ಕ್ಲಿಯೋಪಾತ್ರ
ಕ್ಲಿಯೋಪಾತ್ರ
[ಸಂಪೊಲಿಪುಲೆ]
ಕ್ಲಿಯೋಪಾತ್ರ VII ಥಿಯಾ ಫಿಲೋಪೇಟರ್ (ಬಿ.ಸಿ. ೧೦ ಅತ್ತ್ಂಡ ೧೨ ಆಗಸ್ಟ್ ೩೦ ಕ್ರಿ.ಪೂ.) 51 ಡ್ದ್ 30 ಮುಟ್ಟ ಈಜಿಪ್ಟ್ ದ ಟಾಲೆಮಿಕ್ ರಾಜ್ಯೊದ ರಾಣಿ ಆದಿತ್ತೆರ್ ಕ್ರಿಸ್ತಪೂರ್ವ, ಬೊಕ್ಕ ಕಡೆತ ಕ್ರಿಯಾಶೀಲ ಹೆಲ್ಲೆನಿಸ್ಟಿಕ್ ಫೇರೋ.ಟಾಲೆಮಿಕ್ ರಾಜವಂಶದ ಸದಸ್ಯೆ ಆಯಿನ ಆರ್ ಅಯಿತ ಸ್ಥಾಪಕೆರ್ ಟಾಲೆಮಿ I ಸೋಟರ್ ನ ವಂಶಸ್ಥೆರ್, ಒರಿ ಮೆಸಿಡೋನಿಯನ್ ಗ್ರೀಕ್ ಜನರಲ್ ಬೊಕ್ಕ ಅಲೆಕ್ಸಾಂಡರ್ ದಿ ಗ್ರೇಟ್ ನ ಸಹಚರೆರ್ .ಅಲೆನ ಸಾವುದ ನಂತರ, ಈಜಿಪ್ಟ್ ರೋಮನ್ ಸಾಮ್ರಾಜ್ಯೊದ ಒಂಜಿ ಪ್ರಾಂತ್ಯ ಆಂಡ್, ಮೆಡಿಟರೇನಿಯನ್ ಡ್ ಹೆಲ್ಲೆನಿಸ್ಟಿಕ್ ಕಾಲೊದ ಅಂತ್ಯೊನು ಗುರುತು ಮಲ್ಪುಂಡು, ಉಂದು ಅಲೆಕ್ಸಾಂಡರ್ ನ ಆಳ್ವಿಕೆಡ್ (ಕ್ರಿ.ಪೂ. ೩೩೬-೩೨೩) ಸುರು ಆಂಡ್. ಅಲೆಕ್ಸಾಂಡ್ರಿಯಾಡ್ ಪುಟ್ಟುನ ಕ್ಲಿಯೋಪಾತ್ರೆ ಟಾಲೆಮಿ XII ಆಲೆಟೆಸ್ ನ ಮಗೆ, ಕ್ರಿ.ಪೂ ೫೧ಡ್ ತನ್ನ ಸಾವುದ ದುಂಬು ಅಲೆನ್ ತನ್ನ ಉತ್ತರಾಧಿಕಾರಿ ಪಂಡ್ದ್ ಪುದರ್ ದೀಯೆರ್. ಕ್ಲಿಯೋಪಾತ್ರೆ ತನ್ನ ಮೆಗ್ಯೆ ಟಾಲೆಮಿ XIII ನ ಒಟ್ಟುಗು ತನ್ನ ಆಳ್ವಿಕೆನ್ ಸುರು ಮಲ್ತೆರ್, ಆಂಡ ಅಕ್ಲೆನ ನಡುಟು ಒಂಜಿ ಗೊಂದಲ ಒಂಜಿ ನಾಗರಿಕ ಯುದ್ಧೊಗು ಕಾರಣ ಆಂಡ್. ರೋಮನ್ ರಾಜಕಾರಣಿ ಪೊಂಪೆ ಸೀಸರ್ ನ ನಾಗರಿಕ ಯುದ್ಧೊಡು ತನ್ನ ಎದುರಾಳಿ ಜೂಲಿಯಸ್ ಸೀಸರ್, ರೋಮನ್ ಸರ್ವಾಧಿಕಾರಿನ ವಿರುದ್ಧ 48 ಕ್ರಿಸ್ತಪೂರ್ವ ಫಾರ್ಸಲಸ್ ಯುದ್ಧೊಡು ಸೋತುದು ಈಜಿಪ್ಟ್ ಗ್ ಪಲಾಯನ ಮಲ್ತೆರ್.
ಬಾಲ್ಯ
[ಸಂಪೊಲಿಪುಲೆ]ಕ್ಲಿಯೋಪಾತ್ರ VII ಕ್ರಿ.ಪೂ. 69 ದ ಸುರುಟು ಆಡಳಿತ ಮಲ್ಪುನ ಟಾಲೆಮಿಕ್ ಫೇರೋ ಟಾಲೆಮಿ XII ಬೊಕ್ಕ ಒರಿ ಅನಿಶ್ಚಿತ ಅಮ್ಮೆಗ್ ಪುಟ್ಟುವೆರ್.ಟಾಲೆಮಿ XII ನ ಮೂಜಿ ಎಲ್ಯ ಜೋಕುಲು, ಕ್ಲಿಯೋಪಾತ್ರನ ಅಕ್ಕ ಆರ್ಸಿನೋ IV ಬೊಕ್ಕ ಅಣ್ಣೆರ್ ಟಾಲೆಮಿ XIII ಥಿಯೋಸ್ ಫಿಲೋಪೇಟರ್ ಬೊಕ್ಕ ಟಾಲೆಮಿ XIV ಫಿಲೋಪೇಟರ್.ಕ್ಲಿಯೋಪಾತ್ರೆನ ಬಾಲ್ಯದ ಶಿಕ್ಷಕೆರ್ ಫಿಲೋಸ್ಟ್ರಾಟೊಸ್ ಆದಿತ್ತೆರ್, ಅರೆಡ ಆರ್ ಗ್ರೀಕ್ ಕಲೆತ ವಾಕ್ಚಾತುರ್ಯ ಬೊಕ್ಕ ತತ್ವಶಾಸ್ತ್ರೊನು ಕಲ್ಪುವೆರ್. ಕ್ಲಿಯೋಪಾತ್ರೆ ತನ್ನ ಜವನೊಡು ಅಲೆಕ್ಸಾಂಡ್ರಿಯಾದ ಲೈಬ್ರರಿ ಸೇರ್ದ್ ಮ್ಯೂಸಿಯಂಡ್ ಅಧ್ಯಯನ ಮಲ್ತೆರ್.[೧]
ಆಳ್ವಿಕೆ
[ಸಂಪೊಲಿಪುಲೆ]ಟಾಲೆಮಿ XII ಕ್ರಿ.ಪೂ. ೫೧ ಮಾರ್ಚ್ ೨೨ ಗ್ ದುಂಬು ತೀರ್ ಪೋಯೆರ್, ಕ್ಲಿಯೋಪಾತ್ರೆ, ರಾಣಿಯಾದ್ ತನ್ನ ಸುರುತ ಕ್ರಿಯೆಟ್, ಥೀಬ್ಸ್ ದ ಸಮೀಪೊಡು ಹರ್ಮೊಂಥಿಸ್ ಗ್ ತನ್ನ ಪ್ರಯಾಣೊನು ಸುರು ಮಲ್ತೆರ್, ಒಂಜಿ ಪೊಸ ಪವಿತ್ರ ಬುಚಿಸ್ ಬುಲ್ ನ್ ಸ್ಥಾಪಿಸೆರೆ, ಪ್ರಾಚೀನ ಈಜಿಪ್ಟ್ ಧರ್ಮೊಡು ಮೊಂಟು ದೇವೆರೆಗ್ ಮಧ್ಯವರ್ತಿಯಾದ್ ಆರಾಧನೆ ಮಲ್ಪುನವು.[೨]
ಜೂಲಿಯಸ್ ಸೀಸರ್ ನೊಟ್ಟುಗು ಉಪ್ಪುನ ಸಂಬಂಧ
[ಸಂಪೊಲಿಪುಲೆ]ಟಾಲೆಮಿ XIII ತನ್ನ ಸೈನ್ಯದ ಮುಖ್ಯಸ್ಥೆರಾದ್ ಅಲೆಕ್ಸಾಂಡ್ರಿಯಾಗ್ ಬತ್ತೆರ್, ಸೀಸರ್ ನ ಬೇಡಿಕೆನ್ ಸ್ಪಷ್ಟವಾದ್ ತಡೆದ್ ತನ್ನ ಆಗಮನೊಗು ದುಂಬು ತನ್ನ ಸೈನ್ಯೊನು ಬುಡುದು ಪೋವೊಡು. ಕ್ಲಿಯೋಪಾತ್ರೆ ಸುರುಟು ಸೀಸರ್ ಗ್ ರಾಯಭಾರಿಲೆನ್ ಕಡಪುಡುವೆರ್, ಆಂಡ ಸೀಸರ್ ರಾಜಮನೆತನೊದ ಪೊಣ್ಣುಲೆನೊಟ್ಟುಗು ಸಂಬಂಧ ಮಲ್ಪೆರೆ ಒಲವು ತೋಜಾವೆರ್ ಪನ್ಪಿನ ಆರೋಪೊನು ಕೇಂಡ್ ದ್, ಅಲೆನ್ ವೈಯಕ್ತಿಕವಾದ್ ತೂಯೆರೆ ಅಲೆಕ್ಸಾಂಡ್ರಿಯಾಗ್ ಬತ್ತೆರ್.[೩]
ಜೋಕುಲು ಬೊಕ್ಕ ಉತ್ತರಾಧಿಕಾರಿಲು
[ಸಂಪೊಲಿಪುಲೆ]ಕ್ಲಿಯೋಪಾತ್ರೆನ ಮೂಜಿ ಬದುಕುದು ಉಪ್ಪುನ ಜೋಕುಲು, ಕ್ಲಿಯೋಪಾತ್ರ ಸೆಲೀನ್ II, ಅಲೆಕ್ಸಾಂಡರ್ ಹೆಲಿಯೊಸ್, ಬೊಕ್ಕ ಟೊಲೆಮಿ ಫಿಲಡೆಲ್ಫಸ್, ಆಕ್ಟೇವಿಯನ್ ನ ಅಕ್ಕ ಆಕ್ಟೇವಿಯಾ ದಿ ಯಂಗರ್, ಅಕ್ಲೆನ ಅಪ್ಪೆನ ಮಾಜಿ ಮದಿಮೆ ಆಯಿನ ಪೊಣ್ಣು, ಅಕ್ಲೆನ ರಕ್ಷಕೆ ಆದ್ ರೋಮ್ ಗ್ ಕಡಪುಡುವೆರ್.ಕ್ರಿಸ್ತಪೂರ್ವ ೨೯ಡ್ ಆಕ್ಟೇವಿಯನ್ ನ ರೋಮನ್ ವಿಜಯೊಡು ಕ್ಲಿಯೋಪಾತ್ರ ಸೆಲೀನ್ II ಬೊಕ್ಕ ಅಲೆಕ್ಸಾಂಡರ್ ಹೆಲಿಯೊಸ್ ಉಲ್ಲೆರ್
ಬರವುದ ಬೇಲೆಲು
[ಸಂಪೊಲಿಪುಲೆ]ಕ್ಲಿಯೋಪಾತ್ರದ ಬಗ್ಗೆ ಪುರಾಣೊಲು ಜನಪ್ರಿಯ ಮಾಧ್ಯಮೊಲೆಡ್ ಮುಂದುವರಿಯುಂಡು, ಆಂಡ ಅರೆನ ವೃತ್ತಿಜೀವನೊದ ಪ್ರಮುಖ ಅಂಶೊಲು ಮಸ್ತ್ ಗಮನೊಗು ಬರ್ಪುಜಿ,ವೈದ್ಯಕೀಯ ಬೊಕ್ಕ ಸೌಂದರ್ಯವರ್ಧಕ ಬರವುಲೆನ ತುಂಡುಲು ಮಾತ್ರ ಉಂಡು, ಉದಾಹರಣೆಗೆ ಗ್ಯಾಲೆನ್ ಸಂರಕ್ಷಣೆ ಮಲ್ತಿನವು, ಕೂದಲ್ ಕಾಯಿಲೆ, ಬೋಳು, ಬೊಕ್ಕ ತಲೆಬುರುಡೆಗ್ ಪರಿಹಾರೊಲು ಸೇರ್ದ್, ಔಷಧೀಯ ಉದ್ದೇಶೊಲೆಗ್ ತೂಕೊಲೆನ ಬೊಕ್ಕ ಅಳತೆಲೆನ ಪಟ್ಟಿನ್ ಸೇರಾದ್.ಅಮಿಡಾದ ಏಟಿಯಸ್ ಕ್ಲಿಯೋಪಾತ್ರೆಗ್ ಸುಗಂಧ ದ್ರವ್ಯದ ಸಾಬೂನುದ ಪಾಕವಿಧಾನೊನು ಆರೋಪಿಸಯೆರ್, ಆಂಡ ಏಜಿನಾದ ಪಾಲ್ ಕೂದಲ್ ಬಣ್ಣ ಪಾಡುನ ಬೊಕ್ಕ ಸುರುಳಿ ಸುತ್ತುನ ಬಗ್ಗೆ ಅರೆನ ಆರೋಪಿತ ಸೂಚನೆಲೆನ್ ಸಂರಕ್ಷಣೆ ಮಲ್ತೆರ್.
ವರ್ಗೊ:ಸ್ತ್ರೀವಾದೊ ಬುಕ್ಕೊ ಜಾನಪದೊ 2026