ಕೈ ಚಾಂಗ್
ಕೈ ಚಾಂಗ್ ( Chinese ; ಇಎಫ್ಇಒ : ಟ್ಸೈ ಟ್ಚಾಂಗ್ ; 14 ಮೇ 1900 - 11 ಸೆಪ್ಟೆಂಬರ್ 1990) [೧] [೨] ಒರಿ ಚೀನೀ ರಾಜಕಾರಣಿ ಬೊಕ್ಕ ಮಹಿಳಾ ಹಕ್ಕುಲೆನ ಕಾರ್ಯಕರ್ತೆ ಆದಿತ್ತೆರ್, ಆರ್ ಚೀನೀ ಮಹಿಳಾ ಹಕ್ಕುಲೆನ ಸಂಘಟನೆ ಆಯಿನ ಆಲ್-ಚೈನಾ ಮಹಿಳಾ ಒಕ್ಕೂಟೊದ ಸುರುತ ಅಧ್ಯಕ್ಷೆರಾದಿತ್ತೆರ್.
ಸುರುತ ಜೀವನ
[ಸಂಪೊಲಿಪುಲೆ]ಕೈ ಚಾಂಗ್ 1900ಡ್ ಕ್ವಿಂಗ್ ಚೀನಾದ ಹುನಾನ್ ಡ್ ಒಂಜಿ ಕೆಳಮಟ್ಟದ ಮಧ್ಯಮ ವರ್ಗದ ಕುಟುಂಬೊಡು ಪುಟ್ಟುವೆರ್. ಅರೆನ ಅಮ್ಮ ಅರೆನ ಕಂಡನಿನ್ ಬುಡ್ದ್ ಪೊಯೆರ್, ಬೊಕ್ಕ ಅರೆನ ಸೊತ್ತುಲೆನ್ ಮಾರಾಟ ಮಲ್ತ್ದ್ ಅರೆನ ಜೋಕುಲೆನ್ ಶಾಲೆಗ್ ಕಡಪುಡ್ಯೆರ್. ಕೈ ಚಂಗ್ ಮಹಿಳಾ ಶಿಕ್ಷಣೊನು ಗಟ್ಟಿಯಾದ್ ನಂಬಿಯೆರ್, ಬೊಕ್ಕ ಬ್ರಹ್ಮಚರ್ಯದ ಪ್ರತಿಜ್ಞೆದ ಪರವಾದ್ ಮದಿಮೆದ ಕಲ್ಪನೆನ್ ಬುಡಿಯೆರ್. ಕೈ ಚಂಗ್ಗ್ ಈ ವಿಷಯೊಡು ಅಮ್ಮೆರ್ ಅಲೆಗ್ ಸಹಾಯ ಮಲ್ತೆರ್. ಕೈ 1916 ಮುಟ್ಟ ಚಾಂಗ್ಶಾಡ್ ಝೌನಾನ್ ಗರ್ಲ್ಸ್ ಮಿಡ್ಲ್ ಸ್ಕೂಲ್ ಗ್ ಪೋಯೆರ್. 1917-1918 ದ ಚಳಿಗಾಲೊಡು, ಮಾವೊ ಜೆಡಾಂಗ್ ಬೊಕ್ಕ ಕೈ ಚಾಂಗ್ನ ಮೆಗ್ಯೆ ಕೈ ಹೆಸೆನ್ ಮಲ್ತಿನ ಕೆಲಸದ ಅಧ್ಯಯನ ಕಾರ್ಯಕ್ರಮವಾಯಿನಂಚಿನ ನ್ಯೂ ಪೀಪಲ್ಸ್ ಸ್ಟಡಿ ಸೊಸೈಟಿಗ್ ಸೇರ್ದಿನ ಸುರುತ ಪೊಣ್ಣುಲೆಡ್ ಒರಿಯೆ ಆಯೆರ್. ಈ ಗುಂಪುಡು ಪೊಣ್ಣುಲು ಅಕ್ಲೆನ ಸ್ವಂತ ಸ್ವಸಹಾಯ ಗುಂಪುಲೆನ್ ರಚನೆ ಮಲ್ಪೊಡು ಬೊಕ್ಕ ರಾಜಕೀಯೊಡು ಕ್ರಿಯಾಶೀಲರಾವೊಡು ಪನ್ಪಿನ ವಾದೊನು ಮಲ್ತೆರ್. [೨]
ಕೈ, ಅಲೆನ ಅಮ್ಮೆ, ಕೈ ಹೆಸೆನ್, ಬೊಕ್ಕ ಕೈ ಹೆಸೆನ್ ನ ಭವಿಷ್ಯದ ಮದಿಮೆ ಆಯಿನ ಕ್ಸಿಯಾಂಗ್ ಜಿಂಗ್ಯು ಯುರೋಪ್ ಗ್ ಪೋಯೆರ್, ಅಲ್ಪ ಕೈ ಒರಿ ಕಾರ್ಖಾನೆದ ಬೇಲೆದಾರೆ ಆದಿತ್ತೆರ್. ಮಾಸ್ಕೋದ ಕಮ್ಯುನಿಸ್ಟ್ ವಿಶ್ವವಿದ್ಯಾಲಯದ ಟಾಯ್ಲರ್ಸ್ ಆಫ್ ದ ಈಸ್ಟ್ ಸೇರ್ದ್ ಬೇತೆ ಚೀನೀ ಸಮಾಜವಾದಿ ಸ್ತ್ರೀವಾದಿ ವಿದ್ವಾಂಸೆರೆನೊಟ್ಟುಗು ಅರಾಜಕತೆ, ಮಾರ್ಕ್ಸ್ ವಾದ ಬೊಕ್ಕ ಲೆನಿನಿಸಂ ನ್ ಅಧ್ಯಯನ ಮಲ್ತೆರ್. [೨]
೧೯೨೨ಡ್, ಕೈ ಲಿ ಫುಚುನ್ ಪನ್ಪಿನ ಒರಿ ಪ್ರಮುಖ ಕಮ್ಯುನಿಸ್ಟ್ ನ್ ಮದಿಮೆ ಆಯೆರ್. [೨]
ಕೆಲಸ
[ಸಂಪೊಲಿಪುಲೆ]೧೯೨೧ಡ್, ಕೈ ಚೀನಾಗ್ ವಾಪಸ್ ಬತ್ತೆರ್, ಅಲ್ಪ ಆರ್ ಒರಿ ದೈಹಿಕ ಶಿಕ್ಷಣ ಶಿಕ್ಷಕಿ ಆಯೆರೆ ಅಧ್ಯಯನ ಮಲ್ತೆರ್. ಝೌನಾನ್ ಬಾಲೆಲೆನ ಶಾಲೆಡ್ ನಾಲ್ ವರ್ಸೊಗು ಕಲ್ಪಾಯೆರ್, ಅಲ್ಪ ಕೆಲವು ವರ್ಸೊಗು ದುಂಬು ಪೋಯೆರ್. ಈ ಸಮಯೊಡು, ಆರ್ ಚೀನೀ ಕಮ್ಯುನಿಸ್ಟ್ ಪಾರ್ಟಿ (ಸಿಸಿಪಿ) ಗ್ ಸೇರ್ದೆರ್. [೨]
ಕೈ ಚಾಂಗ್ ತನ್ನ ಬೋಧನಾ ಕೆಲಸೊನು ಬುಡ್ದು 1925ಡ್ ಕುಒಮಿಂಟಾಂಗ್ ಡ್ ಕೇಂದ್ರ ಮಹಿಳಾ ಇಲಾಖೆಡ್ ಬೇಲೆ ಮಲ್ತೆರ್. ರಡ್ಡ್ ವರ್ಸೊಡ್ದು ಬೊಕ್ಕ, ಆರ್ ಕೇಂದ್ರ ಮಹಿಳಾ ಸಮಿತಿಗ್ ಸೇರ್ದೆರ್, ಕ್ಸಿಯಾಂಗ್ ಜಿಂಗ್ಯುನ ಅನುಪಸ್ಥಿತಿಡ್ ಅಯಿನ್ ಮುನ್ನಡೆ ಮಲ್ತೆರ್. ೧೯೩೦ಡ್ ಮದಿಮೆದ ಆದೇಶೊನು ರಚನೆ ಮಲ್ಪೆರೆ ಆರ್ ಸಹಾಯ ಮಲ್ತೆರ್, ಉಂದೆಟ್ "ಸ್ವತಂತ್ರ ಆಯ್ಕೆ ಪ್ರತಿಯೊಂಜಿ ಮದಿಮೆದ ಮೂಲ ತತ್ವ ಆವೊಡು" ಪಂಡ್ದ್ ಘೋಷಣೆ ಮಲ್ತೆರ್. [೩] 1931 ದ ತಾತ್ಕಾಲಿಕ ಸಂವಿಧಾನೊನು ಬರೆಯೆರೆಲಾ ಆರ್ ಸಹಾಯ ಮಲ್ತೆರ್. 1934 ಡ್ದ್ 1935 ಮುಟ್ಟ, ಆರ್ ಕಂಡನಿ ಫುಚುನ್ ನೊಟ್ಟುಗು ಲಾಂಗ್ ಮಾರ್ಚ್ ಡ್ ಸೇರ್ದೆರ್. [೨]
ಕೈ ಚಾಂಗ್ 1949 ಡ್ದ್ ಬೊಕ್ಕ ಚೀನಾಡ್ ಮಸ್ತ್ ಪುದರ್ ಪಡೆಯೆರ್, ಅಲ್ಪ ಆರ್ ಪೀಪಲ್ಸ್ ರಿಪಬ್ಲಿಕ್ ಆಫ್ ಚೀನಾದ ಅಡಿಟ್ ಆಲ್-ಚೈನಾ ವುಮೆನ್ಸ್ ಫೆಡರೇಶನ್ (ACWF) ನ್ ದುಂಬು ಕೊನೊಯೆರ್. ACWF ಡ್ ಅರೆನ ಬೇಲೆದ ಒಂಜಿ ಭಾಗವಾದ್ ವೈಜ್ಞಾನಿಕ ಬೊಕ್ಕ ಸಾಂಸ್ಕೃತಿಕ ಸುಧಾರಣೆಲೆಡ್ ಸವಲತ್ತು ಪಡೆಯಿನ ಪೊಣ್ಣುಲು ಪ್ರಮುಖ ಪಾತ್ರ ವಹಿಸೆರೆ ಸಹಾಯ ಮಲ್ಪುನ ಒಂಜಿ ತಂತ್ರೊನು ರಚನೆ ಮಲ್ತೆರ್. [೨]
ಅಂಚನೆ ತೂಲೆ
[ಸಂಪೊಲಿಪುಲೆ]- ಫ್ರೆಂಚ್-ಚೀನೀ ಸ್ನೇಹದ ಐತಿಹಾಸಿಕ ಮ್ಯೂಸಿಯಂ
ಉಲ್ಲೇಕೊಲು
[ಸಂಪೊಲಿಪುಲೆ]- ↑ "1990年9月11日 蔡畅因病在北京逝世--资料中心--中国共产党新闻网". People's Daily. Archived from the original on 2018-11-19. Retrieved 2018-11-19.
- 1 2 3 4 5 6 7 Rappaport, Helen (2001). "Cai Chang". Encyclopedia of Women Social Reformers. Santa Barbara, California: ABC-CLIO, Inc. pp. 125–126. ISBN 1-57607-581-8.Rappaport, Helen (2001). "Cai Chang". Encyclopedia of Women Social Reformers. Santa Barbara, California: ABC-CLIO, Inc. pp. 125–126. ISBN 1-57607-581-8. Cite error: Invalid
<ref>tag; name "Rappaport" defined multiple times with different content. - ↑ "Decree Regarding Marriage". www.marxists.org. Maoist Documentation Project.