ವಿಷಯಕ್ಕೆ ಹೋಗು

ಕುನ್ಕು

ಉಂದು ವಿಕಿಪೀಡಿಯಡ್ದ್, ಒಂಜಿ ಸೊತಂತ್ರ ವಿಶ್ವಕೋಶ

ಕುನ್ಕ್ಯು ಅತ್ತ್ಂಡ ಕುನ್ಕ್ಯು ಒಪೆರಾ, ಚೀನೀ ಒಪೆರಾದ ಪಿರಾಕ್ ದ ರೂಪೊಲೆಡ್ ಒಂಜಿ.[1] ಉಂದು ವು ಸಾಂಸ್ಕೃತಿಕ ಪ್ರದೇಶೊದ ಭಾಗವಾದ್ ಕುನ್ಶಾನ್ ಗ್ ಸ್ಥಳೀಯ ಸಂಗೀತ ಶೈಲಿಡ್ದ್ ವಿಕಸನ ಆಂಡ್, ಬೊಕ್ಕ 16ನೆಡ್ದ್ 18ನೆ ಶತಮಾನೊಗು ಚೀನೀ ರಂಗಭೂಮಿನ್ ಆಳ್ವಿಕೆ ಮಲ್ಪೆರೆ ಬತ್ತ್ಂಡ್. ವೀ ಲಿಯಾಂಗ್ಫು ಕುನ್ಕ್ಯುದ ಸಂಗೀತ ಶೈಲಿನ್ ಪರಿಷ್ಕರಿಸಯೆರ್,[2] ಬೊಕ್ಕ ಲಿಯಾಂಗ್ ಚೆನ್ಯು ತನ್ನ ನಾಟಕ ಹುವಾನ್ಶಾ ಜಿ (ವಾಶಿಂಗ್ ಸಿಲ್ಕೆನ್ ಗಾಜ್) ಡ್ ಈ ಶೈಲಿನ್ ಬಳಕೆ ಮಲ್ತಿನಗ ಉಂದು ವ್ಯಾಪಕ ಜನಪ್ರಿಯತೆನ್ ಗಳಸೊಂಡು.[3] ಕುನ್ಕ್ಯು ಒಪೆರಾದ ಪುದರ್ ಪೋಯಿನ ತುಂಡುಲು ಮಿಂಗ್ ರಾಜವಂಶೊದ ದಿ ಪಿಯೋನಿ ಪೆವಿಲಿಯನ್ ನ್ ಒಳಗೊಂಡಿತ್ತುಂಡು.

ಕುನ್ಕ್ಯು ದ ರಾಗ ಅತ್ತ್ಂಡ ರಾಗ ಚೀನೀ ಒಪೆರಾದ ನಾಲ್ ಮಲ್ಲ ಲಕ್ಷಣೊಲೆನ ರಾಗೊಲೆಡ್ ಒಂಜಿ. ಉಂದು ಅಯಿತ ಸೊಬಗುದ ಸಾಹಿತ್ಯ, ಸುಂದರ ಶೈಲಿ ಬೊಕ್ಕ ಸೂಕ್ಷ್ಮ ಪ್ರದರ್ಶನೊಗು ಪುದರ್ ಪೋತುಂಡು. ದಕ್ಷಿಣ ಒಪೆರಾದ ಅಡಿಟ್ ಗುಂಪು ಮಲ್ತಿನ ಒಪೆರಾಲೆಡ್ ಉಂದು ಒಂಜಿ, ಬೊಕ್ಕ ಉಂದು "ನೂದು ಒಪೆರಾಲೆನ ಪೂರ್ವಜೆ" ಪಂಡ್ದ್ ಪುದರ್ ಪಡೆಯಿನವು. ಕುನ್ಕು ಡ್ರಮ್ ಬೊಕ್ಕ ಬೋರ್ಡ್ ನ್ ಬಳಕೆ ಮಲ್ತ್ ದ್ ರಾಗೊಲೆಗ್ ಲಯೊನು ಒದಗಾವುಂಡು, ಫ್ಲೂಟ್, ಸ್ಯಾನ್ಕ್ಸಿಯನ್ ಬೊಕ್ಕೊಂಜಿ ಮುಖ್ಯ ವಾದ್ಯೊಲೆನ್ ಬಳಕೆ ಮಲ್ಪುಂಡು. ಒಪೆರಾನ್ "ಝೊಂಗ್ಝೌ ರೈಮ್" ಡ್ ಪಾಡ್ದೆರ್. ೨೦೦೧ಡ್, ಕುನ್ಕ್ಯುನ್ ಯುನೆಸ್ಕೋ ಮಾನವೀಯತೆದ ಮೌಖಿಕ ಬೊಕ್ಕ ಅಮೂರ್ತ ಪರಂಪರೆದ ಮೇರುಕೃತಿಲೆಡ್ ಒಂಜಿ ಪಂಡ್ದ್ ಘೋಷಣೆ ಮಲ್ತ್ಂಡ್.[4] ಬೊಕ್ಕ ಉಂದು 2008ಡ್ ಮಾನವೀಯತೆದ ಅಮೂರ್ತ ಸಾಂಸ್ಕೃತಿಕ ಪರಂಪರೆದ ಪ್ರತಿನಿಧಿ ಪಟ್ಟಿಡ್ ಕೆತ್ತೆದ್ಂಡ್.[5]

ಇತಿಹಾಸ

[ಸಂಪೊಲಿಪುಲೆ]
ಗು ಜಿಯಾನ್, ಯುವಾನ್ ರಾಜವಂಶೊಡು ಕುನ್ಶಾನ್ ಸಂಗೀತದ ಪ್ರಸಾರಕೆರ್ ಪನ್ಪಿನ ಆರೋಪ ಉಂಡು
ದಿ ಪಿಯೋನಿ ಪೆವಿಲಿಯನ್ ಡ್ದ್ ಒಂಜಿ ದೃಶ್ಯ

ಕುನ್ಕ್ಯು ಪಂಡ ಕುನ್ಶಾನ್ ಟ್ಯೂನ್ ನ್ ಸೂಚಿಸವುಂಡು, ಉಂದು ಸುಝೌ ಡ್ ಕುನ್ಶಾನ್ ಡ್ದ್ ಬತ್ತಿನ ಪಾಡ್ದನೊಲೆನ ಬೊಕ್ಕ ಪ್ರದರ್ಶನೊಲೆನ ಒಂಜಿ ರೆಪರ್ಟರಿ. ಕುನ್ಶಾನ್ ರಾಗೊನು ಸಾಮಾನ್ಯವಾದ್ ಮಿಂಗ್ ರಾಜವಂಶೊದ ಕಾಲೊಡು ವೀ ಲಿಯಾಂಗ್ ಫು ಅಭಿವೃದ್ಧಿ ಮಲ್ತೆರ್ ಪಂದ್ ನಂಬುನವು, ಆರ್ ತೈಕಾಂಗ್ ಬಂದರ್ ಡ್ದ್ ಬತ್ತಿನಕುಲು. ಆಂಡಲಾ, ಇತ್ತೆದ ಒಂಜಿ ಆವಿಷ್ಕಾರೊಡು, ಕುನ್ಶಾನ್ ರಾಗೊನು ಯುವಾನ್ ರಾಜವಂಶೊದ ಕಡೆಟ್ ಗು ಜಿಯಾನ್ ಪರಿಚಯಿಸಯೆರ್ ಪನ್ಪಿನವು ತೋಜುಂಡು, ಕುನ್ಶಾನ್ ಡ್ ಸಂಗೀತಗಾರೆರೆನ ಒಂಜಿ ಗುಂಪುದೊಟ್ಟುಗು ಕುನ್ಕ್ಯುದ ಸುರುತ ರೂಪೊನು ಅಭಿವೃದ್ಧಿ ಮಲ್ತೆರ್.ಆಂಡಲಾ, ವೀ ಹಾಂಗ್ ಝೌ ದ ಸಮೀಪೊಡು ಹೈಯಾನ್ ಬೊಕ್ಕ ಜಿಯಾಂಗ್ ಸಿ ದ ಯಿಯಾಂಗ್ ನ ಪಾಡ್ದನೊಲೆನ್ ಕುನ್ಶಾನ್ ರಾಗೊನು ಬದಲಾವಣೆ ಮಲ್ತೆರ್ ಪನ್ಪಿನ ನಂಬಿಕೆ ಉಂಡು; ಆರ್ ನಾನ್ಕ್ಸಿ ಲಯೊಲೆನ್ ಲಾ ಒಟ್ಟು ಮಲ್ತೆರ್, ಅವು ಮಸ್ತ್ ಸರ್ತಿ ಕೊಳಲುನ್ ಬಳಸುವೆರ್, ಉತ್ತರ ಜಜು ಶೈಲಿದೊಟ್ಟುಗು, ಅಲ್ಪ ಪ್ಲಕ್ಡ್ ಸ್ಟ್ರಿಂಗ್ ವಾದ್ಯೊಲೆನ್ ಆದ್ಯತೆ ಕೊರ್ಪೆರ್. ಫಲಿತಾಂಶದ ಸೊಗಸಾದ ಕುನ್ಶಾನ್ ರಾಗೊಲೆನ್ "ವಾಟರ್ ಮಿಲ್" ರಾಗೊಲು ಪಂಡ್ದ್ ಲೆಪ್ಪುವೆರ್.

ಕುನ್ಕ್ಯು ಒಪೆರಾಲು ಚುವಾನ್ಕಿ-ಶೈಲಿದ ಒಪೆರಾಲು ಆಂಡ ಕುನ್ಶಾನ್ ರಾಗೊನು ಒಟ್ಟು ಸೇರಾದ್ ಉಪ್ಪುಂಡು. ಕುನ್ಶಾನ್ ಮೂಲ ನಿವಾಸಿ ಲಿಯಾಂಗ್ ಚೆನ್ಯು ಬರೆತಿನ ಒಂಜಿ ಒಪೆರಾ, ವಾಷಿಂಗ್ ಸಿಲ್ಕೆನ್ ಗಾಜ್ ನ್ ಸುರುತ ಕುನ್ಕ್ಯು ಒಪೆರಾ ಪಂಡ್ದ್ ವರ್ಣನೆ ಮಲ್ತೆರ್. ವಾಷಿಂಗ್ ಸಿಲ್ಕೆನ್ ಗಾಜ್ ದ ಕತೆ ಸ್ಪ್ರಿಂಗ್ ಅಂಡ್ ಆಟಮ್ ಅನ್ನಲ್ಸ್ ಆಫ್ ವು ಅಂಡ್ ಯುಯೆನ್ ಆಧಾರವಾದ್ ಉಂಡು, ಬೊಕ್ಕ ಒಪೆರಾಡ್ ಸೊಗಸಾದ "ವಾಟರ್ ಮಿಲ್" ರಾಗೊಲೆನ ಬಳಕೆ ವಿದ್ವಾಂಸೆರೆನ ವ್ಯಾಪಕ ಪ್ರಶಂಸೆನ್ ಗಳಸೊಂಡು. ಕುನ್ಕ್ಯು ಒಪೆರಾಲು ಅಪಗ ಚೀನಾಡ್ ಜನಪ್ರಿಯ ಆಯೆರ್, ಬೊಕ್ಕ ಕುನ್ಕ್ಯುನ ಉದಿಪು "ಚೀನೀ ನಾಟಕೊದ ರಡ್ಡನೆ ಸುವರ್ಣ ಯುಗ"ನ್ ಸುರು ಮಲ್ತ್ಂಡ್ ಪನ್ಪೆರ್.

ಮಿಂಗ್ ರಾಜವಂಶೊಡು ಟಾಂಗ್ ಕ್ಸಿಯಾನ್ಜು ಬರೆತಿನ ದಿ ಪಿಯೋನಿ ಪೆವಿಲಿಯನ್ ಪನ್ಪಿನ ಕುಂಕು ಒಪೆರಾ ಅತ್ಯಂತ ಪ್ರಸಿದ್ಧವಾಯಿನವು. ಹಾಂಗ್ ಶೆಂಗ್ ಬರೆತಿನ ದಿ ಪ್ಯಾಲೇಸ್ ಆಫ್ ಎಟರ್ನಲ್ ಲೈಫ್, ಬೊಕ್ಕ ಕ್ವಿಂಗ್ ಕಾಲೊದ ಸುರುತ ಭಾಗೊಡು ಬರೆತಿನ ಕಾಂಗ್ ಶಾಂಗ್ರೆನ್ ಬರೆತಿನ ದಿ ಪೀಚ್ ಬ್ಲಾಸಮ್ ಫ್ಯಾನ್ ಇಂಚಿನ ಬೇತೆ ಪ್ರಮುಖ ಕೃತಿಲು ಉಂಡು.[6] ಒಪೆರಾಲೆನ್ ಪೂರ್ತಿ ಮಲ್ಪೊಡು ಪನ್ಪಿನ ಅಗತ್ಯ ಇಜ್ಜಿ, ಆಂಡ ಝೆಜಿಕ್ಸಿ ಪನ್ಪಿನ ಭಾಗೊಲು ಅತ್ತಂಡ ಮುಖ್ಯ ಅಂಶೊಲೆನ ರೂಪೊಡು ನಡಪೆರೆ ಸಾಧ್ಯ ಉಂಡು, ಉಂದು 1760 ದಶಕೊಡು ಸಾಮಾನ್ಯ ಆಂಡ್ ಬೊಕ್ಕ ಅವುಲು 400 ಡ್ದ್ ಜಾಸ್ತಿ ತುಂಡುಲು ತೆರಿದ್ ಬತ್ತ್ಂಡ್.

ಪೀಕಿಂಗ್ ವಿಶ್ವವಿದ್ಯಾಲಯೊಡು ಕುನ್ಕು ಪ್ರದರ್ಶನ

ಕುನ್ಕ್ಯು ಪ್ರದರ್ಶನ ಚೀನೀ ಸಂಗೀತ ರಂಗಮಂದಿರದ ಬೇತೆ ಶೈಲಿಲೆನ ಪ್ರದರ್ಶನೊನ್ ಪ್ರಭಾವಿತ ಮಲ್ತ್ಂಡ್, ಉಂದೆಟ್ ಪೀಕಿಂಗ್ ಒಪೆರಾಲಾ ಉಂಡು, ಉಂದೆಟ್ ಕುನ್ಕ್ಯು ರೆಪರ್ಟೊರಿದ ಮಸ್ತ್ ಭಾಗ ಉಂಡು. ಕುಂಕುನ್ ಯಾಬು ಪಂಡ್ದ್ ಲೆಪ್ಪುವೆರ್, ಬೊಕ್ಕ ಉಂದು ಹುವಾಬು ಪನ್ಪಿನ ಬೇತೆ ಬೇತೆ ಒಪೆರಾಲೆಡ್ದ್ (ಉದಾ. ಶಾನ್ಸಿ ಒಪೆರಾ, ಕ್ಲಾಪರ್ ಒಪೆರಾ, ಯಿಯಾಂಗ್ ಟ್ಯೂನ್ಸ್, ಪೀಕಿಂಗ್ ಒಪೆರಾ, ಇತ್ಯಾದಿ) ಸ್ಪರ್ಧೆಗ್ ಬತ್ತ್ಂಡ್, ಬೊಕ್ಕ ಫಲಿತಾಂಶವಾದ್, ಕುನ್ಕು ತಂಡೊಲು ೧೯ನೆ ಶತಮಾನೊಡು ವಾಣಿಜ್ಯ ಕುಸಿತೊನು ಅನುಭವಿಸಯೆರ್.

೨೦ನೆ ಶತಮಾನೊದ ಸುರುಟು, ಸಾಂಸ್ಕೃತಿಕ ಗಣ್ಯೆರ್ ಕುಂಕುನ್ ಪುನಃ ಸ್ಥಾಪಿಸೆರೆ ಪ್ರಯತ್ನ ಮಲ್ತೆರ್, ಬೊಕ್ಕ ಅಕಾಡೆಮಿನ್ ೧೯೨೧ಡ್ ಸ್ಥಾಪನೆ ಮಲ್ತೆರ್, ಅಯಿಟ್ ಕಲಾವಿದೆರೆನ್ ತರಬೇತಿ ಕೊರ್ಪೆರ್. ೧೯೧೯ಡ್ ಕುನ್ಕ್ಯುದ ಪುದರ್ ಪೋಯಿನ ಕಲಾವಿದೆರ್ ಆಯಿನ ಮೆಯಿ ಲಾನ್ಫಾಂಗ್ ಬೊಕ್ಕ ಹಾನ್ ಶಿಚಾಂಗ್ ಜಪಾನ್ ಗ್ ಪೋದು ಪ್ರದರ್ಶನ ಕೊರ್ತೆರ್. ೧೯೩೦ಡ್, ಮೆಯಿ ಯುನೈಟೆಡ್ ಸ್ಟೇಟ್ಸ್ ಬೊಕ್ಕ ಸೋವಿಯೆತ್ ಒಕ್ಕೂಟೊಡು ಕುಂಕುನ್ ಮಲ್ತೆರ್ ಬೊಕ್ಕ ಅವೆನ್ ಎಡ್ಡೆ ರೀತಿಡ್ ಸ್ವೀಕಾರ ಮಲ್ತೆರ್.[7] ನನೊಂಜಿ ಸರ್ತಿ ಕಮ್ಯುನಿಸ್ಟ್ ರಾಜ್ಯೊಡ್ದ್ ಸಬ್ಸಿಡಿ ಕೊರ್ತೆರ್, ಆಂಡ ಚೀನೀ ಒಪೆರಾದ ಸಾಂಪ್ರದಾಯಿಕ ರೂಪೊಲೆನಲೆಕನೆ, ಕುನ್ಕ್ಯುನ್ ಸಾಂಸ್ಕೃತಿಕ ಕ್ರಾಂತಿದ ಪೊರ್ತುಡು ನಿಷೇಧ ಮಲ್ತೆರ್. ಕುನ್ಕು 1990 ದಶಕದ ಮಧ್ಯೊಡು ಪುನರುಜ್ಜೀವನ ಆಯೆರೆ ಸುರು ಆಂಡ್, ಬೊಕ್ಕ 2001ಡ್ ಯುನೆಸ್ಕೋಡ್ದ್ ಮಾನವೀಯತೆದ ಮೌಖಿಕ ಬೊಕ್ಕ ಅಸ್ಪಷ್ಟ ಪರಂಪರೆದ ಮೇರುಕೃತಿ ಪಂಡ್ದ್ ಘೋಷಣೆ ಆಂಡ್, ಬೊಕ್ಕ ಸರ್ಕಾರೊದ ಉದಾರ ಬೆಂಬಲೊನು ಪಡೆಯೊಂಡು, ಬೊಕ್ಕ 2004ಡ್ ಜನಪ್ರಿಯತೆಡ್ ಮಲ್ಲ ಏರಿಕೆನ್ ಅನುಭವಿಸೊಂಡು.

ಹು ಸನ್ನಿಯಾಂಗ್ ನ ಒರಿ ಕುನ್ಕು ಕಲಾವಿದನ ಚಿತ್ರಣ

ಇನಿ, ಕುನ್ಕು ಏಳು ಪ್ರಮುಖ ಚೀನಾದ ನಗರೊಲೆಡ್ ವೃತ್ತಿಪರವಾದ್ ಪ್ರದರ್ಶನ ಆಪುಂಡು: ಬೀಜಿಂಗ್ (ಉತ್ತರ ಕುಂಕು ಥಿಯೇಟರ್), ಶಾಂಘೈ (ಶಾಂಘೈ ಕುಂಕು ಥಿಯೇಟರ್), ಸುಝೌ (ಸುಝೌ ಕುನ್ಕು ಥಿಯೇಟರ್), ನಂಜಿಂಗ್ (ಜಿಯಾಂಗ್ಸು ಪ್ರಾಂತ್ಯ ಕುನ್ ಒಪೆರಾ), ಚೆನ್ಝೌ (ಹುನಾನ್ ಕುಂಕು ಥಿಯೇಟರ್), ಯೋಂಗ್ಜಿಯಾ ಕೌಂಟಿ/ವೆನ್ಜಿಹೌ ಥಿಯೇಟರ್ (ಯಾಂಗ್ ಕ್ವಾಂಗ್ ಥಿಯೇಟರ್) ಬೊಕ್ಕ ಹಾಂಜಿ ಹೌನಾಂಗ್ ಪ್ರಾಂತ್ಯ ಕುಂಕು ಥಿಯೇಟರ್), ಅಂಚನೆ ತೈಪೆಡ್. ವೃತ್ತಿಪರ ಅತ್ತ್ ನ ಒಪೆರಾ ಸಮಾಜೊಲು ಚೀನಾ ಬೊಕ್ಕ ವಿದೇಶೊಡು ಬೇತೆ ಮಸ್ತ್ ನಗರೊಲೆಡ್ ಕ್ರಿಯಾಶೀಲವಾದುಂಡು, ಬೊಕ್ಕ ಒಪೆರಾ ಕಂಪೆನಿಲು ಕೆಲವೊಂಜಿ ಸರ್ತಿ ಪ್ರವಾಸ ಮಲ್ಪುವೆರ್. ೨೦೦೬ಡ್, ಝೌ ಬಿಂಗ್ ಕುನ್ಕ್ಯು ಸೆಕ್ಸ್ಸೆಂಟನರಿಗ್ ನಿರ್ಮಾಪಕೆ ಬೊಕ್ಕ ಕಲಾ ನಿರ್ದೇಶಕೆರಾದ್ ನಟನೆ ಮಲ್ತೆರ್. ಉಂದು 24ನೇ ಚೀನಾ ಟಿವಿ ಗೋಲ್ಡನ್ ಈಗಲ್ ಪ್ರಶಸ್ತಿಲೆನ ಅತ್ಯುತ್ತಮ ಸಾಕ್ಷ್ಯಚಿತ್ರ ಪ್ರಶಸ್ತಿನ್ ಗೆಂದಿನವು; ಉಂದು 2006ಡ್ 21ನೇ ಸ್ಟಾರ್ಲೈಟ್ ಪ್ರಶಸ್ತಿದ ಟಿವಿ ಆರ್ಟ್ ಫೀಚರ್ಸ್ ಪ್ರಶಸ್ತಿನ್ ಗೆಂದಿಂಡ್.

ಮಾನ್ಯತೆ

[ಸಂಪೊಲಿಪುಲೆ]

ಕುನ್ಕು ಒಪೆರಾನ್ 2001ಡ್ ಯುನೆಸ್ಕೋ ಮಾನವೀಯತೆದ ಮೌಖಿಕ ಬೊಕ್ಕ ಅಮೂರ್ತ ಪರಂಪರೆದ ಮೇರುಕೃತಿ ಪಂಡ್ದ್ ಪಟ್ಟಿ ಮಲ್ತ್ಂಡ್, ಬೊಕ್ಕ 2008ಡ್ ಮಾನವೀಯತೆದ ಅಮೂರ್ತ ಸಾಂಸ್ಕೃತಿಕ ಪರಂಪರೆದ ಮೇರುಕೃತಿಡ್ ಸೇರ್ಪಾಂಡ್.[8][9] [10] ಡಿಸೆಂಬರ್ ೨೦೧೮ಡ್, ಶಿಕ್ಷಣ ಸಚಿವಾಲಯದ ಸಾಮಾನ್ಯ ಕಚೇರಿ ಚೀನೀ ಸಂಸ್ಕೃತಿದ ಅಮೂರ್ತ ಪರಂಪರೆ ಆದ್ ಕುಂಕುನ್ ಬೆಂಬಲ ಬೊಕ್ಕ ರಕ್ಷಣೆನ್ ಘೋಷಣೆ ಮಲ್ತ್ಂಡ್.[11] ಕುನ್ಕ್ಯು ಒಪೆರಾನ್ 2019 ಚೀನೀ ಒಪೆರಾ ಸಂಸ್ಕೃತಿ ವಾರೊಡು ಅಕ್ಟೋಬರ್ 2, 2019 ಗ್ ಪ್ರದರ್ಶಿಸಯೆರ್.


ಉಲ್ಲೇಕೊಲು

[ಸಂಪೊಲಿಪುಲೆ]
  1. ↑ https://ich.unesco.org/en/RL/kun-qu-opera-00004
  2. ↑ https://www.oxfordreference.com/display/10.1093/acref/9780199574193.001.0001/acref-9780199574193-e-4188
  3. ↑ https://www.oxfordreference.com/display/10.1093/acref/9780198601746.001.0001/acref-9780198601746-e-2299
  4. ↑ https://unesdoc.unesco.org/ark:/48223/pf0000124206
  5. ↑ https://ich.unesco.org/en/RL/kun-qu-opera-00004
  6. ↑ https://en.wikipedia.org/wiki/Fu_Jin
  7. ↑ https://www.britannica.com/art/kunqu
  8. ↑ https://www.mct.gov.cn/whzx/bnsj/fwzwhycs/201901/t20190107_836819.html
  9. ↑ https://unesdoc.unesco.org/ark:/48223/pf0000147344
  10. ↑ http://cpc.people.com.cn/n/2014/0623/c83084-25186406.html
  11. ↑ https://zwgk.mct.gov.cn/zfxxgkml/fwzwhyc/202012/t20201206_916888.html
"https://tcy.wikipedia.org/w/index.php?title=ಕುನ್ಕು&oldid=369270"ಡ್ದ್ ದೆತ್ತೊಂದುಂಡು