ಕುಟ್ಟಿಚಾತನ್ ಥೆಯ್ಯಂ
 | ಈ ಲೇಖನ ಅತ್ತ್ಂಡ ಲೇಕನದ ವಿಬಾಗೊ ವಿಸ್ತರಣೆ ಅತ್ತ್ಂಡ ಮಹತ್ವೊದ ಬದಲಾವಣೆತ ನಡುಟ್ ಉಂಡು. ಈರ್ಲಾ ಲೇಕನೊದ ಸಂಪಾದನೆತ ಬುಲೆಚಿಲ್ಗ್ ಪಾಲ್ ದೆತೊನೊಲಿ. ಈ ಲೇಕನೊ ಅತ್ತಂಡ ವಿಬಾಗೊನು ಮಸ್ತ್ ದಿನೊ ಸಂಪಾದನೆ ಮಲ್ತಿಜಿಂಡ, ಈ ಟೆಂಪ್ಲೇಟ್ನ್ ದೆಪ್ಪುಲೆ. ಈ article ಕಡೆಯ ಬಾರಿ ಸಂಪಾದಿಸಿದ್ದು ಇವರು Vinoda mamatharai (ಚರ್ಚೆ | ಕೊಡುಗೆಗಳು) 14 days ago. (ಅಪ್ಡೇಟ್) |
'ಕುಟ್ಟಿಚಾತನ್ ಥೆಯ್ಯಂ' ಉಂದೆನ್ ಸಾಸ್ತಪ್ಪನ್ ತೆಯ್ಯಂ ಪಂದ್ಲ ಲೆಪ್ಪುವೆರ್ [೧]ಉಂದು ಭಾರತದ ಕೇರಳ ರಾಜ್ಯದ ಉತ್ತರ ಭಾಗೊಡು ಆಪಿನಂಚಿನ ಥೆಯ್ಯಂ ಆದುಂಡು. ಕುಟ್ಟಿಚಾತನ್ ಥೆಯ್ಯಂಡುಪ್ಪುನ ದೇವತೆ ಕಣ್ಣೂರು ಜಿಲ್ಲೆದ ಪಯ್ಯನೂರುದ ಕಲಕಟ್ಟು ಇಲ್ಲಂನ ಬ್ರಾಹ್ಮಣ ಕುಟುಂಬೊಗು ಸಂಬಂಧ ಪಟ್ಟಿನ ಆಯಿನೆಡ್ಡಾತ್ರ ಉಂದೆನ್, ಈ ಥೆಯ್ಯಂ ನ್ ಕಲಕಟ್ಟು ಕುಟ್ಟಿಚ್ಚಾತನ್ ಪಂದ್ ಲೆಪ್ಪುವೆರ್.[೨]
ಪುರಾಣೊ
[ಸಂಪೊಲಿಪುಲೆ]ಶಿವ ಬೊಕ್ಕ ಪಾರ್ವತಿನ ಮಗೆ.
[ಸಂಪೊಲಿಪುಲೆ]ಶಿವ ಬೊಕ್ಕ ಪಾರ್ವತಿ, ವಲ್ಲುವನ್ ಬೊಕ್ಕ ವಲ್ಲುವತಿ ವೇಷ ಧಾರಿಲಾದಿಪ್ಪುನಗ, ಅಕುಲೆಗ್ ಕರುವಲ್ ಬೊಕ ಕುಟ್ಟಿಚಾತನ್ ಪನ್ಪುನ ಜೋಕುಲು ಇತ್ತೆರ್.[೩] ಅಕುಲೆಡ್ ಕಪ್ಪು ಸರೀರೊ, ಮುಂಡದ ಮಿತ್ತ್ ಪೂ ಬೊಕ್ಕ ಮೂಜಿ ಕಣ್ಣ್ ಇತ್ತ್ದ್ ಪುಟ್ಟಿನ ್ ಕುಟ್ಟಿಚಾತನ್ ಕಲಕಟ್ಟು ಇಲ್ಲಂ ದ್ ಜೋಕುಲು ಇಜ್ಜಾಂದಿನ ನಂಬೂದರಿಗೆ ಕೊರಿಯೆರ್.[೩] ಅಕುಲು ಬಾಲೆನ್ ಗುರುಕುಲ ಕಡಪುಡುವೆರ್ ಅಲ್ಪ ಗುರುಕುಲೆನ ಪಾತೆರೊ ಕೇನಂದಿನ ಕುಟ್ಟಿಚಾತನ್, ಬ್ರಾಹ್ಮಣ ಪದ್ಧತಿಗ್ ವಿರುದ್ಧವಾಯಿನ ಆಚರಣೆಲೆನ್ ಮಲ್ಪೆರೆ ಸುರು ಮಲ್ಪುವೆ.[೩] ಅಂಚನೆ ಗುರುಕುಲೆಡ ಪ್ರಶ್ನೆದ ಮಿತ್ತ್ ಪ್ರಶ್ನೆ ಕೇನುನೆ ಕುಟ್ಟಿಚಾತನ್ನ ಪ್ರಶ್ನೆಗ್ ಉತ್ತರ ಕೊರ್ಪುನನೆ ಕಷ್ಟ ಆಪುಂಡು.[೩] ಗುರುಕುಲು ತಂಕ್ ಬಗ್ಗಂದಿನ ಕುಟ್ಟಿಚಾತನ್ ಜೋರು ಮಲ್ತ್ದ್ ನೋಪುವೆರ್ ಅಂಚಾದ್ ಪಗೆ ತೀರ್ಸಾಯೆರೆ ಕುಟ್ಟಿಚಾತನ್ ಗುರುಕುಲೆನ್ ಕೆರ್ದ್ ಅಲ್ಪಡ್ಡ್ ಪಿದಾಡ್ದ್ ಪೋಪೆ.[೩] ಉಂದೆನ್ ತೆರಿನ ನಂಬೂದಿರಿ ತನ್ನ ಬುಡೆದಿ ಅತೋಲಮ್ಮಡ ಬಡಯಿನ ಮಗಕ್ ವನಸ್ಸ್ ಕೊರೊಡ್ಚಿ ಪನ್ಪೆ.[೪] ಆಯೆ ಬಡದ್ ಪೇರ್ ಕೇನುವೆ ಆಲ್ ಕೊರ್ಪುಜಿ ಪನ್ನಗ ಆ ಆಣ್ ಕೋಪೊಡು ಒಂಜಿ ಎರುನು ಕೆರ್ದ್ ಅವೆತ ನೆತ್ತೆರ್ ಪರ್ಪೆ.[೩] ಉಂದೆನ್ ತೂದು ಕೋಪೊಡು ನಂಬೂದಿರಿ ಕುಟ್ಟಿಚಾತಗ್ ಸೈಪುಲೆಕ್ಕ ನೋಪುವೆ ಆಂಡ ಕುಟ್ಟಿಚಾತನ್ ಮರುಜನ್ಮ ಪಡೆಪೆ.[೩] ನಂಬೂದಿರಿ ಜಾಸ್ತಿ ಸಂಖ್ಯೆಡ್ ಬ್ರಾಣೆರೆನ್ ಲೆತ್ತೊಂದು ಬತ್ತ್ದ್ ಕುಟ್ಟಿಚಾತನ್ನ್ ಕೆರ್ದ್ ಆಯನ ಸರೀರೊನು 390 ತುಂಡುಲಾದ್ ಮಲ್ತ್ದ್ 21 ಹೋಮಕುಂಡೊಲೆಡ್ (ಒಂಜಿ ರೀತಿದ ಪವಿತ್ರ ಕುಂಡ) ಸುಡ್ಪೆರ್.[೩] ಆ ಕುಂಡೊಲೆಡ್ದ್ ಮಸ್ತ್ ಕುಟ್ಟಿಚಾತನಕುಲು ಪುಟ್ಟುವೆರ್ ಬೊಕ್ಕ ಅಕುಲು ನಂಬೂದಿರಿನ ಇಲ್ಲ್ ಬೊಕ್ಕ ಮುಟ್ಟದ ಬ್ರಾಣೆರೆನ ಇಲ್ಲ್ಲೆಗ್ ಸೂ ಕೊರ್ಪೆರ್ .[೩] ಅಕುಲು ಉಪದ್ರ ತಡೆಯೆರಾವಂದೆ ಕುಟ್ಟಿಚಾತನ್ನ್ ಥೆಯ್ಯಂ ದ ರೂಪೊಡು ಪೂಜೆ ಮಲ್ಪೆರೆ ಸುರು ಮಲ್ಪುವೆರ್ . ಉಂದು ಕುಟ್ಟಿಚತನ್ ಥೆಯ್ಯಂನ ಪುರಾಣ.[೩]
ನಂಬೂದಿರಿನ ಮಗೆ
[ಸಂಪೊಲಿಪುಲೆ]ಕುಡೊಂಜಿ ಕಥೆತ ಪ್ರಕಾರ ಕುಟ್ಟಿಚಾತನ್ ನಂಬೂದಿರಿ ಬೊಕ್ಕ ಇಲ್ಲ್ದ ಬೇಲೆದಾಲ್ (ಅಡಿಪುನ ) ತಿರ್ತ ಜಾತಿದ ಪುಲಯ ಪೊಂಜೆನ ಸಂಬಂಧೊಡು ಪುಟ್ಟಿನ ಬಾಲೆ .[೫] ಮರ್ಯಾದಿಗ್ ಅಂಜಿನ ಬಂಜಿನ ಪೊಂಜೊವು ತಾನ್ ಕಲ್ಲ್ದ ಕೋಣೆದುಲಯಿ ಬೀಗ ಪಾಡೊಂದು ಇತ್ತ್ದ್ ಬೊಕ್ಕ ಪೆದ್ದಿ ಬೊಕ್ಕ ಆಣ್ ಬಾಲೆನ್ ಗುಟ್ಟುಡು ಕೋಣೆಡ್ ಬಳಪಾದ್ ಮಲ್ಲೆ ಮಲ್ತಲ್ .[೨] ಆ ಆಣ್ ಅಲ್ಪ ಮಲ್ಲೆ ಆವೊಂದು ಇಲ್ಲ್ಡ್ದ್ ಅರಿ ಬಾರ್ ಕಂಡ್ದ್ ತಿರ್ತ ಜಾತಿದ ಬಡವೆರೆಗ್ ದಾನ ಮಲ್ತೊಂದಿತ್ತೆ ಪನ್ಪಿ ಕಥೆಕುಲುಲ ಉಂಡು.[೨]
ಕುಡೊಂಜಿ ಕಥೆತ ಪ್ರಕಾರ ಕುಟ್ಟಿಚಾತನ್ ನಂಬೂದಿರಿ ಬೊಕ್ಕ ತಿರ್ತ ಜಾತಿದ ಪೊಂಜೆಗ್ ಪುಟ್ಟಿನ ಬಾಲೆ.[೬] ಅಕ್ರಮ ಸಂಬಂಧದ ಮಗೆ ಆದ್ ಪುಟ್ಟಿನ ಕಾರಣ, ಆ ಮಗೆ ಅಮ್ಮೆರೆನ ಪೋಡಿಗೆ ಇಜ್ಜಾಂದೆ.[೬] ಒಟ್ರಾಸಿ ಬಲತಿನೆಡ್ಡಾತ್ರ ಲೂಟಿದ ಕಂಡೆ ಆದಿಪ್ಪುವೆ.[೬] ಒರ, ಬಾಜೆಲ್ಡ್ ನೀರ್ ಕೇನ್ದಾನಗ ಜನೊಕುಲು ನೀರ್ ಕೊರಂದೆ ಅವಮಾನ ಮಲ್ಪುವೆರ್. ಕೋಪ ನೆತ್ತಿಗೇರಿನ ಕುಟ್ಟಿಚಾತನ್ ತನ್ನ ಬಾಜೆಲ್ ಕಮ್ಮಿ ಮಲ್ಪೆರೆ ಎರುನು ಕೆರ್ದ್ ನೆತ್ತೆರ್ ಪರಿಯೆ ಅಲ್ಪಡ್ದ್ ಪಿದಾಡ್ದ್ ವಡಕರ ಕುಟ್ಟೋತ್ ಮುಖಾಂತರ ಲೋಕನಾರ್ಕವು ಬತ್ತ್ದ್ ಸೇರಿಯೆ.[೬]
ಉಲ್ಲೇಕೊ
[ಸಂಪೊಲಿಪುಲೆ]- ↑ "Sasthappan (Kuttichathan) Theyyam". Wandering Ruminations.
- 1 2 3 "ബുദ്ധമതവും കുട്ടിച്ചാത്തൻ തെയ്യവും തമ്മിലുള്ള ബന്ധം! വീഡിയോ കാണാം". Samayam (in ಮಲಯಾಳಂ). The Times of India. Archived from the original on 2022-02-01. Retrieved 2022-02-16.
- 1 2 3 4 5 6 7 8 9 10 "കുട്ടിച്ചാത്തന് തെയ്യം". Janmabhumi (in ಇಂಗ್ಲಿಷ್). Archived from the original on 2022-02-16. Retrieved 2022-02-16.
- ↑ "കുട്ടിച്ചാത്തന് തെയ്യം". Janmabhumi (in ಇಂಗ್ಲಿಷ್). Archived from the original on 2022-02-16. Retrieved 2022-02-16."കുട്ടിച്ചാത്തന് തെയ്യം". Janmabhumi. Archived from the original on 2022-02-16. Retrieved 2022-02-16.
- ↑ "ബുദ്ധമതവും കുട്ടിച്ചാത്തൻ തെയ്യവും തമ്മിലുള്ള ബന്ധം! വീഡിയോ കാണാം". Samayam (in ಮಲಯಾಳಂ). The Times of India. Archived from the original on 2022-02-01. Retrieved 2022-02-16."ബുദ്ധമതവും കുട്ടിച്ചാത്തൻ തെയ്യവും തമ്മിലുള്ള ബന്ധം! വീഡിയോ കാണാം". Samayam (in Malayalam). The Times of India. Archived from the original on 2022-02-01. Retrieved 2022-02-16.
- 1 2 3 4 പ്രദീപ്, എഴുത്ത്: ആമി അശ്വതി / ചിത്രങ്ങള്: എന് എം. "പ്രതിഷ്ഠയ്ക്ക് മാത്രമല്ല പ്രത്യേകത... കല്ലേരിയിലെ കുട്ടിച്ചാത്തന് ക്ഷേത്രത്തിലെ കൗതുക കാഴ്ചകള്". Mathrubhumi (in ಇಂಗ್ಲಿಷ್). Archived from the original on 2021-11-28. Retrieved 2022-02-16.