ಕೈಸಟಿ
ಕೈಸಟಿ ಇಜ್ಜಾಂಡ ಕೈತಟ್ಟಿ ಪನ್ಪಿನ ಮರಟ್ ಪಲ್ಪುನ ಒಂಜಿ ಸೊತ್ತು. ಉಂದೆನ ತುಳುನಾಡ್‌ಡ್ ಬೇತೆ ಬೇತೆ ಕೆಲಸೊಲೆಗ್ ಉಪಯೋಗ ಮಲ್ಪುವೆರ್.
ತೂಯರೆ[ಸಂಪೊಲಿಪುಲೆ]
ಉಂದು ತೂಯರೆ ಉರುಂಟಾದ್ ಚಟ್ಟೆ ಉಪ್ಪುಂಡು. ಪತೊನಿಯರೆ ಐಕ್ಕೊಂಜಿ ಕಡೆ ಉಂಡು. ಉಂದ್‌ನ್ ಒಂಜೇ ಮರಟ್ ಮಲ್ಪುವೆರ್. ಒವ್ವೇ ಮರಟ್ಟ್ ಲಾ ಮಲ್ಪುವೆರ್ ಆಂಡ ಪೆಜತ್ತಾ ಮರಟ್ಟ್ ಮಲ್ದಿನ ಕೈತಟ್ಟಿಲು ಬಾರಿ ಬಾಳಿಕೆ ಪರ್ಪುಂಡು.
ಉಪಯೋಗೊಲು[ಸಂಪೊಲಿಪುಲೆ]
ಕೈಸಟಿನ್ ಬೇಟೆ ಬೇತೆ ಬೇತೆ ಬೇಲೆಡ್ ಬಳಸುವೇರ್.
ನುಪ್ಪು ಕಬಿಡರೆ[ಸಂಪೊಲಿಪುಲೆ]
ದುಂಬುದ ಕಾಲೊಡ್ ಮಣ್ಣ್ ದ ಕರಟ್ಟ್ ನುಪ್ಪು ಮಲ್ತ್ದ್ ಅವೆನ ಕಬಿಡರೆ ಕೈಸಟಿನ್ ಓಪರೊಂದು ಇತ್ತೆರ್. ಅವ್ವ್ ಅತ್ತಂದೆ, ನುಪ್ಪುದ ತೆಲಿನ್ ಬಾವಾಡರೆ ಈ ಒಂಜಿ ಕೈಸಟಿನ್ ಓಪರೊಂದು ಇತ್ತೆರ್.
ಬಾರ್ ಪಾರಾಯರೆ[ಸಂಪೊಲಿಪುಲೆ]
ಕೆಯಿ ಕೊಯ್ದಿ ಆಯಿ ಬೊಕ್ಕ ಅವೆನ್ ಪಡಿಟ್ಟ್ ನೋಪುವೆರ್. ಬೊಕ್ಕ ಬಾರ್ ಬೊಕ್ಕ ಅವೆತ್ತ ಕಜವುನು ಬೇತೆ ಮಲ್ಪೆರೆ ಕೈಸಟಿರ್ದ ಬಾರ್ ನ್ ಪಾರಾವೆರ್. ಕೈಸಟಿಗ್ ಬಾರ್‌ನ್ ಪಾಡ್ದ್ ಅವೆನ್ ಜಾಲ್‌ಡ್ ಪಾರಾವೆರ್. ಅಪಗ ಬಾರ್‌ಡ್ ಇತ್ತಿನ ಕಜವು ಒಂಜಿ ಕಡೆಕ್ಕ್ ಬೊಕ್ಕ ಬಾರ್ ಕುಡೊಂಜಿ ಕಡೆಕ್ ಬೂರುಂಡು.
ತಟ್ಟಿಗ್ ದೀವರೆ[ಸಂಪೊಲಿಪುಲೆ]
ದುಂಬುದ ಕಾಲಡ್ ಮೀನ್ ಕಜಿಪು ಮಲ್ತಿನಾನಿ ಅತ್ತಂದೆ ಬೇತೆ ಒವುಲಾ ಎಡ್ಡೆ ದಿನತಾನಿ ಮಾತೆರ‍್ಲ ವನಸ್ ಮಲ್ಪುನ ದುಂಬು ಕೈಸಟಿಗ್ ಪಾಡ್ದ್ ಅವೆನ್ ತಟ್ಟಿಗ್ ದೀಪೆರ್. ಸೈತಿನಕ್ಲೆಗ್ ತಟ್ಟಿಡ್ ದೀಪಿನ ಒಂಜಿ ಕ್ರಮ ದುಂಬುರ್ದಿಂಚಿಲ ತುಲುನಾಡ್‌ಡ್ ನಡತೊಂದು ಬೈದಂಡ್.
ದಾಸೆಮಿದ ಕಜವ್ ದೆಪ್ಪರೆ[ಸಂಪೊಲಿಪುಲೆ]
ದಾಸೆಮಿಡ್ ಕಜವು ಇಪ್ಪುನಗ ದಾಸೆಮಿನ್ ಕೈಸಟಿಗ್ ಪಾಡ್ದ್ ಅವೆನ್ ಪಾರವೊಡು. ಅಪಗ ದಾಸೆಮಿ ಒಂಜಿ ಕಡೆಕ್ ಬೊಕ್ಕ ಕಜವು ಕುಡೊಂಜಿ ಕಡೆಕ್ಕ್ ಒಂದುಂಡು
ಮರ್ದ್ ಗುದ್ದರೆಗ್[ಸಂಪೊಲಿಪುಲೆ]
ದುಂಬುದ ಕಾಲೊಡು ಮರ್ದ್ ಅರೆಪರೆ ಈ ಒಂಜಿ ಕೈ ಸಟಿನ್ ಉಪಯೋಗ ಮಲ್ತೊಂದು ಇತ್ತೆರ್