ಚೈನದ ವೈಟ್ ಹಾರ್ಸ್ ದೇವಸ್ಥಾನ

ವೈಟ್ ಹಾರ್ಸ್ ಟೆಂಪಲ್ (ಚೀನೀ: 白馬寺) ಲುವೊಯಾಂಗ್, ಹೆನಾನ್ ಡ್ ಉಪ್ಪುನ ಒಂಜಿ ಬೌದ್ಧ ದೇವಸ್ಥಾನ, ಉಂದು ಸಂಪ್ರದಾಯದ ಪ್ರಕಾರ, ಚೀನಾಡ್ ಸುರುತ ಬೌದ್ಧ ದೇವಸ್ಥಾನ ಆದುಂಡು, ಉಂದು ಸುರುತ ಸರ್ತಿ ಕ್ರಿ.ಶ.೬೮ಡ್ ಪೂರ್ವ ಹಾನ್ ರಾಜವಂಶೊಡು ಮಿಂಗ್ ಚಕ್ರವರ್ತಿನ ಪೋಷಣೆಡ್ ಸ್ಥಾಪನೆ ಆಂಡ್.ಈ ಜಾಗೆ ಪ್ರಾಚೀನ ಪೂರ್ವ ಹಾನ್ ರಾಜಧಾನಿದ ಗೋಡೆಲೆನ ಪಿದಯಿ ಉಂಡು, ಹೆನಾನ್ ಪ್ರಾಂತ್ಯೊಡು ಲುವೊಯಾಂಗ್ ಡ್ದ್ ಸುಮಾರ್ 12-13 ಕಿಲೋಮೀಟರ್ (7.5-8.1 ಮೈಲ್) ಪೂರ್ವೊಡು ಉಂಡು.ಚೀನಾದ ಬೇತೆ ದೇವಸ್ಥಾನೊಲೆಗ್ ಹೋಲಿಕೆ ಮಲ್ಪುನಗ ಈ ದೇವಸ್ಥಾನ ಎಲ್ಯ ಆಂಡಲಾ, ಹೆಚ್ಚಿನ ನಂಬಿಕೆದಕುಲು "ಚೀನೀ ಬೌದ್ಧ ಧರ್ಮದ ತೊಟ್ಟಿಲು" ಪಂಡ್ದ್ ಪರಿಗಣಿಸವೆರ್. ದಕ್ಷಿಣೊಡು ಉಪ್ಪುನ ಭೌಗೋಳಿಕ ಗುರುತುಲು ಪಂಡ ಮಂಘನ್ ಪರ್ವತ ಬೊಕ್ಕ ಲುಕೋಚೆ ನದಿ.^[೧]

ಮುಖ್ಯ ದೇವಸ್ಥಾನದ ಕಟ್ಟಡೊಲು, ಒಂಜಿ ಮಲ್ಲ ಸಂಕೀರ್ಣ, ಮಿಂಗ್ (೧೩೬೮ ಡ್ದ್ ೧೬೪೪ ಮುಟ್ಟ) ಬೊಕ್ಕ ಕ್ವಿಂಗ್ (೧೬೪೪ ಡ್ದ್ ೧೯೧೨) ರಾಜವಂಶೊಲೆನ ಕಾಲೊಡು ಪುನರ್ನಿರ್ಮಾಣ ಆಂಡ್. ಅವು ೧೯೫೦ಡ್ ನವೀಕರಣ ಆಂಡ್, ಬೊಕ್ಕ ಸಾಂಸ್ಕೃತಿಕ ಕ್ರಾಂತಿದ ನಂತರ ಮಾರ್ಚ್ ೧೯೭೩ಡ್ ಮತ್ತೆ ನವೀಕರಣ ಆಂಡ್. ಸುಮಾರ್ 13 ಹೆಕ್ಟೇರ್ (32 ಎಕ್ರೆ) ವಿಸ್ತೀರ್ಣೊಡು ಅಂಗಳೊಲು ಬೊಕ್ಕ ಮ್ಯಾನಿಕ್ಯೂರ್ ಮಲ್ತಿನ ತೋಟೊಲೆಡ್ದ್ ವಿಂಗಡಣೆ ಆಯಿನ ಅಸಂಖ್ಯಾತ ಸಭಾಂಗಣೊಲು ಉಂಡು. ಚೀನೀ ಬೊಕ್ಕ ಇಂಗ್ಲಿಷ್ ಭಾಷೆಡ್ ಉಪ್ಪುನ ಪ್ರದರ್ಶನ ಫಲಕೊಲು ಸಭಾಂಗಣೊಲೆಡ್ ಸ್ಥಾಪಿಸಾಯಿನ ಬೌದ್ಧ ದೇವತೆಲೆನ ಸಾಕಷ್ಟು ವಿವರಣೆನ್ ಕೊರ್ಪುಂಡು. ಮಹತ್ವದ ಪ್ರತಿಮೆಲೆಡ್ ಶಾಕ್ಯಮುನಿ ಬುದ್ಧ, ಮೈತ್ರೇಯ (ಚೀನಾಡ್ ನಗುನ ಬುದ್ಧ), ಅಮಿತಾಭ, ಜೇಡ್ ಬುದ್ಧ, ಗುವಾನ್ಯಿನ್ ನಂಚಿನ ಬೋಧಿಸತ್ವೊಲು, ಬೊಕ್ಕ ಭಾರತೀಯ ಸನ್ಯಾಸಿಲೆನ್ ಚೀನಾಗ್ ಕನತಿನ ರಡ್ಡ್ ಬಿಳುಪುದ ಕುದುರೆಲೆನ ಅರ್ಹತ್ ಬೊಕ್ಕ ಕಲ್ಲ್ ದ ಪ್ರತಿಮೆಲು ಬೊಕ್ಕ ಪ್ರವೇಶ ದ್ವಾರೊಡು ರಡ್ಡ್ ಪೌರಾಣಿಕ ಸಿಂಹೊಲು ಸೇರ್ದ್ ಉಪ್ಪುಂಡು. ಅಂತರಾಷ್ಟ್ರೀಯ ಧನಸಹಾಯೊದ ಅಡಿಟ್, ದೇವಸ್ಥಾನೊಡು ರಚನಾತ್ಮಕವಾದ್ ಬೊಕ್ಕ ಆಂತರಿಕವಾದ್ ಮಸ್ತ್ ಬದಲಾವಣೆಲು ಆತ್ಂಡ್. ಇತ್ತೆದ ಸಹಕಾರಿ ಯೋಜನೆ, ಭಾರತೊದೊಟ್ಟುಗು, 2008ಡ್ ಸಂಚಿ ಸ್ತೂಪ ಬೊಕ್ಕ ಸರ್ನಾಥ್ ಬುದ್ಧನ ಪ್ರತಿಮೆನ್ ನಿರ್ಮಾಣ ಮಲ್ತಿನಗ ಮುಗಿಂಡ್.

ಬೌದ್ಧ ಧರ್ಮ ಬೊಕ್ಕ ದೇವಸ್ಥಾನ

ಬೌದ್ಧ ಧರ್ಮನ್ ಸ್ಥಾಪನೆ ಮಲ್ತಿನ ಒರಿ ಬುದ್ಧನ ಬಗ್ಗೆ ಚಕ್ರವರ್ತಿ ಮಿಂಗ್ ನ ಕನಸ್ದ ದೃಷ್ಟಿನ್ ಅನುಸರಿಸಾದ್, ಮಿಂಗ್ ನ ರಡ್ಡ್ ರಾಯಭಾರಿಲು ಬೌದ್ಧ ಗ್ರಂಥೊಲೆನ್ ತೂಯೆರೆ ಪೋಯೆರ್. ಅಕುಲು ಮಧ್ಯ ಭಾರತೊಡು ರಡ್ಡ್ ಭಾರತೀಯ ಬೌದ್ಧ ಸನ್ಯಾಸಿಲೆನ್ ಎದುರು ಪಾಡ್ದ್ ಅಕ್ಲೆನೊಟ್ಟುಗು ಸೇರ್ದ್ ಚೀನಾಗ್ ಪಿರ ಬರೊಡು ಪಂದ್ ಮನವರಿಕೆ ಮಲ್ತೆರ್, ಅಕ್ಲೆನ ಬೌದ್ಧ ಗ್ರಂಥೊಲೆನ ಪುಸ್ತಕ, ಅವಶೇಷೊಲು ಬೊಕ್ಕ ಬುದ್ಧನ ಪ್ರತಿಮೆಲೆನ್ ರಡ್ಡ್ ಬಿಳುಪುದ ಕುದುರೆಲೆಡ್ ಅಕ್ಲೆನೊಟ್ಟುಗು ಕನತೆರ್. ಅಕುಲು ಚೀನಾಗ್ ಬತ್ತಿನೆಕ್ ಸಂತೋಷ ಆಯಿನ ರಾಜೆ ಅಕುಲೆನ ಗೌರವಾರ್ಥ ಒಂಜಿ ದೇವಸ್ಥಾನನ್ ನಿರ್ಮಾಣ ಮಲ್ತೆರ್ ಬೊಕ್ಕ ಸನ್ಯಾಸಿಲೆನ್ ಕನತ್ ನ ಬೊಲ್ದು ಕುದುರೆಲೆನ ಮೆಚ್ಚುಗೆಗ್ ಬೊಳ್ದು ಕುದುರೆ ದೇವಸ್ಥಾನ ಅತ್ತ್ಂಡ ಬೈಮಾ ದೇವಸ್ಥಾನ ಪಂಡ್ದ್ ಪುದರ್ ದೀಯೆರ್. ಸನ್ಯಾಸಿಲು ಪೊಸ ದೇವಸ್ಥಾನೊಡು ನೆಲೆಯಾಯೆರ್ ಬೊಕ್ಕ ಮುಲ್ಪ ಅಕುಲು ಬೌದ್ಧ ಗ್ರಂಥೊಲೆನ್ ಚೀನೀ ಭಾಷೆಗ್ ಅನುವಾದ ಮಲ್ತೆರ್. ಇಲ್ಲ್ ಡ್ದ್ ಬೌದ್ಧ ಧರ್ಮ ಬುಲೆಂಡ್ ಬೊಕ್ಕ ೫ನೆ ಶತಮಾನೊಡು ದಕ್ಷಿಣ ಭಾರತೊದ ಬೇತೆ ಒರಿ ಸನ್ಯಾಸಿ ಬೋಧಿದರ್ಮ ಬನ್ನಗ ಚೀನಾದ ಬೌದ್ಧ ಧರ್ಮ ವಿಕಸನ ಆಂಡ್, ಬೇತೆ ದೇಶೊಲೆಗ್ ಪಗರಿಂಡ್.^[೨]

ಶಿಲ್ಪಕಲೆ ದೇವಸ್ಥಾನದ ಉಳಾಯಿ

ದೇವಸ್ಥಾನ ದಕ್ಷಿಣೊಗು ಎದುರು ಬೊಕ್ಕ ಪ್ರವೇಶ ದ್ವಾರೊಡ್ದ್ ಸುರು ಆದ್ ಒಂಜಿ ಕೇಂದ್ರ ಅಕ್ಷೊಡು ಜೋಡಾದ್ ಉಂಡು ಬೊಕ್ಕ ಅಯಿಡ್ದ್ ಬೊಕ್ಕ ಕೆಲವು ಸಭಾಂಗಣೊಲು ಬೊಕ್ಕ ವಿಸ್ಥಾರವಾಯಿನ ಜಾಗೆ ಸತತವಾದ್ ಉಂಡು.. ದೇವಸ್ಥಾನದ ಆವರಣ 200 ಮು (13 ಹೆಕ್ಟೇರ್ (32 ಎಕರೆ)) ವಿಸ್ತೀರ್ಣೊಡು ಉಂಡು. ಒಂಜಿ ಕಲ್ಲ್ ದ ಪೈಫಾಂಗ್ (ಕಮಾನು), ಮೂಜಿ ಬಾಗಿಲುದ ಮುಚ್ಚಿದ ಕಮಾನು, ಮೂಲ ದ್ವಾರೊದ ಎದುರು 150 ಮೀಟರ್ (490 ಅಡಿ). ದೇವಸ್ಥಾನದ ಎದುರುಡು ಉಪ್ಪುನ ಕಲ್ಲ್ ದ ಕುದುರೆಲು ಮಿಂಗ್ ವಾಸ್ತುಶಿಲ್ಪ ಶೈಲಿಡ್ ಉಂಡು, ಉಂದು ಧರ್ಮಗ್ರಂಥೊಲೆನ್ ಬೊಕ್ಕ ಭಾರತೀಯ ಸನ್ಯಾಸಿಲೆನ್ ಚೀನಾಗ್ ಕನತಿನ ಬಿಳುಪುದ ಕುದುರೆಲೆನ್ ಪ್ರತಿನಿಧಿಸವುಂಡು. ಕಮಾನು ಬೊಕ್ಕ ದ್ವಾರೊದ ನಡುಟು ಫೌಂಟೇನ್ ಲೆನೊಟ್ಟುಗು ಒಂಜಿ ಕೆರೆ ಉಂಡು. ಉಂದೆನ್ ಮೂಜಿ ಕಲ್ಲ್ ದ ಸೇತುವೆಲು ದಾಂಟೊಂದುಂಡು. ಪ್ರವೇಶ ದ್ವಾರೊಡು ಒಂಜೊಂಜಿ ಎದುರು ಉಪ್ಪುನ ರಡ್ಡ್ ಕುದುರೆಲು ಸಾಂಗ್ ರಾಜವಂಶೊದ (960-1279) ಪಚ್ಚೆ ಕಲ್ಲ್ ಡ್ ಮಲ್ತಿನವು.

ಹಾಲ್ ಆಫ್ ಗ್ರೀಟಿಂಗ್ಸ್', 'ಹಾಲ್ ಆಫ್ ಸಿಕ್ಸ್ ಫೌಂಡರ್ಸ್', 'ಹಾಲ್ ಆಫ್ ಜೇಡ್ ಬುದ್ಧ', 'ಹಾಲ್ ಆಫ್ ಹೆವೆನ್ಲಿ ಕಿಂಗ್ಸ್', ಹಾಲ್ ಆಫ್ ಮಹಾವೀರ ಬೊಕ್ಕ ಹಾಲ್ ಆಫ್ ಚೇಂಜಿಂಗ್ ಇಂಚ ಮಲ್ಲ ಮಲ್ಲ ಸಭಾಂಗಣೊಲೆನ್ ತೂವೊಲಿ.ಅತ್ತಂದೆ, 'ಕ್ವಿಂಗ್ಲಿಯಾಂಗ್ ಟೆರೇಸ್' ಪನ್ಪಿನ 'ಕೂಲ್ ಅಂಡ್ ಕ್ಲಿಯರ್ ಟೆರೇಸ್' ಮುಖ್ಯ ಸಭಾಂಗಣೊದ ಪಿರವುಡು ಉಂಡು.ಈ ಟೆರೇಸ್ ಪಿರಾಕ್ದ ಪೈನ್ ಮರಕುಲೆನ ಬಿದಿರುದ ಕಾಡುದ ನಡುಟು ಉಂಡು ಬೊಕ್ಕ ಒಂಜೊಂಜಿ ಸಭಾಂಗಣೊಲು ಉಂಡು. ಟೆರೇಸ್ ದ ನಾಲ್ ಬದಿಟ್ ಪಚ್ಚೆ ಇಟ್ಟಿಗೆಲೆನ್ ರಾಶಿ ಮಲ್ತೆರ್. ಟೆರೇಸ್ ದ ಕೇಂದ್ರ ಕಟ್ಟಡ ಪಂಡ ವೈರೋಚನಾ ಪೆವಿಲಿಯನ್, ಉಂದು ಮೂಲತಃ ಹಾನ್ ರಾಜವಂಶದ ಕಾಲೊಡು ನಿರ್ಮಾಣ ಆತ್ಂಡ್.

"ಜೇಡ್ ಬುದ್ಧನ ಸಭಾಂಗಣೊಡು," ಸಾಕ್ಯಮುನಿ ಬುದ್ಧನ ಒಂಜಿ ಚಿತ್ರ ಉಂಡು. ಜೇಡ್ ಡ್ ಮಲ್ತಿನ 1.6 ಮೀಟರ್ (5.2 ಅಡಿ) ಎತ್ತರದ ಚಿತ್ರೊನು 1988ಡ್ ಬರ್ಮಾಡ್ ನೆಲೆಯಾತಿನ ಒರಿ ಚೀನೀ ಮನುಷ್ಯೆ ದಾನ ಮಲ್ತೆರ್. ಈ ಸೊಬಗುದ ಶಿಲ್ಪಕಲೆ ಬೊಕ್ಕ ಪಾಲನೆದ ಪ್ರತಿಮೆಗ್ ಅಯಿತ ಹಣೆಟ್ ಒಂಜಿ ಅಮೂಲ್ಯ ಕಲ್ಲ್ ನೆಲೆಯಾತ್ಂಡ್. 1992ಡ್ ಈ ದೇವಸ್ಥಾನೊಗು ಸ್ಥಳಾಂತರ ಆಯೆರೆ ದುಂಬು, ಉಂದು ಪಿಲು ಮಂಟಪೊಡು ಶೇಖರಣೆ ಆತ್ಂಡ್. ಮಹಾವೀರ ಸಭಾಂಗಣೊಡು ಮೂಜಿ ಪ್ರಮುಖ ಬುದ್ಧೆರೆನ ಪ್ರತಿಮೆಲು ಉಂಡು. ಕೇಂದ್ರ ಚಿತ್ರ ಶಾಕ್ಯಮುನಿ ಬುದ್ಧನ. ಈ ಪ್ರತಿಮೆನ್ ಎಡತ್ತ ಬರಿಕ್ಕ್ ಭೈಸಜ್ಯಗುರು ಬೊಕ್ಕ ಬಲತ್ತ ಕಡೆಟ್ ಅಮಿತಾಭ ಉಲ್ಲೆರ್; ಅವುಲು ವೀ ಟುವೊ ಬೊಕ್ಕ ವೀ ಲಿ ಪನ್ಪಿನ ರಡ್ಡ್ ಸ್ವರ್ಗೀಯ ಜನರಲ್ ನಕುಲು ಸುತ್ತುವರಿದ್ ಉಲ್ಲೆರ್. ೧೮ ಅರ್ಹತ್ ಲೆನ ಪ್ರತಿಮೆಲು ಸಭಾಂಗಣದ ಬದಿನ್ ಅಲಂಕರಿಸೊಂದುಂಡು. ಯುವಾನ್ ರಾಜವಂಶದ ಕಾಲೊಡು ಮಾತಾ ಪ್ರತಿಮೆಲೆನ್ ರಮಿ-ಕುಂಟುಡ್ ಮಲ್ತೆರ್. ರಡ್ಡ್ ಬರಿಟ್ ಗೋಡೆಲೆಡ್ ಪತ್ತ್ ಸಾವಿರ ಬೌದ್ಧೆರೆನ ಕೆತ್ತನೆಲು ಉಂಡು. ಜಿಯಾಲಾನ್ ನ ಪ್ರತಿಮೆನ್ ಪಿರವುದ ಬಾಕಿಲ್ದ ಉತ್ತರೊಗು ಸ್ಥಾಪನೆ ಮಲ್ತೆರ್.

ಪಿಯೋನಿ ಉತ್ಸವ

ಪಿಯೋನಿ ಉತ್ಸವ (ಮುಡಾನ್ ಹುವಾಹುಯಿ) ಪಂಡ ಒಂಜಿ ಪ್ರಮುಖ ಪುಷ್ಪ ಉತ್ಸವ, ಉಂದು ಪ್ರತಿ ವರ್ಷ ಏಪ್ರಿಲ್ ೧೦-೨೫ ತಾರೀಕ್ ಗ್ ಲುವೊಯಾಂಗ್ ಡ್ ನಡಪುಂಡು ಬೊಕ್ಕ ಉಂದು ನಗರೊಗು ಬೊಕ್ಕ ಬಿಳಿ ಕುದುರೆ ದೇವಸ್ಥಾನೊಗು ಮಸ್ತ್ ಜನೊಕ್ಲೆನ್ ಆಕರ್ಷಣೆ ಮಲ್ಪುಂಡು. ಈ ಪರ್ಬೊಗು ಸಂಬಂಧ ಪಟ್ಟಿನ ದಂತಕಥೆ ಪಂಡ ಪಿಯೋನಿ ಪೂ ಚಳಿಗಾಲೊಡು ಟಾಂಗ್ ರಾಜವಂಶದ ರಾಣಿ ಸಾಮ್ರಾಜ್ಞಿ ವುನ ಆದೇಶೊನು ಅನುಸರಿಸಂದಿನವು ಬೊಕ್ಕ ಅಲೆನ ಆಜ್ಞೆನ್ ಪಾಲನೆ ಮಲ್ತಿಜಿ ಪನ್ಪಿನೆಕ್ ಅಲೆಗ್ ಕೋಪ ಬತ್ತ್ಂಡ್. ಫಲಿತಾಂಶವಾದ್, ಪಿಯೋನಿ ಪುಷ್ಪೊಲೆನ್ ಕ್ಸಿ'ಯಾನ್ ಡ್ದ್ ಲುವೊಯಾಂಗ್ ಗ್ ಗಡಿಪಾರ್ ಮಲ್ಪೊಡು ಪಂದ್ ಆರ್ ಆದೇಶ ಕೊರ್ತೆರ್. ಈ ಗಡಿಪಾರ್ ಮಲ್ಪುನವು ಲುವೊಯಾಂಗ್ ಡ್ ಪಿಯೋನಿ ಉತ್ಸವ ಪಂಡ್ದ್ ಆಚರಣೆ ಮಲ್ಪುನವು.

↑ "White Horse Temple - first buddhist temple in China". www.chinadiscovery.com.
↑ https://www.chinavistas.com/post/henan-s-luoyang-tracing-the-roots-of-chinese-buddhism-at-white-horse-temple

ವರ್ಗ:ಸ್ಪ್ರಿಂಗ್ ಮಂತ್ ಎಡಿಟ್-ಅಥಾನ್ 2026

[1] "White Horse Temple - first buddhist temple in China". www.chinadiscovery.com.

[2] ttps://www.chinavistas.com/post/henan-s-luoyang-tracing-the-roots-of-chinese-buddhism-at-white-horse-temple

[೧]

[೨]