ಕೊಹಿಮಾ

ಕೊಹಿಮಾ ಈಶಾನ್ಯ ಭಾರತದ ರಾಜ್ಯವಾಯಿನ ನಾಗಾಲ್ಯಾಂಡ್‌ದ ರಾಜಧಾನಿ. ಕೊಹಿಮಾದ ಜನಸಂಖ್ಯೆ ಅಂದಾಜು ೧,೦೦,೦೦೦ ಉಂಡು. ಉಂದು ರಾಜ್ಯದ ರಡ್ಡನೇ ಮಲ್ಲ ನಗರ ಆದುಂಡು. ಕೊಹಿಮಾ, ಜಿಲ್ಲೆದ ಜಿಲ್ಲಾಕೇಂದ್ರ ಬುಕ್ಕ ಬೊಕ್ಕ ಪುರಸಭೆಲಾ ರಡ್ಡ್‌ಲ ಆದುಂಡು. ಈ ಪುರಸಭೆ ೨೦ ಚದರ ಕಿ.ಮೀ. (೭.೭ ಚದರ ಮೈಲಿ) ಜಾಗಡ್ ಪರಡುದುಂಡು. ಕೊಹಿಮಾ ದಕ್ಷಿಣಡ್ ಇಪ್ಪುನ ಬರೇಲ್ ಪರ್ವತ ಶ್ರೇಣಿಡ್ ಇಪ್ಪುನ ಜಪ್‌ಫು ಪರ್ವತೊದ ಮುದೆಲ್‌ಡ್ ಉಂಡು.

ದುಂಬು ಉಂದೆನ್ 'ಕೆವ್ಹಿರಾ' ಪಂದ್ ಲೆತ್ತೊಂದಿತ್ತೆರ್. ಈ ನಗರದ ಇತಿಹಾಸ ಉಂದು ಅಂಗಾಮಿ ನಾಗಾ ಜನಾಂಗದಕುಲೆನ ಒಂಜಿ ಗ್ರಾಮ ಆದಿಪ್ಪುನ ಕಾಲೊಗು ಪೋಪುಂಡು. ೧೮೭೮ಡ್ ಬ್ರಿಟೀಷೆರ್ ಅಸ್ಸಾಂ ಪ್ರಾಂತ್ಯದ ನಾಗಾ ಹಿಲ್ಸ್ ಜಿಲ್ಲೆದ ಕೇಂದ್ರ ಕಚೇರಿನ್ ಮುಲ್ಪ ಸ್ಥಾಪನೆ ಮಲ್ತ್‌ನಗ ಉಂದು ಒಂಜಿ ನಗರ ಕೇಂದ್ರ ಆಂಡ್. ೧೯೪೪ಡ್ ಜಪಾನಿಯೆರೆನ ಯು-ಗೋ (U-Go) ಆಕ್ರಮಣದ ಪೊರ್ತುಡು, ರಡ್ಡನೇ ಮಹಾಯುದ್ಧದ ಪೊರ್ತುಡು ಕೊಹಿಮಾಲಾ ಒಂಜಿ ಆತ್ಂಡ್.

೧೯೬೩ಡ್ ನಾಗಾಲ್ಯಾಂಡ್ ರಾಜ್ಯ ಸ್ಥಾಪನೆ ಆಯಿ ಬೊಕ್ಕ ಉಂದು ಅಧಿಕೃತವಾದ್ ನಾಗಾಲ್ಯಾಂಡ್‌ದ ರಾಜಧಾನಿ ಆಂಡ್.

ಇತಿಹಾಸೊ

ನಾಗಾಲ್ಯಾಂಡ್‌ದ ರಾಜಧಾನಿ ಆಯಿನ ಕೊಹಿಮಾಗ್ ಮಸ್ತ್ ಪಿರಾಕ್‌ದ ಇತಿಹಾಸ ಉಂಡು. ಉಂದು ಒಂಜಿ ಸಾಂಪ್ರದಾಯಿಕ ಬುಡಕಟ್ಟು ಜನಾಂಗದ ಊರುಡ್ದು, ಜಗತ್ತ್‌ದ ಒಂಜಿ ಪ್ರಮುಖ ಯುದ್ಧಭೂಮಿಯಾದ್, ಬೊಕ್ಕ ಆಧುನಿಕ ಆಡಳಿತ ಕೇಂದ್ರವಾದ್ ಬದಲಾಯಿನ ಇತಿಹಾಸೊನು ಹೊಂದ್‍ದ್ಂಡ್. ದುಂಬು ನೆಕ್ಕ್ 'ಕೆವ್ಹಿರಾ' ಪಂದ್ ಲೆತ್ತೊಂದಿತ್ತೆರ್. ಇತಿಹಾಸದ ಪ್ರಕಾರ ಉಂದು ಮೂಲನಿವಾಸಿಲಾಯಿನ ಅಂಗಾಮಿ ನಾಗಾ ಜನಾಂಗದಕುಲು ಬದುಕುದಿತ್ತಿನ ಒಂಜಿ ಮಲ್ಲ ಗ್ರಾಮ ಆದಿತ್ತ್ಂಡ್. ೧೮೭೮ಡ್ ಬ್ರಿಟೀಷ್ ಸಾಮ್ರಾಜ್ಯ ಈ ಪ್ರದೇಶದ ಮಿತ್ತ್ ಆಡಳಿತದ ಹಿಡಿತ ಸಾಧಿಸಯೆರೆ ಅಸ್ಸಾಂ ಪ್ರಾಂತ್ಯದ ನಾಗಾ ಹಿಲ್ಸ್ ಜಿಲ್ಲೆದ ಕೇಂದ್ರ ಕಚೇರಿಯಾದ್ ನೆನ್ನ್ ಸ್ಥಾಪನೆ ಮಲ್ತ್‌ನಗ ಉಂದೆತ ನಗರೀಕರಣ ಸುರು ಆಂಡ್.

೧೯೪೪ಡ್ ರಡ್ಡನೇ ಮಹಾಯುದ್ಧದ ಪೊರ್ತುಡು ಕೊಹಿಮಾ ಕದನ ನಡತಿನಗ, ಕೊಹಿಮಾಗ್ ಅಂತರರಾಷ್ಟ್ರೀಯ ಮಟ್ಟಡ್ ಪುದರ್ ಪೋಂಡು. 'ಪೂರ್ವದ ಸ್ಟಾಲಿನ್‌ಗ್ರಾಡ್' ಪಂದ್ ಲೆಪ್ಪುನ ಈ ಭೀಕರವಾಯಿನ, ಕೆಲವು ವಾರೊಲೆನ ಕಾಲ ನಡತಿನ ಲಡಾಯಿಡ್ದಾವರ, ಭಾರತದ ಮಿತ್ತ್ ಜಪಾನ್‌ದಕ್ಲು ಮಲ್ಪರ ಇತ್ತಿನ ಆಕ್ರಮಣೊನು ಯಶಸ್ವಿಯಾದ್ ಉಂತಾಂಡ್. ಭಾರತೊಗು ಸ್ವಾತಂತ್ರ್ಯ ತಿಕ್ಕಿ ಬೊಕ್ಕಲಾ, ಕೊಹಿಮಾ ಒಂಜಿ ಮುಖ್ಯವಾಯಿನ ರಾಜಕೀಯ ಕೇಂದ್ರವಾದ್ ಮುಂದುವರಿಯಿಂಡ್. ೧೯೬೩ನೇ ಇಸವಿದ ಡಿಸೆಂಬರ್ ೧ ತಾರೀಖ್‌ಗ್ ನಾಗಾಲ್ಯಾಂಡ್ ರಾಜ್ಯ ಅಧಿಕೃತವಾದ್ ಉದ್ಘಾಟನೆ ಆಯಿ ಬೊಕ್ಕ, ಉಂದು ಅಯಿತ ರಾಜಧಾನಿ ಆಂಡ್.