ಕೆ ಆರ್ ಮೀರಾ

ಕೆ. ಆರ್. ಮೀರಾ
ಕೆ. ಆರ್. ಮೀರಾ
	K.R. Meera at Kerala Literature Festival 2016
ಪುಟ್ಟಿನ ಊರು	19 February 1970 (age 56); Sasthamkotta, Kollam district, Kerala, India
ದಂಪತಿ	M. S. Dileep
ಬೇಲೆ	Novelist, short story writer, journalist, screenplay writer, columnist
ದೇಸೊ	Indian
ಪ್ರಕಾರೊ	Novel, short story
ಮಾನಾದಿಗೆ	Kendra Sahitya Akademi Award; Kerala Sahitya Akademi Award; Odakkuzhal Award; Vayalar Award
ಜೋಕುಲು	1

ಕೆ ಆರ್ ಮೀರಾ (ಪುಟ್ಟು ೧೯ ಫೆಬ್ರವರಿ ೧೯೭೦) ಒರಿ ಭಾರತೀಯ ಲೇಖಕೆರ್ ಬೊಕ್ಕ ಪತ್ರಕರ್ತೆರ್, ಮಲಯಾಳಂ ಭಾಷೆಡ್ ಬರೆಪೆರ್. ಆರ್ ಕೇರಳದ ಕೊಲ್ಲಂ ಜಿಲ್ಲೆದ ಸಸ್ತಾಂಕೊಟ್ಟೆಡ್ ಪುಟ್ಟುವೆರ್. ಮೇರ್ ಮಲಯಾಳ ಮನೋರಮೊಡು ಪತ್ರಕರ್ತೆರಾದ್ ಬೇಲೆ ಮಲ್ತೊಂದಿತ್ತೆರ್ ಆಂಡ ಬರವುದ ಮಿತ್ತ್ ಜಾಸ್ತಿ ಗಮನ ಕೊರರೆ ರಾಜೀನಾಮೆ ಕೊರ್ತೆರ್. ಆರ್ ೨೦೦೧ಡ್ ಕಾದಂಬರಿ ಬರೆಯೆರೆ ಸುರು ಮಲ್ತೆರ್ ಬೊಕ್ಕ ಆರ್ನ ಸುರುತ ಸಣ್ಣ ಕತೆತ ಸಂಗ್ರಹ ಒರ್ಮಯುಡೆ ನ್ಜಾರಂಬು ೨೦೦೨ಡ್ ಪ್ರಕಟ ಆಂಡ್. ಅಯಿಡ್ದ್ ಬೊಕ್ಕ ಆರ್ ಐನ್ ಕತೆತ ಸಂಗ್ರಹೊಲೆನ್, ರಡ್ಡ್ ಕಾದಂಬರಿಲೆನ್, ಐನ್ ಕಾದಂಬರಿಲೆನ್ ಬೊಕ್ಕ ರಡ್ಡ್ ಜೋಕುಲೆನ ಪುಸ್ತಕೊಲೆನ್ ಪ್ರಕಟ ಮಲ್ತೆರ್. ಆರ್ 2009ಡ್ ಕೇರಳ ಸಾಹಿತ್ಯ ಅಕಾಡೆಮಿ ಪ್ರಶಸ್ತಿನ್ ಅರೆನ ಕಿರುಕಥೆ, ಅವೆ ಮಾರಿಯಾ ಗ್ ಗೆಂದಿಯೆರ್. ಡಿಸಿ ಬುಕ್ಸ್ ಡ್ದ್ ಪ್ರಕಟವಾದ್ ಅರೆನ ಕಾದಂಬರಿ ಆರಾಚಾರ್ (೨೦೧೨) ಕೇರಳ ಸಾಹಿತ್ಯ ಅಕಾಡೆಮಿ ಪ್ರಶಸ್ತಿ ( ೨೦೧೩ ), ಒಡಕ್ಕುಝಾಲ್ ಪ್ರಶಸ್ತಿ (೨೦೧೩), ವಯಲಾರ್ ಪ್ರಶಸ್ತಿ (೨೦೧೪) ಬೊಕ್ಕ ಕೇಂದ್ರ ಸಾಹಿತ್ಯ ಅಕಾಡೆಮಿ ಪ್ರಶಸ್ತಿ (೨೦೧೫) ಸೇರ್ದ್ ಕೆಲವು ಪ್ರಶಸ್ತಿಲೆನ್ ಪಡೆಯೊಂಡು. ದಕ್ಷಿಣ ಏಷ್ಯಾದ ಸಾಹಿತ್ಯೊಗು 2016 ಡಿಎಸ್ಸಿ ಪ್ರಶಸ್ತಿಗ್ ಲಾ ಉಂದು ಆಯ್ಕೆ ಆಂಡ್.

ಸುರುತ ಬೊಕ್ಕ ವೈಯಕ್ತಿಕ ಜೀವನ

ಮೀರಾ ಕೇರಳದ ಕೊಲ್ಲಂ ಜಿಲ್ಲೆದ ಸಸ್ತಂಕೊಟ್ಟೆಡ್ ರಾಮಚಂದ್ರನ್ ಪಿಳ್ಳೈ ಬೊಕ್ಕ ಅಮೃತಕುಮಾರಿ ರಡ್ಡ್ ಜನ ಪ್ರಾಧ್ಯಾಪಕೆರ್ನ ಮಗೆ ಆದ್ ಪುಟ್ಟುವೆರ್.[citation needed] ಆರ್ ಬೇತೆ ಬೇತೆ ಮಲಯಾಳಂ ಪುಸ್ತಕೊಲೆನ್ ಓದುದು ಏಳ್ ಅತ್ತ್ಂಡ ಎಂಟು ವರ್ಸೊಡ್ದ್ ಸುರು ಮಲ್ತೆರ್ ಬೊಕ್ಕ ಸಣ್ಣ ಕತೆ ಬೊಕ್ಕ ಕಬಿತೆಲೆನ್ ಬರೆಯೆರ್. [೧] ಅಲೆನ ಅಮ್ಮೆರೆನ ಸ್ನೇಹಿತೆ, ಎಂ.ಡಿ. ರತ್ನಮ್ಮ [ml] (ಎಂ.ಡಿ. ರತ್ನಮ್ಮ), ಒರಿ ಕಾದಂಬರಿಕಾರೆ, ಅಲೆಗ್ ಸ್ಫೂರ್ತಿ ಕೊರ್ದು ಒರಿ ಬರವುದಕುಲು "ಒರಿ ಮಸ್ತ್ ವಿಶೇಷ" ಪನ್ಪಿನ ಅಭಿಪ್ರಾಯೊನು ಕೊರ್ತೆರ್. [೧] ಆರ್ ದೇವಸ್ವೊಮ್ ಬೋರ್ಡ್ ಕಾಲೇಜಿ, ಸಸ್ಥಂಕೋಟ್ಟಾಡ್ದ್ ತನ್ನ ಪೂರ್ವ ಪದವಿನ್ ಮುಗಿತ್ದೆರ್. ತಮಿಳುನಾಡುದ ದಿಂಡಿಗೂಲ್ದ ಗಾಂಧೀಗ್ರಾಮ್ ಗ್ರಾಮೀಣ ಸಂಸ್ಥೆಡ್ದ್ ಕಮ್ಯುನಿಕೇಟಿವ್ ಇಂಗ್ಲಿಷ್ ಡ್ ಸ್ನಾತಕೋತ್ತರ ಪದವಿ ಮಲ್ತೆರ್.ಮೀರಾ ಕೊಟ್ಟಾಯಂಡ್ ತನ್ನ ಕಂಡನಿ ಎಂಎಸ್ ದಿಲೀಪ್ ನ ಒಟ್ಟುಗು ಜೀವನ ಮಲ್ಪುವೆರ್, ಆರ್ ಮಲಯಾಳ ಮನೋರಮಾದ ಪತ್ರಕರ್ತೆರ್. ಅಕ್ಲೆನ ಒಂಜೇ ಮಗೆ ಶ್ರುತಿ ಆಂಧ್ರಪ್ರದೇಶದ ಋಷಿ ವ್ಯಾಲಿ ಶಾಲೆಡ್ ವಸತಿ ವಿದ್ಯಾರ್ಥಿಯಾದಿತ್ತೆರ್. ^[೧]

ಪತ್ರಕರ್ತೆರೆನ ವೃತ್ತಿಜೀವನ

೧೯೯೩ಡ್, ಕೊಟ್ಟಾಯಂ ಮೂಲದ ಮಲಯಾಳಂ ದೈನಿಕ ಮಲಯಾಳ ಮನೋರಮಾಡ್ ಪತ್ರಕರ್ತೆ ಆದ್ ಸೇರ್ದೆರ್, ಬೊಕ್ಕ ಪತ್ರಿಕೆಡ್ ನೇಮಕ ಆಯಿನ ಸುರುತ ಪೊಣ್ಣು ಪತ್ರಕರ್ತೆ ಆಯೆರ್. ^[೨] ೨೦೦೬ಡ್, ಕೆಲವು ಕತೆಕುಲೆನ ಪ್ರಕಟಣೆದ ನಂತರ, ಮೀರಾ ಪತ್ರಿಕೋದ್ಯಮೊನು ಬುಡ್ದು ಬರವುನು ಪೂರ್ಣ ಸಮಯದ ವೃತ್ತಿ ಆದ್ ದೆತೊನುವೆರ್. ^[೩] ಮೇರ್ ರಾಜೀನಾಮೆ ಕೊರ್ನಗ ಮಲಯಾಳ ಮನೋರಮಾದ ಹಿರಿಯ ಉಪ ಸಂಪಾದಕೆರಾದಿತ್ತೆರ್. ಪತ್ರಿಕೋದ್ಯಮದ ವೃತ್ತಿಜೀವನೊಡು, ಆರ್ ಮಸ್ತ್ ವಿಶೇಷ ಕತೆಕುಲೆನ್ ಪ್ರಕಟ ಮಲ್ತೆರ್, ಅವು ಆರ್ ಮಸ್ತ್ ಪ್ರಶಸ್ತಿಲೆನ್ ಬೊಕ್ಕ ಮಾನ್ಯತೆಲೆನ್ ಗೆಂದಿಯೆರ್. ಕೇರಳೊಡು ಮಹಿಳಾ ಕಾರ್ಮಿಕೆರೆನ ದುಃಖದ ಬಗ್ಗೆ ಮಲ್ತಿನ ತನಿಖಾ ಸರಣಿಗ್ 1998ಡ್ ಪತ್ರಿಕೋದ್ಯಮೊಗು ಪಿಯುಸಿಎಲ್ ಮಾನವ ಹಕ್ಕುಲೆನ ರಾಷ್ಟ್ರೀಯ ಪ್ರಶಸ್ತಿನ್ ಗೆಂದಿಯೆರ್. ಈ ಸರಣಿ ಕೇರಳ ಪತ್ರಿಕಾ ಅಕಾಡೆಮಿ ಸ್ಥಾಪನೆ ಮಲ್ತಿನ ಚೋವಾರ ಪರಮೇಶ್ವರನ್ ಪ್ರಶಸ್ತಿನ್ ಲಾ ಗೆಂದಿನವು. ಬಾಲೆಲೆನ ಬಗ್ಗೆ ಬರೆತಿನ ಸರಣಿಡ್ 2001ನೇ ಇಸವಿಡ್ ಬಾಲ ಹಕ್ಕುಲೆಗಾತ್ರ ದೀಪಾಲಯ ರಾಷ್ಟ್ರೀಯ ಪತ್ರಿಕೋದ್ಯಮ ಪ್ರಶಸ್ತಿ ಗೆಂದಿಯೆರ್. ^{[ ಉಲ್ಲೇಖ ಬೋಡು ]}

ಸಾಹಿತ್ಯ ವೃತ್ತಿಜೀವನ

ಮೀರಾನ ಸುರುತ ಪ್ರಕಟವಾದ್ ಬತ್ತಿನ ಕೃತಿ 2000ಡ್ ಮತ್ರುಭೂಮಿ ಪನ್ಪಿನ ಒಂಜಿ ಪತ್ರಿಕೆಗ್ ಸಲ್ಲಿಸಾಯಿನ ಒಂಜಿ ಕತೆ. ^[೨] ಅರೆನ ಸುರುತ ಸಣ್ಣ ಕತೆ ಸಂಗ್ರಹ ಒರ್ಮಯುಡೆ ನ್ಜಾರಂಬು 2002ಡ್ ಪ್ರಕಟವಾದ್ಂಡ್. ಈ ಸಂಗ್ರಹ ಕೇರಳ ಸಾಹಿತ್ಯ ಅಕಾಡೆಮಿ ಸ್ಥಾಪನೆ ಮಲ್ತಿನ ಗೀತಾ ಹಿರಣ್ಯ ದಾನಿ ಪ್ರಶಸ್ತಿ ಬೊಕ್ಕ ಅಂಕನಂ ಸಾಹಿತ್ಯ ಪ್ರಶಸ್ತಿನ್ ಗೆಂದಿನವು. ಅರೆನ ದುಂಬುದ ಪುಸ್ತಕ ಮೊಹಮಂಜ ೨೦೦೪ಡ್ ಪ್ರಕಟ ಆಂಡ್. ಉಂದೆನ್ ಜೆ. ದೇವಿಕಾ ಇಂಗ್ಲಿಷ್ ಗ್ ಯೆಲ್ಲೊ ಇಸ್ ದ ಕಲರ್ ಆಫ್ ಲಾಂಗಿಂಗ್ (ಪೆಂಗ್ವಿನ್, ೨೦೧೧) ಪಂಡ್ದ್ ಅನುವಾದ ಮಲ್ತೆರ್. ಆಸೆದ ಅಸಂಬದ್ಧತೆನ್ ಅನ್ವೇಷಣೆ ಮಲ್ಪುನ ಶೀರ್ಷಿಕೆ ಕತೆನ್ ಅರ್ಶಿಲತಾ: ಭಾರತ ಬೊಕ್ಕ ಬಾಂಗ್ಲಾದೇಶೊಡ್ದ್ ಮಹಿಳಾ ಕಾಲ್ಪನಿಕ (ಸಂಪಾದಕ ನಿಯಾಜ್ ಜಮಾನ್) ಡ್ ಲಾ ಪ್ರಕಟಿಸಯೆರ್. ಮೇರ್ 2008ಡ್ ಅವೆ ಮಾರಿಯಾ ಸಂಗ್ರಹೊಗು ಕೇರಳ ಸಾಹಿತ್ಯ ಅಕಾಡೆಮಿ ಪ್ರಶಸ್ತಿನ್ ಗೆಂದಿಯೆರ್. ಪುಸ್ತಕದ ಶೀರ್ಷಿಕೆದ ಕತೆ ಕೇರಳದ ಕಮ್ಯುನಿಸ್ಟ್ ಸಿದ್ಧಾಂತದ ಅವಶೇಷೊಲೆನ್, ಕುಟುಮೊಲೆಡ್ ಬುಡುದು ಪೋಯಿನ ದೋಷೊಲೆನ್ ಒಂಜಿ ಕ್ರೂರ ನೋಟ. ಈ ಕತೆತ ಅನುವಾದೊನು ಫಸ್ಟ್ ಪ್ರೂಫ್ ೫, ದಿ ಪೆಂಗ್ವಿನ್ ಬುಕ್ ಆಫ್ ನ್ಯೂ ರೈಟಿಂಗ್ ಫ್ರಮ್ ಇಂಡಿಯಾ (ಪೆಂಗ್ವಿನ್, ೨೦೧೦) ಪನ್ಪಿನ ಪುಸ್ತಕೊಡು ಸೇರ್ಪಾದ್ಂಡ್. ^[೪] ಅರೆನ ಬೇತೆ ಸಂಗ್ರಹೊಲು ಕೆ ಆರ್ ಮೀರಾಯುಡೆ ಕಥಾಕಲ್, ಇತ್ತೆ ಮುಟ್ಟ ಪ್ರಕಟವಾದ್ ಉಪ್ಪುನ ಪ್ರಮುಖ 26 ಕತೆಕುಲೆನ ಸಂಗ್ರಹ, ಉಂದೆಟ್ ಮಚಕತೆ ಥಾಚನ್, ಒರ್ಮಯುಡೆ ನ್ಜಾರಂಬು, ಮೊಹಮಂಜ, ಅವೆ ಮಾರಿಯಾ, ಕರಿನೀಲಾ, ಮಲಖಾಯುಡೆ ಮರುಕುಕಲ್, ಸೂರ್ಪನಾಖ, ಅಲಿಫ್ ಲೈಲಾ ಬೊಕ್ಕ ಒತ್ತಪಾಲಂ ಕಡಕ್ಕುವೊಲಂ ಸೇರ್ದ್ ಉಂಡು.

ಆರ್ನ ಸುರುತ ಕಾದಂಬರಿಲೆಡ್ ಆ ಮರಠೇಯುಮ್ ಮರನ್ನು ಮರನ್ನು ನ್ಜಾನ್, ಮೀರಾ ಸಾಧು, ನೆಥ್ರೋನ್ಮೀಲಾನಂ ಬೊಕ್ಕ ಯುಡಸಿಂತೆ ಸುವಿಶೇಶಂ ಉಂಡು. ಮೀರಾ ಸಾಧು (ಡಿಸಿ ಬುಕ್ಸ್, ೨೦೦೮) ತನ್ನ ಮದಿಮೆದ ಜೀವನೊಡು ಕೆಲವು ಕಷ್ಟದ ಸಮಯೊಲೆನ್ ಕರಿದ್ ಕೃಷ್ಣ ದೇವಸ್ಥಾನೊಡು ಬುಡುದು ಪೋಯಿನ ಒರಿ ಐಐಟಿ ಪದವಿದಾರೆನ ಕತೆನ್ ತೆರಿಪಾವುಂಡು. ಮೆರೆನ ಐನ್ ಕಿನ್ಯ ಕಾದಂಬರಿಲೆನ್ ಮೀರಾಯುಡೆ ಕಾದಂಬರಿಕಲ್ಲ್ (೨೦೧೪) ಪನ್ಪಿನ ಒಂಜಿ ಪುಸ್ತಕೊಗು ಸಂಕಲನ ಮಲ್ತೆರ್.

ಆರಾಚಾರ್ (ಇಂಗ್ಲಿಷ್ ಡ್ ಹ್ಯಾಂಗ್ವುಮನ್ ) ನ್ ಅರೆನ ಮೇರುಕೃತಿ ಪಂಡ್ದ್ ವ್ಯಾಪಕವಾದ್ ಪರಿಗಣಿಸವೆರ್, ಉಂದು ಮೂಲತಃ ಮಧ್ಯಮಮ್ ವೀಕ್ಲಿಡ್ ಸರಣಿಯಾದ್ ಬತ್ತ್ಂಡ್ ಬೊಕ್ಕ 2012ಡ್ ಡಿಸಿ ಬುಕ್ಸ್ ಡ್ ಒಂಜಿ ಪುಸ್ತಕೊದ ರೂಪೊಡು ಪ್ರಕಟವಾತ್ಂಡ್. ಬಂಗಾಳೊಡು ನಡತಿನ ಈ ಚಿತ್ರೊಡು ಕ್ರಿ.ಪೂ. ನಾಲ್ನೇ ಶತಮಾನೊಡು ಸುರುವಾತಿನ ಸುದೀರ್ಘ ವಂಶಾವಳಿದ ಮರಣದಂಡನೆದ ಕುಟುಂಬದ ಕತೆನ್ ತೆರಿಪಾವುಂಡು. ಈ ವೃತ್ತಿನ್ ಆನುವಂಶಿಕವಾದ್ ಪಡೆಯೆರೆ ಕಷ್ಟೊಡು ಉಪ್ಪುನ ಒರಿ ಗಟ್ಟಿ ಬೊಕ್ಕ ಉತ್ತೇಜನಕಾರಿ ಪೊಣ್ಣು ಈ ಕಾದಂಬರಿದ ನಾಯಕಿ ಚೆಟ್ನಾ. ಪುದರ್ ಪೋಯಿನ ಸಾಹಿತ್ಯ ವಿಮರ್ಶಕೆರ್ ಎಂ. ಲೀಲಾವತಿ ನ ಪ್ರಕಾರ, ಆರಾಚಾರ್ ಪಂಡ ಮಲಯಾಳಂ ಭಾಷೆಡ್ ನಿರ್ಮಾಣ ಆಯಿನ ಒಂಜಿ ಎಡ್ಡೆ ಸಾಹಿತ್ಯ ಕೃತಿ ಬೊಕ್ಕ ಒವಿ ವಿಜಯನ್ ನ ಶಾಸ್ತ್ರೀಯ ಕೃತಿ ಖಸಕ್ಕಿಂತೆ ಇತಿಹಾಸಮ್ ದ ಪರಂಪರೆನ್ ಅನುಸರಿಸವುಂಡು. ಕಾದಂಬರಿ 2013 ಕೇರಳ ಸಾಹಿತ್ಯ ಅಕಾಡೆಮಿ ಪ್ರಶಸ್ತಿ ಪಡೆದುಂಡು . ^[೫] 2013ಡ್ ಪ್ರತಿಷ್ಠಿತ ಒಡಕ್ಕುಝಲ್ ಪ್ರಶಸ್ತಿ, 2014ಡ್ ವಯಲಾರ್ ಪ್ರಶಸ್ತಿ ಬೊಕ್ಕ 2015ಡ್ ಸಾಹಿತ್ಯ ಅಕಾಡೆಮಿ ಪ್ರಶಸ್ತಿನ್ ಲಾ ಗೆಂದಿಯೆರ್. ಈ ಕಾದಂಬರಿ 38,000 ಡ್ದ್ ಜಾಸ್ತಿ ಪ್ರತಿಲೆನ್ ಮಾರಾಟ ಮಲ್ತ್ಂಡ್ (ಜನವರಿ 2015 ದ ಲೆಕ್ಕೊಡು). ^[೧] ದಕ್ಷಿಣ ಏಷ್ಯಾದ ಸಾಹಿತ್ಯೊದ ಪ್ರತಿಷ್ಠಿತ ಡಿಎಸ್ ಸಿ ಪ್ರಶಸ್ತಿಗ್ 2016 ಗ್ ಹ್ಯಾಂಗ್ ವುಮನ್ ನ್ ಆಯ್ಕೆ ಮಲ್ತೆರ್. ^[೬] ಅರೆನ ಇತ್ತೆದ ಕಾದಂಬರಿ ಸೂರ್ಯನೆ ಅನಿಂಜಾ ಒರು ಸ್ಟ್ರೀ ವನಿತಾ ಪತ್ರಿಕೆಡ್ ಪ್ರಕಟ ಆವೊಂದುಂಡು. ^[೭]

ಆರ್ ನಾಲ್ ಸರಣಿಲೆನ ಚಿತ್ರಕಥೆ ಬರವುದಾರೆ ಪಂಡ್ದ್ ಲಾ ಪುದರ್ ಪಡೆಯೆರ್. ರಾಷ್ಟ್ರೀಯ ಪ್ರಶಸ್ತಿ ವಿಜೇತೆ ಆಯಿನ ಒರೆ ಕಡಲ್ ಚಿತ್ರೊಗು ಬರವುದ ಸಹಾಯಕೆ ಪಂಡ್ದ್ ಆರ್ ಶ್ರೇಯೊನು ಪಡೆಯೆರ್. ಮಲಯಾಳಂ ಭಾಷೆಡ್ ಒರಿ ಪುದರ್ ಪೋಯಿನ ಕಾಲಮ್-ಬರವುಗಾರ್ತಿಲಾ ಅಂದ್.

ಪ್ರಭಾವೊಲು

ಮೀರಾ ಇ.ವಿ. ಕೃಷ್ಣ ಪಿಳ್ಳೈ, ಕಮಲಾ ದಾಸ್, ಟಿ. ಪದ್ಮನಾಭನ್, ಎಸ್.ವಿ. ವೇಣುಗೋಪನ್ ನಾಯರ್, ಆನಂದ್, ಎಂ. ಮುಕುಂದನ್, ಸಿ.ವಿ.ಶ್ರೀರಾಮನ್, ಒ.ಎನ್.ವಿ. ಕುರುಪ್, ಸುಗತಕುಮಾರಿ, ಪಾಲ್ ಜಕರಿಯಾನ್ ಉಲ್ಲೇಖ ಮಲ್ತೆರ್, ಬೊಕ್ಕ ಅರೆನ ಕೃತಿಲೆನ್ ಪ್ರಭಾವಿತ ಮಲ್ತಿನ ಮಲಯಾಳಂ ಲೇಖಕೆರೆನ "ಒಂಜಿ ಮಲ್ಲ ಪಟ್ಟಿನ್" ಮಲ್ತೆರ್. ^[೮] ಭಾರತೀಯೇತರ ಬರವುದಕುಲೆಡ್, ಆರ್ ಮ್ಯಾಕ್ಸಿಮ್ ಗೊರ್ಕಿ, ಆಯ್ನ್ ರಾಂಡ್, ಬೊಕ್ಕ ವಿಶೇಷವಾದ್ ಗೇಬ್ರಿಯೆಲ್ ಗಾರ್ಸಿಯಾ ಮಾರ್ಕ್ವೆಜ್ ನ್ ಪ್ರಾಥಮಿಕ ಪ್ರಭಾವೊಲೆನ್ ಉಲ್ಲೇಖ ಮಲ್ತೆರ್. ^[೮]

ವಿಷಯೊಲು

ಅರೆನ ಬೇಲೆ ಪಿತೃಪ್ರಧಾನತೆ, ತಾರತಮ್ಯ, ಬೊಕ್ಕ ವ್ಯಕ್ತಿತ್ವೊಗು ಸಂಬಂಧಪಟ್ಟಿನ ವಿಷಯೊಲೆನ್ ಅನ್ವೇಷಣೆ ಮಲ್ಪುಂಡು, ಮಹಿಳೆಯೆರೆನ ಒಳಗಿನ ಜೀವನೊಲೆನ್ ಕೇಂದ್ರೀಕರಿಸವುಂಡು ಬೊಕ್ಕ ಸಾಂಪ್ರದಾಯಿಕ ಶಕ್ತಿ ಗತಿಶಾಸ್ತ್ರೊಲೆನ್ ಸವಾಲು ಮಲ್ಪುಂಡು. ^[೯] ಮೀರಾ ತನ್ನ ರಾಜಕೀಯ ಪರಿಸರೊಡು ತೊಡಗಿನವು ಪಂಡ್ದ್ ತನ್ನ ಬೇಲೆನ್ ವರ್ಣನೆ ಮಲ್ತೆರ್, "ಪ್ರತಿಯೊಂಜಿ ಬರವುದಕುಲು ಒರಿ ರಾಜಕೀಯ ಬರವುದಕುಲು. ಸಮಾಜೊಡು ಬೊಕ್ಕ ಸುತ್ತಮುತ್ತ ನಡಪುನವುಲೆಡ್ದ್ ಏರೆಗ್ಲಾ ಮುಚ್ಚುನವು ಬಾರಿ ಕಷ್ಟ. ಬೊಕ್ಕ ಒರಿ ಬರವುದಾರೆ ಆದ್, ನಮ ನಮ್ಮ ಬರವುದ ಮೂಲಕ ಸಮಾಜೊಡು ದಾದ ನಡತೊಂದುಂಡು ಪನ್ಪಿನೆನ್ ಪ್ರತಿಬಿಂಬಿಸವುನವು. ಬರವು ಪಂಡ ಪ್ರಜ್ಞಾಪೂರ್ವಕ ಬೊಕ್ಕ ಅಪ್ರಜ್ಞಾಪೂರ್ವಕ ಬೊಕ್ಕ ಸೃಜನಶೀಲತೆದ ಮಿಶ್ರಣ— ಕರಕುಶಲ—ಅಯಿನ್ ಬೇತೆ ರೀತಿದ ವ್ಯವಸ್ಥಿತ ರೀತಿಡ್ ವಿಶ್ಲೇಷಣೆ ಮಲ್ಪುನವು ಬಾರಿ ಅಸ್ವಾಭಾವಿಕವಾದ್ ತೋಜುಂಡು.” ^[೯]

ಪ್ರಶಸ್ತಿ ಬೊಕ್ಕ ಗೌರವೊಲು

೨೦೦೪: ಲಲಿತಾಂಬಿಕಾ ಸಾಹಿತ್ಯ ಪ್ರಶಸ್ತಿ ೨೦೦೪ : ಕೇರಳ ಸಾಹಿತ್ಯ ಅಕಾಡೆಮಿಯಿಂದ ಗೀತಾ ಹಿರಣ್ಯ ದತ್ತಿ ಪ್ರಶಸ್ತಿ - ಒರ್ಮಯುಡೆ ನಜಾರಂಪು ೨೦೦೯: ಕತೆಕ್ ಕೇರಳ ಸಾಹಿತ್ಯ ಅಕಾಡೆಮಿ ಪ್ರಶಸ್ತಿ - ಅವೆ ಮರಿಯಾ[೧] ೨೦೧೩: ಒಡಕ್ಕುಝಾಲ್ ಪ್ರಶಸ್ತಿ - ಆರಾಚಾರ್[೨] ೨೦೧೩: ಕಾದಂಬರಿ - ಆರಾಚಾರ್ ಗ್ ಕೇರಳ ಸಾಹಿತ್ಯ ಅಕಾಡೆಮಿ ಪ್ರಶಸ್ತಿ[೩] ೨೦೧೪: ವಯಲಾರ್ ಪ್ರಶಸ್ತಿ - ಆರಾಚಾರ್[೪] ೨೦೧೫: ಕೇಂದ್ರ ಸಾಹಿತ್ಯ ಅಕಾಡೆಮಿ ಪ್ರಶಸ್ತಿ - ಆರಾಚಾರ್[೫] ೨೦೧೬: ದಕ್ಷಿಣ ಏಷ್ಯಾದ ಸಾಹಿತ್ಯೊಗು ಡಿಎಸ್ಸಿ ಪ್ರಶಸ್ತಿಗ್ ಶಾರ್ಟ್ ಲಿಸ್ಟ್ ಆಯೆರ್ - ಹ್ಯಾಂಗ್ ವುಮನ್ (ಜೆ. ದೇವಿಕಾ ಅನುವಾದ ಮಲ್ತೆರ್)[೬] ೨೦೧೮ : ಮುತ್ತಾತು ವರ್ಕೆ ಪ್ರಶಸ್ತಿ - ಆರಾಚಾರ್

ಕಾದಂಬರಿಲು

ನೆಥ್ರೋನ್ಮೀಲನಂ (ಬೆಳಕುದ ಅದೃಶ್ಯ ಮೂರ್ತಿ)
ಮೀರಸಾಧು ( ಪ್ರೀತಿದ ವಿಷ )
ಯುಡಸಿಂತೆ ಸುವಿಶೇಷಂ [ಯುದಾಸ್ ನ ಸುವಾರ್ತೆ]
ಮಲಕಾಯುಡೆ ಮರುಕುಕಲ್|
ಕರಿನೀಲಾ
ಆ ಮರತ್ತೇಯುಂ ಮರನ್ನು ಮರನ್ನು ನ್ಜನ್ ( ಬೊಕ್ಕ ಮೆಲ್ಲ ಮೆಲ್ಲ ಆ ಮರನ್ ಮರೆತ್ ದ್ )
ಆರಾಚಾರ್ (೨೦೧೨) ( ಹ್ಯಾಂಗ್ ವುಮನ್: ಎವೆರಿಒನ್ ಲವ್ಸ್ ಎ ಗುಡ್ ಹ್ಯಾಂಗಿಂಗ್ )
ಸೂರ್ಯನೆ ಆನಿಂಜ ಒರು ಶ್ರೀ (ಜೆಜೆಬೆಲ್)
ಘಥಾಕನ್ ( ದಿ ಅಸ್ಸಾಸಿನ್ )
ಖಬರ್ (ಕಬರ್)
ಕಲಚಿ ^[೧೦]

ಸಣ್ಣ ಕತೆತ ಸಂಗ್ರಹೊಲು |

ಸರ್ಪಯಜ್ಞಾನ ಜಿ(2001)
ಒರ್ಮಯುಡೆ ನ್ಜಾರಂಬು (೨೦೦೨) ( ದಿ ವೆನ್ ಆಫ್ ಮೆಮೊರಿ )
ಮೋಹ ಮಂಜಾ (೨೦೦೪) ( ಹಳದಿ ಪಂಡ ಹಳವುದ ಬಣ್ಣ )
ಅವೆ ಮರಿಯಾ
ಕೆ ಆರ್ ಮೀರಾಯುಡೆ ಕಥಾಕಲ್
ಗಿಲ್ಲೊಟಿನ್
ಮೀರಾಯುಡೆ ಕಾದಂಬರಿ (2014)
ಪೆನ್ಪಂಜತಂದ್ರಂ [೨೦೧೬]
ಭಾಗವಂತೆ ಮಾರಣಂ [೨೦೧೭]

ನೆನಪುಲು

ಮಝಯಿಲ್ ಪರಕ್ಕುನ ಪಕ್ಷಿಕಲ್
ಎಂತೆ ಜೀವಿತತ್ತಿಲೆ ಚಿಲಾರ್
ಕಾಧಯೆಝುತ್

ಉಲ್ಲೇಖೊಲು

1 2 Varuna Verma (18 January 2015). "'A writer is inherently a feminist, humanist, environmentalist and a socialist'". Telegraph. Retrieved 13 February 2015.{{cite news}}: CS1 maint: deprecated archival service (link)
1 2 Kuruvilla, Elizabeth (2017-03-03). "Writing is my revenge: K.R. Meera". Livemint (in ಇಂಗ್ಲಿಷ್). Retrieved 2020-07-13.
↑ Nandini Nair. "Telling Herstory". Business Line. Retrieved 15 May 2023.
↑ Shreekumar Varma (2 May 2010). "A bunch of blooms". The Hindu. Retrieved 13 February 2015.
↑ "Sahitya Akademi award for Meera's 'Aarachar'". The Times of India. 20 December 2014. Retrieved 23 December 2014.
↑ "Meera's Hangwoman in DSC prize shortlist". The Hindu. 28 November 2015. Retrieved 5 December 2015.
↑ Shahla Kunjumohammad (20 January 2015). "A journey through the soul". Malayala Manorama. Archived from the original on 12 February 2015. Retrieved 13 February 2015.
1 2 "K R Meera". www.platform-mag.com. Retrieved 2020-07-13.
1 2 Jayaraman, Geetha (2020-01-21). "K R Meera: Writers don't have the option of being apolitical". KochiPost (in ಅಮೆರಿಕನ್ ಇಂಗ್ಲಿಷ್). Archived from the original on 13 June 2020. Retrieved 2020-07-13.
↑ "KALACHI". dcbookstore.com/.

ಬಾಹ್ಯ ಕೊಂಡಿಲು

"ಹಳದಿ ಪಂಡ ಲಾಂಗ್ ದ ಬಣ್ಣ" ಡ್ Archived . ( ದಿ ಡೈಲಿ ಸ್ಟಾರ್ )

[Telegraph-1] 1 2 Varuna Verma (18 January 2015). "'A writer is inherently a feminist, humanist, environmentalist and a socialist'". Telegraph. Retrieved 13 February 2015.{{cite news}}: CS1 maint: deprecated archival service (link)

[:0-2] 1 2 Kuruvilla, Elizabeth (2017-03-03). "Writing is my revenge: K.R. Meera". Livemint (in ಇಂಗ್ಲಿಷ್). Retrieved 2020-07-13.

[Hindu1-3] Nandini Nair. "Telling Herstory". Business Line. Retrieved 15 May 2023.

[Hindu2-4] Shreekumar Varma (2 May 2010). "A bunch of blooms". The Hindu. Retrieved 13 February 2015.

[5] "Sahitya Akademi award for Meera's 'Aarachar'". The Times of India. 20 December 2014. Retrieved 23 December 2014.

[6] "Meera's Hangwoman in DSC prize shortlist". The Hindu. 28 November 2015. Retrieved 5 December 2015.

[Manorama-7] Shahla Kunjumohammad (20 January 2015). "A journey through the soul". Malayala Manorama. Archived from the original on 12 February 2015. Retrieved 13 February 2015.

[:1-8] 1 2 "K R Meera". www.platform-mag.com. Retrieved 2020-07-13.

[:2-9] 1 2 Jayaraman, Geetha (2020-01-21). "K R Meera: Writers don't have the option of being apolitical". KochiPost (in ಅಮೆರಿಕನ್ ಇಂಗ್ಲಿಷ್). Archived from the original on 13 June 2020. Retrieved 2020-07-13.

[10] "KALACHI". dcbookstore.com/.

[೧]

[೨]

[೩]

[೪]

[೫]

[೬]

[೭]

[೮]

[೯]

[೧೦]