ವಿಷಯಕ್ಕೆ ಹೋಗು

ಖೆರ್ಸೊನೆಸುಸ್

ಉಂದು ವಿಕಿಪೀಡಿಯಡ್ದ್, ಒಂಜಿ ಸೊತಂತ್ರ ವಿಶ್ವಕೋಶ
ಖೆರ್ಸೊನೆಸುಸ್
Error {{native name list}}: an IETF language tag in |tag1= is required (help)
ಫೈಲ್:St Volodymyr's Cathedral, Chersonesus.jpg
ಖೆರ್ಸೊನೆಸುಸ್‌ದ ವಿಶಾಲ ಪುರಾತತ್ವ ಅಗೆಯುವ ಪ್ರದೇಶೊಲೆನ್ ಮೇಲೆ ಸಂತ ವ್ಲಾದಿಮಿರ್ ಕ್ಯಾಥೆಡ್ರಲ್
Map
Interactive map of ಖೆರ್ಸೊನೆಸುಸ್
44°36′42″N 33°29′36″E / 44.61167°N 33.49333°E / 44.61167; 33.49333
Typeವಸಾಹತು
Periodsಶಾಸ್ತ್ರೀಯ ಗ್ರೀಸ್‌ದ ಕಾಲೊಡ್ದ್ ಕೊನೆಯ ಮಧ್ಯಯುಗೊದ ವರಗೆ
Culturesಗ್ರೀಕ್, ರೋಮನ್, ಹೂಣ, ಬೈಜಾಂಟೈನ್
Locationಸೆವಾಸ್ತೋಪೊಲ್, ಕ್ರೈಮಿಯಾ
Regionಟೌರಿಕಾ
Part ofಟೌರಿಕ್ ಖೆರ್ಸೊನೆಸುಸ್ ರಾಷ್ಟ್ರೀಯ ಸಂರಕ್ಷಿತ ಪ್ರದೇಶ
History
Builtಕ್ರಿ.ಪೂ. 6ನೇ ಶತಮಾನ
Abandonedಸುಮಾರು ಕ್ರಿ.ಶ. 1400
Site notes
Area30 ha
Managementಟೌರಿಕ್ ಖೆರ್ಸೊನೆಸುಸ್ ರಾಷ್ಟ್ರೀಯ ಸಂರಕ್ಷಿತ ಪ್ರದೇಶ

'ಖೆರ್ಸೊನೆಸುಸ್ ಮಧ್ಯಯುಗೊದ ಗ್ರೀಕ್‌ಡ್ ಖೆರ್ಸೊನ್ ಕ್ರೈಮಿಯಾ ಪರ್ಯಾಯ ದ್ವೀಪೊದ ನೈಋತ್ಯ ಭಾಗೊಡ್ ಸುಮಾರು 2,500 ವರ್ಷೊದ ದುಂಬು ಸ್ಥಾಪನೆ ಆಯಿನ ಪುರಾತನ ಗ್ರೀಕ್ ವಸಾಹತು. ಬಿಥೀನಿಯಾದ ಹೆರಾಕ್ಲಿಯಾ ಪಾಂಟಿಕಾಡ್ದ್ ಬೈದಿನ ವಸಾಹತುಗಾರೊಲು ಕ್ರಿ.ಪೂ. 6ನೇ ಶತಮಾನೊಡು ಈ ವಸಾಹತು ಸ್ಥಾಪನೆ ಮಲ್ದೇರ್.

ಈ ಪುರಾತನ ನಗರ ಇತ್ತಿನ ಸೆವಾಸ್ತೋಪೊಲ್ದ ಪಿರ ವಲಯೊಡ್ ಕಪ್ಪು ಸಮುದ್ರದ ತೀರೊಡ್ ಇತ್ತುಂಡು. ಇತ್ತೆ ಈ ಪ್ರದೇಶೊಗು ಖೆರ್ಸೊನೆಸ್ ಪಂಡುದು ಲೆಪ್ಪುವೆರ್. ಗ್ರೀಕ್ ಭಾಷೆಡ್ Chersonesos ಪದೊದ ಅರ್ಥ ಪರ್ಯಾಯ ದ್ವೀಪ ಪಂದ್. 2013ಡ್ ಯುನೆಸ್ಕೋ ಈ ಪ್ರದೇಶೊನ್ ವಿಶ್ವ ಪರಂಪರೆ ತಾಣೊದ ಪಟ್ಟಿಡ್ ಸೇರಾದೆರ್.[1]

ಇತಿಹಾಸ

[ಸಂಪೊಲಿಪುಲೆ]

ಗ್ರೀಕ್ ವಸಾಹತು

[ಸಂಪೊಲಿಪುಲೆ]

ಕ್ರಿ.ಪೂ. 5ನೇ ಶತಮಾನೊಡ್ ಏಷ್ಯಾ ಮೈನರ್‌ದ ಕಪ್ಪು ಸಮುದ್ರೊದ ತೀರೊಡ್ದ್ ಹೆರಾಕ್ಲಿಯಾ ಪಾಂಟಿಕಾದ ಡೋರಿಯನ್ ಗ್ರೀಕೊಲು ನೈಋತ್ಯ ಕ್ರೈಮಿಯಾದ್ ಖೆರ್ಸೊನೆಸುಸ್‌ದ ಬಂದರು ನಗರ ಸ್ಥಾಪನೆ ಮಲ್ತೆರ್. ಈ ಪ್ರದೇಶೊಡ್ ಆಳ ನೀರ್ ದ ಎಡ್ಡೆ ಬಂದರುಗೊಲು ಇತ್ತುಂಡು. ಉಂದು ವ್ಯಾಪಾರ ಬೊಕ್ಕ ನೌಕಾಯಾನೊಗು ಮಹತ್ವೊದ ಕೇಂದ್ರ ಆದುಂಡು.

ಶಾಸ್ತ್ರೀಯ ಕಾಲೊದ ಬಹುಪಾಲು ಅವಧಿಡ್ ಖೆರ್ಸೊನೆಸುಸ್ ಚುನಾಯಿತ ಆರ್ಕೊನ್ಗೊಲು ಬೊಕ್ಕ ಡೆಮಿಯುರ್ಗಿ ಪಂಡಿನ ಮಂಡಳಿದ ಮುಖಾಂತರ ಆಡಳಿತ ಮಲ್ತಿನ ಪ್ರಜಾಪ್ರಭುತ್ವ ನಗೊರ ಆಂಡ್. ಆಯಿಡ್ದ್ ಬೊಕ್ಕ ಕಾಲಕಟ್ಟಲೆ ಆಡಳಿತೊಡ್ದ್ ಅಧಿಕಾರ ಆರ್ಕೊನ್‌ಲೆನ ಕೈಡ್ ಕೇಂದ್ರೀಕೃತ ಆದ್ ಪೊಂಡು.

ಕ್ರಿ.ಪೂ. 4ನೇ ಶತಮಾನೊದ ಮಧ್ಯಭಾಗೊದ ಮುಟ್ಟ ಉಂದು ಎಲ್ಯಾ ನಗೊರ ಆದು ಇತ್ತುಂಡು, ಬೊಕ್ಕ ವಾಯುವ್ಯ ಕ್ರೈಮಿಯಾದ ಪ್ರದೇಶೊಗು ವಿಸ್ತರಣೆ ಆಂಡ್. ಕೆರ್ಕಿನಿಟಿಡಾ ವಸಾಹತುನು ತನ್ನ ಅಧೀನೊಡ್ ಸೇರಾವೊಂದು ಮಸ್ತ್ ಕೋಟೆಬದ್ಧ ರಚನೆಲು ಕಟ್ಟುದೆರ್.

ಬೊಸ್ಪೋರನ್ ಸಾಮ್ರಾಜ್ಯ, ಸಿಥಿಯನ್ನೆರು ಬೊಕ್ಕ ಟೌರಿ ಜನಕುಲೆಡ್ದು ತನ್ನ ರಕ್ಷಣೆ ಮಲ್ತುದು ಬೈದಿನ ಈ ನಗರ, ಸುಮಾರು ಕ್ರಿ.ಪೂ. 110ರ ಕಾಲೊಡ್ ಮಿಥ್ರಿಡೇಟೀಸ್ VII ಬೊಕ್ಕ ಅರೆನ ಸೇನಾಧಿಪತಿ ಡಯೊಫ್ಯಾಂಟಸ್‌ದ ಸಹಾಯ ಪಡೆದು ಬೊಸ್ಪೋರನ್ ಸಾಮ್ರಾಜ್ಯೊದ ಅಧೀನೊಗು ಬತ್ತೊಂಡು. ಆಯಿತ ಬೊಕ್ಕ ಉಂದು ರೋಮ್ ದ ಪ್ರಭಾವೊಗ್ ಒಳಾಗಾಂಡ್. ಕ್ರಿ.ಶ. 1ನೇ ಶತಮಾನದ ಮಧ್ಯೊಭಾಗೊಡ್ದ್ 370ರ ದಶೊಕದ ಮುಟ್ಟ ಮುಲ್ಪ ರೋಮನ್ ಸೈನಿಕ ತುಕಡಿ ಲಾ ಇತ್ತುಂಡು.ಬೊಕ್ಕ ಈ ನಗರ ಹೂಣರೆಡ್ದು ವಶ ಆಂಡ್.[2]

ಬೈಜಾಂಟೈನ್ ಕಾಲ

[ಸಂಪೊಲಿಪುಲೆ]

ಮಧ್ಯೊಯುಗೊದ ಆರಂಭಿಕ ಕಾಲೊಡ್ ಖೆರ್ಸೊನೆಸುಸ್ ಬೈಜಾಂಟೈನ್ ಸಾಮ್ರಾಜ್ಯೊದ ಭಾಗ ಆಂಡ್. ಕ್ರಿ.ಶ. 581ಡ್ ಗೊಕ್ತುರ್ಕ್‌ಗಳ ಮುತ್ತಿಗೆನ್ ನಗರ ಎದುರಿಸಾಂಡ್.

ಬೈಜಾಂಟೈನ್ ಆಡಳಿತ ಮಲ್ಪ ಸೀಮಿತವಾದ್ ಇತ್ತುಂಡು. ನಗೊರ ರಕ್ಷಣೆಗೊಸ್ಕರ ಎಲ್ಯಾ ಸಾಮ್ರಾಜ್ಯಿಕ ಸೈನಿಕ ಪಡೆ ಇತ್ತುಂಡಲಾ, ನಗರೊಕು ಒಂತೆ ಸ್ವಯಂ-ಆಡಳಿತ ಇತ್ತುಂಡು. ಬೈಜಾಂಟೈನ್ ಸಾಮ್ರಾಜ್ಯೊಕ್ಕ್ ಈ ನಗೊರ ರಡ್ಡ್ ಕಾರಣಗೊಸ್ಕರ ಮಹತ್ವೊಡ್ ಉಂಡು: ಉತ್ತರ ಭಾಗೊದ ಬೇತೆ ಬೇತೆ ಜನಾಂಗೊಲೆನ್ ಗಮನಿಸುನ ಕೇಂದ್ರವಾದ್ ಬೊಕ್ಕ ರಾಜಕೀಯ ವಿರೋಧಿಲೆನ್ ಗಡಿಪಾರು ಮಲ್ಪುನ ಸ್ಥಳವಾದ್ ಮಹತ್ವೊಗು ಬತ್ತುಂಡು.

ಪೋಪ್ ಕ್ಲೆಮೆಂಟ್ I, ಪೋಪ್ ಮಾರ್ಟಿನ್ I ಬೊಕ್ಕ ಪದಚ್ಯುತ ಬೈಜಾಂಟೈನ್ ಚಕ್ರವರ್ತಿ ಜಸ್ಟಿನಿಯನ್ II ಈ ನಗರೊದುಲಯಿ ಸಂಬಂಧ ಹೊಂದುದಿನ ಪ್ರಸಿದ್ಧ ವ್ಯಕ್ತಿಲು.[3]

833ಡ್ ಚಕ್ರವರ್ತಿ ಥಿಯೊಫಿಲಸ್ ನಗರ ಬೊಕ್ಕ ಅಯಿತ ಸುತ್ತಮುತ್ತಲುದ ಪ್ರದೇಶೊಗುಲಾ ನೇರ ಆಡಳಿತ ಜಾರಿಗೆ ಕನರೆ ಪೆಟ್ರೋನಾಸ್ ಕಾಮಟೆರೋಸ್ನ್ ಕಡಪುಡಿಯೆರ್.

ಸುಮಾರು 980ರ ದಶಕೊಡ್ ಖೆರ್ಸೊನೆಸುಸ್ ಕೀವನ್ ರುಸ್ದ ವ್ಲಾದಿಮಿರ್ ಮಹಾನ್ ನ ವಶ ಬತ್ತುಂಡು ಪಂದ್ ವರದಿ ಉಂಡು. ಸಂಪ್ರದಾಯೊದ ಪ್ರಕಾರ ವ್ಲಾದಿಮಿರ್ 988ಡ್ ದೀಕ್ಷೆನ್ ಪಡೆದ್, ಬೊಕ್ಕ ಕೀವನ್ ರುಸ್‌ನ ಕ್ರೈಸ್ತೀಕರಣೊಗು ಉಂದು ತಾದಿ ತೋಜಾಪಾಂಡ್.

1299ಡ್ ಗೋಲ್ಡನ್ ಹೋರ್ಡ್ದ ನೊಗೈ ಖಾನ್‌ದ ಮಂಗೋಲ್ ಸೈನ್ಯೊಲು ನಗರೊನ್ ಲೂಟಿ ಮಲ್ಪುವೆರ್. ಬೈಜಾಂಟೈನ್ ಮೂಲಗೊಲು ಅಕೇರಿಗ್ 1396ಡ್ ಖೆರ್ಸೊನೆಸುಸ್‌ನ್ ಉಲ್ಲೇಕ ಮಲ್ತ್ ಇತ್ತೇರ್; ಪುರಾತತ್ವ ಸಾಕ್ಷ್ಯೊಲೆನ ಪ್ರಕಾರ ಬೊಕ್ಕೊದ ದಶಕಗೊ ಡ್ದು ಈ ಜಾಗೊನ್ ತ್ಯಜಿಸಾವೇರ್.

ಧಾರ್ಮಿಕ ಇತಿಹಾಸ

[ಸಂಪೊಲಿಪುಲೆ]

ಖೆರ್ಸೊನೆಸುಸ್ ಅವೇತೋ ಶತಮಾನೊಲು ಪ್ರಮುಖ ಕ್ರೈಸ್ತ ಧಾರ್ಮಿಕ ಕೇಂದ್ರ ಆದ್ ಇತ್ತುಂಡು. ಉಂದು ಸುರುಕು ಬಿಷಪ್ ಪೀಠವಾದ್ ಇಪ್ಪುಂಡು, ಅಯಿಡ್ದ್ ಬೊಕ್ಕ ಆರ್ಚ್‌ಬಿಷಪ್ ಸ್ಥಾನಮಾನೊ ಪಡೆಂಡು. 1475ಡ್ ಟರ್ಕಿನಕಲೆನ ಆಕ್ರಮಣೊಡ್ದು ಬೊಕ್ಕ ನಗರ ನಾಶವಾಂಡ್ ಅಂಚೆನೆ ಈ ಧಾರ್ಮಿಕ ಕೇಂದ್ರ ಮಾಜುದು ಪೊಂಡು.[4]

19ನೇ ಶತಮಾನೊಡ್ ಬೈಜಾಂಟೈನ್ ಪುನರುಜ್ಜೀವನ ಶೈಲಿಡ್ ಸಂತ ವ್ಲಾದಿಮಿರ್ ಕ್ಯಾಥೆಡ್ರಲ್ ಕಟ್ಟಾಯೆರ್. ಸಂಪ್ರದಾಯೊದ ಪ್ರಕಾರ ವ್ಲಾದಿಮಿರ್ ದೀಕ್ಷೆ ಪಡೆಯೆರ್ ಪಂದ್ ನಂಬಲ್ಪಡುನ ಜಾಗೊದ ಸ್ಮರಣಾರ್ಥ ಈ ಕ್ಯಾಥೆಡ್ರಲ್ ನಿರ್ಮಾಣ ಮಲ್ತುದೆರ್.

ಅವಶೇಷೊಲು

[ಸಂಪೊಲಿಪುಲೆ]

ಪುರಾತತ್ವ ತಾಣ

[ಸಂಪೊಲಿಪುಲೆ]

ಖೆರ್ಸೊನೆಸುಸ್‌ದ ಪುರಾತನ ಅವಶೇಷೊಲು ಇತ್ತಿನ ಸೆವಾಸ್ತೋಪೊಲ್ ನಗರೊಡ್ದ್ ಒಂಜಿ ಹೊರವಲಯೊಡ್ ಉಂಡು. 1827ಡ್ದ್ ರಷ್ಯನ್ ಸರಕಾರ ಈ ಪ್ರದೇಶೊಡು ಪುರಾತತ್ವ ಗರ್ಪುನ ಕಾರ್ಯೊಲೆನ್ ಆರಂಭ ಮಲ್ತುಂಡು. ಇತ್ತೆ ಉಂದು ಪುರಾತತ್ವ ಉದ್ಯಾನವನವಾದ್ ಸಂರಕ್ಷಣೆ ಪಡೆದು ಜನಪ್ರಿಯ ಪ್ರವಾಸಿ ಆಕರ್ಷಣೆ ತಾಣವಾದುಂಡು.

ಮುಲ್ಪದ ಕಟ್ಟಡೊಲು ಗ್ರೀಕ್, ರೋಮನ್ ಬೊಕ್ಕ ಬೈಜಾಂಟೈನ್ ಸಂಸ್ಕೃತಿಲೆನ ಪ್ರಭಾವೊನು ತೋಜಾವುಂಡು. ರಕ್ಷಣಾ ಗೋಡೆ ಸುಮಾರು 3.5 ಕಿಲೋಮೀಟರ್ ಉದ್ದ, 3.5–4 ಮೀಟರ್ ಅಗೆಲ ಬೊಕ್ಕ 8–10 ಮೀಟರ್ ಎತ್ತರೊ ಉಂಡು. ಈ ಗೋಡೆಗೊಲ್ಡ್ ಎತ್ತರೊದ ಕಾವಲು ಗೋಪುರೊಲು ಕೂಡ ಇತ್ತುಂಡು. ಗೋಡೆಲು ಸುಮಾರು 30 ಹೆಕ್ಟೇರ್ ಪ್ರದೇಶನ್ ಸುತ್ತುವರಿದುಂಡು.[5]

ಮುಲ್ಪದ ಪ್ರಮುಖ ರಚನೆಗೊಲ್ಡ್ ರೋಮನ್ ಆಂಫಿಥಿಯೇಟರ್ ಬೊಕ್ಕ ಗ್ರೀಕ್ ದೇವಾಲಯೊಲು ಸೇರುದುಂಡು. 14ನೇ ಶತಮಾನೊದ ಬೊಕ್ಕ ಈ ಜಾಗೊಗು ಶಾಶ್ವತ ವಾಸ ಉಪ್ಪಂದಿನ ಕಾರಣೊ, ಬೈಜಾಂಟೈನ್ ಕಾಲೊದ ನಗರ ಜೀವನನ್ ಅರ್ಥ ಮಂತೊನರೆ ಉಂದು ಮಹತ್ವೊದ ತಾಣವಾದುಂಡು.

ನಗರೊದ ನಿಯಂತ್ರಣೊಡ್ದ್ ಇತ್ತಿನ ಸುತ್ತಮುತ್ತಲೆನ ಕೃಷಿ ಪ್ರದೇಶ, ಚೋರಾ ಪಂದ್ ಲೆತ್ತೊಂದು ಇತ್ತೆರ್. ಅಲ್ಪ ಪುರಾತನ ದ್ರಾಕ್ಷಿ ಪೂಂಟೂನ ಯಂತ್ರೊಲು ಬೊಕ್ಕ ರಕ್ಷಣಾ ಗೋಪುರೊಲೆನ ಅವಶೇಷೊಲು ಲಾ ತೋಜಿದ್ ಬರ್ಪುಂಡು.

1935ರ ಬಸಿಲಿಕಾ

[ಸಂಪೊಲಿಪುಲೆ]

1935ರ ಬಸಿಲಿಕಾ ಖೆರ್ಸೊನೆಸುಸ್‌ಡ್ ಅಗೆಯಲ್ಪಟ್ಟ ಅತ್ಯಂತ ಪ್ರಸಿದ್ಧ ಬಸಿಲಿಕಾಗಿದೆ. ಇದರ ಮೂಲ ಹೆಸರು ತಿಳಿದಿಲ್ಲ; ಇದು 1935ಡ್ ಪತ್ತೆಯಾದ ಕಾರಣ ಈ ಹೆಸರು ಬಂತು.[6]

ಇತಿಹಾಸಕಾರೊಲೆನ ಅಭಿಪ್ರಾಯದ ಪ್ರಕಾರ, ಉಂದು ಕ್ರಿ.ಶ. 6ನೇ ಶತಮಾನೊಡ್ ದುಂಬುದ ಧಾರ್ಮಿಕ ಕಟ್ಟಡೊದ ಜಾಗೊಡು ನಿರ್ಮಾಣ ಆತುಂಡು. ಈ ಬಸಿಲಿಕಾದ ಚಿತ್ರ ಖೆರ್ಸೊನೆಸುಸ್‌ನ ಬೇತೆನೇ ಗಳಿಸಾದುಲ್ಲೆರ್

ಸಂಗ್ರಹಾಲಯದ ವಸ್ತುಗೊಲು

[ಸಂಪೊಲಿಪುಲೆ]

ಪುರಾತತ್ವ ತಾಣೊದ ಜತೆಗ್ ಸಂಗ್ರಹಾಲಯೊಡ್ ಸುಮಾರು 200,000 ಎಲ್ಯ ಎಲ್ಯ ಪುರಾತನೊ ವಸ್ತುಲು ಉಂಡು. ಅವೆಟ್ 5,000ಡ್ದೂಲಾ ಜಾಸ್ತಿ ವಸ್ತುಲು ಪ್ರದರ್ಶನೊಡ್ ದೀತೆರ್. ಅವೆಟ್:[7]

  • ಖೆರ್ಸೊನೆಸುಸ್ ನಾಗರಿಕೊಲೆನ ಪ್ರತಿಜ್ಞೆ ಬೊಕ್ಕ ಬೇತೆ ಪುರಾತನೊ ಶಾಸನೊಲು
  • ನಾಣ್ಯೊಲೆನ ಸಂಗ್ರಹ
  • ಕಪ್ಪು-ಬೊಲ್ದು ಕಲ್ಲು ಬೊಕ್ಕ ಬಣ್ಣದ ಕಲ್ಲುಲೆಡ ಮಂದಿನ ಮೊಸಾಯಿಕುಲು
  • ಪುರಾತನ ಮಣ್ಣಿನ ಪಾತ್ರೆಲು
  • ವಾಸ್ತುಶಿಲ್ಪದ ಅವಶೇಷೊಲು, ರಿಲೀಫ್‌ಗೊಲು ಬೊಕ್ಕ ಪುರಾತನ ಭಿತ್ತಿಚಿತ್ರೊಲೆನ ಭಾಗೊಲು

ಇತ್ತಿನ ಅಧ್ಯಯನೊಲು ಬೊಕ್ಕ ವಿಶ್ವ ಪರಂಪರೆ

[ಸಂಪೊಲಿಪುಲೆ]

1992ಡ್ದ್ ಟೆಕ್ಸಾಸ್ ವಿಶ್ವವಿದ್ಯಾಲಯ, ಆಸ್ಟಿನ್ದ ಇನ್‌ಸ್ಟಿಟ್ಯೂಟ್ ಆಫ್ ಕ್ಲಾಸಿಕಲ್ ಆರ್ಕಿಯಾಲಜಿ ಬೊಕ್ಕ ಸ್ಥಳೀಯ ಪುರಾತತ್ವ ಸಂಸ್ಥೆಗೊಲು ಈ ಪ್ರದೇಶೊಡ್ ಅಧ್ಯಯನ ಮಲ್ತೊಂದುಲ್ಲೆರ್.

2013ಡ್ ಖೆರ್ಸೊನೆಸುಸ್‌ದ ಪುರಾತನ ನಗರ ಬೊಕ್ಕ ಅಯಿತ ಚೋರಾ ಪ್ರದೇಶನ್ ಯುನೆಸ್ಕೋ ವಿಶ್ವ ಪರಂಪರೆ ತಾಣವಾದ್ ಘೋಷಣೆ ಮಲ್ತೆರ್. ಈ ವಿಶ್ವ ಪರಂಪರೆ ಪ್ರದೇಶಡ್ ಖೆರ್ಸೊನೆಸುಸ್ ನಗರ ಬೊಕ್ಕ ಆಜಿ ಪುರಾತನ ಕೃಷಿ ಪ್ರದೇಶೊಲು ಸೇರುದುಂಡು.[8]

ಯುನೆಸ್ಕೋ ಈ ತಾಣೊನ್ ಸಾಂಸ್ಕೃತಿಕ ವಿನಿಮಯೊದ ಮಹತ್ವೊದ ಸಾಕ್ಷಿಯಾದ್ ಬೊಕ್ಕ ಪುರಾತನ ಸಮಾಜೊಲು ಕೃಷಿಭೂಮಿನ್ ಸಂಘಟಿಸಿನ ರೀತಿ ಉತ್ತಮ ಉದಾಹರಣೆಯಾದ್ ಗುರುತಿಸಾದುಂಡು.

ಸಮಸ್ಯೆಲು ಬೊಕ್ಕ ವಿವಾದೊಲು

[ಸಂಪೊಲಿಪುಲೆ]

ಪುರಾತತ್ವ ತಾಣೊದ ಸುತ್ತಮುತ್ತಲು ಇತ್ತಿನ ಕಟ್ಟಡೊ ನಿರ್ಮಾಣದ ಒತ್ತಡ ಬೊಕ್ಕ ಕರಾವಳಿ ಸವೆತ ಖೆರ್ಸೊನೆಸುಸ್‌ದ ಸಂರಕ್ಷಣೆಗೆ ಅಪಾಯ ಉಂಟುಮಲ್ತೊಂದುಂಡು.

2010ಡ್ Global Heritage Fund ಖೆರ್ಸೊನೆಸುಸ್‌ನ್ ಸಂರಕ್ಷಣೆಯ ಕೊರತೆ ಬೊಕ್ಕ ಅಭಿವೃದ್ಧಿದ ಒತ್ತಡೊಡ್ದು ಅಪಾಯೊದ ಸ್ಥಿತಿಡ್ ಉಪ್ಪುನ ವಿಶ್ವೊದ ಪ್ರಮುಖ ಪರಂಪರೆ ತಾಣೊಲೆನ ಪಟ್ಟಿಡ್ ಸೇರಾಯೆರ್.

2014ಡ್ ಕ್ರೈಮಿಯಾ ರಷ್ಯಾದ ನಿಯಂತ್ರಣದಡ್ದ್ ಬತ್ತಿನ ಬೊಕ್ಕ, ಯುನೆಸ್ಕೋ ಕ್ರೈಮಿಯಾ ಬೊಕ್ಕ ಅಲ್ಪದ ಪರಂಪರೆ ತಾಣೊಲೆನ್ ಉಕ್ರೇನ್‌ಗೆ ಸೇರಿದಿನೇನ್ ಗುರುತಿಸಾವುನು ಪನ್ಪಿನ ನಿಲುವು ತೆರಿಪಾದುಂಡು.[9]

ಉಂದೆನೂಲಾ ತೂಲೆ

[ಸಂಪೊಲಿಪುಲೆ]
  • ಉಕ್ರೇನ್‌ನ ಯುನೆಸ್ಕೋ ವಿಶ್ವ ಪರಂಪರೆ ತಾಣೊಲು
  • ಸೆವಾಸ್ತೋಪೊಲ್
  • ಕ್ರೈಮಿಯಾ
  • ಕಪ್ಪು ಸಮುದ್ರ

ಉಲ್ಲೇಕೊಲು

[ಸಂಪೊಲಿಪುಲೆ]
  1. ↑ "Ancient City of Tauric Chersonese and its Chora". UNESCO World Heritage Centre.
  2. ↑ One or more of the preceding sentences incorporates text from a publication now in the public domain: Minns, Ellis Hovell (1911). "Chersonese". Encyclopædia Britannica. Vol. 6 (11th ed.). p. 86.
  3. ↑ Minns, Ellis Hovell (1911). "Chersonese". Encyclopædia Britannica. Vol. 6 (11th ed.). p. 86.
  4. ↑ Raymond Janin, Chersonnèse, in Dictionnaire d'Histoire et de Géographie ecclésiastiques, vol. XII, Paris, 1953.
  5. ↑ "City". National Preserve of Tauric Chersonesos.
  6. ↑ "Chersonesus".
  7. ↑ "Chersonesos Museum". National Preserve of Tauric Chersonesos.
  8. ↑ "Ancient City of Tauric Chersonese and its Chora". UNESCO World Heritage Centre.
  9. ↑ "Ancient City of Tauric Chersonese and its Chora". UNESCO World Heritage Centre.

ಬಾಹ್ಯ ಕೊಂಡಿಲು

[ಸಂಪೊಲಿಪುಲೆ]
"https://tcy.wikipedia.org/w/index.php?title=ಖೆರ್ಸೊನೆಸುಸ್&oldid=366560"ಡ್ದ್ ದೆತ್ತೊಂದುಂಡು