ವಿಷಯಕ್ಕೆ ಹೋಗು

ಕೊಟಕ್ ಮಹೀಂದ್ರಾ ಬ್ಯಾಂಕ್

ಉಂದು ವಿಕಿಪೀಡಿಯಡ್ದ್, ಒಂಜಿ ಸೊತಂತ್ರ ವಿಶ್ವಕೋಶ

ಕೊಟಕ್ ಮಹೀಂದ್ರಾ ಬ್ಯಾಂಕ್ ಲಿಮಿಟೆಡ್ ಮುಂಬೈಡ್ ಪ್ರಧಾನ ಕಚೇರಿನ್ ಹೊಂದಿರುವ ಬ್ಯಾಂಕಿಂಗ್ ಬೊಕ್ಕ ಹಣಕಾಸು ಸೇವಾ ಪೂರೈಕೆದಾರೆರೆ ಸಂಸ್ಥೆ. ಈ ಬ್ಯಾಂಕ್‌ನ್ ೧೯೮೫ನೇ ಇಸವಿಡ್ ಉಂಡುಮಲ್ತೆರ್. ಉಂದು ಕಾರ್ಪೊರೇಟ್ ಬೊಕ್ಕ ಜನಸಾಮಾನ್ಯರೆಗ್ ವೈಯಕ್ತಿಕ ಹಣಕಾಸು, ಹೂಡಿಕೆ ಬ್ಯಾಂಕಿಂಗ್, ಜೀವವಿಮೆ ಬೊಕ್ಕ ಸಂಪತ್ತು ನಿರ್ವಹಣೆದ ಕ್ಷೇತ್ರೊಡು ಸೇವೆಲೆನ್ ಕೊರ್ಪುಂಡು.[೧] ಡಿಸೆಂಬರ್ 2023ತ ಪೊರ್ತುಗು ಒಟ್ಟು 1,869 ಶಾಖೆಲು ಬೊಕ್ಕ 3,239 ಎಟಿಎಂಲೆನ್ ಈ ಬ್ಯಾಂಕ್ ಹೊಂದುದ್ಂಡ್.[೨] ಮಾರುಕಟ್ಟೆ ಬಂಡವಾಳದ ಆಧಾರೊಡು ಖಾಸಗಿ ಬ್ಯಾಂಕುಲೆನ ಪಟ್ಟಿಡ್ ಕೊಟಕ್ ೪ನೇ ಸ್ಥಾನೊಡು ಉಂಡು.

ಇತಿಹಾಸ

[ಸಂಪೊಲಿಪುಲೆ]

1985ಡ್, ಉದಯ್ ಕೋಟಕೆರ್ ಆರ್ನ ಕುಟುಂಬ ಬೊಕ್ಕ ದೋಸ್ತಿಲೆಡ್ದ್ ₹30 ಲಕ್ಷ ಸಾಲ ದೆತೊಂದು 'ಕೋಟಕ್ ಕ್ಯಾಪಿಟಲ್ ಮ್ಯಾನೇಜ್‌ಮೆಂಟ್ ಫೈನಾನ್ಸ್ ಲಿಮಿಟೆಡ್' ಸಂಸ್ಥೆನ್ ಸುರು ಮಲ್ತೇರ್.[೩] 1986ಡ್, ಆನಂದ್ ಮಹೀಂದ್ರಾ ಬೊಕ್ಕ ಆರ್ನ ಅಮ್ಮೆರ್ ಹರೀಶ್ ಮಹೀಂದ್ರಾ ಈ ಕಂಪನಿಡ್ ₹1 ಲಕ್ಷ ಹೂಡಿಕೆ ಮಲ್ತೇರ್.[೪] ಐಡ್ದ್ ಬೊಕ್ಕ ಈ ಸಂಸ್ಥೆನ್ 'ಕೋಟಕ್ ಮಹೀಂದ್ರಾ ಫೈನಾನ್ಸ್' ಪಂದ್ ಪುದರ್ ಬದಲಾವಣೆ ಆಂಡ್. ಸುರುಟು ಈ ಕಂಪನಿ ಬಿಲ್ ಡಿಸ್ಕೌಂಟಿಂಗ್, ಭೋಗ್ಯ, ಖರೀದಿ ಬೊಕ್ಕ ಬಾಡಿಗೆ ಚಟುವಟಿಕೆಲೆಡ್ ತೊಡಗಿಸಾವೊಂದು ಇತ್ತ್ಂಡ್.

1990ಡ್, ಕೊಟಕ್ ಫೈನಾನ್ಸ್ ಕಾರ್ ದೆತೊನಿಯೆರೆ ಪಣವು ಸೌಲಭ್ಯ ಬೊಕ್ಕ ಹೂಡಿಕೆ ಬ್ಯಾಂಕಿಂಗ್ ಸೇವೆಲೆನ್ ಕೊರಿಯೆರೆ ಸುರು ಮಲ್ತ್ಂಡ್. ಅತ್ತಂದೆ ತನ್ನ ಕಾರ್ಯಾಚರಣೆನ್ ಪರದೇಸೊಗು ವಿಸ್ತರಣೆ ಮಲ್ತ್ಂಡ್. 1996ಡ್, ಕೋಟಕ್ ಮಹೀಂದ್ರಾ ಫೈನಾನ್ಸ್ ಬೊಕ್ಕ ಫೋರ್ಡ್ ಕ್ರೆಡಿಟ್ ಇಂಟರ್ನ್ಯಾಷನಲ್ ರಡ್ಡ್ ಸಂಸ್ಥೆಲು ಒಟ್ಟಾದ್ 'ಕೊಟಕ್ ಮಹೀಂದ್ರಾ ಪ್ರೈಮಸ್' ಪುದರ್ದ ಕಾರ್ ಹಣಕಾಸು ಕಂಪನಿನ್ ಸ್ಥಾಪನೆ ಮಲ್ತೇರ್. ಉಂದೆಟ್ ಕೊಟಕ್‌ಗ್ ಶೇ. ೬೦ ಪಾಲು ಇತ್ತ್ಂಡ್, ಫೋರ್ಡ್ ಶೇ. ೪೦ ಪಾಲು ಹೊಂದಿದಿತ್ತ್ಂಡ್.[೫] ಉಂದುವೇ ವರ್ಸೊಡು, ಕೋಟಕ್ ಮಹೀಂದ್ರಾ ಫೈನಾನ್ಸ್ ತನ್ನ ಹೂಡಿಕೆ ಬ್ಯಾಂಕಿಂಗ್ ವಿಭಾಗೊನು ಬೇತೆ ಮಲ್ತ್‌ದ್, 'ಕೋಟಕ್ ಮಹೀಂದ್ರಾ ಕ್ಯಾಪಿಟಲ್' ಪುದರ್ದ ಪೊಸ ಸಂಸ್ಥೆನ್ ಸುರು ಮಲ್ತ್ಂಡ್. ಉಂದೆಟ್ ಗೋಲ್ಡ್‌ಮನ್ ಸ್ಯಾಕ್ಸ್ ಪಾಲುದಾರಿಕೆ ಹೊಂದಿದಿತ್ತ್ಂಡ್.[೬]

1998ಡ್, ಕೋಟಕ್ ಮಹೀಂದ್ರಾ ಫೈನಾನ್ಸ್ 'ಕೋಟಕ್ ಮಹೀಂದ್ರಾ ಎಎಮ್‌ಸಿ' ಪುದರ್ದ ತನ್ನ ಮ್ಯೂಚುಯಲ್ ಫಂಡ್ ಸಂಸ್ಥೆನ್ ಸುರು ಮಲ್ತ್ಂಡ್.[೭] 2001ಡ್, ಕೋಟಕ್ ಮಹೀಂದ್ರಾ ಫೈನಾನ್ಸ್ ಬೊಕ್ಕ ದಕ್ಷಿಣ ಆಫ್ರಿಕಾ ಮೂಲದ ಓಲ್ಡ್ ಮ್ಯೂಚುಯಲ್ ಒಟ್ಟಾದ್ 74:26 ಪಾಲುದಾರಿಕೆಡ್ 'ಓಎಂ ಕೋಟಕ್ ಮಹೀಂದ್ರಾ ಲೈಫ್ ಇನ್ಶೂರೆನ್ಸ್' ಪುದರ್ದ ಜಂಟಿ ಉದ್ಯಮ ಒಂಜೆನ್ ಸ್ಥಾಪನೆ ಮಲ್ತೇರ್.[೮]

ಫೆಬ್ರವರಿ 2003ಡ್, ಕೋಟಕ್ ಮಹೀಂದ್ರಾ ಫೈನಾನ್ಸ್ ಭಾರತೀಯ ರಿಸರ್ವ್ ಬ್ಯಾಂಕ್‌ಡ್ದ್ ಬ್ಯಾಂಕಿಂಗ್ ಪರವಾನಗಿನ್ ದೆತೊಂಡ್. ಐಡ್ದ್ ಬೊಕ್ಕ ಕೋಟಕ್ ಮಹೀಂದ್ರಾ ಫೈನಾನ್ಸ್ ಸಂಸ್ಥೆನ್ 'ಕೋಟಕ್ ಮಹೀಂದ್ರಾ ಬ್ಯಾಂಕ್' ಪಂದ್ ಮರುನಾಮಕರಣ ಮಲ್ಪಾಯೆರ್.[೯] ಈ ಮುಖಾಂತರ ಬ್ಯಾಂಕ್ ಆದ್ ಬದಲಾಯಿನ ಭಾರತದ ಸುರುತ ಬ್ಯಾಂಕಿಂಗೇತರ ಹಣಕಾಸು ಸಂಸ್ಥೆ ಪನ್ಪಿನ ಪುಗರ್ತೆ ಪಡೆಂಡ್. ಆ ಪೊರ್ತುಡು, ಕಂಪನಿಡ್ ಉದಯ್ ಕೋಟಕ್ ಆರ್ ಶೇ. 56 ದಾತ್ ಪಾಲು ಹೊಂದಿದಿತ್ತ್ಂಡ, ಆನಂದ್ ಮಹೀಂದ್ರಾ ಆರ್ ಶೇ. 5 ದಾತ್ ಪಾಲು ಹೊಂದಿದಿತ್ತ್‌ರ್.

ಸ್ವಾಧೀನೊಲು

[ಸಂಪೊಲಿಪುಲೆ]

ಬ್ಯಾಂಕ್ ಸುರು ಮಲ್ಪೆರೆ ಪರವಾನಗಿ ತಿಕ್ಕಿ ಬೊಕ್ಕ, ಕೊಟಕ್ ಫೈನಾನ್ಸ್ ತಾನ್ ಬೇತೆ ಸಂಸ್ಥೆಲೆನ ಒಟ್ಟುಗು ಸೇರ್ದ್ ಸುರು ಮಲ್ತಿದಿತ್ತಿನ ಕಂಪನಿಲೆಡ್ ಇತ್ತಿನ ಪಾಲುದಾರೆರೆನ ಪಾಲನ್ ತಾನ್ ದೆತೊನಿಯೆರೆ ಸುರು ಮಲ್ತ್ಂಡ್.

2005ಡ್, ಕೋಟಕ್ ಮಹೀಂದ್ರಾ ಬ್ಯಾಂಕ್ 'ಕೋಟಕ್ ಮಹೀಂದ್ರಾ ಪ್ರೈಮಸ್' ಕಂಪನಿಡ್ ಇತ್ತಿನ ಫೋರ್ಡ್ ಕ್ರೆಡಿಟ್‌ದ ಶೇ. 40 ದಾತ್ ಪಾಲನ್ ದೆತೊಂಡು. ಉಂದೆಡ್ದಾತ್ರ ಪ್ರೈಮಸ್ ಕೊಟಕ್ ಸಮೂಹದ ಸಂಪೂರ್ಣ ಸ್ವಾಮ್ಯದ ಅಂಗಸಂಸ್ಥೆ ಆಂಡ್. ಐಡ್ದ್ ಬೊಕ್ಕ ಕೋಟಕ್ ಮಹೀಂದ್ರಾ ಪ್ರೈಮಸ್ ಸಂಸ್ಥೆನ್ 'ಕೋಟಕ್ ಮಹೀಂದ್ರಾ ಪ್ರೈಮ್' ಪಂದ್ ಪುದರ್ ಬದಲಾವಣೆ ಮಲ್ಪಾಯೆರ್.[೧೦]

2006ಡ್, ಕೋಟಕ್ ಮಹೀಂದ್ರಾ ಬ್ಯಾಂಕ್ 'ಕೋಟಕ್ ಮಹೀಂದ್ರಾ ಕ್ಯಾಪಿಟಲ್'ಡ್ ಇತ್ತಿನ ಗೋಲ್ಡ್‌ಮನ್ ಸ್ಯಾಕ್ಸ್‌ನ ಶೇ. 25 ದಾತ್ ಪಾಲನ್ ₹210 ಕೋಟಿಗ್ ಬೊಕ್ಕ 'ಕೋಟಕ್ ಸೆಕ್ಯುರಿಟೀಸ್'ಡ್ ಇತ್ತಿನ ಶೇ. 25 ದಾತ್ ಪಾಲನ್ ₹123 ಕೋಟಿಗ್ ದೆತೊಂಡ್. ಉಂದೆಡ್ದಾತ್ರ ಈ ರಡ್ಡ್ ಕಂಪನಿಲು ಕೊಟಕ್ ಸಮೂಹೊಡು ಸೇರ್ದ್ ಕೊಟಕ್‌ದ ಅಂಗಸಂಸ್ಥೆಲು ಆಯ.[೧೧]

2014ಡ್, ಕೋಟಕ್ ಮಹೀಂದ್ರಾ ಬ್ಯಾಂಕ್ 'ಫೈನಾನ್ಶಿಯಲ್ ಟೆಕ್ನಾಲಜೀಸ್ ಗ್ರೂಪ್'ಡ್ದ್ 'ಮಲ್ಟಿ ಕಮೋಡಿಟಿ ಎಕ್ಸ್‌ಚೇಂಜ್' ಸಂಸ್ಥೆದ ಶೇ. 15 ದಾತ್ ಪಾಲನ್ ₹459 ಕೋಟಿ ಕೊರ್ದು ದೆತೊಂಡ್. ಉಂದೆಡ್ದ್ ಕೊಟಕ್ ಆ ಕಂಪನಿದ ಮಲ್ಲ ಷೇರುದಾರೆ ಆಂಡ್.[೧೨]

2014ಡ್, ಕೋಟಕ್ ಮಹೀಂದ್ರಾ ಬ್ಯಾಂಕ್ ₹15,000 ಕೋಟಿ ಮೌಲ್ಯದ ಒಪ್ಪಂದದೊಟ್ಟುಗು 'ಐಎನ್‌ಜಿ ವೈಶ್ಯ ಬ್ಯಾಂಕ್'ನ್ ತನ್ನ ವಶ ಮಲ್ಪೊನುನ ಮರು ಘೋಷಣೆ ಮಲ್ತ್ಂಡ್. 2015ಡ್ ಈ ವಿಲೀನ ಪ್ರಕ್ರಿಯೆ ಮುಗಿಂಡ್. ಈ ವಿಲೀನಡ್ದ್ ಕೋಟಕ್ ಮಹೀಂದ್ರಾ ಬ್ಯಾಂಕ್‌ದ ಕೆಲಸದಕುಲೆನ ಸಂಖ್ಯೆ 40,000ಗ್ ಏರ್ಂಡ್. ಅತ್ತಂದೆ ಐತ್ತ ಶಾಖೆಲೆನ ಸಂಖ್ಯೆ 1,261 ಕ್ಕೆ ಮುಟ್ಟಿಂಡ್.[೧೩] ವಿಲೀನೊಡ್ದು ಬೊಕ್ಕ, ಐಎನ್‌ಜಿ ವೈಶ್ಯ ಬ್ಯಾಂಕ್‌ನ್ ನಿಯಂತ್ರಣ ಮಲ್ತೊಂದಿತ್ತಿನ 'ಐಎನ್‌ಜಿ ಗ್ರೂಪ್', ಕೋಟಕ್ ಮಹೀಂದ್ರಾ ಬ್ಯಾಂಕ್‌ಡ್ ಶೇ. 6.5 ದಾತ್ ಪಾಲನ್ ತಾನ್ ದೀಯೊಂಡು.[೧೪] ಕೊಟಕ್ ಒಟ್ಟುಗು ವಿಲೀನ ಆಯೆರೆ ದುಂಬು ಐಎನ್‌ಜಿ ಸಂಸ್ಥೆ ಐಎನ್‌ಜಿ ವೈಶ್ಯ ಬ್ಯಾಂಕ್‌ಡ್ ೪೪% ದಾತ್ ಪಾಲು ಹೊಂದಿದಿತ್ತ್ಂಡ್.

2016ಡ್, ಕೋಟಕ್ ಮಹೀಂದ್ರಾ ಬ್ಯಾಂಕ್ 'ಬಿಎಸ್ಎಸ್ ಮೈಕ್ರೋಫೈನಾನ್ಸ್' ಸಂಸ್ಥೆನ್ ₹139.2 ಕೋಟಿಗ್ ದೆತೊಂಡ್.[೧೫] ಅವ್ವೇ ವರ್ಷ, ಭಾರ್ತಿ ಏರ್‌ಟೆಲ್ ಬೊಕ್ಕ ಕೋಟಕ್ ಮಹೀಂದ್ರಾ ಬ್ಯಾಂಕ್ ಒಟ್ಟಾದ್ 'ಏರ್‌ಟೆಲ್ ಪೇಮೆಂಟ್ಸ್ ಬ್ಯಾಂಕ್'ನ್ ಸುರು ಮಲ್ತೇರ್. ಈ ಸಂಸ್ಥೆಡ್ ಕೊಟಕ್ ೮೦% ದಾತ್ ಪಾಲು ಇತ್ತ್ಂಡ ಏರ್‌ಟೆಲ್ ೨೦% ದಾತ್ ಪಾಲು ಹೊಂದಿದಿತ್ತ್ಂಡ್.[೧೬]

ಏಪ್ರಿಲ್ 2017ಡ್, ಕೋಟಕ್ ಮಹೀಂದ್ರಾ 'ಕೋಟಕ್ ಮಹೀಂದ್ರಾ ಓಲ್ಡ್ ಮ್ಯೂಚುಯಲ್ ಲೈಫ್ ಇನ್ಶೂರೆನ್ಸ್' ಸಂಸ್ಥೆಡ್ ಇತ್ತಿನ ಓಲ್ಡ್ ಮ್ಯೂಚುಯಲ್‌ದ ಶೇ. 26 ದಾತ್ ಪಾಲನ್ ₹1,292 ಕೋಟಿಗ್ ದೆತೊಂಡ್. ಈ ಮುಖಾಂತರ ಆ ಜೀವವಿಮೆ ಕಂಪನಿನ್ ತನ್ನ ಸಂಪೂರ್ಣ ಸ್ವಾಮ್ಯದ ಅಂಗಸಂಸ್ಥೆಯನ್ನಾಗಿ ಮಲ್ತೊಂಡ್.[೧೭]

೨೦೨೧ನೇ ಇಸವಿಡ್ ಕೋಟಕ್ ಮಹೀಂದ್ರಾ ಸಮೂಹ 'ಫೋಕ್ಸ್‌ವ್ಯಾಗನ್ ಫೈನಾನ್ಸ್ ಇಂಡಿಯಾ' ಸಂಸ್ಥೆದ ವಾಹನ ಸಾಲ ವಿಭಾಗ ಬೊಕ್ಕ 'ಫೋರ್ಡ್ ಕ್ರೆಡಿಟ್ ಇಂಡಿಯಾ' ಸಂಸ್ಥೆದ ಪ್ರಯಾಣಿಕ ವಾಹನ ಸಾಲ ವಿಭಾಗೊಲೆನ್ ತನ್ನ ವಶ ಮಲ್ತೊಂಡ್.[೧೮][೧೯] 2022ಡ್, ಉಂದು 'ಡಿಎಲ್‌ಎಲ್ ಇಂಡಿಯಾ' ಸಂಸ್ಥೆದ ಕೃಷಿ ಬೊಕ್ಕ ಆರೋಗ್ಯ ರಕ್ಷಣೆದ ಉಪಕರಣಲೆನ ಸಾಲ ವಿಭಾಗೊನು ದೆತೊಂಡು.[೨೦]

2023ಡ್, ಕೋಟಕ್ ಮಹೀಂದ್ರಾ ಬ್ಯಾಂಕ್ 'ಸೋನಾಟಾ ಫೈನಾನ್ಸ್' ಪುದರ್ದ ಮೈಕ್ರೋಫೈನಾನ್ಸ್ ಸಂಸ್ಥೆನ್ ₹537 ಕೋಟಿಗ್ ದೆತೊಂಡ್.[೨೧]

ಫೆಬ್ರವರಿ 2024ಡ್, ಜೂರಿಚ್ ಇನ್ಶೂರೆನ್ಸ್ ಗ್ರೂಪ್ 'ಕೋಟಕ್ ಮಹೀಂದ್ರಾ ಜನರಲ್ ಇನ್ಶೂರೆನ್ಸ್' ಕಂಪನಿಡ್ ಶೇ. 70 ದಾತ್ ಪಾಲನ್ ₹5,560 ಕೋಟಿಗ್ ದೆತೊನುನ ಘೋಷಣೆ ಮಲ್ತ್ಂಡ್.[೨೨]

ಉಲ್ಲೆಕ

[ಸಂಪೊಲಿಪುಲೆ]
  1. ↑ "List of private banks by market capitalization". moneycontrol.com. Retrieved 23 April 2019.
  2. ↑ "Press Release Q3FY24" (PDF).
  3. ↑ "How Uday Kotak, world's richest banker, made $16 bn after a brush with death". mint (in ಇಂಗ್ಲಿಷ್). 18 December 2020.
  4. ↑ "1 Lakh Investment Turned Into 1,400 Crores In 32 Years. This Is For Real". NDTV.com. Retrieved 15 June 2022.
  5. ↑ Philip, Lijee; Ganguli, Bodhisatva. "Kotak Mahindra to buy Ford's stake in Primus". The Economic Times. Retrieved 15 June 2022.
  6. ↑ "Retail brokerage's the key unit: Kotak". The Economic Times. Retrieved 22 October 2022.
  7. ↑ "Kotak Mahindra Asset Management Company Limited" (PDF). CARE Ratings. Retrieved 22 October 2022.
  8. ↑ "Kotak Mahindra, Old Mutual get nod for life insurance JV". www.rediff.com. Retrieved 15 June 2022.
  9. ↑ "RBI gives Kotak Mahindra banking licence". The Times of India (in ಇಂಗ್ಲಿಷ್). Retrieved 15 June 2022.
  10. ↑ "Kotak Mahindra, Ford to end JV". The Economic Times. Retrieved 15 June 2022.
  11. ↑ "Kotak, Goldman Sachs part ways - Global financial powerhouse plans $1-bn investment in India". The Telegraph. Retrieved 22 October 2022.
  12. ↑ "Kotak to buy 15% stake in MCX for Rs 459 cr". Business Standard. 21 July 2014. Retrieved 8 November 2022.
  13. ↑ "Kotak Bank acquires ING Vysya for INR 15,000 crore". The Hindu. Mumbai. 20 November 2014. Retrieved 15 April 2015.
  14. ↑ "ING Vysya staff seek job surety from Kotak". Business Standard India. BusinessStandard. 6 December 2014. Retrieved 15 April 2015.
  15. ↑ S, Rajalakshmi (30 September 2016). "Kotak Bank to acquire 99.5% stake in BSS Microfinance". The Hindu Business Line (in ಇಂಗ್ಲಿಷ್). Retrieved 8 November 2022.
  16. ↑ "Airtel Payments Bank launched, with vow to shake up old banking system". mint (in ಇಂಗ್ಲಿಷ್). 12 January 2017. Retrieved 1 May 2021.
  17. ↑ Sinha, Shilpy. "Kotak to buy out Old Mutual in insurance JV". The Economic Times. Retrieved 15 June 2022.
  18. ↑ "Kotak Mahindra acquires vehicle financing portfolio of Volkswagen Finance". Mint (in ಇಂಗ್ಲಿಷ್). 16 September 2021. Retrieved 8 November 2022.
  19. ↑ "Kotak Prime acquires passenger vehicle financing portfolio of Ford Credit". Mint (in ಇಂಗ್ಲಿಷ್). 22 December 2021. Retrieved 8 November 2022.
  20. ↑ Mishra, Lalatendu (8 July 2022). "Kotak Mahindra Bank acquires agri, healthcare portfolio of DLL India". The Hindu (in Indian English). Retrieved 17 February 2023.
  21. ↑ "Kotak Mahindra Bank acquires microlender Sonata for Rs 537 cr in all cash deal - ET BFSI". Economic Times (in ಇಂಗ್ಲಿಷ್). Retrieved 17 February 2023.
  22. ↑ "Zurich Insurance to buy 70% stake in Kotak arm upfront in amended deal". The Economic Times. 7 March 2024. Retrieved 3 May 2024.
"https://tcy.wikipedia.org/w/index.php?title=ಕೊಟಕ್_ಮಹೀಂದ್ರಾ_ಬ್ಯಾಂಕ್&oldid=362181"ಡ್ದ್ ದೆತ್ತೊಂದುಂಡು