ಚಾಂಗ್ಷಾ

ಷಿಯಾಂಗ್ ನದಿಯೊಂದಿಗಿನ ಆಕಾಶರೇಖೆ

ಐವಾನ್ ಚಾಚುಭಾಗ

ಬಾವೋನಿಂಗ್ ದೇವಾಲಯ

ಚಾಂಗ್‍ಷಾ ಚೀನದ ಒಂಜಿ ನಗರ, ಹೂನಾನ್ ಪ್ರಾಂತ್ಯದ ಮುಖ್ಯ ಪಟ್ಟಣ. ಷಿಯಾಂಗ್ ಸುದೆತ ಮೂಡಾಯಿ ದಂಡೆದ ಮಿತ್ತ್ ಉ .ಅ. 28⁰ 12' ಬೊಕ್ಕ ಪೂ.ರೇ. 112⁰ 59' ಉಂಡು. ಜನಸಂಖ್ಯೆ ಸುಮಾರು 10,513,100 (2022). ನಡುಟೆ ಯಾಂಗ್ಸ್‌‌ಟೀ ಕಣಿವೆ ಕಮಾನ್ದಲೆಕ ಉಪ್ಪುನವು ದುಂಬುರ್ದೆ ನೆತ್ತ ಪ್ರಾಶಸ್ತ್ಯ. ಯಾಂಗ್ಸ್‌ಟೀ ಸುದೆಟ್ ಉಗಿ ಜಹಜುಲು ಇಡೆ ಮುಟ್ಟ ಸಂಚರಿಸುಂಡು. ಚೀನದ ಚಾಗ್ ಬೊಕ್ಕ ಈ ಊರುದ ಜನೊಕುಲೆಗ್ ತಮ್ಮ ರೇಷ್ಮೆ ಕಸೂತಿ ಚಿತ್ರೊಲು, ಬೆಣ್ಣೆ ಕಾಗದದ ಕೊಡೆಕುಲು, ಲಿನೆನ್, ಕುಂಚ ಪೆನ್ನುಲು, ಬೊಂಬಿದ ಚಿತ್ರಲು - ನೆಕ್ ಮಾತಾ ಚಾಂಗ್‌ಷಾ ಪ್ರಸಿದ್ಧ. ಅರಿತಭರಣಿ, ಮರ ಕೊಯ್ಯ್ ಪುನೆ, ದೋಣಿ ರಚನೆ, ಆಂಟಿಮೊನಿ, ಮ್ಯಾಂಗನೀಸ್, ಸೀಸ ಬೊಕ್ಕ ತಮ್ರೊಲೆನ್ ಕರಪುನೆ - ಉಂದು ಮುಲ್ಪದ ಕೈಗಾರಿಕೆಲು. ಈ ಕೈಗಾರಿಕೆ ಸರಕುಲು ಮಾತಲಾ ರಫ್ತ್ ಆವೊಂದಿತ್ತ್ಂಡ್. ಯಂತ್ರೋಪಕರಣ, ಗಣಿಗಾರಿಕೆ, ಕೃಷಿ ಸಲಕರಣೆ, ಮರ್ದ್, ರಸಗೊಬ್ಬರ ಬೊಕ್ಕ ರಬ್ಬರ್ ಉತ್ಪನ್ನಲೆದ ಕೈಗಾರಿಕೆಲು ಇಂಚಿನ ಸುರು ಆತ್ಂಡ್. ಚಾಂಗ್‌ಷಾರ್ದ್ ಚೀನದ ಬೇತೆ ಜಾಗೆಲೆಗ್ ಭೂಜಲ ಸಂಪರ್ಕವುಂಡು. ಪೀಕಿಂಗ್, ಕ್ವಾಂಗ್‌ಜೋ (ಕ್ಯಾಂಟನ್), ಜಜಿಯಾಂಗ್, ಗ್ವೇಜೋಲೆಗ್ ರೈಲ್ವೆ ಮಾರ್ಗೊಲು ಉಂಡು. ಮಾರ್ಗಲೆಡ್ ಪೈಕಿ ಚಾಂಗ್‌ಷಾ-ಸಚ್ಚಾನ್ ಮೈನ್ ರೋಡ್ ಮುಖ್ಯವಾಯಿನವು.

ಇತಿಹಾಸ, ಆಸಕ್ತಿದ ಜಾಗೆಲು

ಚಾಂಗ್‍ಷಾ ನಗರ ಕಟ್ಟಿನವು ೨,೪೦೦ ವರ್ಷರ್ದ್ ಜಾಸ್ತಿ ಇತಿಹಾಸೊ ಉಂಡು . ಚಾಂಗ್‌ಷಾ ಪಿರಾಕ್ಡ್ ಚು ರಾಜ್ಯದ ರಾಜಧಾನಿ ಆದಿತ್ತ್ಂಡ್. ಚು ರಾಜ್ಯ ಹ್ಯಾನ್ ಚಕ್ರಾಧಿಪತ್ಯಡ್ ವಿಲೀನವಾಯಿನೆರ್ದ್ ಬೊಕ್ಕಲಾ ಸ್ವತಂತ್ರವಾದ್ ರಾಜೆ ಒರಿ ಆಳೊಂದಿತ್ತೆ ಪನ್ಪುನ ಮಾನ್ಯತೆ ಇತ್ತ್ಂಡ್. ಚಾಂಗ್‌ಷಾ ನಗರೊದ ಕೋಟೆದ ಗೋಡೆದ ಪಿದಾಯಿ ಕ್ರಿ.ಪೂ.3 ಬೊಕ್ಕ 2ನೆ ಶತಮಾನೊಲೆಗ್ ಸೇರ್ನ ಕೆಲವು ಸಮಾಧಿಲು ಉಂಡು. ಈ ಪ್ರದೇಶದ ಭೂಮಿದ ತಂಪುಗುಣರ್ದ್ ಮರ ಬೊಕ್ಕ ಅರಗ್ ರ್ದ್ ಮಲ್ತ್ ನ ಸುಮಾರ್ ವಸ್ತುಳು ನಾಶ ಅವೆಂದರೆ ಒರಿತ್ಂಡ್ . ಈ ಸಮಾಧಿಲೆಡ್ ತಿಕ್ಕ್ ನ ಅವಶೇಷಲು ಪರಸಂಸ್ಕೃತಿಯೊಂಜೆಕ್ ಸಂಬಂಧಪಟ್ಟ್ ನವು ಪಂದ್ ತೆರಿಪಾವುಂಡು. ನೆತ್ತ ಅನೇಕ ಅಂಶೊಲು ಸೈಬೀರಿಯಾ ಪ್ರದೇಶದ ಯೂರಲ್ ಅಲ್ಟಾಯಿ ಜನಾಂಗದ ಪ್ರಾಚೀನ ಮತಪದ್ಧತಿಲೆ ಲೆಕ ಉಂಡು. ಈ ಅವಶೇಷಲೆಡ್ ಮುಖ್ಯವಾಯಿನವು ಮರತ ಪ್ರತಿಮೆಲು. ನರಮಾನ್ಯನ ತರೆ, ಉದ್ದ ನಾಲಯಿ ಬುಕ್ಕ ಗುಡ್ಡೆಗಣ್ಣುಲು ಇತ್ತ್ ಲೆಕ ಪೆನ್ ಕೆತ್ತ್ ದೆರ್ .ಸೈತ್ನಕುಲೆನ ಸಮಾಧಿಲೆಡ್ ಸೇವಕೆರ್ನ ಪ್ರತಿಮೆಲಾ, ಅರಗಿನ ವಸ್ತುಲಾ ಇತ್ತ್ಂಡ್ . ಅರಗಿನ ವಸ್ತುಲೆನ್ ಹ್ಯಾನ್ ಕಾರ್ಖಾನೆಲೆಡ್ ಮಲ್ತ್ ನವು ಪಂದ್ ಪನೆರೆ ಆಧಾರಲುಂಡು. ಸಮಾಧಿಯೊಂಜೆಟ್ ಬಾರಿ ಪಿರ್ಾಕ್ದ ಬರೆಪುನ ಕುಂಚ ತಿಕ್ಕಿಂಡ್. ಅರ್ವಾಚೀನ ಕಿಂಗ್ ರಾಜವಂಶಡ್, ಚಾಂಗ್‍ಷಾನ ಅರಿ ಬೊಕ್ಕ ಚಾಯಗ್ ಚೀನಾಡ್ ನಾಲ್ ಪ್ರಮುಖ ವ್ಯಾಪಾರ ನಗರಗ್ಲೆಡ್ ಒಂಜಿ ಆಂಡ್.