ಕುಮುದಿನಿ ಲಖಿಯಾ

Kumudini Lakhia
ಪುಟ್ಟು	(1930-05-17) 17 May 1930 India
ಬೇಲೆ	Founder-Director, Kadamb School of Dance and Music
Known for	Kathak dance and choreography

ಕುಮುದಿನಿ ಲಖಿಯಾ
ಪುಟ್ಟು	(1930-05-17) 17 May 1930 ಭಾರತ
ಬೇಲೆ	ಸಂಸ್ಥಾಪಕ-ನಿರ್ದೇಶಕರು, ಕದಂಬ್ ಸ್ಕೂಲ್ ಆಫ್ ಡ್ಯಾನ್ಸ್ ಅಂಡ್ ಮ್ಯೂಸಿಕ್
Known for	ಕಥಕ್ ನೃತ್ಯ ಮತ್ತು ನೃತ್ಯ ಸಂಯೋಜನೆ

ಕುಮುದಿನಿ ಲಖಿಯಾ (ಪುಟ್ಟು ೧೭ ಮೇ ೧೯೩೦) ಗುಜರಾತ್ ದ ಅಹ್ಮದಾಬಾದ್ ಡ್ ನೆಲೆಯಾತಿನ ಒರ್ತಿ ಭಾರತದ ನರ್ತಕಿ ಬುಕ್ಕೊ ನೃತ್ಯ ನಿರ್ದೇಶಕಿ. ಅಲ್ಪ, ಆರ್ 1967ಡ್ ಭಾರತದ ನಲಿಕೆ ಬುಕ್ಕೊ ಸಂಗೀತದ ಒಂಜಿ ಸಂಸ್ಥೆ ಆಯಿನ ಕದಂಬ್ ಆಫ್ ಡಾನ್ಸ್ ಅಂಡ್ ಮ್ಯೂಸಿಕ್ ನ್ ಸ್ಥಾಪನೆ ಮಲ್ತೆರ್ .

ಆರ್ ಸಮಕಾಲೀನ ಕಥಕ್ ನಲಿಕೆದ ಪ್ರವರ್ತಕಿ, 1960ತ ದಶಕೊಡು ಸುರು ಆಯಿನ ಕಥಕ್ ನ ಏಕವ್ಯಕ್ತಿ ರೂಪೊಡ್ದ್ ದೂರ ಪೋದು, ಒಂಜಿ ಗುಂಪು ದೃಶ್ಯೊಗು ಪರಿವರ್ತನೆ ಮಲ್ತ್ ದ್, ಸಾಂಪ್ರದಾಯಿಕ ಕತೆಕುಲೆನ್ ದೆತ್ತ್ ದ್ ಕಥಕ್ ನಲಿಕೆಗ್ ಸಮಕಾಲೀನ ಕಥಾವಸ್ತುಲೆನ್ ಸೇರಾದ್ ಪೊಸತ್ ಮಲ್ತೆರ್.

ಸುರುತ ಜೀವನ ಬುಕ್ಕೊ ಶಿಕ್ಷಣ

ಲಖಿಯಾ ಏಳ್ ವರ್ಸೊಡ್ದಿಂಚಿ ಬಿಕಾನೇರ್ ಘರಾಣೊದ ಸೋಹನ್ಲಾಲ್ ನ ಒಟ್ಟುಗು ಕಥಕ್ ತರಬೇತಿನ್ ಸುರು ಮಲ್ತೆರ್. ಅಯಿಡ್ದ್ ಬುಕ್ಕೊ, ಬನಾರಸ್ ಘರಾಣದ ಆಶಿಕ್ ಹುಸೇನ್ ಬುಕ್ಕೊ ಜೈಪುರ ಶಾಲೆದ ಸುಂದರ್ ಪ್ರಸಾದ್ ನಕುಲೆಡ ತರಬೇತಿ ಪಡೆಯೆರ್. ಅರೆನ ಅಪ್ಪೆ ಲೀಲಾ, ಸ್ವತಃ ಒರ್ತಿ ಶಾಸ್ತ್ರೀಯ ಗಾಯಕಿ, ಆರ್ನ ಪ್ರೋತ್ಸಾಹೊಡು, ಜೈಲಾಲ್ ನ ಶಿಷ್ಯೆರಾದಿತ್ತಿನ ರಾಧೇಲಾಲ್ ಮಿಶ್ರನ ಮಾರ್ಗದರ್ಶನೊಡು ಅರೆನ್ ದುಂಬುದ ತರಬೇತಿಗ್ ಕಡಪುಡುವೆರ್. ಫಲವಾದ್ ಲಾಹೋರ್ ಡ್ ಶಾಲೆ ಬುಕ್ಕೊ ಅಲಹಾಬಾದ್ ಡ್ ಕಾಲೇಜ್ ಮುಗಿತೆರ್.

ಕೆಲಸ

ರಾಮ್ ಗೋಪಾಲ್ ಪಶ್ಚಿಮ ಪ್ರವಾಸ ಮಲ್ತಿನಗ ನಲಿಕೆನ್ ತನ್ನ ವೃತ್ತಿ ಆದ್ ಆಯ್ಕೆ ಮಲ್ತೆರ್. ಸುರುತ ಸರ್ತಿ ವಿದೇಶಿ ಪ್ರೇಕ್ಷಕೆರೆನ ಎದುರುಡು ಭಾರತೀಯ ನಲಿಕೆ ನಲಿಕೆ ನಡತ್ಂಡ್. ಅಯಿಡ್ದ್ ಬುಕ್ಕೊ ಅಲ್ ಸ್ವತಃ ಒರ್ತಿ ನರ್ತಕಿ ಬುಕ್ಕೊ ನೃತ್ಯ ನಿರ್ದೇಶಕಿ ಆಯೆರ್. ಸುರುಕು ಜೈಪುರ ಘರಾಣೊದ ಬೇತೆ ಬೇತೆ ಗುರುಕುಲೆಡ ಬುಕ್ಕೊ ಶಂಭು ಮಹಾರಾಜೆರ್ಡ ಕಲ್ಪುವೆರ್. ಆರ್ ತನ್ನ ಬಹು-ವ್ಯಕ್ತಿ ನೃತ್ಯ ಸಂಯೋಜನೆಗ್ ವಿಶೇಷವಾದ್ ಪುದರ್ ಪೋಯಿನಾರ್. ಧಬ್ಕರ್ (ಪಲ್ಸ್), ಯುಗಲ್ (ದಿ ಡ್ಯುಯೆಟ್) ಬುಕ್ಕೊ ಅತಾಹ್ ಕಿಮ್ (ಇತ್ತೆ ಎಲ್ಲಿ?) ಪನ್ಪಿನ ಕೆಲವು ಪುದರ್ ಪೋಯಿನ ನೃತ್ಯ ಸಂಯೋಜನೆಲು ಉಂಡು, ಉಂದೆನ್ ಆರ್ 1980ಡ್ ದೆಹಲಿಡ್ ನಡತಿನ ವಾರ್ಷಿಕ ಕಥಕ್ ಮಹೋತ್ಸವೊಡು ಮಲ್ತೆರ್. ಗೋಪಿ ಕೃಷ್ಣನೊಟ್ಟುಗು ಉಮ್ರಾವ್ ಜಾನ್ (೧೯೮೧) ಪನ್ಪಿನ ಹಿಂದಿ ಸಿನಿಮಾದ ನೃತ್ಯ ಸಂಯೋಜಕಿ ಆದಿತ್ತೆರ್.

ಕಥಕ್ ನರ್ತಕಿ ಅದಿತಿ ಮಂಗಲ್ದಾಸ್, ವೈಶಾಲಿ ತ್ರಿವೇದಿ, ಸಂಧ್ಯಾ ದೇಸಾಯಿ, ದಕ್ಷಶೇಠ್, ಮೌಲಿಕ್ ಶಾ, ಇಶಿರಾ ಪರಿಖ್, ಪ್ರಶಾಂತ್ ಶಾ, ಉರ್ಜಾ ಠಾಕೂರ್ ಬುಕ್ಕೊ ಪಾರೂಲ್ ಶಾ ಇಂಚ ಮಸ್ತ್ ಶಿಷ್ಯೆರೆಗ್ ಗುರು ಆದ್ ಉಲ್ಲೆರ್.

ವೈಯಕ್ತಿಕ ಜೀವನ

ಲಿಂಕನ್ಸ್ ಇನ್ ಡ್ ಕಾನೂನು ಕಲ್ಪುನ ರಜನಿಕಾಂತ್ ಲಖಿಯಾನ್ ಮದಿಮೆ ಆಯೆರ್. ರಾಮ್ ಗೋಪಾಲ್ ನ ಕಂಪೆನಿಡ್ ಪಿಟೀಲು ವಾದಕೆ ಆದ್ ೧೯೬೦ಡ್ ಅಹಮದಾಬಾದ್ ಗ್ ಪೋಯೆರ್. ಅಕ್ಲೆಗ್ ಶ್ರೀರಾಜ್ ಪನ್ಪಿ ಮಗೆ ಬುಕ್ಕೊ ಮೈತ್ರೇಯಿ ಪನ್ಪಿ ಪೊಣ್ಣು ಮಗಲ್ ಉಲ್ಲೆರ್.

ಕೊರಿಯೊಗ್ರಫಿ

• "ತುಮರಿಡ್ ಉಪ್ಪುನ ವ್ಯತ್ಯಾಸ" (೧೯೬೯)
• "ವೇಣು ನಾಡ್" (1970)
• "ಭಜನೆ" (೧೯೮೫)
• "ಹೋರಿ" (1970)
• "ಕೊಲಹಾಲ್" (1971)
• "ದೂವಿಧ" (೧೯೭೧)
• "ಧಬ್ಕರ್" (೧೯೭೩)
• "ಯುಗಲ್" (೧೯೭೬)
• "ಉಮ್ರಾವ್ ಜಾನ್" (೧೯೮೧)
• "ಅತಾಹ್ ಕಿಮ್" (೧೯೮೨)
• "ಓಖ ಹರಣ್" (1990)
• "ಹನ್-ನಾರಿ" (೧೯೯೩)
• "ಗೋಲ್ಡನ್ ಚೈನ್ಸ್" (ನೀನಾ ಗುಪ್ತಾ, ಲಂಡನ್ ಗ್)
• "ಸಾಮ್ ಸಂವೇದನ್" (1993)
• "ಸಮನ್ವೆ" (2003)
• "ಭಾವನಾತ್ಮಕ ಕ್ರೀಡೆ" (೧೯೯೯)
• "ಗರಿತ ಬಟ್ಟೆಲು - ಹಗೊರೊಮೊ" (೨೦೦೬)
• "ಮುಷ್ಠಿ" (2005)

ಪ್ರಶಸ್ತಿ ಬುಕ್ಕೊ ಗೌರವೊಲು

• ಭಾರತ ಸರ್ಕಾರರ್ದ್ 1987ಡ್ ಪದ್ಮಶ್ರೀ
• ಪದ್ಮಭೂಷಣ 2010 ಡ್|
• ೧೯೮೨ಡ್ ಸಂಗೀತ ನಾಟಕ ಅಕಾಡೆಮಿಡ್ದ್ ಸಂಗೀತ ನಾಟಕ ಅಕಾಡೆಮಿದ ಪ್ರಶಸ್ತಿ ಪ್ರಶಸ್ತಿ
• 2002-03 ಸಾರ ಕಾಳಿದಾಸ ಸಮ್ಮನ
• ಸಂಗೀತ ನಾಟಕ ಅಕಾಡೆಮಿ 2011 ಡ್ ಸಂಗೀತ ನಾಟಕ ಅಕಾಡೆಮಿಡ್ದ್ ಟಾಗೋರ್ ರತ್ನ
• ಕೇರಳ ಸರ್ಕಾರದ ಗುರು ಗೋಪಿನಾಥ ದೇಶೀಯ ನಾಟ್ಯ ಪುರಸ್ಕಾರಂ (೨೦೨೧)