಸ್ಥಿತಿಗ್ ಬತ್ತುಂಡು.[1]

1832ಡ್ ಮೆಟ್ರೋಪಾಲಿಟನ್ ಯೂಜೀನಿಯಸ್ ದ ನಿರ್ದೇಶನೊಡ್ ಬಂಗಾರ್ ದ್ವಾರೊದ ಅವಶೇಷೊಲೆನ್ ಗರ್ತುದು ದೆತ್ತು ಸಂರಕ್ಷಣೆಗ್ ಸಂಬಂಧಪಡಿನ ಪ್ರಾಥಮಿಕ ಅಧ್ಯಯನ ಮಲ್ತೆರ್.[1]

1970ರ ದಶಕೊಡ್ ಅವಶೇಷೊದ ಕೈತಲ್ ಒಂಜಿ ಪೆವಿಲಿಯನ್ ನಿರ್ಮಾಣ ಮಲ್ಪಾಯೆರ್. ಬೊಕ್ಕ ಬಂಗಾರ್ ದ್ವಾರೊದ ಇತಿಹಾಸ ಬೊಕ್ಕ ಪ್ರಾಚೀನ ಕೀವ್ ಕುರಿತು ಮ್ಯೂಸಿಯಂ ಸ್ಥಾಪನೆ ಆಂಡ್.[1]

1982ಡ್ ಕೀವ್ ನಗರೊದ 1500ನೇ ವಾರ್ಷಿಕೋತ್ಸವೊದ ಸಂದರ್ಭೊಡ್ ಬಂಗಾರ್ ದ್ವಾರೊನು ಸಂಪೂರ್ಣವಾದ್ ಪುನರ್‌ ನಿರ್ಮಾಣ ಮಲ್ತೆರ್. ಮೂಲ ದ್ವಾರೊದ ನಿಖರ ಚಿತ್ರೊಲು ಒರಿಪಾದ್ ಇತ್ತಿನ ಕಾರಣ, ಈ ಪುನರ್‌ನಿರ್ಮಾಣೊದ ರೂಪದ ಬಗ್ಗೆ ಕಲಾ ಇತಿಹಾಸಕಾರ್ಲೆಡ್ ಚರ್ಚೆ ಬೊಕ್ಕ ಟೀಕೆಗ್ ಒಳಪಡುಂಡು.[1]

ಉಕ್ರೇನ್‌ದ ರಾಷ್ಟ್ರೀಯ ಸಂರಕ್ಷಿತ ಪ್ರದೇಶ ಸೋಫಿಯಾ ಕೀವ್ಸ್ಕಾದ ಮಾಹಿತಿದ ಪ್ರಕಾರ, 1982ಡ್ ಮೂಲ ಅವಶೇಷೊಲೆನ್ ರಕ್ಷಿಸುನ ಉದ್ದೇಶೊದಿಂತ್ ಅವಶೇಷೊದ ಮಿತ್ತ್ ಒಂಜಿ ರಕ್ಷಣಾ ಪೆವಿಲಿಯನ್ ನಿರ್ಮಾಣ ಮಲ್ತೆರ್. 1983ಡ್ ಅಲ್ಪ ಮ್ಯೂಸಿಯಂ ನಿರ್ಮಾಣ ಮಂತೆರ್.[3]

1989ಡ್ ಬಂಗಾರ್ ದ್ವಾರೊದ ಕೈತಲ್ ಕೀವ್ ಮೆಟ್ರೋದ ಝೊಲೊಟಿ ವೊರೋಟಾ ನಿಲ್ದಾಣ ನಿರ್ಮಾಣ ಆಂಡ್. 1997ಡ್ ಯಾರೊಸ್ಲಾವ್ ದ ವೈಸ್‌ದ ಕಂಚುದ ಪ್ರತಿಮೆ ದ್ವಾರೊದ ಕೈತಲ್ ಸ್ಥಾಪನೆ ಆಂಡ್.[1]

ವಾಸ್ತುಶಿಲ್ಪ

[ಸಂಪೊಲಿಪುಲೆ]

ಮೂಲ ಬಂಗಾರ್ ದ್ವಾರೊದ ಅವಶೇಷೊಲೆಡ್ ರಡ್ಡ್ ಮುಖ್ಯ ಗೋಡೆದ ಭಾಗೊಲು ಒರಿದು ಇತ್ತುಂಡು. ಅವು ಸುಮಾರು 24 ಮೀಟರ್ ಬೊಕ್ಕ 13 ಮೀಟರ್ ಉದ್ದ ಇತ್ತುಂಡು. ಈ ಗೋಡೆಲು ಕಲ್ಲ್ ಬೊಕ್ಕ ರೋಮನ್ ಇಟ್ಟಿಗೆದ ಮಿಶ್ರಣಂದ್ ನಿರ್ಮಾಣ ಆತುಂಡು.[1]

ಕೀವ್ ನಗರೊದ ಅಧಿಕೃತ ಮಾರ್ಗದರ್ಶಿದ ಪ್ರಕಾರ, ಮೂಲ ದ್ವಾರ ರಕ್ಷಣಾ ವ್ಯವಸ್ಥೆಡ್ ರಡ್ಡ್ ಆಳವಾಯಿನ ಕಂದಕೊ, ಪ್ರವೇಶ ಮಾರ್ಗ ಹೊಂದುದಿನ ಯುದ್ಧ ಗೋಪುರ ಬೊಕ್ಕ ದ್ವಾರೊದ ಮೇಲ್ಭಾಗೊಡು ಚರ್ಚ್ ಇತ್ತುಂಡು.[2]

ಇತ್ತೆದ ಪುನರ್‌ನಿರ್ಮಿತ ಕಟ್ಟಡೊದ ಮೂಲ ದ್ವಾರೊದ ರೂಪೊನು ಆಧಾರ ಮಲ್ಪುದ್ ನಿರ್ಮಾಣ ಆತುಂಡು. ಉಂದೆತ ಉಲಯಿದ ಭಾಗೊಡು ಬಂಗಾರ್ ದ್ವಾರ ಮ್ಯೂಸಿಯಂ ಉಂಡು ಬೊಕ್ಕ ಮೇಲ್ಭಾಗೊಡು ಕೀವ್ ನಗರೊದ ದೃಶ್ಯ ತೋಜುನ ವೀಕ್ಷಣಾ ಜಾಗ ಉಂಡು.[3]

ಮೂಲ ಮಧ್ಯೊಯುಗೊದ ಅವಶೇಷೊಲೆನ್ ಉಕ್ರೇನ್‌ದ ರಾಷ್ಟ್ರೀಯ ಮಹತ್ವದ ವಾಸ್ತುಶಿಲ್ಪ ಬೊಕ್ಕ ಐತಿಹಾಸಿಕ ಸ್ಮಾರಕ ಪಂದ್ ಸಂರಕ್ಷಣೆ ಮಲ್ದೆರ್.[1]

ದ್ವಾರೊದ ಮಿತ್ತುದ ಚರ್ಚ್

[ಸಂಪೊಲಿಪುಲೆ]

ಬಂಗಾರ್ ದ್ವಾರೊದ ಮೇಲ್ಭಾಗೊಡು ಒಂಜಿ ಚರ್ಚ್ ಇತ್ತುಂಡು ಪಂದ್ ಐತಿಹಾಸಿಕ ದಾಖಲೆಲು ಪನ್ಪುಂಡು. ಈ ಚರ್ಚ್‌ನು ನಗರೊದ ದೈವಿಕ ರಕ್ಷಣೆದ ಸಂಕೇತ ಪಂದ್ ಪರಿಗಣಿಸಲಾತುಂಡು. ಅಲ್ಪ ಜನೊಕುಲು ಪ್ರಾರ್ಥನೆ ಮಲ್ಪುನ ಸಾಮಾನ್ಯ ಚರ್ಚ್ ಪಂದ್ ಬಳಕೆ ಆತುಂಡು.[1]

ಪುನರ್‌ನಿರ್ಮಾಣ ಮಲ್ಪಾಯಿನ ಚರ್ಚ್ ಮೂಜಿ, ಬೊಕ್ಕ ನಾಲ್ ಕಂಬೊಲು ಇತ್ತಿನ ಒಂಜಿ ಗುಮ್ಮಟೊದ ದೇವಾಲಯೊದ ರೂಪೊಡ್ ಉಂಡು. ಮುಂಭಾಗದ ಅಲಂಕಾರೊಲೆಡ್ ಪ್ರಾಚೀನ ರುಸ್ ಕಾಲೊದ ಕಟ್ಟಡೊಲೆಡ್ ಬಳಸಾಯಿನ ಇಟ್ಟಿಗೆದ ಅಲಂಕಾರ ಮಾದರಿಲೆನ್ ಅನುಸರಿಸಾದೆರ್.[1]

ಚರ್ಚ್‌ದ ನೆಲಕ್ ಮೊಸಾಯಿಕ್ ವಿನ್ಯಾಸೊನು ಕೀವ್‌ದ ಸೇಂಟ್ ಸೋಫಿಯಾ ಕ್ಯಾಥೆಡ್ರಲ್‌ದ ಪ್ರಾಚೀನ ನೆಲೊದ ವಿನ್ಯಾಸೊದ ಆಧಾರಡ್ ಮಲ್ಪಾದೆರ್.[1]

ಬಂಗಾರ್ ದ್ವಾರ ಚೌಕ

[ಸಂಪೊಲಿಪುಲೆ]

ಬಂಗಾರ್ ದ್ವಾರೊದ ಸುತ್ತಲುದ ಚೌಕ 19ನೇ ಶತಮಾನೊದ ರಡ್ಡನೇ ಅರ್ಧೊಡ್ ಅಭಿವೃದ್ಧಿ ಆತುಂಡು. 20 ಮಾರ್ಚ್ 1972ಡ್ ಕೀವ್ ಕಾರ್ಯಕಾರಿ ಸಮಿತಿದ ನಿರ್ಣಯ ಸಂಖ್ಯೆ 363ದ ಮುಖಾಂತರ ಈ ಪ್ರದೇಶೊನು ಸಸ್ಯಶಾಸ್ತ್ರೀಯ ನೈಸರ್ಗಿಕ ಸ್ಮಾರಕ ಪಂದ್ ಘೋಷಣೆ ಮಲ್ದೆರ್.[1]

ಉಂದ್ ಬಂಗಾರ್ ದ್ವಾರ ಚೌಕ ಕೀವ್‌ದ ಐತಿಹಾಸಿಕ ಕೇಂದ್ರೊದ ಪ್ರಮುಖ ಸಾರ್ವಜನಿಕ ಜಾಗೊಲೆಡ್ ಒಂಜಿ ಆದುಂಡು.[2]

ಬಂಗಾರ್ ದ್ವಾರ ಮ್ಯೂಸಿಯಂ

[ಸಂಪೊಲಿಪುಲೆ]

ಬಂಗಾರ್ ದ್ವಾರ ಮ್ಯೂಸಿಯಂ ಸೋಫಿಯಾ ಕೀವ್ಸ್ಕಾ ರಾಷ್ಟ್ರೀಯ ಸಂರಕ್ಷಿತ ಪ್ರದೇಶದ ಒಂಜಿ ಶಾಖೆ ಆದುಂಡು. ಮ್ಯೂಸಿಯಂ ಮೂಲ 11ನೇ ಶತಮಾನೊದ ಗೋಡೆದ ಅವಶೇಷೊಲೆನ್ ಒಳಗೊಂಡುದುಂಡು ಬೊಕ್ಕ ಇತ್ತೆ ಪೆವಿಲಿಯನ್ ಉಲಯಿ ಭಾಗೊಡ್ ಸ್ಥಾಪನೆ ಆತುಂಡು.[3]

ಮ್ಯೂಸಿಯಂಡ್ ಪುರಾತನ ಕೀವ್, ಬಂಗಾರ್ ದ್ವಾರೊದ ನಿರ್ಮಾಣ ಬೊಕ್ಕ ಇತಿಹಾಸೊಗು ಸಂಬಂಧಪಟ್ಟಿನ ಪುರಾತತ್ವ ವಸ್ತು ಬೊಕ್ಕ ಗೋಡೆದ ಅವಶೇಷೊಲೆನ್ ಪ್ರದರ್ಶಿಸಾವುಂಡು. ವೀಕ್ಷಣಾ ಜಾಗೊಡ್ದು ಕೀವ್‌ದ ಐತಿಹಾಸಿಕ ಕೇಂದ್ರೊದ ದೃಶ್ಯ ತೋಜುನ ಅವಕಾಶ ಉಂಡು.[3]

ಮಹತ್ವ

[ಸಂಪೊಲಿಪುಲೆ]

ಬಂಗಾರ್ ದ್ವಾರ ಕೀವ್‌ದ ಮಧ್ಯೊಯುಗೊದ ಇತಿಹಾಸೊದ ಒಂಜಿ ಪ್ರಮುಖ ಸಂಕೇತ ಆದುಂಡು. ಕೀವನ್ ರಸ್ ಕಾಲೊಡ್ ಉಂದು ರಾಜಧಾನಿ ಕೀವ್‌ದ ಮುಖ್ಯ ಪ್ರವೇಶ ದ್ವಾರ ಬೊಕ್ಕ ರಾಜಕೀಯ, ಸೈನಿಕ ಬೊಕ್ಕ ಸಾಂಸ್ಕೃತಿಕ ಮಹತ್ವ ಹೊಂದುದುಂಡು.[1]

ಉಂದು ಕೀವ್ ನಗರೊದ ಪ್ರಮುಖ ಪ್ರವಾಸಿ ಬೊಕ್ಕ ಐತಿಹಾಸಿಕ ತಾಣೊಲೆಡ್ ಒಂಜಿ ಆದುಂಡು.[2]

ಉಲ್ಲೇಕೊಲು

[ಸಂಪೊಲಿಪುಲೆ]
  1. 1 2 3 4 5 6 7 8 9 10 11 12 13 14 15 16 17 18 "Golden Gate, Kyiv". Wikipedia. Retrieved 22 August 2026.
  2. 1 2 3 4 "The Golden Gate". Kyiv City Guide. Retrieved 22 August 2026.
  3. 1 2 3 4 "Золоті ворота". National Reserve "Sophia of Kyiv". Retrieved 22 August 2026.

ಬಾಹ್ಯ ಕೊಂಡಿಲುಲು

[ಸಂಪೊಲಿಪುಲೆ]
"https://tcy.wikipedia.org/w/index.php?title=ಕೀವ್_ದ_ಬಂಗಾರ್ದ_ದ್ವಾರ&oldid=366410"ಡ್ದ್ ದೆತ್ತೊಂದುಂಡು