ಙೋಳಿಸರ
| ಙೋಳಿಸರ | |
|---|---|
 | |
| Plant with flower detail inset | |
Scientific classification  | |
| Missing taxonomy template (fix): | Aloe |
| Species: | Template:Taxonomy/AloeA. vera |
| Binomial name | |
| Template:Taxonomy/AloeAloe vera | |
| Synonyms[೧][೨] | |
| |
ಙೋಳಿಸರ ಅಥವಾ ಅಲೋವೆರಾ [೩] ಪಂಡ ಆಸ್ಫೊಡೆಲೇಸಿ ಕುಟುಂಬೊಗು ಸೇರ್ದಿನ ಒಂಜಿ ಸಸ್ಯ. ಮಸ್ತ್ ಮರ್ದ್ದ ಗುಣ ಉಪ್ಪುನ ಒಂಜಿ ದೈ. ಅಲೋವೆರಾನ್ ಆಯುರ್ವೇದ ಬೊಕ್ಕ ಹೋಮಿಯೋಪತಿಡ್ ಮರ್ದ್ ಆದ್ ಬಳಕೆ ಮಲ್ಪುವೆರ್. ಚರ್ಮದ ಕಾಯಿಲೆಗ್ ಉಂದು ಎಡ್ಡೆ ಮರ್ದ್.
ವೈಜ್ಞಾನಿಕ ಪುದರ್
[ಸಂಪೊಲಿಪುಲೆ]ಉಂದೆತ ವೈಜ್ಞಾನಿಕ ಪುದರ್ ಅಲೋ ಬಾರ್ಬಾಡೆನ್ಸಿಸ್.ಪರ್ಯಾಯವಾದ್ ದೆತ್ತ ಪ್ರಭೇದಲು, ಅಲೊ ಪರ್ಫೋಲಿಯಾಟ,ಅಲೋ ವಲ್ಗಾರಿಸ್ ಇಂಚಿನ ದಿಂಜ ಪ್ರಭೇದಲು ಉಂಡು.[೪]
ಸ್ಥಳೀಯ ಪುದರ್
[ಸಂಪೊಲಿಪುಲೆ]ತಮಿಳು-ಕತ್ತಾಳೈ ತುಳು-ಙೋಳಿಸರಮಲಯಾಳಂ-ಕಟ್ಟವಾಳ,ಕನ್ನಡ-ಕತ್ತಾಳಿ ಗಿಡ, ತೆಲುಗು-ಕಲಬಂದ, ಸಂಸ್ಕೃತ-ಕುಮಾರೀ, ಗೃಹಕನ್ಯಕಾ [೫]
ಆವಾಸ
[ಸಂಪೊಲಿಪುಲೆ]ಉಂದು ಪ್ರಪಂಚ ಮಾತ ಕಡೆಟ್ಲಾ ಬೊಳೆಪುನ ಒಂಜಿ ದೈ.ಹೆಚ್ಚಿನ ಕಡೆಟ್ ಉಂದೆನ್ ಕಳೆ ದೈ ಪಂಡ್ದ್ ಗೆನ್ಪುವೆರ್.[೩][೬]
ಲಕ್ಷಣಲು
[ಸಂಪೊಲಿಪುಲೆ]ಉಂದು ಕಾಂಡ ಇಜ್ಜಂದಿನ ಅತ್ತ್ಂಡ ಎಲ್ಯ ಕಾಂಡ ಉಪ್ಪುನೆರ್ದಾತ್ರ 80-100 ಸೆಂಟಿಮೀಟರ್ ಎತ್ತರೊಗು ಬುಲೆಪುಂಡು. ಇರೆಕುಲುಡ್ ನೀರ್ ಙೋಳೆದ ನೀರ್ ದಿಂಜ್ದುಪ್ಪುಂಡ್. ಇರೆತ ಅಂಚಿಲು ಒಂಜಿ ದಿಕ್ಕ್ಡ್ ಜೋಡಾದ್ ದೀತಿನ ಮುಳ್ಳುದಲೆಕ ತೋಜುಂಡು.
ಕೃಷಿ
[ಸಂಪೊಲಿಪುಲೆ]ಅಲೋವೆರಾನ್ ಒಂಜಿ ತೋಟದ ದೈ ಆದ್ ಬುಳೆಪಾವೊಲಿ. ಈ ದೈ ಸುಮಾರ್ ೩೦ ರ್ದ್ ೫೦ ಸೆಂಟಿಮೀಟರ್ ಎತ್ತರೊಗು ಬುಲೆಪುಂಡು. ಪೊಸ ಮೊಳಕೆನ್ ಬುಳೆಪಾದ್ ಬುಳೆಪುವೆರ್. ಈ ದೈಕ್ ಮಲ್ಲ ಕಾಯಿಲೆ ಬರ್ಪುಜಿ. ಚಿಗುರುಲೆನ್ ಸುಮಾರ್ ೫೦ ಸೆಂ.ಮೀ ದೂರೊಡು ನಡ್ಪೆರ್. ನಡ್ತಿನ ಬೊಕ್ಕ ಆಜಿ ತಿಂಗೊಲುಡ್ದ್ ಸುಗ್ಗಿ ಸುರು ಮಲ್ಪೊಲಿ. ಒಂಜಿ ದೈನ್ ಐನ್ ವರ್ಷ ಮುಟ್ಟ ನಿರಂತರವಾದ್ ಕೊಯ್ಯೆರೆ ಸಾಧ್ಯ. ಉಂದೆನ್ ತೋಟೊಲೆಡ್ ಅಂತರ ಬುಳೆ ಆದ್ ಲಾ ನಡ್ಪಾವೊಲಿ. ಸೌಂದರ್ಯ ಆರೈಕೆದ ವಿಷಯೊಡು ಇನಿ ಜಗತ್ತ್ ಮಸ್ತ್ ಮುನ್ನಡೆ ಆತ್ಂಡ್. ಅಂಚಾದ್ ಈ ಸಸ್ಯೊನು ಬುಳೆಪಾಯೆರೆ ಮಸ್ತ್ ಸಾಧ್ಯತೆ ಉಂಡು. ಕಾಕ್ಟಸ್ ದೈತ ಕುಟುಂಬೊಗು ಸೇರಿನ ಈ ಎಲ್ಯ ದೈತ ಜೀವಿತಾವದಿಡ್ ಒಂಜಿ ದೈಡ್ದ್ ಸುಮಾರ್ ಮೂಜರೆ ಕಿಲೋಗ್ರಾಂ ಇಳುವರಿ ತಿಕ್ಕುಂಡು.
ಅಲೋವೆರಾದ ಪ್ರಯೋಜನೊಲು
[ಸಂಪೊಲಿಪುಲೆ]ದೆತ್ತ ಇರೆಕುಲೆಡ್ (ಪೊಡ್ಸ್)ದಿಂಜಿನ ಜೆಲ್ಡ್ ಮ್ಯೂಕೊಪೊಲಿಸ್ಯಾಕರೈಡ್ ಲೆಡ್ದ್ ಉಪ್ಪುಂಡು[೭]. ಅಲೋವೆರಾಡ್ ಜೀವಸತ್ವೊಲು, ಅಮೈನೋ ಆಮ್ಲೊಲು, ಕರ್ಬ, ಮ್ಯಾಂಗನೀಸ್, ಕ್ಯಾಲ್ಸಿಯಂ, ಸತು, ಕಿಣ್ವೊಲು ಇಂಚಿನವುಲು ಉಪ್ಪುಂಡು. ಇನಿ ಮಾರುಕಟ್ಟೆಡ್ ಮಸ್ತ್ ಅಲೋವೆರಾ ಉತ್ಪನ್ನೊಲು ಲಭ್ಯ ಉಂಡು, ಉದಾಹರಣೆಗೆ ಆರೋಗ್ಯ ಪಾನೀಯೊಲು, ಮಾಯಿಶ್ಚರೈಸರ್ ಲು, ಶುದ್ಧೀಕರಣೊಲು, ಬೊಕ್ಕ ಮುಲಾಮುಲು. ಅಲೋವೆರಾ ರಸ ಸಂಧಿವಾತ, ಮಧುಮೇಹ, ಎಚ್ಚಿನ ಕೊಲೆಸ್ಟ್ರಾಲ್, ಬೊಕ್ಕ ಕಾರ್ದ ಉಗುರುಲೆನಂಚಿನ ಕಾಯಿಲೆ ಇತ್ತಿನ ಜನಕುಲೆಗ್ ಅತ್ಯಂತ ಉಪಯುಕ್ತವಾಯಿನವು. ಉಂದು ಒಂಜಿ ಎಡ್ಡೆ ಆಂಟಿ ಆಕ್ಸಿಡೆಂಟ್. ಉಂದು ಬ್ಯಾಕ್ಟೀರಿಯಾನ್ ಲಡಾಯಿ ಮಲ್ಪುಂಡು ಬೊಕ್ಕ ರೋಗ ನಿರೋಧಕ ಶಕ್ತಿನ್ ಬುಲೆಪಾವುಂಡು.
ಆಯುರ್ವೇದಡ್ ಉಪಯೋಗೊಲು
[ಸಂಪೊಲಿಪುಲೆ]ಕುಮಾರ್ಯಸವ, ಅನ್ನಭೇದಿಸಿಂಧೂರಂ, ಬೊಕ್ಕ ಮಂಜಿಷ್ಠಾಡಿ ತೈಲಂ ಡ್ ಬಳಕೆ ಆಪುಂಡು.
ಮಾರ್ಕೆಟ್ಡ್ ತಿಕ್ಕುನ ಙೋಳೆಸರದ ಉತ್ಪನ್ನಲು
[ಸಂಪೊಲಿಪುಲೆ]- ಲೋಷನ್
- ಜೋಕ್ಲೆನ ಡೈಪರ್ಸ್
- ಟೂತ್ ಪೇಸ್ಟ್
- ಬೇತೆ ಬೇತೆ ರೀತಿದ ಪಾನೀಯೊಲು
- ವಯಸ್ಕೆರೆನ ಪ್ಯಾಡ್ ಲು
- ಕೂಜಲ್ದ ಎಣ್ಣೆಲು
- ಮೋನೆ ದೆಕ್ಕುನ ಉತ್ಪನ್ನಲು
- ಮೋನೆಗ್ ಪೂಜುನ ಕೆನೆ
- ಜೋಕ್ಲೆನ ಸೋಪ್
ಈ ಸಸ್ಯೊನು ಭಾರತೀಯ ಔಷಧ ಕಂಪೆನಿಲು ವ್ಯಾಪಕವಾದ್ ಆಮದು ಮಲ್ಪುವೆರ್.
ಛಾಯಾಂಕಣೊ
[ಸಂಪೊಲಿಪುಲೆ]
ಇರೆ ಬೊಕ್ಕ ಜೆಲ್
ತಿನಿಸ್ಡ್ ಉಪಯೋಗವಾಪಿನ ಜೆಲ್
ಙೋಳಿಸರಡ್ದ್ ತಯಾರ್ ಮಲ್ಪಿನ ಇಂಡೋನೇಷಿಯಾ ಒಂಜಿ ಪಾನೀಯ
ಪಾನೀಯ
ತುಂಡು ಮಲ್ತಿನ ಇರೆ
Diagram of leaf: 1 Cuticle, 2 Chloroplast parenchym, 3 Inner tissue, 4 Vascular bundles
ಚಿಗುರು
ಪೂ ಮೂಡುನ ಜಾಗೆ
ಪೂಕುಲು
ಬೇತೆ ಬೇತೆ ಗಾತ್ರೊದ ದೈಕುಲು
ಕುಂಡೊಡು ಬೊಲೆಪಾಯಿ ದೈ
.JPG)
ಉಲ್ಲೇಕೊಲು
[ಸಂಪೊಲಿಪುಲೆ]- ↑ Aloe vera (L.) Burm. f. Tropicos.org
- ↑ "Aloe vera L. Burm.f. Fl. Indica : 83 (1768)". World Flora Online. World flora Consortium. 2022. Retrieved 16 December 2022.
- 1 2 "Aloe vera (true aloe)". Centre for Agriculture and Bioscience International. 13 February 2019. Retrieved 15 October 2019.
- ↑ "ಕತ್ತಾಳಿ ಗಿಡ" (PDF).
- ↑ "ಕತ್ತಾಳಿ ಗಿಡ" (PDF).
- ↑ "Aloe". Drugs.com. 19 November 2025. Retrieved 8 June 2026.
- ↑ Liu, Chang; Cui, Yan; Pi, Fuwei; Cheng, Yuliang; Guo, Yahui; Qian, He (2019-04-19). "Extraction, Purification, Structural Characteristics, Biological Activities and Pharmacological Applications of Acemannan, a Polysaccharide from Aloe vera: A Review". Molecules (in ಇಂಗ್ಲಿಷ್). 24 (8): 1554. doi:10.3390/molecules24081554. ISSN 1420-3049. PMC 6515206. PMID 31010204.