ಗಾಂಧಿನಗರ

ಗುಜರಾತ್‌ದ ಗಾಂಧಿನಗರ ಗುಜರಾತ್ ರಾಜ್ಯದ ರಾಜಧಾನಿ ಆದುಂಡು. ಜಿಲ್ಲಾ ಕೇಂದ್ರಲಾ ಅಂದ್. ಗಾಂಧಿನಗರ ಅಹಮದಾಬಾದ್‌ಡ್ದ್ ಸುಮಾರ್ ೨೩ ಕಿಲೋಮೀಟರ್ (೧೪ ಮೈಲಿ) ಬಡಕಾಯಿಡ್, ದೆಹಲಿ ಬೊಕ್ಕ ಮುಂಬೈ ಮಹಾನಗರೊಲೆದ ನಡುತ ಕೈಗಾರಿಕಾ ಕಾರಿಡಾರ್‌ದ ಮದ್ಯೊಡು ಉಂಡು. ಗಾಂಧಿನಗರ ಸಾಬರಮತಿ ಸುದೆತ ಪಡ್ಡಾಯಿ ಬರಿಟ್ ಉಂಡು. ಅಕ್ಷರಧಾಮ ದೇವಸ್ಥಾನ ಗಾಂಧಿನಗರಡ್ ಉಂಡು. ಗುಜರಾತ್ ರಾಜ್ಯೊಡು ಮಹಾತ್ಮ ಗಾಂಧಿ ಪುಟ್ಟಿನೆಡ್ದಾವರ ಅರೆಗ್ ಗೌರವ ಕೊರ್ರೆಗಾದ್ ಈ ಪೇಂಟೆಗ್ ಗಾಂಧಿನಗರ ಪಂದ್ ಪುದರ್ ದೀತೆರ್.

ಇತಿಯಾಸೊ

ಗಾಂಧಿನಗರಗ್ ೧೩ನೇ ಶತಮಾನೊದಾತ್ ಪಿರಾಕ್‌ದ ಇತಿಹಾಸ ಉಂಡು, ಅಪಗ ನೆನ್ನ್ ಪೆಥಾಸಿನ್ಹ ಪುದರ್‌ದ ರಾಜೇ ಆಳೊಂದಿತ್ತೆ. ಅಪಗ, ಉಂದು ಶೇರ್ಥಾ ಪನ್ಪಿನ ಒಂಜಿ ಎಲ್ಯ ಊರಾದಿತ್ತ್ಂಡ್.

೧೯೬೦ಡ್ ಮುಂಬಾಯಿನ್ ಮುಂಬೈ ಬೊಕ್ಕ ಗುಜರಾತ್ ಪಂಡ್‌ದ್ ರಡ್ಡ್ ನಗರೊಲಾದ್ ವಿಭಾಗ ಮಲ್ತ್‌ನಗ, ನೆಕ್ಕ್ ರಾಜಧಾನಿ ನಗರೊದ ಮಾನ್ಯತೆ ತಿಕ್ಕ್ಂಡ್. ಗಾಂಧಿನಗರ ಮಹಾತ್ಮ ಗಾಂಧಿನ ರಡ್ಡನೇ ಇಲ್ಲಾದಿತ್ತ್ಂಡ್, ಅಲ್ಪಡ್ದ್ ಆರ್ ಸ್ವಾತಂತ್ರ್ಯ ಹೋರಾಟೊನು ಸುರು ಮಲ್ತೆರ್, ಅಂಚಾದ್ ಈ ಊರುಗು ಆರೆನ ಪುದರ್ ಬತ್ತ್ಂಡ್.

ಜನಸಂಖ್ಯಾ ಶಾಸ್ತ್ರ

ಭಾರತದ ೨೦೧೧ತ ಜನಗಣತಿದ ಪ್ರಕಾರ, ಗಾಂಧಿನಗರದ ಜನಸಂಖ್ಯೆ ೨,೦೮,೨೯೯ ಇತ್ತ್ಂಡ್. ಜನಸಂಖ್ಯೆಡ್ ೫೩% ಆಂಜೋವುಲು ಬೊಕ್ಕ ೪೭% ಪೊಂಜೋವುಲು ಉಲ್ಲೆರ್. ಗಾಂಧಿನಗರದ ಸರಾಸರಿ ಸಾಕ್ಷರತಾ ಪ್ರಮಾಣ ೯೦% ಆದುಂಡು. ಆಂಜೋವುಲೆನ ಸಾಕ್ಷರತೆ ೯೧%, ಬೊಕ್ಕ ಪೊಂಜೋವುಲೆನ ಸಾಕ್ಷರತೆ ೮೯% ಉಂಡು. ಗಾಂಧಿನಗರಡ್, ೧೧% ಜನಸಂಖ್ಯೆ ೬ ವರ್ಷಡ್ದ್ ತಿರ್ತ ಪ್ರಾಯೊದಕುಲು ಆದುಲ್ಲೆರ್. ಗಾಂಧಿನಗರದ ೯೫% ಡ್ದ್ ಜಾಸ್ತಿ ಜನಕುಲು ಹಿಂದೂಲು ಆದುಲ್ಲೆರ್.

ಹವಾಮಾನ

ಗಾಂಧಿನಗರಡ್ ಉಷ್ಣವಲಯದ ಅರೆ-ಶುಷ್ಕ ಹವಾಮಾನ ಉಂಡು. ಅಲ್ಪ ಮೂಜಿ ಮುಖ್ಯ ಋತುಕುಲು ಉಂಡು: ಅರೆಗಾಲ, ಮರಿಯಾಲ ಬೊಕ್ಕ ಚಳಿಗಾಲ. ಮರಿಯಾಲದ ಸಮಯೊನು ಬುಡುಂಡ, ಬಾಕಿದ ಹವಾಮಾನ ಸಾಮಾನ್ಯವಾದ್ ಲುಂಗುದ್ ಬೊಕ್ಕ ಬೆಚ್ಚ ಉಪ್ಪುಂಡು.

ಮಾರ್ಚ್‌ಡ್ದ್ ಮೇ ಮುಟ್ಟ ಹವಾಮಾನ ಬೆಚ್ಚಡ್ದ್ ಬಾರಿ ಬೆಚ್ಚ ಉಪ್ಪುಂಡು, ಈ ಪೊರ್ತುಡು ಗರಿಷ್ಠ ತಾಪಮಾನ ೩೬ ಡ್ದ್ ೪೨ °C (೯೭ ಡ್ದ್ ೧೦೮ °F) ಮುಟ್ಟ ಉಪ್ಪುಂಡು, ಬೊಕ್ಕ ಕನಿಷ್ಠ ತಾಪಮಾನ ೧೯ ಡ್ದ್ ೨೭ °C (೬೬ ಡ್ದ್ ೮೧ °F) ದ ಮುಟ್ಟ ಉಪ್ಪುಂಡು. ಡಿಸೆಂಬರ್‌ಡ್ದ್ ಫೆಬ್ರವರಿ ಮುಟ್ಟ ಚಳಿಗಾಲದ ಪಗೆಲ್‌ಡ್ ಹವಾಮಾನ ಎಡ್ಡೆ ಉಪ್ಪುಂಡು ಬೊಕ್ಕ ರಾತ್ರೆಡ್ ಬಾರಿ ಚಳಿ ಉಪ್ಪುಂಡು. ಸರಾಸರಿ ಗರಿಷ್ಠ ತಾಪಮಾನ ಸುಮಾರ್ ೨೯ °C (೮೪ °F), ಸರಾಸರಿ ಕನಿಷ್ಠ ೧೩ °C (೫೫ °F) ಉಪ್ಪುಂಡು, ಬೊಕ್ಕ ಹವಾಮಾನ ಬಾರಿ ಶುಷ್ಕವಾದ್ (ಲುಂಗುದ್) ಉಪ್ಪುಂಡು.

ನೈರುತ್ಯ ಮುಂಗಾರು ಜೂನ್ ಮದ್ಯೊಡ್ದು ಸೆಪ್ಟೆಂಬರ್ ಮದ್ಯೊಗು ಮುಟ್ಟ ತೇವವಾಯಿನ ಹವಾಮಾನೊನು ಕನಪುಂಡು. ಸರಾಸರಿ ವಾರ್ಷಿಕ ಬರ್ಸ ಸುಮಾರ್ ೭೭೩.೬ ಮಿ.ಮೀ. (೩೦.೪೬ ಇಂಚು) ಬರ್ಪುಂಡು.