ಚೆನ್ ಜಿನ್ಫೆಂಗ್

ಚೆನ್ ಜಿನ್‌ಫೆಂಗ್
ಮಿನ್ ನ ಸಾಮ್ರಾಜ್ಞಿ ಪತ್ನಿ
Born	893
Died	17 November 935(935-11-17) (aged 41–42)
Spouse	ವಾಂಗ್ ಯಾಂಜುನ್
Father	ಚೆನ್ ಯಾನ್
Mother	ಲೇಡಿ ಲು

ಚೆನ್ ಜಿನ್ಫೆಂಗ್ (陳金鳳) (893 – 17 ನವೆಂಬರ್ 935) ಚೀನಾದ ಐನ್ ರಾಜವಂಶೊಲು ಬೊಕ್ಕ ಪತ್ತ್ ರಾಜ್ಯೊಲೆನ ಕಾಲೊಡು ಮಿನ್ ರಾಜ್ಯೊದ ಆಡಳಿತಗಾರೆರ್ ಆಯಿನ ವಾಂಗ್ ಯಾಂಜುನ್ (ಚಕ್ರವರ್ತಿ ಹುಯಿಜೊಂಗ್, ವಾಂಗ್ ಲಿನ್ ಪಂಡ್ದ್ ಲಾ ಲೆಪ್ಪುವೆರ್) ನ ಮೂಜಿನೆದ ತೆರಿನ ಬುಡೆದಿ.

ವಾಂಗ್ ಯಾಂಜುನ್ ಮಿನ್ ರಾಜ್ಯೊದ ಸುರುತ ಆಡಳಿತೆರ್ ಅತ್ತ್ಂಡಲಾ, ಚಕ್ರವರ್ತಿ ಪನ್ಪಿನ ಬಿರುದುನ್ ಪಡೆಯಿನ ಸುರುತ ವ್ಯಕ್ತಿ ಆರ್. ಸಾಮ್ರಾಜ್ಞಿ ಚೆನ್ ಮಿನ್ ರಾಜ್ಯದ ಸುರುತ ಸಾಮ್ರಾಜ್ಞಿ. 935ಡ್ ವಾಂಗ್ ಯಾಂಜುನ್ ನ್ ಹತ್ಯೆ ಮಲ್ಪುನಗ, ಚೆನ್ ನ್ ಲಾ ಕೆರಿಯೆರ್.

ಪಿನ್ನೆಲೆ

ಟೆನ್ ಕಿಂಗ್ಡಮ್ಸ್ ದ ಸ್ಪ್ರಿಂಗ್ ಅಂಡ್ ಆಟಮ್ ಅನ್ನಲ್ಸ್ (十國春秋) ಡ್ ಅರೆನ ಜೀವನ ಚರಿತ್ರೆದ ಪ್ರಕಾರ, ಚೆನ್ ಜಿನ್ಫೆಂಗ್ 893ಡ್ ಪುಟ್ಟುವೆರ್. ಅರೆನ ಕಾನೂನುಬದ್ಧವಾಯಿನ ಅಮ್ಮೆ ಚೆನ್ ಯಾನ್, ಫುಜಿಯಾನ್ ಪ್ರಾಂತ್ಯೊದ ಗವರ್ನರ್ (福建; ಇತ್ತೆದ ಫುಜಿಯಾನ್ ಪ್ರಾಂತ್ಯೊದ ರಾಜಧಾನಿ ಫುಜ್ಹೌ) — ಆಂಡ ಅರೆನ ಜೀವನ ಚರಿತ್ರೆದ ಪ್ರಕಾರ ಚೆನ್ ಯಾನ್ ಅತ್ತ್ ಅಮ್ಮೆ.

ಚೆನ್ ಯಾನ್ ಹೌ ಲುನ್ (侯倫) ಪನ್ಪಿನ ಒರಿ ಜವನೆ, ಸುಂದರ ಮನುಷ್ಯನೊಟ್ಟುಗು ಸಲಿಂಗಕಾಮಿ ಸಂಬಂಧೊಡು ಇತ್ತೆರ್. ಹೌ ಲುನ್ ನನ ಚೆನ್ ಯಾನ್ ನ ಸವತಿನಕ್ಲೆನೊಟ್ಟುಗು ಲೇಡಿ ಲು ಒಂಜಿ ಸಂಬಂಧ ಮಲ್ತೆರ್, ಉಂದೆಡ್ದ್ ಲೇಡಿ ಲು ಬಂಜಿನಾರ್ ಆಯೆರ್.

ಚೆನ್ ಯಾನ್ ನ ಸಾವುರ್ದ್ ಬೊಕ್ಕ ಅವತ್ತಂದೆ 891ಡ್ ವಂತೆ ಸಮಯೊಡ್ದು ಬೊಕ್ಕ, ಲೇಡಿ ಲುನ್ ಅರೆನ ಮರ್ಮಯೆ ಫ್ಯಾನ್ ಹುಯಿ (范暉) ನ ಇಲ್ಲಗ್ ಲೆತೊಂದು ಪೋಯೆರ್. ಫ್ಯಾನ್ ಹುಯಿ ಟೆಂಪರರಿ ಗವರ್ನರ್ ಸ್ಥಾನೊನು ಸ್ವೀಕಾರ ಮಲ್ತೆರ್. ಫ್ಯಾನ್ ನ ಇಲ್ಲಡ್ ಇಪ್ಪುನಗ, ಲೇಡಿ ಲು ಚೆನ್ ಜಿನ್ಫೆಂಗ್ ಗ್ ಜನ್ಮ ಕೊರ್ತೆರ್ ("ಜಿನ್ಫೆಂಗ್" ಪಂಡ "ಗೋಲ್ಡನ್ ಫೀನಿಕ್ಸ್"). ಪುಟ್ಟುನ ದುಂಬುದ ರಾತ್ರೆ, ಲೇಡಿ ಲು ತನ್ನ ಕನೊಟು ಒಂಜಿ ಫೀನಿಕ್ಸ್ (ಫೆಂಗ್ಹುವಾಂಗ್) ಪಕ್ಕಿ ತನ್ನ ಜಕ್ಕೆಲ್ ಗ್ ಪಾರೊಂದು ಬತ್ತ್ಂಡ್ ಪಂಡ್ದ್ ಪನ್ಪೆರ್.

೮೯೩ಡ್, ಕ್ವಾನ್ ಪ್ರಾಂತ್ಯೊದ (泉州; ಇತ್ತೆದ ಕ್ವಾನ್ಝೌ, ಫುಜಿಯಾನ್ ಪ್ರಾಂತ್ಯೊದ) ಪ್ರಿಫೆಕ್ಟರ್ ಆಯಿನ ತನ್ನ ಅಣ್ಣೆ ವಾಂಗ್ ಚಾವೊದ ಅಡಿಟ್ ಒರಿ ಜನರಲ್ ಆಯಿನ ವಾಂಗ್ ಶೆನ್ಜಿ, ಫುಜಿಯಾನ್ ನ ರಾಜಧಾನಿ ಫು ಪ್ರಾಂತ್ಯೊನು (福州) ಸೆರೆಪತ್ತಿಯೆರ್. ಫ್ಯಾನ್ ಪಲಾಯನ ಮಲ್ಪುನಗ ಸೈತ್ ಪೋಯೆರ್, ಬೊಕ್ಕ ವಾಂಗ್ ಚಾವೊ ಆ ಪ್ರದೇಶೊನು ನಿಯಂತ್ರಣೊಗು ದೆತೊನುವೆರ್.

ಫ್ಯಾನ್ ನ ಸೋಲುರ್ದ್ ಬೊಕ್ಕ , ಅಪಗದ ಬಾಲೆ ಚೆನ್ ಜಿನ್ಫೆಂಗ್ ಸಾಮಾನ್ಯ ಜನೊಕುಲೆನ ನಡುಟು ಕಣ್ಮರೆ ಆಯೆರ್. ಆಂಡಲಾ, ಅರೆನ ವಂಶಸ್ಥೆ ಚೆನ್ ಕುವಾಂಗ್ಶೆಂಗ್ (陳匡勝) ಅರೆನ್ ಅರೆನ ಇಲ್ಲಗ್ ಲೆತೊಂದು ಪೋದು ಬುಲೆಪಾಯೆರ್.

ವಾಂಗ್ ಶೆನ್ಜಿನ ಉಪಪತ್ನಿ ಆದ್

೯೦೯ಡ್, ವಾಂಗ್ ಶೆನ್ಜಿ ಅಪಗ "ವೀವು ಪ್ರದೇಶ" (威武) ಪಂಡ್ದ್ ಲೆಪ್ಪುನ ಜಾಗೆದ ಅರಸು ಆದಿತ್ತೆರ್. ಲೇಟರ್ ಲಿಯಾಂಗ್ ರಾಜವಂಶದ ವಸಾಲೆ ಆದ್ "ಮಿನ್ ನ ರಾಜಕುಮಾರ" ಪನ್ಪಿನ ಬಿರುದುನ್ ಲಾ ಆರ್ ಪಡೆಯೆರ್.

ಆ ವರ್ಷ ಎಡ್ಡೆ ಕುಟುಮೊಲೆಡ್ದ್ ಪೊಣ್ಣುಲೆನ್ ತನ್ನ ಸವತಿಲೆನ ರೂಪೊಡು ಆಯ್ಕೆ ಮಲ್ತೆರ್. ಚೆನ್ ಜಿನ್ಫೆಂಗ್ ಆ ಕಾಲೊಡು 16 ವರ್ಷ ಪ್ರಾಯೊಡು ಇತ್ತೆರ್. ಸ್ಪ್ರಿಂಗ್ ಅಂಡ್ ಆಟಮ್ ಅನ್ನಲ್ಸ್ ಆಫ್ ದ ಟೆನ್ ಕಿಂಗ್ಡಮ್ಸ್ ದ ಪ್ರಕಾರ, ಅಲೆನ್ ಸುಂದರಿ ಬೊಕ್ಕ ನಲಿಕೆಡ್ ಉಸಾರ್ ಪಂಡ್ದ್ ಪನ್ಪೆರ್. ವಾಂಗ್ ಶೆನ್ಜಿ ಅಲೆನ್ ಒರ್ತಿ ಸವತಿ ಪಂಡ್ದ್ ಸ್ವೀಕಾರ ಮಲ್ತೆರ್ ಬೊಕ್ಕ ಅಲೆಗ್ “ಕೈರೆನ್” (才人) ಪನ್ಪಿನ ಬಿರುದುನ್ ಕೊರ್ತೆರ್.

ಆಂಡ ಅವೇ ಗ್ರಂಥೊ, ಜಾಸ್ತಿ ಅಧಿಕಾರೊಡು ಉಪ್ಪುನ ಜಿಝಿ ಟೊಂಗ್ಜಿಯನ್ ನ ಪ್ರಕಾರ, ಆರ್ ಕುರೂಪಿ ಬೊಕ್ಕ ಅಶ್ಲೀಲ ಆದಿತ್ತೆರ್ ಪಂದ್ ಪನ್ಪುಂಡು; ಬೊಕ್ಕ ಅಲ್ ಒರ್ತಿ ಉಪಪತ್ನಿ ಅತ್ತ್, ವಾಂಗ್ ಶೆನ್ಜಿನ ಅರಮನೆಡ್ ಕೇವಲ ಒಂಜಿ ಸೇವಕಿ ಪಂಡ್ದ್ ಲಾ ತೆರಿಪಾವುಂಡು.

ಸ್ಪ್ರಿಂಗ್ ಅಂಡ್ ಆಟಮ್ ಅನ್ನಲ್ಸ್ ಆಫ್ ದ ಟೆನ್ ಕಿಂಗ್ಡಮ್ಸ್ ದ ಪ್ರಕಾರ, ಲೇಡಿ ಹುವಾಂಗ್ ನಲೆಕನೆ ವಾಂಗ್ ಶೆನ್ಜಿ ನ ಪ್ರೀತಿದಾರ್ ಆದಿತ್ತೆರ್. ಅಲೆಗ್ ಕೆರೆತ ಬರಿಟ್ ಒಂಜಿ ಅರಮನೆನ್ ನಿರ್ಮಾಣ ಮಲ್ತೆರ್, ಅಂಚಾದ್ ಅಲೆಗ್ ಕೆರೆನ್ ಮಸ್ತ್ ಸರ್ತಿ ತೂಪುನ ವ್ಯವಸ್ಥೆ ಮಲ್ತಿತ್ತೆರ್.

ಒರ್ತಿ ಸಾಮ್ರಾಜ್ಞಿಯಾದ್

೯೩೩ಡ್, ವಾಂಗ್ ಯಾಂಜುನ್ ತನ್ನನ್ ತಾನ್ ಮಿನ್ ರಾಜ್ಯೊದ ಚಕ್ರವರ್ತಿ ಪಂಡ್ದ್ ಘೋಷಣೆ ಮಲ್ತೆರ್ (ಹುಯಿಜೊಂಗ್ ಪನ್ಪಿನ ಬಿರುದುದೊಟ್ಟುಗು). ೯೩೫ಡ್, ಆರ್ ಕನ್ಸೋರ್ಟ್ ಚೆನ್ ನ್ ಸಾಮ್ರಾಜ್ಞಿಯಾದ್ ನೇಮಕ ಮಲ್ತೆರ್, ಅಂಚನೆ ಅರೆನ ಅಪಗದ ಮದಿಮೆ ಆಯಿನ ಲೇಡಿ ಜಿನ್ ನ್ ದೆತ್ತ್ ಪಾಡ್ಯೆರ್. ಚೆನ್ ಕುವಾಂಗ್ಶೆಂಗ್ ಬೊಕ್ಕ ಬೇತೆ ಒರಿ ಸಂಬಂಧಿ ಚೆನ್ ಶೌಯೆನ್ (陳守恩) ನ್ ಅರಮನೆದ ಅಧಿಕಾರಿಲೆನ ರೂಪೊಡು ನೇಮಕ ಮಲ್ತೆರ್.

ಅವೇ ವರ್ಷೊಡು, ಸಾಮ್ರಾಜ್ಞಿ ಚೆನ್ ನ ಸವತಿ(ವಾಂಗ್ ಯಾಂಜುನ್ ನ ಮಗೆ) ನ ಮಗೆ ಫು ದ ರಾಜಕುಮಾರ ಪ್ರಿನ್ಸ್ ವಾಂಗ್ ಝಿಪೆಂಗ್ ಅರಮನೆತ ಕೆಲಸದ ಲಿ ಚುನ್ಯಾನ್ ನೊಟ್ಟುಗು ಸಂಬಂಧ ಮಲ್ತೆರ್ ಪನ್ಪೆರ್. ವಾಂಗ್ ಝಿಪೆಂಗ್ ಈ ವಿಷಯೊನು ಸಾಮ್ರಾಜ್ಞಿ ಚೆನ್ ಗ್ ವರದಿ ಮಲ್ತೆರ್ ಬೊಕ್ಕ ಅಲೆನ ಸಹಾಯೊನು ಕೇಂಡೆರ್. ಅಪಗ ಸಾಮ್ರಾಜ್ಞಿ ಚೆನ್ ವಾಂಗ್ ಯಾಂಜುನ್ ಗ್ ಈ ವಿಷಯೊನು ವಿವರಿಸಯೆರ್ ಬೊಕ್ಕ ವಾಂಗ್ ಝಿಪೆಂಗ್ ನ್ ಲಿ ಚುನ್ಯಾನ್ ನ್ ತನ್ನ ಕೈಟ್ ಕೊರ್ರೆ ಮನವರಿಕೆ ಮಲ್ತೆರ್.

ಅಂಚನೆ, ವಾಂಗ್ ಯಾಂಜುನ್ ತನ್ನ ಜೀವನದ ಕಡೆತ ವರ್ಷೊಡು ಪಕ್ಷವಾತ (ಸ್ಟ್ರೋಕ್) ಡ್ದ್ ಬಳಲೊಂದಿತ್ತೆರ್ ಪನ್ಪೆರ್. ಅಪಗ ಆರ್ ಸಾಮ್ರಾಜ್ಞಿ ಚೆನ್ ನ ನಿಕಟ ಸಹಯೋಗಿ ಗುಯಿ ಶೌಮಿಂಗ್ (歸守明) ಬೊಕ್ಕ ಬೇತೆ ಒರಿ ಅಧಿಕಾರಿ ಲಿ ಕೆ'ಇನ್ (李可殷) ನಕುಲೆನೊಟ್ಟುಗು ಸಂಬಂಧ ಮಲ್ತೆರ್ ಪನ್ಪಿನ ವರದಿ ಉಂಡು. ರಕ್ಷಣಾ ಸಚಿವೆ ಲಿ ಫಾಂಗ್ (李二) ತನ್ನ ಮಿತ್ತ್ ಮಲ್ತಿನ ಸುಳ್ಳು ಆರೋಪೊಲೆಡ್ದ್ ಬೊಕ್ಕ ಚೆನ್ ಕುವಾಂಗ್ಶೆಂಗ್ ನ ವಾಂಗ್ ಝಿಪೆಂಗ್ ನ ಅವಮಾನಕಾರಿ ವರ್ತನೆಡ್ದ್ ಲಿ ಕೀಯಿನ್ ಬೇಜಾರು ಆಯೆರ್, ಅಕುಲು ರಡ್ಡ್ ಜನಲಾ ಈ ಪರಿಸ್ಥಿತಿಡ್ದ್ ಬೇಜಾರು ಆಯೆರ್. ವಾಂಗ್ ಯಾಂಜುನ್ ನ ಅನಾರೋಗ್ಯ ಮಸ್ತ್ ಮಲ್ಲೆ ಆನಗ, ಅಕುಲು ರಡ್ಡ್ ಜನಲಾ ಆರ್ ಶೀಘ್ರೊಡು ಸೈಪೆರ್ ಪಂದ್ ಬೊಕ್ಕ ವಾಂಗ್ ಝಿಪೆಂಗ್ ಒಂಜಿ ಕ್ವಿಲ್ಟ್ ದೆತೊನುವೆರ್ ಪಂದ್ ಯೋಚನೆ ಮಲ್ತೆರ್.

ನವೆಂಬರ್ ೧೬, ೯೩೫ಡ್, ಲಿ ಫಾಂಗ್ ಕೆಲವು ಸೈನಿಕೆರೆನ್ ಲಿ ಕೀಯಿನ್ ನ್ ಕೆರಿಯೆರೆ ಕಡಪುಡುವೆರ್, ಉಂದು ಮಿನ್ ರಾಜ್ಯೊದ ಜನೊಕುಲೆಗ್ ಆಘಾತೊಗು ಗುರಿಯಾಂಡ್. ದುಂಬುದ ದಿನ (ನವೆಂಬರ್ ೧೭), ವಾಂಗ್ ಯಾಂಜುನ್ ನ ಆರೋಗ್ಯ ಚೂರು ಸುಧಾರಣೆ ಆಂಡ್. ಸಾಮ್ರಾಜ್ಞಿ ಚೆನ್ ಲಿ ಕೆಯಿನ್ ನ ಸಾವುದ ಬಗ್ಗೆ ಅರೆಗ್ ತೆರಿಪಾಯೆರ್. ಆಘಾತ ಆಯಿನ ವಾಂಗ್ ಯಾಂಜುನ್ ಅರಮನೆದ ಸಭಾಂಗಣೊಡು ಕುಲ್ಲುದು ಕೆರ್ನೆತ ಬಗ್ಗೆ ತನಿಖೆ ಮಲ್ಪೆರೆ ಆದೇಶ ಕೊರ್ತೆರ್.

ಭಯೊಡು, ಲಿ ಫಾಂಗ್ ತನ್ನ ಸೈನ್ಯೊಲೆನ್ ಒಟ್ಟು ಮಲ್ತೆರ್ ಬೊಕ್ಕ ಅರಮನೆಗ್ ಪ್ರವೇಶ ಮಲ್ತೆರ್. ಸೈನಿಕೆರ್ ವಾಂಗ್ ಯಾನ್ಜುನ್ ಗ್ ತೀವ್ರವಾದ್ ಗಾಯ ಮಲ್ತೆರ್. ಅಯನ ಮಹಿಳಾ ಅಟೆಂಡೆಂಟ್ ಲು, ಅಯಗ್ ದುಂಬುಗು ಕಷ್ಟೊ ಬರೆರೆ ಬುಡಂದೆ, ಅಯನ್ ಕೆರಿಯೆರ್. ಲಿ ಫಾಂಗ್ ಬೊಕ್ಕ ವಾಂಗ್ ಜಿಪೆಂಗ್ ನನ ಸಾಮ್ರಾಜ್ಞಿ ಚೆನ್, ಚೆನ್ ಶೌಯೆನ್, ಚೆನ್ ಕುವಾಂಗ್ಶೆಂಗ್, ಗುಯಿ ಶೌಮಿಂಗ್, ಬೊಕ್ಕ ವಾಂಗ್ ಜಿಪೆಂಗ್ ನ ಎಲ್ಯ ಮೆಗ್ಯೆ ವಾಂಗ್ ಜಿತಾವೊನ್ (王繼韜) ಕೆರ್ದ್ ಪಾಡ್ಯೆರ್. ವಾಂಗ್ ಜಿಪೆಂಗ್ ಬೊಕ್ಕ ವಾಂಗ್ ಜಿಟಾವೊ ನಡುಟು ಮಸ್ತ್ ದಿನೊಡ್ದಿಂಚಿ ಸ್ಪರ್ಧೆ ಉಂಡು. ವಾಂಗ್ ಜಿಪೆಂಗ್ ಅಪಗ ಸಿಂಹಾಸನೊನು ವಹಿಸೊಂಡೆರ್.