ಗಾಂಧಿ-ಇರ್ವಿನ್ ಒಪ್ಪಂದ

ಮಹಾತ್ಮ ಗಾಂಧಿ

ಲಾರ್ಡ್ ಇರ್ವಿನ್

ಗಾಂಧಿ-ಇರ್ವಿನ್ ಒಪ್ಪಂದ ಪಂಡ ಲಂಡನ್‌ಡ್ ನಡತಿನ ರಡ್ಡನೆ ಸುತ್ತು ಮೇಜಿದ ಸಮ್ಮೇಳನೊದ ದುಂಬು ಮಹಾತ್ಮ ಗಾಂಧಿ ಬುಕ್ಕೊ ಭಾರತದ ವೈಸ್ರಾಯ್ ಲಾರ್ಡ್ ಇರ್ವಿನ್ ಸಹಿ ಪಾಡ್ದಿನ ಒಂಜಿ ರಾಜಕೀಯ ಒಪ್ಪಂದ. ಇಂದೆಕ್ ದುಂಬು, ಇರ್ವಿನ್, ವೈಸ್ರಾಯ್, ಅಕ್ಟೋಬರ್ ೧೯೨೯ ಡ್ ಒಂಜಿ ಅನಿರ್ದಿಷ್ಟ ಭವಿಷ್ಯೊಡು ಭಾರತೊಗು ಡೊಮಿನಿಯನ್ ಸ್ಥಾನಮಾನದ ಅಸ್ಪಷ್ಟ ಪ್ರಸ್ತಾಪೊನು ಮಲ್ತೆರ್. ಬುಕ್ಕೊ ಒಂಜಿ ಭವಿಷ್ಯದ ಸಂವಿಧಾನೊನು ಚರ್ಚೆ ಮಲ್ಪೆರೆ ಒಂಜಿ ಸುತ್ತು ಮೇಜಿದ ಸಮ್ಮೇಳನೊನು ಘೋಷಣೆ ಮಲ್ತೆರ್. ಸೆಪ್ಟೆಂಬರ್‌ಡ್ದ್ ಡಿಸೆಂಬರ್ ೧೯೩೧ ಮುಟ್ಟ ಲಂಡನ್‌ಡ್ ರಡ್ಡನೆ ಸುತ್ತು ಮೇಜ್‌ದ ಸಮ್ಮೇಳನ ನಡತ್ಂಡ್. ಈ ಸಮ್ಮೇಳನೊಡ್ದ್ ಭಾರತೊಡು ನಾಗರಿಕ ಅಸಹಕಾರ ಚಳುವಳಿದ ಅಂತ್ಯ ಆಂಡ್.

ಗಾಂಧಿ ಬುಕ್ಕೊ ಲಾರ್ಡ್ ಇರ್ವಿನ್ ಒಟ್ಟು 24 ಗಂಟೆದ ಎನ್ಮ ಸಭೆಕ್‌ಲೆನ್ ಮಲ್ತೆರ್. ಇರ್ವಿನ್‌ನ ಪ್ರಾಮಾಣಿಕತೆಡ್ದ್ ಗಾಂಧಿ ಪ್ರಭಾವಿತರಾಯೆರ್ ಆಂಡಲಾ, ಒಪ್ಪಂದದ ನಿಯಮೊಲು ಗಾಂಧಿ ಯುದ್ಧವಿರಾಮೊಗು ಕನಿಷ್ಠ ಪಂಡ್ದ್ ಸೂಚಿಸಾಯಿನ ನಿಯಮೊಲೆಡ್ದ್ ಸ್ಪಷ್ಟವಾದ್ ಕಮ್ಮಿ ಆಂಡ್.

ಗಾಂಧಿ-ಇರ್ವಿನ್ ಒಪ್ಪಂದದ ಅಡಿಟ್ 90,000 ಡ್ದ್ ಜಾಸ್ತಿ ರಾಜಕೀಯ ಕೈದಿಲೆನ್ ಬಿಡುಗಡೆ ಮಲ್ಪೆರೆ ಗಾಂಧಿ ಯಶಸ್ವಿಯಾಯೆರ್.

ಒಪ್ಪಂದದ ದುಂಬುದ ವಿಷಯ

ಲಾರ್ಡ್ ಇರ್ವಿನ್ ಆ ಸಮಯೊಡು ಭಾರತೀಯ ರಾಷ್ಟ್ರೀಯತೆದ ದಬ್ಬಾಳಿಕೆಗ್ ಮುಖ್ಯಸ್ಥೆರಾದ್ ಇತ್ತೆರ್, ಆಂಡ ಬ್ರಿಟಿಷ್-ರನ್ ಇಂಡಿಯನ್ ಸಿವಿಲ್ ಸರ್ವಿಸ್ ಬುಕ್ಕೊ ವಾಣಿಜ್ಯ ಸಮುದಾಯೊ ಅಪಗ ಉಪ್ಪುನಾಗಲಾ ಕಠಿಣ ಕ್ರಮೊಲೆನ್ ಬೆಂಬಲಿಸೊಂದಿತ್ತೆರ್. ಪ್ರಧಾನಿ ರಾಮ್ಸೆ ಮ್ಯಾಕ್ಡೊನಾಲ್ಡ್ ಬುಕ್ಕೊ ವಿಲಿಯಂ ಬೆನ್, ಭಾರತದ ಪ್ರಧಾನ ರಾಜ್ಯ ಕಾರ್ಯದರ್ಶಿ, ಲೇಬರ್ ಸರ್ಕಾರದ ಸ್ಥಾನಮಾನೊನು ದುರ್ಬಲ ಮಲ್ಪುಜಿ ಪನ್ಪಿನ ಮುಟ್ಟ ಶಾಂತಿಗ್ ಉತ್ಸುಕರಾದಿತ್ತೆರ್. ಅಂಚನೆ, ಅಕುಲು ಸುತ್ತು ಮೇಜ್‌ ಸಮ್ಮೇಳನೊದ ಯಶಸ್ಸ್‌ಗ್ ಆಸೆ ಮಲ್ತೆರ್ ಬುಕ್ಕೊ ಗಾಂಧೀಜಿನ ಉಪಸ್ಥಿತಿ ಇಜ್ಜಂದಿನೆಡ್ದಾವರ ಉಂದು ಕಮ್ಮಿ ತೂಕೊನು ತೂಪುಂಡು ಪಂದ್ ತೆರಿಯೊನೆರ್. ಜನವರಿ ೧೯೩೧ಡ್, ಸುತ್ತು ಮೇಜ್‌ ಕಾನ್ಫರೆನ್ಸ್ ದ ಮುಕ್ತಾಯದ ಅಧಿವೇಶನೊಡು, ರಾಮ್ಸೆ ಮ್ಯಾಕ್ಡೊನಾಲ್ಡ್ ಮುಂದಿನ ಅಧಿವೇಶನೊಡು ಕಾಂಗ್ರೆಸ್‌ನ್ ಪ್ರತಿನಿಧಿಸೊಡು ಪನ್ಪಿನ ಆಸೆನ್ ವ್ಯಕ್ತಪಡಿಸಯೆರ್. ವೈಸ್ರಾಯ್, ಸುಳಿವುನ್ ದೆತೊನುನಗ, ನಾಗರಿಕ ಅಸಹಕಾರ ಚಳುವಳಿಗಾದ್ ಜೈಲುಡು ಇತ್ತಿನ ಗಾಂಧಿ ಬುಕ್ಕೊ ಕಾಂಗ್ರೆಸ್ ಕಾರ್ಯ ಸಮಿತಿದ ಮಾತಾ ಸದಸ್ಯೆರೆನ್ ಬೇಷರತ್ತಾದ್ ಬುಡುಗಡೆ ಮಲ್ಪೆರೆ ಆಪಗನೇ ಆದೇಶ ಕೊರ್ತೆರ್. ಉಂದೆಕ್ ಉತ್ತರವಾದ್, ಗಾಂಧಿ ವೈಸ್‌ರಾಯನ್ ತೂಯೆರೆ ಒಪ್ಪಿಗೆ ಮಲ್ತೆರ್.

ಗಾಂಧಿ ಬುಕ್ಕೊ ಒರಿ ವೈಸ್ರಾಯ್ ನಡುಟು 13 ವರ್ಸೊಡ್ ನಡತಿನ ರಡ್ಡನೆ ಉನ್ನತ ಮಟ್ಟದ ಸಭೆ ಉಂದು ಬುಕ್ಕೊ ಭಾರತ ಸರ್ಕಾರದ ಕಾಯ್ದೆ, 1919 ದ ಆಧಾರ ಆಯಿನ ಮೊಂಟಾಗು-ಚೆಲ್ಮ್‌ಸ್‌ಫೋರ್ಡ್ ಸುಧಾರಣೆಲೆನ ಸಂದರ್ಭೊಡು ಓದೊಡು.

ಪ್ರಸ್ತಾವನೆದ ಪರಿಸ್ಥಿತಿಲು

• ಭಾರತೀಯ ರಾಷ್ಟ್ರೀಯ ಕಾಂಗ್ರೆಸ್ ಅವರಿಂದ ಉಪ್ಪು ಮೆರವಣಿಗೆ ಸ್ಥಗಿತ
• ದ್ವಿತೀಯ ಸುತ್ತು ಮೇಜ್‌ದ ಸಮ್ಮೇಳನಡ್ ಭಾರತೀಯ ರಾಷ್ಟ್ರೀಯ ಕಾಂಗ್ರೆಸ್ ಪಕ್ಷ ಪಾಲ್‌ ಪಡೆತ್ತ್ಂಡ್.
• ಭಾರತೀಯ ರಾಷ್ಟ್ರೀಯ ಕಾಂಗ್ರೆಸ್‌‌ದ ಚಟುವಟಿಕೆಲೆನ್ ನಿಯಂತ್ರಣ ಮಲ್ಪುನ ಭಾರತದ ವಸಾಹತುಶಾಹಿ ಸರ್ಕಾರ ಜಾರಿ ಮಲ್ತಿನ ಮಾತಾ ಆರ್ಡಿನನ್ಸ್ ಲೆನ್ ವಾಪಸ್ ದೆತೊನುನವು
• ಹಿಂಸೆನ್ ಸೇರ್‌ದುಪ್ಪುನ ಬುಡ್ದು ಕೆಲವು ಬಗೆತ ರಾಜಕೀಯ ಅಪರಾಧೊಲೆಗ್ ಸಂಬಂಧಪಟ್ಟಿನ ಮಾತಾ ವಿಚಾರಣೆಲೆನ್ ವಾಪಸ್ ದೆತೊನುನವು ( ರೌಲಾಟ್ ಕಾಯ್ದೆ ).
• ಉಪ್ಪು ಮೆರವಣಿಗೆಡ್ ಪಾಲ್ ಪಡೆಯಿನ ಕೈದಿಲೆನ್ ಬಿಡುಗಡೆ ಮಲ್ಪುನವು; ಬುಕ್ಕೊ
• ಉಪ್ಪುದ ಮಿತ್ತ್ ತೆರಿಗೆನ್ ದೆಪ್ಪೆರೆ. ಉಂದು ಭಾರತೀಯೆರೆಗ್ ಉಪ್ಪುನ್ ಕಾನೂನುಬದ್ಧವಾದ್ ಬುಕ್ಕೊ ಅಕ್ಲೆನ ಸ್ವಂತ ಖಾಸಗಿ ಉಪಯೋಗೊಗು ಉತ್ಪಾದನೆ ಮಲ್ಪೆರೆ ವ್ಯಾಪಾರ ಬುಕ್ಕೊ ಮಾರಾಟ ಮಲ್ಪೆರೆ ಅನುವು ಮಲ್ತ್ಂಡ್.

ಭಾರತೊಡು ಬುಕ್ಕೊ ಬ್ರಿಟನ್‌ಡ್ ಮಸ್ತ್ ಬ್ರಿಟಿಷ್ ಅಧಿಕಾರಿಲು ಬ್ರಿಟಿಷ್ ರಾಜ್ಯೊನು ನಾಶ ಮಲ್ಪುನ ಉದ್ದೇಶೊಡು ಒಂಜಿ ಪಕ್ಷೊದೊಟ್ಟುಗು ಒಪ್ಪಂದ ಮಲ್ಪುನ ಕಲ್ಪನೆಡ್ದ್ ಕೋಪೊಡು ಇತ್ತೆರ್. ವಿನ್ಸ್ಟ್‌ನ್ ಚರ್ಚಿಲ್ ಸಾರ್ವಜನಿಕವಾದ್ ಅರೆನ ಅಸಹಾಯಕತೆನ್ ವ್ಯಕ್ತಪಡಿಸಯೆರ್ "...ಈ ಒಂಜಿ ಕಾಲೊದ ಇನ್ನರ್ ಟೆಂಪಲ್ ವಕೀಲೆರ್ನ ಬೊರ್ಚಾಂದಿನ ಬುಕ್ಕೊ ಅಪಮಾನಕಾರಿ ದೃಶ್ಯೊಡು ಉಪ್ಪುನ. ಇತ್ತೆ ದೇಶದ್ರೋಹಿ ಫಕೀರ್, ಅರ್ಧ ನಗ್ನವಾದ್ ವೈಸ್ರಾಯನ ಅರಮನೆದ ಮುಟ್ಟುನ್ ಏರ್ದ್, ಅಲ್ಪ ರಾಜೆ ಚಕ್ರವರ್ತಿನ ಪ್ರತಿನಿಧಿನೊಟ್ಟುಗು ಸಮಾನ ನಿಯಮೊಲೆಡ್ ಪಾತೆರಕತೆ ಬುಕ್ಕೊ ಭಾಷಣ ಮಲ್ಪೆರೆ."

ಸರ್ಕಾರ ಒಪ್ಪಿಗೆ ಮಲ್ತಿನ ನಿಯಮೊಲು

• ಮಾತಾ ಆರ್ಡಿನನ್ಸ್‌ಲೆನ್ ಪಿರ ದೆತೊನ್ಲೆ ಬುಕ್ಕೊ ವಿಚಾರಣೆಲೆನ್ ಮುಗಿಪಾಲೆ
• ಹಿಂಸೆಗ್ ತಪ್ಪು ಮಲ್ತಿನಕುಲೆನ್ ಬುಡ್ದು ಮಾತಾ ರಾಜಕೀಯ ಕೈದಿಲೆನ್ ಬಿಡುಗಡೆ ಮಲ್ಪುಲೆ
• ಮದ್ಯ ಬುಕ್ಕೊ ವಿದೇಶಿ ಕುಂಟುದ ಅಂಗಡಿಲೆನ್ ಶಾಂತಿಡ್ ಪ್ರತಿಭಟನೆ ಮಲ್ಪೆರೆ ಅನುಮತಿ ಕೊರ್ಲೆ
• ಸತ್ಯಾಗ್ರಹಿಲೆನ ಜಪ್ತಿ ಆಯಿನ ಆಸ್ತಿಲೆನ್ ಪಿರಕೊರೊಡು
• ಕರಾವಳಿದ ಸಮೀಪೊಡು ಉಪ್ಪುನ ವ್ಯಕ್ತಿಲೆಗ್ ಉಪ್ಪುದ ಉಚಿತ ಸಂಗ್ರಹ ಅತ್ತಂದೆ ತಯಾರಿಕೆಗ್ ಅನುಮತಿ ಕೊರೊಡು
• ಕಾಂಗ್ರೆಸ್‌ದ ಮಿತ್ತ್ ದೀತಿನ ನಿಷೇಧನ್ ದೆತ್ತ್ ಪಾಡ್ಲೆ

ಒಪ್ಪಿಗೆ ಆವಂದಿನ ನಿಯಮೊಲು

• ಪೊಲೀಸ್ ದೌರ್ಜನ್ಯ(ಗಲಾಟೆ) ಬಗೆಟ್ ವಿಚಾರಣೆ ಮಲ್ಪೊಡು ಪನ್ಪಿನ ಕಾಂಗ್ರೆಸ್‌ದ ಬೇಡಿಕೆ.
• ಭಗತ್ ಸಿಂಗ್, ರಾಜಗುರು ಬುಕ್ಕೊ ಸುಖ್ದೇವ್‌ನ ಮರಣದಂಡನೆನ್ ಕಮ್ಮಿ ಶಿಕ್ಷೆ ಮಲ್ಪೊಡು ಪನ್ಪಿನ ಗಾಂಧಿನ ಬೇಡಿಕೆ.

ನನಾತ್ ವಿಷಯೊಲೆನ್ ನಾಡುನ ಬೇತೆ ಚಳುವಳಿಲು

• ಪೂನಾ ಒಪ್ಪಂದ
• ನಾಗರಿಕ ಅಸಹಕಾರ ಚಳುವಳಿ
• ಅಸಹಕಾರ ಚಳುವಳಿ