ಕೆ. ಆರ್. ಗೌರಿ

ಕೆ.ಆರ್ ಗೌರಿ ಅಮ್ಮ

ಕಲಾತಿಲ್ಪರಂಬಿಲ್ ರಾಮನ್ ಗೌರಿ (14 ಜುಲೈ 1919 - 11 ಮೇ 2021) ಸಾಮಾನ್ಯವಾದ್ ಗೌರಿ ಅಮ್ಮ ಪಂಡ್ದ್ ಲೆಪ್ಪುವೆರ್. ಮಧ್ಯ ಕೇರಳೊದ ಅಲಪ್ಪುಳಡ್ದ್ನಿವುವು ಬತ್ತಿನ ಒರಿ ಭಾರತೀಯ ರಾಜಕಾರಣಿ. ಭಾರತೊಡು ಎಡಪಂಥೀಯ ಚಳುವಳಿದ ಪ್ರಮುಖ ಮುಖಂಡೆರೆಡ್ ಒರಿಯೆರ್.ಚೆರ್ತಾಳದ ಕೈತಲ್ ಪುಟ್ಟಿನ ಕೆ.ಆರ್.ಗೌರಿ ಮಹಾರಾಜರ ಕಾಲೇಜು ಬೊಕ್ಕ ಸರಕಾರಿ ಕಾನೂನು ಕಾಲೇಜಿಡ್ ಕಲ್ತೆರ್. ಟ್ರಾವಂಕೂರ್ ಸರ್ಕಾರೊಡ್ದ್ ಮ್ಯಾಜಿಸ್ಟ್ರೇಟ್ ಆದ್ ನೇಮಕ ಆಯೆರೆ ಕೊರ್ನ ಪ್ರಸ್ತಾವೊನು ತಿರುವನಂತಪುರದ ನಿರಾಕರಣೆ ಮಲ್ತ್ ದ್, 1948ಡ್ ಕಮ್ಯುನಿಸ್ಟ್ ಪಕ್ಷೊಗು ಸೇರ್ದೆರ್. 1952 ಬೊಕ್ಕ 1954ಡ್ ಟ್ರಾವಂಕೋರ್-ಕೊಚ್ಚಿನ್ ಶಾಸಕಾಂಗ ಸಭೆಗ್ ಆಯ್ಕೆ ಆಯೆರ್. 1957, 1977ಡ್ ಭೂ ಕಂದಾಯ ಅತ್ತಂಡ ಸಾಮಾಜಿಕ ಕಲ್ಯಾಣ ಸಚಿವೆರಾದ್ ಸೇವೆ ಸಲ್ಲಿಸಯೆರ್, 1977 (ನಂಬೊಡಿರಿ) ೧೯೮೦ ಬೊಕ್ಕ ೧೯೮೭ (ನಯನಾರ್) ಕೇರಳ ಸಚಿವಾಲಯೊಲು. ಸುರುತ ಕೇರಳ ಸಚಿವಾಲಯೊಡು ಕಂದಾಯ ಸಚಿವೆರಾದ್, ಆರ್ ಕೇರಳ ಕೃಷಿ ಸಂಬಂಧೊಲೆನ ಮಸೂದೆನ್ ಪ್ರಸಿದ್ಧವಾದ್ ಸುರು ಮಲ್ತೆರ್. ಕೆ.ಆರ್.ಗೌರಿನ್ ೧೯೯೪ಡ್ ಕಮ್ಯುನಿಸ್ಟ್ ಪಾರ್ಟಿ ಆಫ್ ಇಂಡಿಯಾ ಮಾರ್ಕ್ಸಿಸ್ಟ್ ಡ್ದ್ ಪಿದಯಿ ಪಾಡ್ಯೆರ್, ಬೊಕ್ಕ ೨೦೦೧ಡ್ದ್ ೨೦೦೬ ಮುಟ್ಟ ಕಾಂಗ್ರೆಸ್ ನೇತೃತ್ವದ ಕೇರಳ ಸಚಿವ ಸಂಪುಟೊಡು ಸಚಿವೆರಾದ್ ಕೆಲಸ ಮಲ್ತೆರ್.

ಬಾಲ್ಯ,ಮದಿಮೆ

ಕೆ.ಆರ್.ಗೌರಿ 1919 ಜುಲೈ 14 ತಾರೀಕ್ ದಾನಿ ಕೆ.ಎ.ರಾಮನ್ ಬೊಕ್ಕ ಪಾರ್ವತಿ ಅಮ್ಮೆರೆನ ಇಲ್ಲಡ್ ಅಲಪ್ಪುಳ, ಟ್ರಾವಂಕೂರುಡು ಪುಟ್ಟಿಯೆರ್. ಮೇರ್ ಎರ್ನಾಕುಲಂ ಮಹಾರಾಜ ಕಾಲೇಜಿಡ್ ಬೊಕ್ಕ ಎರ್ನಾಕುಲಂ ಸೈಂಟ್ ತೆರೇಸಾ ಕಾಲೇಜಿಡ್ (ಇತಿಹಾಸೊಡು ಪದವಿ ಪಡೆಯೆರ್).ತಿರುವನಂತಪುರದ ಸರ್ಕಾರಿ ಕಾನೂನು ಕಾಲೇಜಿಡ್ದ್ ಕಾನೂನು ಪದವಿ (ಬಿ. ಎಲ್.) ಪಡೆಯೆರ್ ಬೊಕ್ಕ ಶೆರ್ಥಲೈಡ್ ವಕೀಲೆರಾದ್ ಸೇರ್ದೆರ್. ಗೌರಿ ಈಳವ ಸಮುದಾಯೊಡ್ದ್ ಕಾನೂನು ಶಾಸ್ತ್ರೊಡು ಪದವಿ ಪಡೆಯಿನ ಸುರುತ ಪೊಣ್ಣು. ಟ್ರಾವಂಕೂರುದ ಪ್ರಧಾನಿ ಸಿ.ಪಿ. ರಾಮಸ್ವಾಮಿ ಐಯರ್ ನ ಸರ್ಕಾರಿ ಮ್ಯಾಜಿಸ್ಟ್ರೇಟ್ ಆದ್ ನೇಮಕ ಆಯೆರೆ ಒಂಜಿ ಪ್ರಸ್ತಾಪೊನು ಆರ್ ಪ್ರಸಿದ್ಧವಾದ್ ನಿರಾಕರಣೆ ಮಲ್ತೆರ್.ಆರ್ 1957ಡ್ ಅರೆನ ಸಹೋದ್ಯೋಗಿ ಟಿ. ವಿ. ಥಾಮಸ್ ನ್ ಮದಿಮೆ ಆಯೆರ್, ಆ ಕಾಲೊಡು ಒರಿ ಬದುಕುದು ಉಪ್ಪುನ ಕಾನೂನುಬದ್ಧವಾದ್ ಮದಿಮೆ ಆಯಿನ ಪತ್ನಿ ಬೊಕ್ಕ ಮಗೆ ಇತ್ತೆರ್.

ರಾಜಕೀಯದೊಟ್ಟುಗು ಆರೆನ ಜೀವನ ಯಾನ

ಕೆ.ಆರ್.ಗೌರಿ ತನ್ನ ಸಾರ್ವಜನಿಕ ಜೀವನೊನು ಕ್ವಿಟ್ ಇಂಡಿಯಾ ಚಳುವಳಿಡ್ ಸುರು ಮಲ್ತೆರ್ ಬೊಕ್ಕ ನನೊಂಜಿ ಸರ್ತಿ ಟ್ರಾವಂಕೂರ್ ನ್ ಭಾರತ ರಾಜ್ಯೊದೊಟ್ಟುಗು ವಿಲೀನ ಮಲ್ಪುನ ಆಂದೋಲನೊಗು ಸೇರ್ದೆರ್.ಆರ್ ೧೯೪೮ಡ್ ಕಮ್ಯುನಿಸ್ಟ್ ಪಕ್ಷೊಗು ಸೇರ್ದೆರ್ (ಈ ಅವಧಿಡ್, ಆರ್ ಅಲಪ್ಪುಝಾಡ್ ಹುರಿಹಗ್ಗ ಕಾರ್ಮಿಕೆರೆನ ನಡುಟು ಪಕ್ಷೊಗು ಬೇಲೆ ಮಲ್ಪೆರೆ ಸುರು ಮಲ್ತೆರ್). ಆರ್ ಟ್ರಾವಂಕೋರ್ ಕ್ಷೇತ್ರೊಡ್ದ್ ಶೆರ್ಟ್ ೧೯೪೮ಡ್ ಕಚೇರಿಗ್ ಯಶಸ್ವಿಯಾದ್ ಸ್ಪರ್ಧೆ ಮಲ್ತೆರ್. ಚುನಾವಣೆಲು ಅಯಿಡ್ದ್ ಬೊಕ್ಕ, ಆರ್ ಜೈಲು ಶಿಕ್ಷೆಗ್ ಒಳಗಾಯೆರ್. ಬೊಕ್ಕ ತೀವ್ರ ಪೊಲೀಸ್ ಚಿತ್ರಹಿಂಸೆನ್ ಸಹಿಸಯೆರ್.ಆರ್ ೧೯೫೨ ಬೊಕ್ಕ ೧೯೫೪ಡ್ ಜೈಲ್ಡ್ ಇತ್ತಿನ ಸಮಯೊಡೇ ಟ್ರಾವಂಕೂರು-ಕೊಚ್ಚಿನ್ ವಿಧಾನಸಭೆಗ್ ಆಯ್ಕೆ ಆಯೆರ್.

ಕೇರಳದ ರಾಜಕೀಯೊಡು

ಕೇರಳ ರಾಜ್ಯೊನು ೧ ನವೆಂಬರ್ ೧೯೫೬ಡ್ ರಚನೆ ಮಲ್ತೆರ್ (ರಾಜ್ಯೊಲೆನ ಪುನರ್ಸಂಘಟನೆ ಕಾಯ್ದೆ). ೧೯೫೭ಡ್ ಭಾರತದ ಕಮ್ಯುನಿಸ್ಟ್ ಪಕ್ಷ ಸುರುತ ಕೇರಳ ವಿಧಾನಸಭೆ ಚುನಾವಣೆಡ್ ಭಾರತೀಯ ರಾಷ್ಟ್ರೀಯ ಕಾಂಗ್ರೆಸ್ ನ್ ಸೋತುದು, ಇ.ಎಂ.ಎಸ್ ನಂಬೂದಿರಿಪಾಡ್ ನ ಅಧೀನೊಡು ಸ್ವತಂತ್ರ ಭಾರತೊಡು ಸುರುತ ಕಾಂಗ್ರೆಸ್ ಅತ್ತಂದಿನ ಸರ್ಕಾರೊನು ರಚನೆ ಮಲ್ತೆರ್. ಶೆರ್ಥಲೈಡ್ದ್ ಸದಸ್ಯೆ ಆಯಿನ ಕೆ.ಆರ್.ಗೌರಿನ್ ಕಂದಾಯ ಸಚಿವೆರಾದ್ ಆಯ್ಕೆ ಮಲ್ತೆರ್.

ಕೇರಳ ಕೃಷಿ ಸಂಬಂಧ ಮಸೂದೆ

ಸುರುತ ಕೇರಳ ಸಚಿವಾಲಯೊಡು ಕಂದಾಯ ಸಚಿವೆರಾದ್, ಕೆ.ಆರ್.ಗೌರಿ ಡಿಸೆಂಬರ್, ೧೯೫೭ಡ್ ಕೇರಳ ಕೃಷಿ ಸಂಬಂಧ ಮಸೂದೆನ್ ಸುರು ಮಲ್ತೆರ್. ಪರಿಚಯಿಸಾಯಿನ ಶಾಸನೊದ ರಡ್ಡ್ ಪ್ರಮುಖ ಉದ್ದೇಶೊಲು ಬಾಡಿಗೆದ ರದ್ದು ಮಲ್ಪುನವು ಬೊಕ್ಕ ಭೂರಹಿತ ಕೃಷಿ ಕಾರ್ಮಿಕೆರ್ ಅತ್ತಂದೆ ಗುಡಿಸಲು ನಿವಾಸಿಲೆಗ್ ಭದ್ರತೆ. ಒಂಜಿ ಕುಟುಂಬೊಗು ಒಟ್ಟುಗು ಉಪ್ಪುನ ಜಮಿನ್, ನ್ಯಾಯಯುತ ಬಾಡಿಗೆನ್ ನಿರ್ಧರಿಸವುನ ಕಾರ್ಯವಿಧಾನೊಲೆನ್ ಸ್ಥಾಪಿಸಯೆರ್, ಕೇರಳ ರಚನೆ ಆಯಿ ಬೊಕ್ಕ ಏರೆಗ್ಲಾ ಪಿದಯಿ ಕನಪುನವುಲೆನ್ ಅಕ್ರಮ ಮಲ್ತೆರ್ ಬೊಕ್ಕ ಪ್ರತಿಯೊಂಜಿ ತಾಲೂಕುಡ್ ಜಮಿನ್ ನ್ಯಾಯಮಂಡಳಿಲೆನ್ ಸ್ಥಾಪನೆ ಮಲ್ತೆರ್. ಕೇರಳ ವಿಧಾನಸಭೆ ಜೂನ್ ೧೦, ೧೯೫೯ಡ್ ಈ ಮಸೂದೆನ್ ಪಾಸ್ ಮಲ್ತ್ಂಡ್. ರಾಷ್ಟ್ರಪತಿ ಈ ಮಸೂದೆನ್ ಒಪ್ಪಿಗೆ ಮಲ್ಪೆರೆ ನಿರಾಕರಣೆ ಮಲ್ತೆರ್ ಬೊಕ್ಕ ಶಿಫಾರಸುಲೆನೊಟ್ಟುಗು ಪಿರ ಕಡಪುಡುವೆರ್. ಪೊಸ ಕಾಂಗ್ರೆಸ್ ನೇತೃತ್ವದ ಮೈತ್ರಿ ಸರ್ಕಾರ 1960ಡ್ ಕೃಷಿ ಸಂಬಂಧ ಕಾಯ್ದೆ ಪಂಡ್ದ್ ತಿದ್ದುಪಡಿ ಮಲ್ತಿನ ಮಸೂದೆನ್ ಪಾಸ್ ಮಲ್ತ್ಂಡ್ (1963ಡ್ ಕೇರಳದ ಹೈಕೋರ್ಟ್ ಅಸಂವಿಧಾನಿಕ ಪಂಡ್ದ್ ಘೋಷಣೆ ಮಲ್ತ್ಂಡ್).

ಪಕ್ಷೊಡು ವಿಭಜನೆ

೧೯೬೪ಡ್, ಸೋವಿಯೆತ್ ಬೊಕ್ಕ ಚೀನೀ ಕಮ್ಯುನಿಸ್ಟ್ ಲೆನ ನಡುಟು ಒಂಜಿ ವಿಭಜನೆದ ಬಗ್ಗೆ ಬೊಕ್ಕ ೧೯೬೨ದ ಭಾರತ-ಚೀನಾ ಯುದ್ಧೊಗು ಪ್ರತಿಕ್ರಿಯೆದ ಬಗ್ಗೆ ಸೈದ್ಧಾಂತಿಕ ಭಿನ್ನಾಭಿಪ್ರಾಯೊಲು ಪಕ್ಷದ ಸದಸ್ಯೆರೆನ ಒಂಜಿ ಮಲ್ಲ ಗುಂಪುನ್ ಭಾರತದ ಕಮ್ಯುನಿಸ್ಟ್ ಪಕ್ಷೊಡ್ದ್ ಮುರಿದ್ ಭಾರತದ ಕಮ್ಯುನಿಸ್ಟ್ ಪಕ್ಷೊನು ರಚನೆ ಮಲ್ಪೆರೆ ಪ್ರೇರೇಪಿಸಾಯಿನವು. ೧೯೬೪ದ ವಿಭಜನೆದ ನಂತರ, ಕೆ.ಆರ್ ಗೌರಿ ಭಾರತದ ಕಮ್ಯುನಿಸ್ಟ್ ಪಕ್ಷೊಗು ಸೇರ್ಯೆರ್.

ಭಾರತದ ಕಮ್ಯುನಿಸ್ಟ್ ಪಾರ್ಟಿ ಮಾರ್ಕ್ಸ್ವಾದಿನೊಟ್ಟುಗು ಗೌರಿ

೧೯೬೭ಡ್ ವಿಧಾನಸಭೆ ಚುನಾವಣೆಡ್ ಕೇರಳೊಡು ಕಮ್ಯುನಿಸ್ಟ್ ಪಾರ್ಟಿ ಆಫ್ ಇಂಡಿಯಾ ಮಾರ್ಕ್ಸ್ ನೇತೃತ್ವದ ಯುನೈಟೆಡ್ ಫ್ರಂಟ್ ಸರ್ಕಾರ ರಚನೆ ಆಂಡ್. ಕೆ. ಆರೂರುದ ಸದಸ್ಯೆ ಆಯಿನ ಆರ್.ಗೌರಿನ್ ಕಂದಾಯ, ಸಾಮಾಜಿಕ ಕಲ್ಯಾಣ ಬೊಕ್ಕ ಕಾನೂನು ಸಚಿವೆರಾದ್ ಆಯ್ಕೆ ಮಲ್ತೆರ್. ಆರ್ ಮಾರ್ಚ್ ೧೯೬೭ಡ್ದ್ ನವೆಂಬರ್ ೧೯೬೯ ಮುಟ್ಟ ಸೇವೆ ಮಲ್ತೆರ್. ೧೯೮೦ ಜನವರಿ ೨೫ ಡ್ದ್ ೧೯೮೧ ಅಕ್ಟೋಬರ್ ೨೦ ಮುಟ್ಟ ಕೆ.ಆರ್.ಗೌರಿ ಸುರುತ ಇ.ಕೆ.ನಯನಾರ್ ಸಚಿವಾಲಯೊಡು ಕೃಷಿ, ಸಮಾಜ ಕಲ್ಯಾಣ, ಕೈಗಾರಿಕೆ, ಜಾಗೃತಿ ಬೊಕ್ಕ ನ್ಯಾಯ ಆಡಳಿತ ಸಚಿವೆರಾದ್ ಸೇವೆ ಸಲ್ಲಿಸಯೆರ್.

೧೯೮೭ ವಿಧಾನಸಭಾ ಚುನಾವಣೆ

ಎಡಪಂಥೀಯ ಪ್ರಜಾಪ್ರಭುತ್ವ ಮುಖಂಡ 1987 ರ ಚುನಾವಣಾ ವಿಧಾನಸಭೆ ಪ್ರಚಾರೊಡು ಕೆ.ಆರ್.ಗೌರಿನ್ ಮುಖ್ಯಮಂತ್ರಿ ಆದ್ ನೇಮಕ ಮಲ್ತೆರ್. ಆಂಡ ಒಂಜಿ ಸಲ ಮೈತ್ರಿ ಗೆಂದಿನ ಬುಕ್ಕೊ, ಪಕ್ಷೊ ಬದಲು ನಿಪುಣ ನಾಯಕೆರ್ ಇ.ಕೆ.ನಯನಾರ್ ನ್ ಆಯ್ಕೆ ಮಲ್ತ್ಂಡ್.

ಜೀವನ ಚರಿತ್ರೆ ಪುಸ್ತಕ

ಗೌರಿ ತನ್ನ ಆತ್ಮಚರಿತ್ರೆನ್ ಅತ್ಮಕಥಾ ಪನ್ಪಿನ ಪುದರ್ಡ್ ಪ್ರಕಟ ಮಲ್ತೆರ್, ಉಂದು ಕೇರಳ ಸಾಹಿತ್ಯ ಅಕಾಡೆಮಿದ ಅತ್ಯುತ್ತಮ ಆತ್ಮಚರಿತ್ರೆದ ಪ್ರಶಸ್ತಿನ್ ಗೆಂದಿನವು.

ಗೌರಿ ಅಮ್ಮ ಏರಿನ ಸ್ಥಾನಮಾನೊಲು

ಕೇರಳ ರಾಜ್ಯ ಕಾರ್ಯದರ್ಶಿ ಸದಸ್ಯ, ಕಮ್ಯುನಿಸ್ಟ್ ಪಾರ್ಟಿ ಆಫ್ ಇಂಡಿಯಾ ಮಾರ್ಕ್ಸ್ ವಾದಿ. ಅಧ್ಯಕ್ಷೆರ್, ಸರ್ಕಾರಿ ಆಶ್ವಾಸನೆಲೆನ ಸಮಿತಿ (೧೯೬೦-೬೧) ಸಾರ್ವಜನಿಕ ಲೆಕ್ಕ ಸಮಿತಿದ ಅಧ್ಯಕ್ಷೆರ್ (೧೯೮೬-೮೭) ಅಧ್ಯಕ್ಷರು, ಕೇರಳ ಕಾರ್ಶಕ ಸಂಗಮ (೧೯೬೦–೮೪) ಅಧ್ಯಕ್ಷತೆ, ಕೇರಳ ಮಹಿಳಾ ಸಂಗಮ (1967–76 ರ್ದ್) ಕಾರ್ಯದರ್ಶಿ, ಕೇರಳ ಮಹಿಳಾ ಸಂಗಮ (೧೯೭೬–೮೭)

ಮರಣ

ಆರ್.ಗೌರಿ 11 ಮೇ 2021 ಗ್ ತೀರ್ದ್ ಪೋಯೆರ್. ಅಲಪ್ಪುಳದ ವಲಿಯ ಚುಡುಕಾಡ್ ಡ್ ಅರೆನ್ ದಹನ ಮಲ್ತೆರ್.