ಗಾಣ

ವಿಕಿಪೀಡಿಯರ್ದ್
Jump to navigation Jump to search

ಗಾಣ ಪಂಡ್ಂಡ ತಾರಾಯಿ, ಎನ್ಮೆ, ಕಡ್ಲೆ ಇಂಚಿತ್ತಿನೆನ್ ಒತ್ತುದು ದೆಪ್ಪುನೆಕ್ಕ್ ಗಾಣ ಪನ್ಪೆರ್. ನೆಟ್ಟ್ ರಡ್ಡ್ ವಿದ ಉಂಡು ರಡ್ಡ್ ಚಕ್ರ ತಿರ್ಗುನ ಬೊಕ್ಕೊಂಜಿ ಕಡೆಪಿ ಕಲ್ಲ್ ದ್ ರೀತಿದವು. ಸುರುತ್ತವು ಬೆಲ್ಲ ಮಲ್ಪೆರೆ ಕಂರ್ಬುದ ಪೇರ್ ದೆಪ್ಪುನವು. ಬೊಕ್ಕೊಂಜಿ ತಾರಾಯಿ, ಎಡ್ಮೆ, ಕಡ್ಲೆ ಇಂಚಿತ್ತಿನೆತ್ತ ಎಣ್ಣೆ ದೆಪ್ಪರೆಗಾದ್, ಉಂದೆನ್ ತಿರ್ಗಾರೆಗ್ ಬೋರಿ ಇಜ್ಜಾಂಡ ಏರುಕುಲೆನ್ ಬಳಕೆ ಮಲ್ಪುವೆರ್. ಬೆಲ್ಲ ದೆಪ್ಪುನ ದುಂಬು ಮರತ್ತವು ಇತ್ತ್ ದ್ ಇತ್ತೆ ಕರ್ಬದ ಉಂಡು ಅಂಚನೆ ಎಣ್ಣೆ ದೆಪ್ಪುನ ಮರತ್ತ ಕಡೆಪಿಲೆಕ್ಕ ಇತ್ತ್ಂಡ್. ಇತ್ತೆ ಕರ್ಬದ ಕಡೆಪಿಕಲ್ಲ್ ಲಾ ಬೈದ್ಂಡ್. ಕರೆಂಟ್ ಬಳಕೆ ಮಲ್ತ್ ಎಣ್ಣೆ ದೆಪ್ಪುನೆಕ್ಕ್ ಲಾ ಗಾಣ ಪಂಡ್ದೇ ಪನ್ಪೆರ್ ಈ ಬೆಲೇನ್ ಸಪಲ್ಯೆರ್ ಮಾನ್ಪುವೆರ್.

ಸಪಲ್ಯೆರ್[ಸಂಪೊಲಿಪುಲೆ]

ಎಣ್ಣೆ ದೆಪ್ಪುನ ಗಾಣ

ತುಳುನಾಡ್‍ದ ತೆನ್‍ಕಯಿ ಭಾಗಡ್‍ದ್ ಅರಬ್ಬೀ ಕಡಲ್‍ಮೂಡಯಿ ಉಲಯಿದ ಸುತ್ತಮುತ್ತ ತೂಯರೆ ತಿಕ್ಕುನ ಗಾಣಿಗ ಜಾತಿದಕುಲು ಕೆಲಸಡ್ ಗಾಣರ್‌ದ್ ಯೆಣ್ಣೆ ದೆಪ್ಪುನ ಬೇಲೆದಕುಲು. ಈ ಜನಕುಲು ತೆನ್‌ಕಯಿ ಕರಾವಳಿ ಉಲಯಿ ಪ್ರದೇಶ ಮಂಜೇಶ್ವರ, ಉಳ್ಳಾಲ, ಅತ್ತಾವರ, ಮೂಲ್ಕಿ, ಮುಂಡ್ಕೂರ್,ಕಾರ್ಕಳ,ಉಡುಪಿ,ಮಿಜಾರು, ಎಡಪದವು, ಮಳಲಿ, ಪೊಳಲಿ, ಈ ಪೂರ ಪ್ರದೇಶಡ್ ತೂಯರೆ ತಿಕ್ಕುವೆರ್. ಈ ಊರುಡ್ ಪೂರ ಗಾಣದ ಕೊಟ್ಯ ಪುದರ್ ಏತೋ ಗಾಣಿಗ ಜಾತಿದ ಇಲ್ಲುಲೆನ್ ತೂವೊಲಿ. ವಿದ್ಯುತ್ ಚಾಲಿತ ಮಿಶೆನ್ ಬತ್ತಿನೆರ್‌‍ದಾವರ ಗಾಣದ ಎಣ್ಣೆ ದೆಪ್ಪುನ ಕುಲಕಸುಬೇ ಉಂತುದು ಪೋತುಂಡು.[೧] ಇತ್ತೆ ಗಾಣಿಗೆರ್ ಜೀವನ ಸಾಗಾಯರೆ ಬೊಡಾದ್ ಬೇತೆ ಬೇತೆ ಕೆಲಸಲೆನ್ ಮಲ್ತೊಂದುಲ್ಲೆರ್. ಅಂಚಾದ್ ನಮ್ಮ ಕಣ್ಣದ ಎದುರ್ ಇತ್ತಿನ ಗಾಣ ಮಾಯಾದ್ ಗಾಣದ ಕೊಟ್ಯ ಪನ್ಪುನ ಪುದರ್ ಮಾತ್ರ ಒರಿದ್ಂಡ್. ಇಂಚ್ಚಿತ್ತಿನ ಗಾಣದ ಕೊಟ್ಯಡ್ ಗಾಣೊಲೆನ್ ಜೋಪಾನವಾದ್ ದೀದ್ ಅಯಿಕ್ ಪೂಜೆ ಸಂದಾವುನ ಕೆಲವು ಗಾಣಿಗೆರೆ ಇಲ್ಲುಲೆನ್ ಇತ್ತೆಲ ತೂವೊಲಿ.

ಗಾಣ ಏಪೊದ[ಸಂಪೊಲಿಪುಲೆ]

ಗಾಣ ಇನಿ ಕೊಡೆದ ಅತ್ತ್. ಶತಮಾನೊಗ್ ದುಂಬೇ ಗಾಣದ ಚರಿತ್ರೆ ದಾಖಲಾಯೆನವು. ಸ್ಕಂದ ಪುರಾಣೊಡ್ ಗಾಣದ ಕೆಲಸ ಮಲ್ಪುನ ಗಾನಿಗೆರೆ ವಿವರ ಉಂಡು. ರಾಜೆ ವಿಕ್ರಮೆ ಶನಿ ದೇವೆರೆನ ಅವಕೃಪೆಗ್ ಪಾತ್ರರಾಯಿನಪಗ ಗಾಣಿಗೆರೆ ಇಲ್ಲಲ್ ಎಣ್ಣೆ ದೆಪ್ಪುನ ಕೆಲಸ ಮಲ್ತೊಂದಿತ್ತಿನವೆಕ್ ಇತಿಹಾಸ ಉಂಡು. ಈ ಹಿನ್ನಲೆಡ್ ಗಾಣ ಮಸ್ತ ಪಿರಾಕ್‍ದ ಆಯಿನವು ಪಂಡ್‍ದ್ ನಮಕ್ ತೆರಿವುಂಡು.

ಉಲ್ಲೇಖ[ಸಂಪೊಲಿಪುಲೆ]

  1. http://ganiga.com/pages/index.html
"https://tcy.wikipedia.org/w/index.php?title=ಗಾಣ&oldid=74703"ಡ್ದ್ ದೆತ್ತೊಂದುಂಡು