ಕೈ ಕೆನ್

ಕೈ ಕೆನ್ಉಂದೆನ್ ಟೋರಾ ಇನು ಅಥವಾ ಟೈಗರ್ ಡಾಗ್ ಪಂದು ಲೆಪ್ಪುವೆರ್. ತಳಿ ಕೈ ಪ್ರದೇಶೊಕು ಸ್ಥಳೀಯವಾದ್ ನಾಯಿ, ಯಮನಾಶಿ ಪ್ರಿಫೆಕ್ಚರ್, ಜಪಾನ್, ಮುಲ್ಪ ಉಂದು ರಾಷ್ಟ್ರೀಯ ಸ್ಮಾರಕವಾದುಂಡು. ಉಂದು ಈ ನಾಯಿ ಅಯಿತ ಮೂಲ ಭೂಮಿಡ್ಲಾ ಅಪರೂಪ ಆದುಂಡು ಬುಕ್ಕೊ ನಿಹೋನ್ ಕೆನ್ ಹೊಜೊನ್ಕೈ ರಕ್ಷಣೆ ಮಲ್ತಿನ ಆಜಿ ಸ್ಥಳೀಯ ಜಪಾನ್ದ ನಾಯಿ ತಳಿಲೆಡ್ ಉಂದುಲ ಒಂಜಿ.

ಗೋಚರತೆ

"ಕೈ-ಕುರೊ-ಗೋ" ಪುದರ್ ದ ಕೈ ಕೆನ್‌ನ ಸ್ಟಫ್ಡ್ ಮಾದರಿ ನ್ಯಾಷನಲ್ ಮ್ಯೂಸಿಯಂ ಆಫ್ ನೇಚರ್ ಅಂಡ್ ಸೈನ್ಸ್, ಟೋಕಿಯೋ, ಜಪಾನ್

Kai Ken puppy

ಕೈ ಕೆನ್ ಪಂಡ ಒಂಜಿ ಮಧ್ಯಮ ಗಾತ್ರದ ನಾಯಿ, ಉಂದೆಕ್ ಬೆಣೆ ಆಕಾರದ ತರೆ ಬುಕ್ಕೊ ಮುಳ್ಳು ಮುಳ್ಳುದ ಕಿಬಿಲು ಉಪ್ಪುಂಡು. ಆನುಲು ಸಾಮಾನ್ಯವಾದ್ ಭುಜೊಡು 18 ರ್ದ್ 22 ಇಂಚ್ ಮುಟ್ಟ ಉಪ್ಪುಂಡು, ಪೊಣ್ಣುಲು ಒಂತೆ ಎಲ್ಯ ಉಪ್ಪುಂಡು, ಭುಜೊಡು 17 ರ್ದ್ 20 ಇಂಚ್ ಮುಟ್ಟ ಉಪ್ಪುಂಡು. ಬೀಲೊನು ಪಿರವುದ ಮಿತ್ತ್ ಸುರುಳಿ ಸುತ್ತುದು ಉಪ್ಪುಂಡು. ಅತ್ತಂಡ ಕುಡರಿದ ಸ್ಥಾನೊಡು ಕರೆತೊಂದು ಪೋವೊಲಿ. ಕೈಕಾಲ್ ಲು ಗಟ್ಟಿಯಾದ್ ಉಪ್ಪೊಡು ಬುಕ್ಕೊ ಕೈಕುಲು ಎಡ್ಡೆ ರೀತಿಡ್ ಅಭಿವೃದ್ಧಿ ಆವೊಡು, ಉಂದು ನಾಯಿದ ಪರ್ವತ ಜೀವನದ ಇತಿಹಾಸೊನು ಪ್ರತಿಬಿಂಬಿಸವುಂಡು. ಕೋಟ್ ಒರಟು ರಚನೆದ, ಮಧ್ಯಮ ಉದ್ದದ ಬುಕ್ಕೊ ಬ್ರಿಂಡಲ್ ("ಪಿಲಿ" ಪಟ್ಟೆಲು) ದ ಬೇತೆ ಬೇತೆ ಛಾಯೆಲೆಡ್ ಬರ್ಪುಂಡು. ಬ್ರಿಂಡಲ್ ದ ಮೂಜಿ ಪ್ರಮುಖ ಮಾನ್ಯತೆ ಪಡೆಯಿನ ಛಾಯೆಲು ಉಂಡು: ಅಕಾ-ತೋರಾ (ಕೆಂಪು), ಚು-ತೋರಾ (ಮಧ್ಯಮ), ಬುಕ್ಕೊ ಕುರೊ-ತೋರಾ (ಕಪ್ಪು). ನಾಯಿ ದ ಕಿನ್ನಿಲು ಬರ್ನಾದ ಘನ ಬಣ್ಣ, ಬುಕ್ಕೊ ಅಯಿಕ್ಲೆನ ಕೊರೆಪುನಾವು ಗುರುತುಲು ಅವು ಪ್ರಾಯೊ ಆನೊಗ ಬುಲೆಪುಂಡು, ಕೆಲವು ವಸ್ತುಲು ಪೂರ್ತಿ ತೋಜುನ ದುಂಬು ಐನ್ ವರ್ಷ ಮುಟ್ಟ ಸಮಯ ದೆತೊನುಂಡು.

ಮನೋಧರ್ಮ

ಕುರೊ-ತೋರ ಕೈ ಕೇನ್

ಚು-ತೋರ ಕೈ ಕೆನ್

ಕೈ ಕೆನ್ ಬುದ್ಧಿವಂತೆ, ಚುರುಕು, ಎಚ್ಚರ ಬುಕ್ಕೊ ಧೈರ್ಯಶಾಲಿ. ಅಕುಲು ನೈಸರ್ಗಿಕ ಬೇಟೆಗಾರೆರೆನ್ ಬುಕ್ಕೊ ಎಡ್ಡೆ ಕಾವಲುಗಾರೆಲೆನ್ ಮಲ್ಪುವೆರ್, ಅಪರಿಚಿತೆರೆನೊಟ್ಟುಗು ಮೀಸಲಾತಿನಕುಲು ಆಂಡ ಅಕ್ಲೆನ ಕುಟುಂಬೊಗು ನಿಷ್ಠಾವಂತೆರ್. ಅವು ಸ್ನೇಹಿ, ಸಾಮಾನ್ಯವಾದ್ ಜೋಕುಲೆನೊಟ್ಟುಗು ಎಡ್ಡೆ ಬುಕ್ಕೊ ಸಾಮಾನ್ಯವಾದ್ ಬೇತೆ ನಾಯಿಲೆನ ಮಿತ್ತ್ ಆಕ್ರಮಣಕಾರಿ ಅತ್ತ್. ಮಸ್ತ್ ಜನ ಈಜೆರೆ ಇಷ್ಟ ಪಡ್ಪೆರ್ ಬುಕ್ಕೊ ಅಕ್ಲೆನ ಬೇಟೆದ ಪಿರವುಡು ನದಿಲೆನ್ ದಾಂಟೊಂದು ಮರಕುಲೆನ್ ಏರುನವು ತೆರಿದ್ ಬತ್ತ್ಂಡ್.

ಇತಿಹಾಸ

ನಿಹೋನ್ ಕೆನ್ ಹೊಜೊಂಕೈ (ಎನ್ಐಪಿಪಿಒ) ರಚನೆದ ಪೊರ್ತುಡು ಕೈ ಕೆನ್ ನ್ ನಿಹೋನ್ ಕೆನ್ (ಜಪಾನಿನ ನಾಯಿ) ಲ್ಯಾಂಡ್ ರೇಸ್ ಡ್ದ್ ಬೇತೆ ಮಲ್ತೆರ್ ಬುಕ್ಕೊ ಯಮನಾಶಿ ಪ್ರಾಂತ್ಯೊಡು ಕೈ ಪ್ರಾಂತ್ಯೊದ ಪುದರ್ ಡ್ ಪುದರ್ ದೀಯೆರ್, ಅಲ್ಪ ಈ ತಳಿ ಪುಟ್ಟುದು ಬತ್ತ್ಂಡ್ ಪನ್ಪೆರ್. ಒಂಜಿ ಚುರುಕು ಬುಕ್ಕೊ ಸುಲಭೊದ ಪರ್ವತಾರೋಹಿ ಆಯಿನೆಡ್ದಾವರ, ಕೈ ಕೆನ್ ನ್ ಯಮನಾಶಿದ ಕಡಿಮೆ ಪರ್ವತ ಪ್ರದೇಶೊಡು ಬೇಟೆ ಮಲ್ಪೆರೆ ಉಪಯೋಗ ಮಲ್ತೆರ್, ಅಲ್ಪ ಅಯಿತ ಪ್ರಾಥಮಿಕ ಕ್ವಾರಿ ಜಪಾನಿನ ಸೆರೊ (ಕಮೋಶಿಕಾ), ಜಿಂಕೆ, ಕಾಡು ಪಂಜಿ, ಬುಕ್ಕೊ ಕೆಲವೊಂಜಿ ಸರ್ತಿ ಕರಡಿ ಆದಿತ್ತ್ಂಡ್. 1928ಡ್ ನಿಪ್ಪೊ ರಚನೆ ಆಯಿ ಬುಕ್ಕೊ, ಕೈ ಕೆನ್ ನ್ ೧೯೩೩ಡ್ ಜಪಾನ್ ಡ್ ರಾಷ್ಟ್ರೀಯ ಸ್ಮಾರಕೊ ಆದ್ ಗೊತ್ತುಪಡಿಸಯೆರ್. 1931 ಟ್ ಕೈ ಕೆನ್ ಐಗೊಕೈ Archived ೨೦೧೭-೦೪-೦೫ at the Wayback Machine (KKA) ರಚನೆ ಆಂಡ್ ಜಪಾನ್ ಡ್ ಈ ತಳಿಗ್ ಪ್ರಾಥಮಿಕ ಸಂರಕ್ಷಣಾ ಸಮಾಜ ಆಂಡ್ ಬುಕ್ಕೊ ಇನಿಕ್ಲಾ ಅಂಚನೆ ಉಂಡು.

ಜನಪ್ರಿಯ ಸಂಸ್ಕೃತಿಡ್

• ಯೋಶಿಹಿರೊ ತಕಾಹಾಶಿ ನ ಸರಣಿ ಗಿಂಗಾ: ನಾಗರೆಬೋಶಿ ಜಿನ್ ಬುಕ್ಕೊ ಅಯಿತ ಮುಂದುವರಿಕೆ, ಗಿಂಗಾ ಡೆನ್ಸೆಟ್ಸು ವೀಡ್ ಡ್ ಮಸ್ತ್ ಕೈ ಕೆನ್ ಲು ತೋಜುಂಡು, ಉಂದೆಟ್ ಕುರೊಟೊರಾ, ಚೋಟೊರಾ, ಬುಕ್ಕೊ ಅಕಟೋರಾ ಸೋದರೊಲು ಸೇರ್ದ್ ಉಲ್ಲೆರ್. ಮುಂದುವರಿಕೆಡ್, ಗಿಂಗಾ ಡೆನ್ಸೆಟ್ಸು ವೀಡ್, ಕುರೊಟೊರಾನ ಮಗೆ, ಕಗೆಟೊರಾ, ಅರೆನ ಎಲ್ಯ ಮೆಗ್ಯೆಪಲಯನಾಕ್ಲು ಹಾರುಟೊರಾ ಬುಕ್ಕೊ ನೊಬುಟೊರಾ, ಬುಕ್ಕೊ ಸೋದರ ಸಂಬಂಧಿಲು ಡೋಡೊ, ಬುರು, ಶೋಜಿ ಬುಕ್ಕೊ ಶಿಗುರೆ ನಕುಲೆನೊಟ್ಟುಗು ಪ್ರಮುಖ ಪಾತ್ರೊನ್ ಮಲ್ಪುವೆರ್.
• ಬೇತೆ ಯೋಶಿಹಿರೊ ತಕಾಹಾಶಿ ಮಂಗಾ, ``ಕಚ್ಚು ನೋ ಸೆನ್ಶಿ ಗಾಮು ಡ್ ಗಾಮಾ ಪನ್ಪಿನ ಒರಿ ಖಳನಾಯಕೆ ಕೈ ಕೆನ್ ನ್ ತೋಜಾವೆರ್.
• 2006 ದ ವಿಡಿಯೋ ಗೇಮ್ Ōkami ಡ್ದ್ ಜಾವೆಡ್ ವಾರಿಯರ್ ಚು ಲಾ ಕೈ ಕೆನ್.
• ಒಸ್ವಾಲ್ಡ್ "ಒಜ್ಜಿ" (ಲಿಟ್ಲ್ ಬೇರ್ ನಟನೆ ಮಲ್ತೆರ್), 2015 ಡ್ ನಿರ್ದೇಶಕೆರ್ ಬ್ರಿಯನ್ ಮೈಕೆಲ್ ಸ್ಟೊಲ್ಲರ್ ಮಲ್ತಿನ ದಿ ಅಮೇಜಿಂಗ್ ವಿಜಾರ್ಡ್ ಆಫ್ ಪಾಸ್ ಚಿತ್ರೊಡು 600 ವರ್ಸೊದ ಮಾಯಾ ನಾಯಿ.

ರೋವರ್, *"ಒನ್-ಪಂಚ್ ಮ್ಯಾನ್" ಸರಣಿಡ್ ನನೊಂಜಿ ಮುಖ್ಯ ಪಾತ್ರೊದ ಸಾಕುಪ್ರಾಣಿ, ಕೈ ಕೆನ್ ಪನ್ಪಿನ ಒಂಜಿ ಮಲ್ಲ ನಾಯಿ ರಾಕ್ಷಸನ ಮಿತ್ತ್ ಆಧಾರಿತವಾದುಂಡು.

• ಮಧ್ಯ ಜಪಾನ್ ಡ್ ಯಮನಾಶಿ ಪ್ರಾಂತ್ಯ ದ ಮ್ಯಾಸ್ಕಾಟ್, ತಕೆಡಾ ಹಿಶಿಮಾರು (武田菱丸), ತಕೆಡಾ ಶಿಂಗೆನ್ ದ ಐತಿಹಾಸಿಕ ವ್ಯಕ್ತಿನ್ ಆಧಾರವಾದ್ ಕೈ ಕೆನ್ ಸಮುರಾಯ್.

ಬಾಹ್ಯ ಕೊಂಡಿಲು

• The North American Kai Ken Association Archived ೨೦೧೫-೦೪-೦೭ at the Wayback Machine
• Canada's Guide To Dogs, Kai Ken
• About Kai Ken, Hozonkai (Japanese Dog Preservation Association) registered kennel Kai Dog Kennel- GINYASO Archived ೨೦೧೬-೦೮-೦೫ at the Wayback Machine