ಕೋಲಾರ ಜಿಲ್ಲೆ

ಕೋಲಾರ ಜಿಲ್ಲೆ
ಜಿಲ್ಲೆ
ಕೋಲಾರಡ್ ಇಪ್ಪುನ ಸೋಮೇಶ್ವರ ದೇವಸ್ಥಾನ, ಹೈದರಾಲಿನ ಅಮ್ಮೆನ ಸಮಾಧಿ, ಅವನಿಡ್ ಇಪ್ಪುನ ರಾಮಲಿಂಗೇಶ್ವರ ದೇವಸ್ಥಾನ, ಕೋಲಾರ ಗೋಲ್ಡ್ ಫೀಲ್ಡ್ಸ್‌ದ ಗಣಿಗಾರಿಕೆದ ಕಜವು, ಕೋಲಾರದ ಕೋಲಾರಮ್ಮ ದೇವಸ್ಥಾನ
ಕರ್ನಾಟಕದ ನಕಾಶೆಡ್ ಕೋಲಾರ ಜಿಲ್ಲೆ
ದೇಶ	ಭಾರತ
ರಾಜ್ಯ	ಕರ್ನಾಟಕ
ವಿಭಾಗ	ಬೆಂಗಳೂರು ವಿಭಾಗ
ಪ್ರಧಾನ ಕಚೇರಿ	ಕೋಲಾರ
Government
• Type	ಜಿಲ್ಲಾ ಪಂಚಾಯತ್
• Body	ಜಿಲಾಡಳಿತ
• ಜಿಲ್ಲಾಧಿಕಾರಿ	ಎಮ್. ಆರ್. ರವಿ (ಐಎಎಸ್)
Area
• Total	4,012 km2 (1,549 sq mi)
Population  (2011)
• Total	೧೫,೩೬,೪೦೧
• Density	384/km2 (990/sq mi)
ಬಾಸೆಗಳು
• ಅಧಿಕೃತ	ಕನ್ನಡ
Time zone	UTC+5:30 (ಐಎಸ್ಟಿ)
ISO 3166 code	IN-KA-KL
Vehicle registration	KA-07, KA-08
ಲಿಂಗಾನುಪಾತ	976 ♀/ 1000 ♂
ಸಾಕ್ಷರತೆ	74.33%
ಲೋಕಸಭಾ ಕ್ಷೇತ್ರ	ಕೋಲಾರ ಲೋಕಸಭಾ ಕ್ಷೇತ್ರ
ಬರ್ಸೊದ ಪ್ರಮಾಣ	724 millimetres (28.5 in)
Website	kolar.nic.in

ಕೋಲಾರ ಜಿಲ್ಲೆ ಭಾರತ ದೇಶದ ಕರ್ನಾಟಕ ರಾಜ್ಯದ ಒಂಜಿ ಜಿಲ್ಲೆ. ಉಂದು ದಕ್ಷಿಣ ಕರ್ನಾಟಕೊಡು ಉಂಡು. ಅಂಚನೆ ರಾಜ್ಯೊದ ಮೂಡಾಯಿ ದಿಕ್ಕ್‌ದ ಕಡೇಟ್ ಇಪ್ಪುನ ಜಿಲ್ಲೆ. ಈ ಜಿಲ್ಲೆದ ಪಡ್ಡಾಯಿ ಗಡೀಟ್ ಬೆಂಗಳೂರು ಗ್ರಾಮಾಂತರ ಜಿಲ್ಲೆ, ಬಡಕಾಯಿಡ್ ಚಿಕ್ಕಬಳ್ಳಾಪುರ ಜಿಲ್ಲೆ, ಮೂಡಾಯಿಡ್ ಆಂಧ್ರಪ್ರದೇಶದ ಚಿತ್ತೂರು ಜಿಲ್ಲೆ ಬುಕ್ಕೊ ಅನ್ನಮಯ್ಯ ಜಿಲ್ಲೆ, ತೆನ್ಕಾಯಿಡ್ ತಮಿಳುನಾಡ್‌ದ ಕೃಷ್ಣಗಿರಿ ಜಿಲ್ಲೆಲು ಉಲ್ಲ. ಸೆಪ್ಟೆಂಬರ್ ೧೦, ೨೦೦೭ನೇ ಇಸವಿಡ್ ಕೋಲಾರ ಜಿಲ್ಲೆಡ್ ಇತ್ತಿನ ಗೌರಿಬಿದನೂರು, ಗುಡಿಬಂಡಾ, ಬಾಗೇಪಲ್ಲಿ, ಚಿಕ್ಕಬಳ್ಳಾಪುರ, ಶಿಡ್ಲಘಟ್ಟ ಮತ್ತು ಚಿಂತಾಮಣಿ ತಾಲ್ಲೂಕುಲೆನ್ ಬೇತೆ ಮಲ್ತ್‌ದ್ ಚಿಕ್ಕಬಳ್ಳಾಪುರ ಪುದರ್‌ದ ಪೊಸ ಜಿಲ್ಲೆನ್ ಉಂಡು ಮಲ್ತೆರ್.

ಕೋಲಾರದ ಒಟ್ಟು ಇಸ್ತೀರ್ನೊ ೪,೦೧೨ ಚದರ ಕಿಲೋಮೀಟರ್ ಉಂಡು. ೨೦೦೧ ಜನಗಣತಿದ ಪ್ರಕಾರ, ಕೋಲಾರದ ಒಟ್ಟು ಜನಸಂಖ್ಯೆ ೨೫,೩೬,೦೬೯. ಇಂದೆಟ್ ೧,೨೮೬,೧೯೩ ಪುರುಷೆರ್ ಬುಕ್ಕೊ ೧,೨೪೯,೮೭೬ ಪೊಣ್ಣುಲು. ಲಿಂಗಾನುಪಾತ ೧೦೦೦ ಆಂಜವುಲೆಗ್ ೯೭೨ ಪೊಣ್ಣು ಉಂಡು. ಇಸ್ತೀರ್ನೊದ ಲೆಕ್ಕ ಪತ್ತಿಂಡ ೨೭ನೇ ತಾನೊಡು ಅಂಚನೆ ಜನಸಂಖ್ಯೆದ ಲೆಕ್ಕೊಡು ೧೮ನೇ ತಾನೊಡು ಉಂಡು. ಈ ಜಿಲ್ಲೆ ಕೋಲಾರ ಲೋಕಸಭಾ ಕ್ಷೇತ್ರದ ಭಾಗ ಆದುಂಡು. ಉಂದು ಅನುಸೂಚಿತ ಜಾತಿದ ಅಭ್ಯರ್ಥಿಲೆಗ್ ಮೀಸಲಾದ್ ಇಪ್ಪುನ ಕ್ಷೇತ್ರೊ. ಕೋಲಾರ ಜಿಲ್ಲೆಡ್ 6 ವಿಧಾನಸಭಾ ಕ್ಷೇತ್ರೊಲು ಉಲ್ಲ ಅವು- ಕೋಲಾರ, ಶ್ರೀನಿವಾಸಪುರ, ಮುಳಬಾಗಿಲು, ಬಂಗಾರಪೇಟೆ, ಮಾಲೂರು ಬುಕ್ಕೊ ಕೆ.ಜಿ.ಎಫ್.

ಕೋಲಾರದ ನಿಲಟ್ಟ್ ಬಂಗಾರ್ ಇಪ್ಪುನ ಇಸಯ ಗೊತ್ತಾಯಿ ಬುಕ್ಕೊ ಬಂಗಾರ್‌ದ ಅದುರು ದೆಪ್ಪುನ ಗಣಿಗಾರಿಕೆ ಸುರು ಆಂಡ್. ಇಂದೆಡ್ದಾತ್ರ, ಈ ಜಿಲ್ಲೆಗ್ ಭಾರತದ "ಬಂಗಾರ್ದ ಭೂಮಿ" ಪನ್ಪಿ ಪುದರ್‌ಲಾ ಉಂಡು. ಕೋಲಾರ ಜಿಲ್ಲೆದ ಅವನಿ ಪುದರ್‌ದ ಹಳ್ಳಿಡ್ ರಾಮಾಯಣ ಮಹಾಕಾವ್ಯೊನು ರಚನೆ ಮಲ್ತಿನ ವಾಲ್ಮೀಕಿ ಋಷಿ ನಿಲೆ ಆದಿತ್ತೆರ್ ಪನ್ಪಿನ ನಂಬಿಕೆ ಉಂಡು. ಸೀತಾದೇವಿ ಗಡಿಪಾರ್ ಇಪ್ಪುನಗ ಆರೆನ ಆಶ್ರಮೊಡು ಮುಲ್ಪ ನೆಲೆಯಾದಿತ್ತೆರ್. ಸೀತಾದೇವಿ ತನ್ನ ಅಮರ್ ಜೋಕುಲು ಲವ- ಕುಶೆರೆನ್ ಪೆದ್ದ್‌ದ್ ತಾಂಕಿನಿ ಉಂದುವೇ ಊರುಡು. ಇನಿಲಾ ಸೀತೆ ಜೋಕುಲೆಗ್ ಜನ್ಮ ಕೊರ್ತಿನ ಕೋಣೆ ಉಂಡು. ಜೋಕುಲು ಬುಳೆದ್, ಶ್ರೀರಾಮ ಬುಕ್ಕೊ ಲವ-ಕುಶನ ನಡುಟು ಲಡಾಯಿಲಾ ಈ ಊರುಡು ನಡತ್ಂಡ್ ಪಂದ್ ಜನೊಕ್ಲು ನಂಬುವೆರ್.