ಕೆಂಪು
| ಕೆಂಪು | |
|---|---|
     Clockwise, from top left: fresh strawberries; Northern cardinal; Magdalena Frąckowiak wearing a red dress at Paris Fashion Week; Honor guard of Chinese People's Liberation Army holding red flags; Cardinal Théodore-Adrien Sarr, Archbishop of Dakar. | |
| ವರ್ಣಪಟಲೊದ ಸಂಗಟನೆಲು | |
| ತರಂಗಾಂತರೊ | Approx. 625–740[೧] nm |
| ಪುನರಾವರ್ತನೆ | ~480–400 THz |
 Color coordinates | |
| ಹೆಕ್ಸ್ ಟ್ರಿಪ್ಲೆಟ್ | #FF0000 |
| CMYKH (c, m, y, k) | (0, 100, 100, 0) |
| ಮೂಲೊ | X11 |
| H: Normalized to [0–100] (hundred) | |
ಕೆಂಪು ಬಣ್ಣೊ ಪಂಡ ಬೊಲ್ಪುದ ಗೋಚರ ವರ್ಣಪಟಲೊದ ದೀರ್ಗೊ ತರಂಗಾಂತರೊದ ಕೊಡಿಟ್ [[ಕಿತ್ತಳೆ]] ಬುಕ್ಕೊ [[ನೇರಳೆ]] ಬಣ್ಣೊದ ಎದುರು ಇಪ್ಪುನ ಬಣ್ಣೊ. ಇಂದೆಕ್ ಸುಮಾರ್ 625-750 ನ್ಯಾನೋಮೀಟರ್ದ ಪ್ರಬಲ ತರಂಗಾಂತರ ಉಂಡು. ಉಂದು RGB ಬಣ್ಣೊದ ಮಾದರಿಡ್ ಒಂಜನೆ ಬಣ್ಣೊ. ಬುಕ್ಕೊ ಸಿಎಂವೈಕೆ ಬಣ್ಣೊದ ಮಾದರಿಡ್ ರಡ್ಡನದ ಬಣ್ಣೊ ( ಮೆಜೆಂಟಾ ಬುಕ್ಕೊ ಮಂಜಲ್ ಬಣ್ಣೊಡ್ದ್ ಮಲ್ಪುನವು) ಬುಕ್ಕೊ ಉಂದು ಸಯಾನ್ದ ಪೂರಕ ಬಣ್ಣೊ. ಕೆಂಪು ಬಣ್ಣೊಲು ಮಂಜಲ್ ಬಣ್ಣೊದ ಕೆಂಪು ಬುಕ್ಕೊವರ್ಮಿಲಿಯನ್ಡ್ದ್ ನೀಲಿ-ಕೆಂಪು ಬಣ್ಣೊಗು ಮುಟ್ಟ ಇಪ್ಪುಂಡು. ಬುಕ್ಕೊ ಮಂಜಲ್ ಕೆಂಪು ಗುಲಾಬಿ ಬಣ್ಣೊಡ್ದ್ ಕಪ್ಪು ಕೆಂಪು ಬರ್ಗಂಡಿ ಮುಟ್ಟ ಚಿತ್ರೊಡು ಬದಲಾವಣೆ ಇಪ್ಪುಂಡು.[೨]
ಮಣ್ಣ್ಡ್ ಮಲ್ಪುನ ಕೆಂಪು ವರ್ಣೊದ ಸೊತ್ತುಲು ಇತಿಹಾಸಪೂರ್ವ ಕಲೆಟ್ ಬಳಕೆ ಆಯಿನ ಸುರುತ ಬಣ್ಣೊಲೆಡ್ ಒಂಜಿ. ಪ್ರಾಚೀನ ಈಜಿಪ್ಟಿಯನ್ ಬುಕ್ಕೊ ಮಾಯನ್ ಜನಕುಲು ಜಂಬರೊಲೆಡ್ ಅಕ್ಲೆನ ಮೋನೆಗ್ ಕೆಂಪು ಬಣ್ಣೊ ಪಾಡೊಂದಿತ್ತೆರ್. ರೋಮನ್ ಜನಕುಲು ಗೆಂದಿನ ಗಮ್ಮತ್ ಮಲ್ಪಿಯರ ಅಕ್ಲೆನ ಮೈಕ್ ಕೆಂಪು ಬಣ್ಣೊ ಪಾಡೆದೆರ್. ಉಂದು ಚೀನಾದಕ್ಲೆಗ್ ಒಂಜಿ ಅಗತ್ಯೊ ಬಣ್ಣ ಆದಿತ್ತ್ಂಡ್. ಅಲ್ಪ ಇಂದೆನ್ ದುಂಬುದ ಕುಂಬಾರಿಕೆಲೆಗ್ ಬುಕ್ಕೊ ಅರಮನೆಲೆನ ಗೇಟ್, ಗೋಡೆಲೆಗ್ ಬಣ್ಣ ಪಾಡ್ಯರ ಗಳಸೊಂದಿತ್ತೆರ್.[೩] : 60–61 ನವೋದಯ ಕಾಲೊಡು, ಶ್ರೀಮಂತೆರ್ ಕೆಂಪು ಬಣ್ಣೊದ ವೇಷಭೂಷಣೊಲೆನ್ ಕೆರ್ಮೆಸ್ ಬುಕ್ಕೊ ಕೊಚಿನಿಯಲ್ಡ್ ಬಣ್ಣೊ ಪಾಡೆದೆರ್. ೧೯ನೆ ಶತಮಾನೊಡು ಸುರುತ ಕೃತಕ ಕೆಂಪು ಬಣ್ಣೊಲೆನ ಪರಿಚಯ ಬತ್ತ್ಂಡ್. ಉಂದು ಸಾಂಪ್ರದಾಯಿಕ ಬಣ್ಣೊಲೆನ್ ಬದಲಾವಣೆ ಮಲ್ತ್ಂಡ್. ಕೆಂಪು ಬಣ್ಣೊ ಕಮ್ಯುನಿಸಂ ಬುಕ್ಕೊ ಸಮಾಜವಾದೊದ ಸಾಂಕೇತಿಕ ಬಣ್ಣೊ ಆಂಡ್. ಸೋವಿಯೆತ್ ರಷ್ಯಾ 1917ಡ್ ಬೊಲ್ಶೆವಿಕ್ ಕ್ರಾಂತಿಡ್ದ್ ಬುಕ್ಕೊ ಕೆಂಪು ಬಾವುಟೊನು ಅಳವಡಿಸವೊಂಡ್ . ಸೋವಿಯೆತ್ ಒಕ್ಕೂಟೊದ ಇಡೀ ಇತಿಹಾಸೊಡು ಸೋವಿಯೆತ್ ಕೆಂಪು ಬ್ಯಾನರ್ನ್ ನನೊಂಜಿ ಸರ್ತಿ ಬಳಕೆ ಮಲ್ಪುವೆರು. ಚೀನಾದ ಕಮ್ಯುನಿಸ್ಟ್ ಕ್ರಾಂತಿಡ್ದ್ ಬುಕ್ಕೊ ಚೀನಾ ಅಯಿತ ಸ್ವಂತೊ ಕೆಂಪು ಬಾವುಟೊನು ಅಳವಡಿಸಂಡ್. ಒಂಜಿ ಕೆಂಪು ಬಾವುಟನ್ ಉತ್ತರ ವಿಯೆಟ್ನಾಂ 1954ಡ್ ಅಳವಡಿಸಂಡ್. ಬುಕ್ಕೊ 1975ಡ್ ವಿಯೆಟ್ನಾಂ ಪೂರಾ ಅಳವಡಿಸಂಡ್.
ಕೆಂಪು ನೆತ್ತೆರ್ದ ಬಣ್ಣೊ ಆಯಿನೆಡ್ದಾವರ, ಉಂದು ಐತಿಹಾಸಿಕವಾದ್ ತ್ಯಾಗೊ, ಅಪಾಯ ಬುಕ್ಕೊ ದೈರೊಗು ಸಮ್ಮಂದೊ ಪಟ್ಟಿನವು. ಯುರೋಪ್ ಬುಕ್ಕೊ ಅಮೇರಿಕ ಸಂಯುಕ್ತ ಸಂಸ್ತಾನೊಡು ಆದುನಿಕ ಸಮೀಕ್ಷೆಲು ತೋಜಾವುನಂಚಿನ ಕೆಂಪು ಬಣ್ಣೊಲಾ ಸಾಮಾನ್ಯವಾದ್ ಉಸ್ಣೊ, ಚಟುವಟಿಕೆ, ಉತ್ಸಾಹೊ, ಲೈಂಗಿಕತೆ, ಕೋಪೊ, ಪ್ರೀತಿ ಬುಕ್ಕೊ ಸಂತೋಷೊಗು ಸಮ್ಮಂದ ಪಟ್ಟಿನವು. ಚೀನಾ, ಭಾರತ ಬುಕ್ಕ ಬೇತೆ ಏಷ್ಯೊದ ದೇಸೊಲೆಡ್ ಉಂದು ಸುಕು ಬುಕ್ಕೊ ಅದ್ರಿಷ್ಟೊನು ಸಂಕೇತಿಸವುನ ಬಣ್ಣೊ.[೪] : ೧. ೩೯–೬೩
ನಿರೆಲ್ ಬುಕ್ಕೊ ಬದಲಾವಣೆಲು
[ಸಂಪೊಲಿಪುಲೆ]ಕೆಂಪು ಬಣ್ಣೊದ ಬಗೆಕುಲು ವರ್ಣ, (ಸ್ಯಾಚುರೇಶನ್, ತೀವ್ರತೆ, ವರ್ಣರಂಜನೆ ಪಂಡ್ದ್ಲಾ ಲೆಪ್ಪುವೆರ್), ಅತ್ತಂದೆ ಲೈಟ್ನೆಸ್ (ಮೌಲ್ಯ, ಟೋನ್, ಅತ್ತಂದೆ ಹೊಳೆತೊ ) ಈ ರಡ್ಡ್ ಅತ್ತಂದೆ ಮೂಜಿ ಗುಣೊಲೆಡ್ ಬೇತೆ ಬೇತೆ ಆವೊಲಿ. ಮೌಲ್ಯೊಡು ಬದಲಾವಣೆಲೆನ್ ಟಿಂಟ್ಸ್ ಬುಕ್ಕೊ ಶೇಡ್ಸ್ ಪಂಡ್ದ್ಲಾ ಲೆಪ್ಪುವೆರ್. ಒಂಜಿ ಟಿಂಟ್ ಕೆಂಪು ಅತ್ತಂಡ ಬೇತೆ ಬಣ್ಣೊನು ಬೊಳ್ದುದೊಟ್ಟುಗು ಮಿಸ್ರೊ ಮಲ್ಪುಂಡು. ಒಂಜಿ ನಿರೆಲ್ನ್ ಕಪ್ಪು ಬಣ್ಣೊಡು ಮಿಸ್ರೊ ಮಲ್ಪುಂಡು. ನಾಲ್ ಉದಾರ್ಮೆಲೆನ್ ತಿರ್ತ್ ತೂವೊಲಿ.
ವಿಜ್ಞಾನ ಬುಕ್ಕೊ ಪ್ರಕೃತಿ
[ಸಂಪೊಲಿಪುಲೆ]ಕೆಂಪು ತೂಯೆರೆ
[ಸಂಪೊಲಿಪುಲೆ]
ಸುಮಾರ್ 625 ಬುಕ್ಕೊ 740 ನ್ಯಾನೋಮೀಟರ್ ನಡುತ ತರಂಗಾಂತರೊಡು ಬೊಲ್ಪುನು ತೂನಗ ನರಮಾನಿಯನ ಕಣ್ಣ್ ಕೆಂಪು ಬಣ್ಣೊನು ತೂಪುಂಡು. ಉಂದು RGB ಬಣ್ಣದ ಮಾದರಿಡ್ ಒಂಜಿ ಸುರುತ ಬಣ್ಣೊ ಆದುಂಡು. ಬುಕ್ಕೊ ಈ ವ್ಯಾಪ್ತಿಡ್ದ್ ಪಿದಯಿ ಬರ್ಪುನ ಬೊಲ್ಪುನು ಅತಿಕೆಂಪು ಪನ್ಪೆರ್. ಅತ್ತ್ಂಡ ಕೆಂಪು ಬಣ್ಣೊಡ್ದ್ ತಿರ್ತ್. ಬುಕ್ಕೊ ಉಂದು ನರಮಾನಿಯನ ಕಣ್ಣ್ಗ್ ತೋಜುಜಿ, ಆಂಡಲಾ ಉಂದು ಬೆಚ್ಚದ ರೂಪೊಡು ಅನುಭವಿಸವೊಲಿ.[೨] ದೃಗ್ವಿಜ್ಞಾನೊದ ಬಾಸೆಡ್, ಕೆಂಪು ಬಣ್ಣೊ ಪಂಡ ಬೊಳ್ಪುಡ್ದು ಬುಲೆಯಿನ ಬಣ್ಣೊ. ಉಂದು ರೆಟಿನಾದ ಎಸ್ ಅತ್ತಂಡ ಎಂ (ಎಲ್ಯ ಬುಕ್ಕೊ ನಡು ತರಂಗಾಂತರೊ) ಕೋನ್ ಕೋಶೊಲೆನ್ ಉತ್ತೇಜಿಸವುಜಿ. ಉಂದು ಎಲ್ (ದಿಂಜ-ತರಂಗಾಂತರೊ) ಕೋನ್ ಕೋಶೊಲೆನ ಅಡೆಂಗಾವುನ ಉತ್ತೇಜನೊದೊಟ್ಟುಗು ಸೇರ್ದ್ ಇಪ್ಪುಂಡು.[೫]
ಬಣ್ಣ ಸಿದ್ಧಾಂತೊಡು ಬುಕ್ಕೊ ಕಂಪ್ಯೂಟರ್ ಪರದೆಡ್
[ಸಂಪೊಲಿಪುಲೆ]ಸಾಂಪ್ರದಾಯಿಕ ಬಣ್ಣೊ ಸಿದ್ಧಾಂತೊದ ನೆಲೆಟ್ ಇಪ್ಪುನ RYB ಬಣ್ಣೊದ ಮಾದರಿಡ್, ಕೆಂಪು ಮೂಜಿ ಸುರೂತ ಬಣ್ಣೊಲೆಡ್ ಒಂಜಿ. ನೀಲಿ ಬುಕ್ಕು ಮಂಜಲ್ ಬಣ್ಣೊಲೆನೊಟ್ಟುಗು. ಪೊಸ ಕಾಲೊಡು ಚಿತ್ರಕಾರೆರ್ ಕೆಂಪು ಬುಕ್ಕೊ ನೀಲಿ ಬಣ್ಣೊನು ಮಿಸ್ರೊ ಮಲ್ತ್ದ್ ನೇರಳೆ ಬಣ್ಣೊನು ಮಲ್ತೆರ್. ಸೆನ್ನಿನೊ ಸೆನ್ನಿನಿ, 15ನೆ ಶತಮಾನೊದ ಚಿತ್ರಕಲೆತ ಕೈಪಿಡಿಡ್, "ಈರ್ ಒಂಜಿ ಪೊರ್ಲುದ ನೇರಳೆ ಬಣ್ಣೊನು ಮಲ್ಪೊಡಾಂಡ, ಒಂಜಿ ಬೈಂಡರ್ ದ ಒಟ್ಟುಗು ಸೂಕ್ಷ್ಮ ಲ್ಯಾಕ್ ( ಕೆಂಪು ಕೆರೆ ), ಅಲ್ಟ್ರಾಮರೈನ್ ನೀಲಿ ಬಣ್ಣೊನು (ಒಂಜಿ ಲೆಕ್ಕೊನೇ ಒಂಜೇ ಪ್ರಮಾಣೊಡು) ದೆತೊನ್ಲೆ". ನೀಲಿ ಇಂಡಿಗೊ ಬುಕ್ಕೊ ಕೆಂಪು ಹೆಮಟೈಟ್ನ್ ಮಿಸ್ರಣೊ ಮಲ್ತ್ದ್ ಲಾ ಮಲ್ಪೆರೆ ಸಾದ್ಯೊ ಉಂಡು ಪಂಡ್ದ್ ಆರ್ ಗಮನಿಸಯೆರ್.[೨]
೧೭೦೮ಡ್ದ್ ಬತ್ತಿನ ಒಂಜಿ ಸಾಂಪ್ರದಾಯಿಕ ಬಣ್ಣದ ಚಕ್ರೊಡು, ಕೆಂಪು, ಹಳದಿ ಬುಕ್ಕೊ್ಕ ನೀಲಿ ಬಣ್ಣೊಲು ಪ್ರಾಥಮಿಕ ಬಣ್ಣೊಲು. ಕೆಂಪು ಬುಕ್ಕೊ್ಕ ಹಳದಿ ಕಿತ್ತಳೆ ಬಣ್ಣೊನು ಮಲ್ಪುಂಡು; ಕೆಂಪು ಬುಕ್ಕೊ್ಕ ನೀಲಿ ನೇರಳೆ ಬಣ್ಣೊನು ಮಲ್ಪುಂಡು.
ಆಧುನಿಕ ಬಣ್ಣ ಸಿದ್ಧಾಂತೊಡು, ಕೆಂಪು, ಪಚ್ಚೆ ಬುಕ್ಕೊ್ಕ ನೀಲಿ ಬಣ್ಣೊಲು ಸೇರ್ಪಾವುನ ಪ್ರಾಥಮಿಕ ಬಣ್ಣೊಲು, ಬುಕ್ಕೊ್ಕ ಅವು ಒಟ್ಟು ಸೇರ್ದ್ ಬೊಲ್ದು ಬಣ್ಣೊನು ಮಲ್ಪುಂಡು. ಕೆಂಪು, ಪಚ್ಚೆ ಬುಕ್ಕೊ್ಕ ನೀಲಿ ಬೊಲ್ಪುಲೆನ ಸಂಯೋಜನೆ ಬೇತೆ ಬೇತೆ ಪ್ರಮಾಣೊಡು ನಿಕ್ಲೆನ ಕಂಪ್ಯೂಟರ್ ಪರದೆ ಬುಕ್ಕೊ್ಕ ಟೆಲಿವಿಷನ್ ಪರದೆಡ್ ಮಾತಾ ಬಣ್ಣೊಲೆನ್ ಮಲ್ಪುಂಡು.
ಎಲ್ಯ ಕೆಂಪು, ಪಚ್ಚೆ ಬುಕ್ಕೊ್ಕ ನೀಲಿ ಉಪ-ಪಿಕ್ಸೆಲ್ ಲು (ಚಿತ್ರೊದ ಎಡಭಾಗೊಡು ಮಲ್ಲ ಮಲ್ಪುನವು) ನಿಕ್ಲೆನ ಕಂಪ್ಯೂಟರ್ ಪರದೆಡ್ ಬುಕ್ಕೊ್ಕ ಟಿವಿಡ್ ತೂಪಿನ ಬಣ್ಣೊಲೆನ್ ಸೃಷ್ಟಿ ಮಲ್ಪುಂಡು.
ಸೂರ್ಯಾಸ್ತೊದ ಬಣ್ಣೊ
[ಸಂಪೊಲಿಪುಲೆ]
ವರ್ಣ ದ್ರವ್ಯೊಲು ಬುಕ್ಕೊ ಬಣ್ಣೊಲು
[ಸಂಪೊಲಿಪುಲೆ]
ಫ್ರಾನ್ಸ್ ಡ್ ರೌಸಿಲನ್ದ ಸುತ್ತಮುತ್ತ ಕೆಂಪು ಓಕ್ರೆ ಬಂಡೆಲು. ಕೆಂಪು ಓಚರ್ನ್ ಹೆಮಟೈಟ್ಡ್ ಬಣ್ಣೊ ಪಾಡ್ನ ಮಣ್ಣ್ಡ್ದ್ ಮಲ್ಪುವೆರ್. ಓಕ್ರೆ ಪಂಡ ಇತಿಹಾಸಪೂರ್ವ ಗುಹೆ ಚಿತ್ರೊಲೆಡ್ ನರಮಾನಿಲು ಬಳಕೆ ಮಲ್ತ್ನ ಸುರುತ ವರ್ಣದ್ರವ್ಯೊ.
ಸಿನ್ನಬಾರ್ಡ್ದ್ ಮಲ್ಪುನ ಕೆಂಪು ಬಣ್ಣದ ವರ್ಣದ್ರವ್ಯೊ. ಪೊಂಪೆಯಿದ ಗೋಡೆಚಿತ್ರೊಲೆಡ್ ಬುಕ್ಕೊ ಸಾಂಗ್ ರಾಜವಂಸೊಡು ಸುರು ಆಯಿನ ಚೀನೀ ಲ್ಯಾಕರ್ವೇರ್ಲೆಗ್ ಬಣ್ಣ ಪಾಡುನ ವರ್ಣದ್ರವ್ಯೊ ಉಂದು.
ಕೆಂಪು ಸೀಸ, ಮಿನಿಯಂ ಪಂಡ್ದ್ಲಾ ಲೆಪ್ಪುವೆರ್, ಉಂದು ಪ್ರಾಚೀನ ಗ್ರೀಕೆರೆನ ಕಾಲೊಡ್ದ್ ಬಳಕೆ ಆವೊಂದುಂಡು. ರಾಸಾಯನಿಕವಾದ್ ಉಂದೆನ್ ಲೀಡ್ ಟೆಟ್ರಾಕ್ಸೈಡ್ ಪಂಡ್ದ್ ಲೆಪ್ಪುವೆರ್. ರೋಮನ್ಲು ಲೀಡ್ವೈಟ್ ಪಿಗ್ಮೆಂಟ್ನ್ ಪೊದ್ತ್ತ್ದ್ ತಯಾರ್ ಮಲ್ಪುವೆರ್. ನಡು ಯುಗೊಡು ಪ್ರಕಾಶಮಾನ ಹಸ್ತಪ್ರತಿಲೆನ ಶೀರ್ಷಿಕೆ ಬುಕ್ಕೊ್ಕ ಅಲಂಕಾರೊಗು ಉಂದೆನ್ ಸಾಮಾನ್ಯವಾದ್ ಬಳಕೆ ಮಲ್ತೊಂದಿತ್ತೆರ್.
ರೂಬಿಯಾ ಟಿಂಕ್ಟರಮ್ ಅತ್ತ್ಂಡ ಮ್ಯಾಡರ್ ಸಸ್ಯೊದ ಬೇರ್ಲು ಪ್ರಾಚೀನ ಕಾಲೊಡ್ದ್ ೧೯ನೆ ಶತಮಾನೊಗು ಮುಟ್ಟ ಬಳಕೆ ಆಯಿನ ಸಾಮಾನ್ಯ ಕೆಂಪು ಬಣ್ಣೊನು ಉತ್ಪಾದನೆ ಮಲ್ಪುಂಡು.
ಅಲಿಜಾರಿನ್ ಪಂಡ ಸುರುತ ಕೃತಕ ಕೆಂಪು ಬಣ್ಣೊ. ಜರ್ಮನ್ ರಸಾಯನಶಾಸ್ತ್ರಜ್ಞೆರ್ 1868ಡ್ ರಚನೆ ಮಲ್ತೆರ್. ಉಂದು ಮ್ಯಾಡರ್ ಪ್ಲಾಂಟ್ಡ್ ಬಣ್ಣೊನು ನಕಲ್ ಮಲ್ಪುಂಡು. ಆಂಡ ಉಂದು ಅಗ್ಗೊಡು ಬುಕ್ಕೊ ಮಸ್ತ್ ದಿನೊಕ್ಲೆಗ್ ಇಪ್ಪುಂಡು. ಅಯಿನ್ ಪರಿಚಯ ಮಲ್ತ್ನ ಬುಕ್ಕೊ ಮ್ಯಾಡರ್ ಸಸ್ಯೊಡ್ದ್ ನೈಸರ್ಗಿಕ ಬಣ್ಣೊಲೆನ ಉತ್ಪಾದನೆ ವಾಸ್ತವಿಕವಾದ್ ಆತ್ಂಡ್.
ತೆನಸ್ದ ಬಣ್ಣೊ
[ಸಂಪೊಲಿಪುಲೆ]ಇತ್ತೆದ ಕಾಲೊಡು ಸಾಮಾನ್ಯವಾದ್ ಬಳಕೆ ಆಪುನ ಕೃತಕ ತೆನಸ್ ಬಣ್ಣೊ ಅಲ್ಲುರಾ ರೆಡ್ ಎಸಿ. ಒಂಜಿ ಕೆಂಪು ಅಜೋ ಬಣ್ಣೊ. ಇಂದೆಟ್ ಕೆಲವು ಪುದರ್ ಉಂಡು: ಅಲ್ಲುರಾ ರೆಡ್, ಫುಡ್ ರೆಡ್ ೧೭, ಸಿಐ ೧೬೦೩೫, ಎಫ್ಡಿ&ಸಿ ರೆಡ್ ೪೦,[೬][೭] ಉಂದು ಮೂಲತಃ ಕಲ್ಲಿದ್ದಲು ಟಾರ್ಡ್ದ್ ತಯಾರ್ ಮಲ್ಪುನವು, ಆಂಡ ಇತ್ತೆ ಹೆಚ್ಚಾದ್ ಪೆಟ್ರೋಲಿಯಂಡ್ದ್ ಮಲ್ಪುನವು.[೨]
ಪ್ರಕೃತಿಡ್ ಇಪ್ಪುನ ನೆತ್ತೆರ್ ಬುಕ್ಕೊ ಬೇತೆ ಕೆಂಪು ಬಣ್ಣೊಲು
[ಸಂಪೊಲಿಪುಲೆ]ಆಮ್ಲಜನಕೊಡು ಇಪ್ಪುನ ನೆತ್ತೆರ್ ಕೆಂಪು ಬಣ್ಣೊಡು ಇಪ್ಪುಂಡು. ಇಂದೆಟ್ ಆಮ್ಲಜನಕೊಡು ಇಪ್ಪುನ ಹಿಮೋಗ್ಲೋಬಿನ್ ಇಪ್ಪುಂಡು. ಇಂದೆಟ್ ಕರ್ಬೊದ ಅಣುಲು ಇಪ್ಪುಂಡು. ಕರ್ಬೊದ ಅಂಶೊಲು ಕೆಂಪು ಬೊಲ್ಪುನು ಪ್ರತಿಬಿಂಬಿಸವುಂಡು.[೮] ಕೆಂಪು ಮಾಸೊಗು ಸ್ನಾಯುಲೆಡ್ ಬುಕ್ಕೊ ಒರಿನ ನೆತ್ತೆರ್ಡ್ ಇಪ್ಪುನ ಮಯೋಗ್ಲೋಬಿನ್ ಬುಕ್ಕೊ ಹಿಮೋಗ್ಲೋಬಿನ್ಡ್ ಉಪ್ಪುನ ಕರ್ಬೊಡ್ದ್ ಬಣ್ಣೊ ಬರ್ಪುಂಡು.
ಸೇಬು, ಸ್ಟ್ರಾಬೆರಿ, ಚೆರ್ರಿ, ಟೊಮೆಟೊ, ಮುನ್ಚಿ, ಬುಕ್ಕೊ ದಾಳಿಂಬೆ ಸಸ್ಯೊಲು ಕ್ಯಾರೊಟಿನಾಯ್ಡ್ಲೆನ ರೂಪೊಡು ಬಣ್ಣೊಡು ಇಪ್ಪುಂಡು. ಕೆಂಪು ಬಣ್ಣೊಡು ಉಂದು ದ್ಯುತಿಸಂಶ್ಲೇಷಣೆಗ್ ಸಹಾಯ ಮಲ್ಪುಂಡು.[೨]
ಕೆಂಪು ನೆತ್ತೆರ್ ಕಣ ಅಗರ್. ನೆತ್ತೆರ್ ಜೀವಕೋಸೊಲೆಡ್ ಇಪ್ಪುನ ಕರ್ಬೊದ ಅಣುಕುಲೆಡ್ದ್ ನೆತ್ತೆರ್ ಕೆಂಪು ಬಣ್ಣೊಡು ತೋಜುಂಡು.
ಒಂಜಿ ಕೆಂಪು ಸೆಟ್ಟರ್ ಅತ್ತ್ಂಡ ಐರಿಶ್ ಸೆಟ್ಟರ್
ಒಂಜಿ ಜೋಡಿ ಯುರೋಪಿಯನ್ ಕೆಂಪು ಕುದಿಕೆರ್
ಯುರೋಪಿಯನ್ ರಾಬಿನ್ ಅತ್ತ್ಂಡ ರಾಬಿನ್ ರೆಡ್ಬ್ರೆಸ್ಟ್
_-British_Wildlife_Centre-8.jpg)
ತರೆಕಜೊದ ಬಣ್ಣೊ
[ಸಂಪೊಲಿಪುಲೆ]
ಕೆಂಪು ತರೆಕಜೊ ಸುಮಾರ್ 1-2% ನರಮಾನ್ಯೆರೆ ಜನಸಂಕ್ಯೆಡ್ ಸ್ವಾಬಾವಿಕವಾದ್ ತೋಜುಂಡು.[೨] ಉಂದು ಬಡೆಕ್ಕಾಯ ಅತ್ತಂದೆ ಪಡ್ಡೋಯಿ ಯುರೋಪಿಯನ್ ವಂಶೊದ ಜನಕುಲೆಡ್ ಜಾಸ್ತಿ ಸರ್ತಿ (2–6%) ತೋಜುಂಡು. ಬುಕ್ಕೊ ಬೇತೆ ಜನಸಂಕ್ಯೆಡ್ ಕಮ್ಮಿ ಸರ್ತಿ ತೋಜುಂಡು. ವರ್ಣತಂತು ೧೬ಡ್ ರಿಸೆಸಿವ್ ಜೀನ್ದ ರಡ್ಡ್ ಪ್ರತಿಲು ಇಪ್ಪುನ ಜನಕುಲೆಡ್ ಕೆಂಪು ತರೆಕಜೊ ತೋಜುಂಡು. ಉಂದು ಎಂಸಿ೧ಆರ್ ಪ್ರೋಟೀನ್ಡ್ ರೂಪಾಂತರೊಗು ಕಾರಣ ಆಪುಂಡು.[೯]
ಇತಿಹಾಸ ಬುಕ್ಕೊ ಕಲೆ
[ಸಂಪೊಲಿಪುಲೆ]ಪಿರಾಕ್ದ ಕಾಲೊಡು ಬುಕ್ಕೊ ಪಿರಾಕ್ದ ಲೋಕೊಡು
[ಸಂಪೊಲಿಪುಲೆ]
ಸ್ಪೇನ್ದ ಅಲ್ಟಾಮಿರಾ ಗುಹೆಡ್ ಕೆಂಪು ಓಕ್ರೆಡ್ ಬೈಸನ್, ಅಪ್ಪರ್ ಪಾಲಿಯೊಲಿಥಿಕ್ ಯುಗೊಡ್ದ್ (36,000 BC)
ಫ್ರಾನ್ಸ್ದ ಪೆಚ್ಮೆರ್ಲೆ ಗುಹೆಡ್ ಕೆಂಪು ಓಕ್ರೆಡ್ ಮಲ್ತಿನ ಒಂಜಿ ಮಾನವ ಕೈತ ಚಿತ್ರ ( ಗ್ರಾವೆಟಿಯನ್ ಯುಗ, ಕ್ರಿ.ಪೂ. ೨೫,೦೦೦)
ಲಿಲಿಲೆನ ರಾಜಕುಮಾರ, ಕ್ರೀಟ್ ಡ್ ಕ್ನೋಸೊಸ್ಡ್ ಮಿನೋಸ್ನ ಕಂಚಿನ ಯುಗದ ಅರಮನೆಡ್ದ್
ಒಂಜಿ ಬಣ್ಣೊದ ಅಂಗಡಿನ್ ತೋಜಾವುನ ರೋಮನ್ ಗೋಡೆದ ಚಿತ್ರಕಲೆ, ಪೊಂಪೀ (ಕ್ರಿ.ಪೂ. ೪೦)
ದಕ್ಷಿಣ ಆಫ್ರಿಕಾದ ಕರಾವಳಿಡ್ ತೋಜಿದ್ ಬತ್ತ್ನ ಒಂಜಿ ಪುರಾತತ್ತ್ವ ಶಾಸ್ತ್ರೊದ ತಾಣವಾದ್ ಪಿನ್ನಕಲ್ ಪಾಯಿಂಟ್ಡ್ ಗುಹೆ 13ಬಿ ದ ಉಲಾಯಿ, 2000ಡ್ ಪಾಲಿಯೊ ಆಂಥ್ರೊಪೊಲಾಜಿಸ್ಟ್ಲು 170,000 ಬುಕ್ಕೊ 40,000 ವರ್ಸೊಲೆ ದುಂಬು, ಲೇಟ್ ಸ್ಟೋನ್ ಏಜ್ ಜನಕುಲು ಕರ್ಬೊದ ಆಕ್ಸೈಡ್ಡ್ದ್ ಕೆಂಪು ಬಣ್ಣೊಡು ಬತ್ತ್ನ ಮಣ್ಣ್ನ್ ಕಡ್ತ್ದ್ ಕಡೆದ್ ಮಲ್ತೊಂದಿತ್ತೆರ್ ಪನ್ಪುನ ಸಾಕ್ಷ್ಯೊನು ನಾಡ್ದ್ ಕೊಂಡತ್ತ್ನ ದೇಹೊಲು.[೧೦]
ಉಲ್ಲೇಕೊ
[ಸಂಪೊಲಿಪುಲೆ]ಟಿಪ್ಪಣಿಲು ಬುಕ್ಕೊ ಉಲ್ಲೇಕೊ
[ಸಂಪೊಲಿಪುಲೆ]- ↑ Georgia State University Department of Physics and Astronomy. "Spectral Colors". HyperPhysics site. Archived from the original on October 27, 2017. Retrieved October 20, 2017.
- 1 2 3 4 5 6 Maerz, A; Paul, M. R. (1930). A dictionary of color (in ಇಂಗ್ಲಿಷ್). New York: McGraw-Hill Book Co. OCLC 1150631.
- ↑ Chunling, Y. (2008). Chinese red. Beijing: Foreign Languages Press. ISBN 9787119045313. OCLC 319395390.
- ↑ Heller, Eva (1948). Psychologie de la couleur: effets et symboliques. Paris: Pyramid. ISBN 9782350171562. OCLC 470802996.
{{cite book}}: ISBN / Date incompatibility (help) - ↑ Kalat, J. W. (2005). Introduction to psychology (7th ed.). Belmont, CA: Thomson/Wadsworth. pp. 105. ISBN 978-0-534-62460-6. OCLC 56799330.
- ↑ "From Shampoo to Cereal: Seeing to the Safety of Color Additives". Archived from the original on January 15, 2008. Retrieved 2008-06-04.
- ↑ "Food Color Facts". January 1993. Archived from the original on October 1, 2007. Retrieved 2006-08-18.
- ↑ "Why is blood red?". University of California, Santa Barbara. Archived from the original on 20 September 2015. Retrieved 3 October 2015.
- ↑ Starr, D. Barry (26 August 2004). "Neither my husband nor I have redheads in our family. How did our child get red hair?". The Tech Interactive. Ask a Geneticist. Retrieved 4 August 2024.
When someone has both of their MC1R genes mutated, this conversion doesn't happen anymore and you get a buildup of pheomelanin, which results in red hair
- ↑ Marean, C. W.; Bar-Matthews, M; Bernatchez, J.; et al. (2007). "Early Human use of marine resources and pigment in South Africa during the Middle Pleistocene" (PDF). Nature. 449 (7164): 905–08. Bibcode:2007Natur.449..905M. doi:10.1038/nature06204. PMID 17943129. Archived from the original (PDF) on 2023-05-25. Retrieved 2023-01-20.
ಗ್ರಂಥಸೂಚಿ
[ಸಂಪೊಲಿಪುಲೆ]- Broecke, Lara (2015). Cennino Cennini's Il Libro dell'Arte: a New English Translation and Commentary with italian Transcription. Archetype. ISBN 978-1-909492-28-8.
- Barber, E. j. w. (1991). Prehistoric Textiles. Princeton University Press. ISBN 978-0-691-00224-8.
- Greenfield, Amy Butler (2005). A Perfect Red. Editions Autrement (French translation). ISBN 978-2-7467-1094-8.
- Ball, Philip (2001). Bright Earth, Art and the Invention of Colour. Hazan (French translation). ISBN 978-2-7541-0503-3.
- Heller, Eva (2009). Psychologie de la couleur – Effets et symboliques. Pyramyd (French translation). ISBN 978-2-35017-156-2.
- Chunling, Yan (2008). China Red. Beijing: Foreign Languages Press. ISBN 978-7-119-04531-3.
- Pastoureau, Michel (2019). Rouge – Histoire d'une couleur. Éditions du Seuil. ISBN 978-2-7578-7820-0.
- Pastoureau, Michel (2005). Le petit livre des couleurs. Editions du Panama. ISBN 978-2-7578-0310-3.
- Pike, A. W. G.; Hoffmann, D. L.; Garcia-Diez, M.; Pettitt, P. B.; Alcolea, J.; De Balbin, R.; Gonzalez-Sainz, C.; de las Heras, C.; Lasheras, J. A.; Montes, R.; Zilhao, J. (14 June 2012). "U-Series Dating of Paleolithic Art in 11 Caves in Spain". Science. 336 (6087): 1409–1413. Bibcode:2012Sci...336.1409P. doi:10.1126/science.1219957. PMID 22700921.
- Gage, John (1993). Colour and Culture: Practice and Meaning from Antiquity to Abstraction. Thames and Hudson (Page numbers cited from French translation). ISBN 978-2-87811-295-5.
- Varichon, Anne (2000). Couleurs – pigments et teintures dans les mains des peuples. Seuil. ISBN 978-2-02-084697-4.
- Davies, Kevin M. (2004). Plant pigments and their manipulation. Wiley-Blackwell. p. 6. ISBN 978-1-4051-1737-1.
- Hendrickson, Robert (1999). Encyclopedia of Word and Phrase Origins. Facts on File. p. 6. ISBN 978-0-8160-3266-2.
- Jenkins, David, ed. (2003). The Cambridge History of Western Textiles. Cambridge University Press. ISBN 978-0-521-34107-3.
- Thompson, Daniel (1956). The Materials and Techniques of Medieval Painting. Dover Publications. ISBN 978-0-486-20327-0.
{{cite book}}: ISBN / Date incompatibility (help)
- Bomford, David (2000). A Closer Look – Colour. National Gallery Company, London. ISBN 978-1-85709-442-8.