ಕೆ. ಎಸ್. ಚಿತ್ರಾ

ಕೆ. ಎಸ್. ಚಿತ್ರ
ಚಿತ್ರ 2022ನೇ ವರ್ಷದ
ಪುಟ್ಟು	ಕೃಷ್ಣನ್ ನಾಯರ್ ಶಾಂತಕುಮಾರಿ ಚಿತ್ರ (1963-07-27) 27 July 1963 ತಿರುವನಂತಪುರಂ, ಕೇರಳ, ಭಾರತ
ಅಲ್ಮಾ ಮೀಟರ್	ಕೇರಳ ವಿಶ್ವವಿದ್ಯಾಲಯ
ಬೇಲೆ	ಗಾಯಕಿ ಸಂಗೀತ ನಿರ್ಮಾಪಕಿ ನ್ಯಾಯಾಧೀಶೆ
ಸಕ್ರಿಯ ವರ್ಸೊ	1979–ಪ್ರಸ್ತುತ
ಬುಡೆದಿ	ವಿಜಯಶಂಕರ ​ (ಮ. ೧೯೮೭)​
ಬಾಲೆ	1
Honours	ಪ್ರಶಸ್ತಿಲು ಬುಕ್ಕೊ ನಾಮನಿರ್ದೇಶನೊಲೆನ ಪಟ್ಟಿನು ತೂಲೆ
Musical career
Genres	ಭಾರತೀಯ ಶಾಸ್ತ್ರೀಯ ಸಂಗೀತ ಪ್ಲೇಬ್ಯಾಕ್ ಗಾಯನ ಚಿತ್ರಗೀತೆಲು
Instrument(s)	ಧ್ವನಿ
Labels	ಆಡಿಯೋಟ್ರಾಕ್ಸ್
ವೆಬ್‌ಸೈಟ್	www.kschithra.com

ಕೃಷ್ಣನ್ ನಾಯರ್ ಶಾಂತಕುಮಾರಿ ಚಿತ್ರಾ ಅತ್ತ್ಂಡ ಕೆ. ಎಸ್. ಚಿತ್ರಾ, ಭಾರತೀಯ ಚಿತ್ರರಂಗೊಡು ಮಸ್ತ್ ಪುದರ್ ಪಡೆದಿನ ಗಾಯಕಿ. ಸಂಗೀತೊಡು ಪುದರ್ ಪಡೆದಿನ ಮೇರ್ ಸಿನಿಮಾದ ಸಂಗೀತ ಮಾತ್ರಾ ಅತ್ತಂದೆ, ಶಾಸ್ತ್ರೀಯ ಸಂಗೀತ, ಭಕ್ತಿಗೀತೆ, ಭಾವಗೀತೆ, ಜನಪದ ಗೀತೆ ಪನ್ಪಿನೈಟ್ಲಾ ಪುದರ್ ಪಡೆಯಿನಾರ್. ಮಲಯಾಳಂ, ತಮಿಳು, ಕನ್ನಡ, ತೆಲುಗು, ಒಡಿಯಾ, ಹಿಂದಿ, ಅಸ್ಸಾಮಿ, ಬಂಗಾಳಿ, ಸಂಸ್ಕೃತ, ತುಳು, ಉರ್ದು, ಲ್ಯಾಟಿನ್, ಅರೇಬಿಕ್, ಪಂಜಾಬಿ, ಮಲಯ್, ಶ್ರೀಲಂಕನ್ ಸೇರ್ದ್ ಭಾರತೀಯ ಬಾಸೆಲ್ ಅತ್ತಂದೆ, ವಿದೇಶೀ ಬಾಸೆದ ಪದೊಕುಲೆನ್ಲಾ ಪಂತೆರ್ . ಮೇರ್ ಸುಮಾರ್ ೨೫೦೦೦ಡ್ದ್‌ಲಾ ಮಿಕ್ಕಿನ ಪದೊಕುಲೆನ್ ಪಂದಿಪ್ಪೆರ್ ಪಂದ್ ಅಂದಾಜುಂಡು. ಮೆರೆನ್ ಬೇತೆ ಬೇತೆ ಬಾಸೆದ ಜನೊಕುಲು ಅಭಿಮಾನೊಡ್ದು ಬೇತೆ ಬೇತೆ ಪುದರ್‌ಡ್ದ್ ಲೆಪ್ಪುವೆರ್. ಕೇರಳೊಡು 'ಕೇರಳತ್ತಿಂಡೆ ವಾನಂಬಾಡಿ'(ಕೇರಳದ ಕೋಗಿಲೆ) ಪಂಡ, ತಮಿಳ್‌ಡ್ 'ಚಿನ್ನ ಕುಯಿಲ್' (ಕಿನ್ಯ ಕೋಗಿಲೆ) ಪಂದ್ ಲೆಪ್ಪುವೆರ್. ತೆಲುಗುಡು 'ಸಂಗೀತ ಸರಸ್ವತಿ' ಪಂಡ, ಕನ್ನಡಡೊಡು 'ಕನ್ನಡ ಕೋಗಿಲೆ' ಪಂದ್ ಅಭಿಮನಿಸುವೆರ್.

೬ ರಾಷ್ಟ್ರ ಪ್ರಶಸ್ತಿಲೆನ್ ಪಡೆದಿನ ಮೇರ್ ಭಾರತೊಡು ಮಸ್ತ್ ರಾಷ್ಟ್ರ ಪ್ರಶಸ್ತಿಲೆನ್ ಪಡೆದಿನ ಏಕೈಕ ಮಹಿಳಾ ಗಾಯಕಿಯಾದುಲ್ಲೆರ್.

ಆರಂಭಿಕ ಜೀವನ

ಮೆರೆಗ್ ಸುರೂತ ಗುರುವಾದಿತ್ತಿನಿ ಮೆರೆನ ಅಮ್ಮೆರಾಯಿನ ಕೃಷ್ಣನ್ ನಾಯರ್. ಚಿತ್ರಾ, ಡಾ.ಕೆ.ಒಮನಕುಟ್ಟೈ ಮೆರೆಡ್ದ್ ಕರ್ನಾಟಕ ಸಂಗೀತೊದ ಪರಿಶೀಲನೆ ಪಡೆದ್, ಬಿ.ಎ ತೇರ್ಗಡೆ ಹೊಂದಿಯೆರ್, ವಿಶ್ವವಿದ್ಯಾನಿಲಯೊದ ಮೂಜಿನೇ ಶ್ರೇಣಿಡ್ದ್ ಮಾಸ್ಟರ್ ಡಿಗ್ರಿ ಪಡೆಯೆರ್. ಕೇಂದ್ರ ಸರ್ಕಾ ರೊಡ್ದ್ ರಾಷ್ಟ್ರೀಯ ಪ್ರತಿಭಾ ಶೋಧ ವಿದ್ಯಾರ್ಥಿವೇತನೊಗು ಆಯ್ಕೆಯಾಯೆರ್(೧೯೭೮-೧೯೮೪). ಮೆರೆನ ಕಂಡನಿನ ಪುದರ್ ವಿಜಯಶಂಕರ್. ಆರ್ ಒರಿ ಇಂಜಿನಿಯರ್ ಬುಕ್ಕೊ ಒರಿ ಉದ್ಯಮಿ ಕೂಡ. ಮೆರೆನ ಕುಟುಂಬ ಚೆನ್ನೈ‌ಡ್ ವಾಸಿಸೊಂದುಂಡು. ಮೆರೆನ ಒರ್ತೇ ಮಗಳ್ ನಂದನ (೮ ವರ್ಷ) ಒಂಜಿ ಅಪಘಾತೊಡು ೨೦೧೧ ಡ್ ದುಬೈಡ್ ತೀರಿಯೆರ್.

ಹಿನ್ನಲೆ ಗಾಯನೊದ ಬಗ್ಗೆ

ಮೇರ್ ೧೯೭೯ ಡು ಎಮ್.ಜಿ. ರಧಾಕೃಷ್ಣನ್ ಮೆರೆನ ಮೂಲಕ ಮಲಯಾಳಂ ಹಿನ್ನೆಲೆ ಗಾಯನೊಗು ಪರಿಚಯ ಆಯೆರ್. ಮೇರ್ ರವೀಂದ್ರನ್, ಎಮ್. ಜಯಚಂದ್ರನ್ ಇಂಚನೇ ಮಸ್ತ್ ಮಲಯಾಳಂ ಸಂಗೀತ ನಿರ್ದೇಶಕೆರ್‍ನೊಟ್ಟುಗು ಪದ ಪಂತೆರ್. ' ಅಟ್ಟಹಾಸಮ್ ' , ' ಸ್ನೆಹಪೋರ್ವಮ್ ಮೀರ ' ಬುಕ್ಕೊ ' ಎಕನನು '- ಮೇರ್ ದಾಖಲೆ ಮಲಿನ ಸುರೂತ ಕೆಲವು ಚಿತ್ರೊಲು. ಮೇರ್ ಕೆ. ಜೆ ಏಸುದಾಸ್ ಮೆರ್ನೊಟ್ಟು ವಿದೇಶೊಡು ಮಸ್ತ್ ಲೈವ್ ಕನ್ಸರ್ಟ್‌ಲೆನ್ ಮಲ್ದೆರ್. ಮೇರ್ ತಮಿಳು ಚಲನಚಿತ್ರ ಉದ್ಯಮೊಗು ಇಳಯರಾಜ ರಚನೆ ಮಲ್ದಿನ ' ' ಪೂಜೈಕೇಥ ಪೋವಿದ್ ' ಪನ್ಪಿನ ಪದೊದ ಮೂಲಕ ಪ್ರವೇಶ ಮಲ್ತೆರ್. ೧೯೮೫ ಡ್ ಚಿತ್ರ 'ಪೋವೆ ಪೊಚುಡವ' ಡ್ದ್ 'ನೀಥಾನ ಅಂತ ಕುಯಿಲ್' ಪನ್ಪಿನ ಪದೊನು ಪನಿನೆಡ್ದ್ ಬುಕ್ಕೊ ಅರೆಗ್ 'ಚಿನ್ನಕುಯಿಲ್'(ತಮಿಳು) ಪನ್ಪಿನ ಪುದರ್‍ನ್ ಕೊರಿಯೆರ್. ೧೯೮೦ದ ಮಧ್ಯೊಡು ಮೇರ್ ತೆಲುಗು, ಕನ್ನಡ, ಮಲಯಾಳಂ, ಬಾಸೆಡ್ ಪಂತಿನ ಪದೊ ಯಶಸ್ವಿ ಆಂಡ್. ಮೇರ್ ಮಹಿಳಾ ಗಾಯಕಿಯಾದ್ ತಮಿಳ್‌ಡ್ ಅತ್ಯಧಿಕ ಅಕಾಡೆಮಿ ಪ್ರಶಸ್ತಿ ಸಂಯೋಜಕೆ ಎ. ಆರ್ ರೆಹಮಾನ್ ಮೆರ್ನ ಪದೊಕುಲೆನ್ ಪಂತೆರ್. ಚಿತ್ರಾ, ಕೆ. ಜೆ ಯೇಸುದಾಸ್, ಎಸ್. ಪಿ ಬಾಲಸುಬ್ರಮಣ್ಯಂ, ಎಮ್. ಜಿ ಶ್ರೀಕುಮಾರ್ ನಗಲ್ನೊಟ್ಟು ಮಸ್ತ್ ಪದೊ ಪಂತೆರ್. ಮೇರ್ ಇಳಯರಾಜ, ಎ. ಆರ್. ರೆಹಮಾನ್, ಜಾನ್ಸನ್, ಎಮ್. ಜಿ ರಾಧಾಕೃಷ್ಣನ್, ಎಮ್ ಜಯಚಂದ್ರನ್, ರವೀಂದ್ರನ್, ಮಣಿ ಶರ್ಮನಗಲೆಗೋಸ್ಕರ ಮಸ್ತ್ ಪದೊ ಪಂತೆರ್. ಮೇರ್ ಹಿನ್ನೆಲೆ ಗಾಯನ ಆತೇ ಅತ್ತಂದೆ ರಿಯಾಲಿಟಿ ಶೋ ಡ್ ತೀರ್ಪುಗಾರೆರಾದ್ಲಾ ಬೇಲೆ ಮಲ್ದೆರ್ (ಕೇರಳೊಡು - ಐಡಿಯಾ ಸ್ಟಾರ್ ಸಿಂಗರ್, ಜೋಸ್ಕೊ ಇಂಡಿಯನ್ ವಾಯ್ಸ್ ; ತಮಿಳ್‌ಡ್ - ಏರ್ಟೆಲ್ ಸೂಪರ್ ಸಿಂಗರ್ ಜೂನಿಯರ್ ಬುಕ್ಕೊ ಆಂಧ್ರ ಪ್ರದೇಶೊಡು - ಎಮ್ ಎ ಎ ಟಿವಿ ಸೂಪರ್ ಸಿಂಗರ್).

ಕೊಡುಗೆಲು

ಮೇರ್ ಮಲಯಾಳಂ ಡ್ ಕೆ.ಜೆ.ಏಸುದಾಸ್, ಎಂ.ಜಯಚಂದ್ರನ್ ಬುಕ್ಕೊ ಶರತ್ ಮೆರೆಗಾದ್ ಮಸ್ತ್ ಆಲ್ಬಂಲೆನ್ ಮಲ್ದೆರ್. ಮೇರ್ ಗುಲಾಮ್ ಅಲಿ ಆಶಾ ಭೋಂಸ್ಲೆನೊಟ್ಟು ಗಝಲ್ ಆಲ್ಬಂನ್ ಯೋಜನೆ ಮಲ್ದೆರ್. ೨೦೧೪ ಡ್ ಚಿತ್ರಾ, ಸಿಂಗಾಪೂರುಡು, ಕಪಿಲ್ ಸಿಬಲ್ ಬರೆತಿನ , ಎ. ಆರ್. ರೆಹಮಾನ್‌ನ 'ರೌನಖ್' ಪನ್ಪಿ ಖಾಸಗಿ ಆಲ್ಬಂಡ್ ಪದ ಪಂತೆರ್.

ಪ್ರಶಸ್ತಿಲು

ರಾಷ್ಟ್ರೀಯ ಚಲನಚಿತ್ರ ಪ್ರಶಸ್ತಿಲು

• ರಾಷ್ಟ್ರ ಪ್ರಶಸ್ತಿ - ೬ ಸಲ
• ರಾಜ್ಯ ಪ್ರಶಸ್ತಿಗಳು
• ಕೇರಳ ರಾಜ್ಯ ಚಲನಚಿತ್ರ ಪ್ರಶಸ್ತಿ - ೧೫ ಸಲ
• ಆಂಧ್ರ ಪ್ರದೇಶ ರಾಜ್ಯ ಚಲನಚಿತ್ರ ಪ್ರಶಸ್ತಿ - ೯ ಸಲ
• ತಮಿಳುನಾಡು ರಾಜ್ಯ ಚಲನಚಿತ್ರ ಪ್ರಶಸ್ತಿ - ೪ ಸಲ
• ಕರ್ನಾಟಕ ರಾಜ್ಯ ಚಲನಚಿತ್ರ ಪ್ರಶಸ್ತಿ - ೩ ಸಲ
• ಒರಿಸ್ಸಾ ರಾಜ್ಯ ಚಲನಚಿತ್ರ ಪ್ರಶಸ್ತಿ - ೧ ಸಲ

ಬೇತೆ ಪ್ರಶಸ್ತಿಲು

• ೬ ದಕ್ಷಿಣ ಫಿಲ್ಮ್ಫೇರ್ ಪ್ರಶಸ್ತಿಲು
• ೭ ಏಷ್ಯಾನೆಟ್ ಚಲನಚಿತ್ರ ಪ್ರಶಸ್ತಿಲು
• ೭ ಮಾತೃಭೂಮಿ ಚಲನಚಿತ್ರ ಪ್ರಶಸ್ತಿಲು
• ೭ ಮಿರ್ಚಿ ಸಂಗೀತ ಪ್ರಶಸ್ತಿಲು
• ೧ ಬಾಲಿವುಡ್ ಚಲನಚಿತ್ರ ಪ್ರಶಸ್ತಿಲು
• ೧ ಸ್ಟಾರ್ ಸ್ಕ್ರೀನ್ ಪ್ರಶಸ್ತಿ
• ೧ ಎಮ್ ಟಿ ವಿ ವೀಡಿಯೊ ಸಂಗೀತ ಪ್ರಶಸ್ತಿ
• ೯ ಸಿನಿಮಾ ಎಕ್ಸ್ಪ್ರೆಸ್ ಪ್ರಶಸ್ತಿ
• ೧ ಜಾಗತಿಕ ಭಾರತೀಯ ಸಂಗೀತ ಅಕಾಡೆಮಿ ಪ್ರಶಸ್ತಿ
• ೨೦ ಚೆನ್ನೈ ಚಲನಚಿತ್ರ ಅಭಿಮಾನಿಲೆನ ಸಂಘದ ಪ್ರಶಸ್ತಿಲು
• ೪ ಗಾಮಾ ಭಾರತೀಯ ಸಂಗೀತ ಪ್ರಶಸ್ತಿ
• ೪೯ ಬೇತೆ ಪ್ರಶಸ್ತಿಲೆನ್ ಪಡೆದೆರ್.

ನಾಗರಿಕ ಗೌರವ

• ೨೦೦೫ - ಪದ್ಮಶ್ರೀ ಪುರಸ್ಕಾರ
• ೨೦೨೧ - ಪದ್ಮಭೂಷಣ ಪುರಸ್ಕಾರ