ಗಂಗಾ ಶಶಿಧರನ್
ಗಂಗಾ ಶಶಿಧರನ್ ಕೇರಳ ಮೂಲದ ಪೊಂಜುವು, ೧೪ ಫೆಬ್ರವರಿ ೨೦೦೭ ಗು ಪುಟ್ಟಿಯೆರ್. ಅಮ್ಮೆರ್ ಕೆ.ಎಮ್.ಶಶಿಧರನ್ ಬುಕ್ಕೊ ಅಪ್ಪೆ ಕೃಷ್ಣವೇಣಿ. ಅಪ್ಪೆ ಕೃಷ್ಣವೇಣಿ ಮೃದಂಗ ಕಲಾವಿದೆರ್. ಆರೆನ ಅಮ್ಮೆರ್ ದುಬೈಡ್ ಕೆಲಸಡುಲ್ಲೆರ್. ಒಟ್ಟಾರೆ ಒವ್ವೇ ಕಲೆನ್ ಪೋಷಣೆ ಮಲ್ಪುನ ಒಂಜಿ ಕಲಾ ಕುಟುಂಬ.[೧]
ಸಂಗೀತ, ಆಸಕ್ತಿ,
[ಸಂಪೊಲಿಪುಲೆ]ಗಂಗಾ ಶಶಿಧರನ್ ಒಂಜಿ ಸರ್ತಿ ಗುರುವಾಯೂರ್ ದೇವಲ್ಯೊಡು ನಡೆತಿನ ಬೇತೆ ಸಂಗೀತ ಕಾರ್ಯಕ್ರಮೊನು ತೂದು ಎಂಕ್ಲಾ ಇಂಚನೆ ಪದ್ಯ ಕಲ್ತ್ದ್ ಪಣೋಡು ಪಂಡ್ದ್ ಸಂಗೀತ ಕ್ಷೇತ್ರೊಗು ಆಕರ್ಷಿತರಾಯೆರ್. ಬುಕ್ಕೊ ಸುರುಕ್ಕು೪ ನೇ ವರ್ಸೊಗು ರಾಧಿಕ ಪಣ್ಪಿನ ಗುರುಕ್ಲೆನ ಮೂಲಕ ಸಂಗೀತ ಅಭ್ಯಾಸ ಸುರು ಮಲ್ತೆರ್.ಬುಕ್ಕೊ ಸಂಗೀತ ವಾದ್ಯವಾಯಿನ ವಯೋಲಿನ್ ಗುರು ಅನುಗ್ರಹ ಇಂಬೆರೆಡ್ದ್ ಕಲ್ಪೆರೆ ಸುರು ಮಲ್ತೆರ್. ಇಂಚ ದಿನಟ್ಟ್ ೨ವರೆ ಗಂಟೆ ಅಭ್ಯಾಸ ಮಾಲ್ತ್ದ್ ಸಂಗೀತೊನು,ವಯಲಿನ್ ವಾದನೊನು ಕರಗತ ಮಲ್ತೊಂಡೆರ್.
ಕಾರ್ಯಕ್ರಮ
[ಸಂಪೊಲಿಪುಲೆ]ಗಂಗಾ ಶಶಿಧರನ್ ಜಿಂಜ ಎಲ್ಲಿಡೇ ಸ್ಟೇಜ್ ಪ್ರೋಗ್ರಾಮ್ ಕೊರಿಯೆರೆ ಸುರು ಮಲ್ತೆರ್. ಈಡೆ ಮುಟ್ಟ ಸುಮಾರ್ ಜಾಗೆಡ್ ಸಿ. ಎಸ್.ಅನುರೂಪ್ ಪಣ್ಪಿನ ಪುಗರ್ತೆದ ವಯೊಲಿನ್ ವಾದೆಕೆರೆನೊಟ್ಟುಗು ಜುಗಲ್ ಬಂಧಿ ಕೊರ್ದು ಜನಮನ್ನಣೆ ಗಳಸಿಯೆರ್.ಪ್ರಸಿದ್ದವಾದ ಗುರುವಾಯೂರ್ ದೇವಲ್ಯೊದ ಮೇಲ್ಪತ್ತೂರ್ ಸ್ಟೇಜ್ಡ್ ಆರೆನ ಪ್ರಥಮವಾಯಿನ ಕಾರ್ಯಕ್ರಮೊ.ಅಯಿಡ್ದ್ ಬುಕ್ಕೊ ಕೇರಳ ಅತ್ತಂದೆ ಕರ್ನಾಟಕ, ಮುಂಬೈ,ಡೆಲ್ಲಿ, ವಿದೇಶೊಡು ಸ್ವಿಜರ್ಲೇಂಡ್,ಸೌತ್ ಆಫ಼್ರಿಕಾಡ್ಲಾ,ಕೇರಳದ ವೈಕ್ಕಮ್ ದೇವಲ್ಯೊಡು ಇಂಬೆರ್ ವಯೊಲಿನ್ ವಾದನೊ ಕಾರ್ಯಕ್ರಮ ಕೊರ್ತೆರ್.ಇಂಚ ಗಂಗಾ ಶಶಿಧರೆನ ವಾದನೊ ತೂದು ಆರೆನ್ ಕುನ್ನಂಕುಡಿ ವೈದ್ಯನಾಥನ್(ಪುಗರ್ತೆದ ವಯೊಲಿನ್ ವಾದಕೆರ್) ಪಿರ ಜನ್ಮೊ ಪಡೆದ್ ಈ ಬಾಲೆದ ರೂಪುಡು ಬತ್ತೆರ್ ಪಣ್ಪೆರ್.[೨]
ಉಲ್ಲೇಕೊಲು
[ಸಂಪೊಲಿಪುಲೆ]- ↑ Daily, Keralakaumudi. "From audience to acclaim; Ganga's journey with violin". Keralakaumudi Daily.
- ↑ "Ganga Shashidharan: ಉಡುಪಿಯಲ್ಲಿ ಖ್ಯಾತ ವಯೊಲಿನ್ ವಾದಕಿ ಗಂಗಾ ಶಶಿಧರನ್". Udayavani. Archived from the original on 2024-06-24. Retrieved 2025-03-21.
{{cite web}}: zero width space character in|title=at position 64 (help)
From audience to acclaim; Ganga's journey with violin Ganga Shashidharan: ಉಡುಪಿಯಲ್ಲಿ ಖ್ಯಾತ ವಯೊಲಿನ್ ವಾದಕಿ ಗಂಗಾ ಶಶಿಧರನ್