ಜಪಾನ್ ಜಾನಪದ ಕಲೆ
ಜಪಾನ್ದ ಜಾನಪದ ಕತೆಟ್ ಜಪಾನ್ ಬುಕ್ಕೊ ಜಪಾನ್ದ ಜನಕುಲ್ ಅನೌಪಚಾರಿಕವಾದ್ ಕಲ್ಪುನ ಜಾನಪದ ಸಂಪ್ರದಾಯೊಲು, ಅಯಿತ ಬಾಯಿ ಪಾತೆರೊದ ಸಂಪ್ರದಾಯೊಲು, ಆಚರಣೆಲು ಬುಕ್ಕೊ ಸೊತ್ತುದ ಪರಪೋಕು ತೋಜಿದ್ ಬರ್ಪುಂಡು.
ಜಪಾನೀಸ್ ಬಾಸೆಡ್, ಮಿನ್ಕಾನ್ ಡೆನ್‌ಶೋ(minkan denshō) ಪನ್ಪುನ ಪದೊ ಜಾನಪದೊನು ವರ್ಣನೆ ಮಲ್ಪರೆ ಉಪಯೋಗ ಆಪುಂಡು. ಜಾನಪದೊದ ಶೈಕ್ಷಣಿಕ ಅಧ್ಯಯನೊನು ಮಿನ್ಝೋಕ್‍ಗಾಕ್ (minzokugaku) ಪಂಡ್ದ್ ಲೆಪ್ಪುವೆರ್. ಜಾನಪದ ತಜ್ಞೆರ್ ಅಗ್ಲೆನ ಅದ್ಯಯನೊ ಮಲ್ಪುನ ಸೊತ್ತುಲು ಬುಕ್ಕೊ ಕಲೆಲೆನ್ ಸೂಚಿಸಯರ ಮೀನ್ಜೋಕು ಶಿರ್ಯೋ(minzoku shiryō) ಅತ್ತಂದೆ "ಜಾನಪದ ಸಾಮಗ್ರಿ" ಪನ್ಪುನ ಪದೊನ್‌ಲಾ ಗಳಸುವೆರ್.
ಜನಪದೊ ದರ್ಮೊ
[ಸಂಪೊಲಿಪುಲೆ]ಆನ್ಜೋವುನಕುಕು ನಮಹಗೆ ಪನ್ಪುನ ಅಂಗಿಕುಂಟುಡು ರಾಕ್ಷಸೆರೆನ ಲೆಕೊದ ಮುಗೊಲೆನ್ ಬುಕ್ಕೊ ಸಾಂಪ್ರದಾಯಿಕ ಟೊಪ್ಪಿಲೆನ್( ಮಿನೋ) ಪಾಡ್ದ್, ಮೂಡಾಯಿದ ಕುದ್ರುಲೆಡ್ ಒರ್ಸೊಗೊರೊ ಆಚರಣೆ ಮಲ್ಪುವೆರ್. ಈ ಓಗ್ರೆ-ಮೆನ್ ಕಾಮಿ ಆಯಿನಾಯೆ ಮುಗೊ ದೀಡ್ದ್ ಸೂತ ಸುತ್ತ ಬೇಲೆ ಇದ್ಯಾಂತಿನ ಲೆಕೊ ಇತ್ತೊಂದು ಕೈತಲ್ದ ಜೋಕ್ಲೆನ್ ಪೋಡಿಕಟ್ಟವೆ. ಉಂದು ಇತ್ತೆಲಾ ದಿನೊನಿತ್ಯೊ ನಡಪುನ ಜಾನಪದ ಆಚರಣೆದ ಒಂಜಿ ವಿಸೇಸೊಗು ಉದಾರ್ಣೆ.
ಉಂದು ಒಂಜಿ ಸಮಾನಾಂತರೊ ಆಚರಣೆ. ಪಂಡ ರಹಸ್ಯವಾದ್ ಇಪ್ಪುನ ಅಕಮತಾ-ಕುರೋಮತ(Akamata-Kuromata) ಪನ್ಪುನ ಯಯೆಯಾಮಾ ದ್ವೀಪೊಲೆನ ಆಚರಣೆ. ಒಕಿನಾವಾ ಪನ್ಪುನ ಆಚರಣೆದ ಫೋಟೋ ದೆತೊನೆರೆ ಅನುಮತಿ ಕೊರ್ಪುಜೆರ್.[೧]
ಎಚ್ಚಾದ್ ವಂತೆ ಇಲ್ಲ್‌ಡೆದಗ್ಲ್ ಒಂಜಿ ಕಮಿದಾನ ಅತ್ತಂಡ ಒಂಜಿ ಎಲ್ಯ ಶಿಂಟೊ ವೇದಿಕೆದ ಚಿಟ್ಟೆಡ್ ನಡಪಾವೊಂದುಲ್ಲೆರ್. ಅಡಿಗೆ ಕೋಣೆತ ದೇವೆರ್ ಶಿಂಟೊ ಕ್ರಮೊನು ಕಾಮಾದೊ(Kamado) ಕಾಮಿ, ಬುಕ್ಕೊ ಸಿಂಕ್ರೆಟಿಕ್ ಬುದ್ದೆರೆನ ಕ್ರಮೊನು ಕೋಜಿನ್.(Kōjin) ಉಂದು ಇಲ್ಲ್‌ದುಲಾಯಿದ ಸ್ತಾಪನೆ ಆಯಿನ ದೇವತೆ.
ಜಪಾನ್‌ನ ಜನಪ್ರಿಯೊ ಆರಾದನೆಲು ಅತ್ತಂದೆ ಕೋ(kō) ಕೆಲವೊಂಜಿ ಸರ್ತಿ ನಿಗಂಟ್‌ದ ದೇವತೆಲು ಬುಕ್ಕೊ ಬುದ್ಧೆರೆಗ್ ಸಮರ್ಪಿಣೆ ಆಪುಂಡು. ಉದಾರ್ಮೆಗ್, ಕೋಪೊಡು ಇಪ್ಪುನ ಫುಡೊ ಮ್ಯೊ (ಇಸೆ-ಕೊ ಅತ್ತಂಡ ಒಕಗೆ-ಮೈರಿ ಇಂಚಿನ ಪವಿತ್ರೊ ಜಾಗೆಲೆಗ್ ಗೌರವ ಕೊರ್ಪುನ ಸುತ್ತ ಇತ್ತ್ಂಡ್) ಅತ್ತ್ಂಡ ಫುಜಿ ಬೆಟ್ಟೊದಡ್ದ್ ಬುಕ್ಕೊ ಕಮ್ಮಿ ಆಂಡ್. ಆಂಡ ಇತ್ತೆದ ಕಾಲೊಡು ಎನ್ಪತೆಲ್ಮೊ ದೇವಸ್ತಾನೊಲೆನ ಜಾಗೆಲೆನ ಶಿಕೊಕು ಯಾತ್ರೆ (ಸಾಮಾನ್ಯವಾದ್ ಒಹೆನ್ರೊ-ಸಾನ್ ಪಂಡ್ದ್ ಲೆಪ್ಪುವೆರ್) ಪೇಸನ್ ಆತ್ಂಡ್. ಜನಪ್ರಿಯೊ ಮಾದ್ಯಮೊಲು ಬುಕ್ಕೊ ಗುಡಿ ಕೈಗಾರಿಕೆಲು ಇತ್ತೆ ಒಂಜಿ ಲೆಕ್ಕೊದ ದೇಗುಲೊಲೆನ್ ಬುಕ್ಕೊ ಪವಿತ್ರ ನೈಸರ್ಗಿಕ ತಾಣೊಲೆನ್ ಶಕ್ತಿ ಕೇಂದ್ರೊಂದ್ ಪಂಡ್ದ್ ಪುಗರ್ತೆ ಮಲ್ಪುವೆರ್.
ದುರ್ಜನೊನು ತಡೆಯರ (ಯಾಕುಯೋಕೆ/yakuyoke) ಅತ್ತಂದೆ ದುಷ್ಟೊನು ಪಿದಯಿ ಪಾಡ್ಯರ (ಯಾಕುಬರಾಯಿ/yakubarai, ಒಹಾರೈ/oharai ಮಲ್ಪುನ ಕ್ರಮೊಲೆನ ಒಂಜಿ ಮಲ್ಲ ಪಟ್ಟಿ ಉಂಡು). ಉದಾರ್ಮೆಗ್ ಡೋಲುದ ಶಬ್ದೊ ಮಲ್ಪುನವು. ಕೆಲವು ಕಡೆಟ್ ಇಲ್ಲ್‌ದ ಪಿದಯಿ ಒಂಜಿ ಎಲ್ಯ ಉಪ್ಪುದ ರಾಸಿನ್ ಪಾಡುನವು ಸಾಮಾನ್ಯೊ ಸಂಗತಿ.ಉಪ್ಪು-ರಾಪಾವುನವು ಸಾಮಾನ್ಯವಾದ್ ಸುದ್ದೊ ಮಲ್ಪುನೆ ಪಂಡ್ದ್ ಪರಿಗಣಿಸವೆರ್. (ಉಂದು ಸುಮೋ ಗೊಬ್ಬುಲೆಡ್ ಬಳಕೆ ಆಪುಂಡು. ಇಂಚ ಒಂಜಿ ಪುದರ್ ಪೋಯಿನ ಉದಾರ್ಮೆನ್ ಕೊರೊಲಿ). ಕಾಲಾದಿ ಅತ್ತಂದೆ ಸಮಕಾಲೊದ ನಾಟಕೊಡು ಒಂಜಿ ಸಂಗ್ರಹ ಮಲ್ಪುನ ಪೊಸಬೆ ಸಂದರ್ಶಕೆರ್ ಪೋಯಿನೆಡ್ದ್ ಬುಕ್ಕೊ ಇಲ್ಲಡೆದ ಯಜಮಾನೆ ಆಯನ ಬುಡೆದಿಡ ಉಪ್ಪು ಬಿರ್ಕಿಯರ ಪನ್ಪೆ. ಇತ್ತೆದ ಕಾಲೊಡು ಪೊಸ ಜನೊ ಇಲ್ಲಡೆಗ್ ಬತ್ತ್ಂಡ ದೀಪೊ ಪೊತ್ತಾಂಡ ಎಡ್ಡೆಂದ್ ಎನ್ನೊಂದೆರ್.
ಕೊಶಿನ್ ಆರಾದನೆಗ್ ಬೋಡಾಪಿನ ಮೌನ ಜಾಗರಣೆನ್ ಇತ್ತೆ ಏರ್ಲಾ ಮಲ್ಪುಜೆರ್. ಆಂಡ ಈ ಆಚರಣೆನ್ ಐಕಾನಿಕ್ ಆದ್ ಸೀ ನೋ ಇವಿಲ್, ಹಿರ್ ನೋ ಇವಿಲ್, ಸ್ಪೀಕ್ ನೋ ಇವಿಲ್ ಮೂಜಿ ಮಂಗೆರೆನೊಟ್ಟುಗು ಸಮ್ಮಂದಾದ್ ಉಂಡು ಪನ್ಪಿನೆನ್ ಗುಮನೊಗು ದೆತೊನೊಲಿ.
ಆನ್ಮಿಯೊಡೊನ್ ಚೀನಾಡ್ದ್ ಜಪಾನ್‌ಗ್ ಪರಿಚಯಿಸಾಯಿನ ಕೆಲವು ಜಿಯೋಮ್ಯಾನ್ಸಿದ ಅವಶೇಷೊಲು ಉಂಡು. ಕಿಮೊನ್(kimon) ಸಬ್ದೊ '''ಒಗ್ರೆಸ್ ಗೇಟ್''' ಪನ್ಪುನಒಂಜಿ ವ್ಯಕ್ತಿಗ್ ಏಪೋಲ ಕೆಡುಕ್ ಇಪ್ಪುನ ಎಂಚಿನವೋ ಒಂಜಿ ಪಾತೆರೊನು ಸೂಚಿಸವುಂಡು. ಆಂಡ ಮೂಲ ಅರ್ತೊಡು ಈಶಾನ್ಯ ದಿಕ್ಕ್‌ನ್ ಸೂಚಿಸವುಂಡು. ಉಂದು ಕೇಡ್ ಅತ್ತಂಡ ಹಾಲ್ ಆತ್ಮೊಲೆನ್ ಅಪಾಯಕಾರಿಯಾಯಿನ (ಕೊಂಜಿನ್/Konjin) ದೆತೊನುನವು ಪಂಡ್ದ್ ತೆರಿಯೊನೊಡು. ಉಂದು ಫೆಂಗ್ ಶೂಯಿದ ಜಪಾನ್ದ ಎಗ್ಗೆಲೆಡ್ ಉಂಡು. ಇಂದೆನ್ ಕಾಸೋ/kasō ಪಂಡ್ದ್ ಲೆಪ್ಪುವೆರ್.[೨] ಅತ್ತಂದೆ ನಿಜೊ ಪನ್ಪುಂಡ "ಇಲ್ಲಡೆದ ಶರೀರಶಾಸ್ತ್ರೊ". ಯಿನ್-ಯಾಂಗ್ ನಿಲೆಟ್ ಅತ್ತ್ಂಡ ಆನ್ಮಿಯೋಡೋತ ಪರಿಕಲ್ಪನೆದ ಉದಾರ್ಮೆಗ್ ಕಟಟಗೇಗ್(katatagae) ಕೈತಲ್ದ ಸಂಪರ್ಕೊಡು ಇಪ್ಪುನ ಕಟೈಮಿ ಪಂಡ್‌ದ್ಲಾ ಲೆಪ್ಪುವೆರ್. ಉಂದು ಹೆಯಾನ್ ಕಾಲೊಡು ಶ್ರೀಮಂತೆರ್ ಮಾತೆರ್ಲಾ ಅಬ್ಯಾಸೊ ಮಲ್ತೊಂದಿತ್ತೆರ್. ಮಾತೆರ್ಲಾ ತೆರಿನ ನಿಸೇದೊ(ಕಿತಾಮಕುರಾ/kitamakura) ನಿಕ್ಲೆನ ತರೆಟ್ ಉತ್ತರೊ ಬರಂದೆ ನಿದ್ರೆ ಮಲ್ಪಿಯರ ಬಲ್ಲಿಂದ್ ಸಲಹೆ ಕೊರ್ಪುಂಡು.[೩] ಆಂಡಲಾ ಇತ್ತೆ ಏರ್ಲಾ ಈ ನಿಸೇದೊನು ಗಂಬೀರವಾದ್ ಕೇನ್ಪೆರ್ ಪನ್ಪಿನವು ಸಂಶಯೊದ ವಿಸಯೊ.[೩]
ಜಪಾನ್‌ನ ಜಾನಪದೊಡು, ಫೆಸೆಂಟ್ ಲೆನ್ ಸ್ವರ್ಗೊಡ್ದ್ ಬತ್ತಿನ ಸಂದೇಶವಾಹಕೆರ್ ಪಂಡ್ದ್ ತೆರಿಯೊಂದೆರ್. ಆಂಡಲಾ, ಜಪಾನ್ದ ಪದವಿ ವಿಶ್ವವಿದ್ಯಾನಿಲಯೊದ ಎಚ್ಚದ ಅದ್ಯಯೊನೊಡು ಬುಕ್ಕೊ ರಾಷ್ಟ್ರೀಯ ಸಂಶೋಧಕೆರೆ ಪೋಲಾರ್ ರಿಸರ್ಚ್‍ಡ್ ಕ್ರಿ.ಶ.೬೨೦ಡ್ ಜಪಾನ್ದ ಮಿತ್ತ್ ರಾತ್ರೆದ ಆಕಾಶೊಡು ತೋಜಿದ್ ಬತ್ತ್ಂಡ್ ಪನ್ಪೆರ್. ಉಂದು ಒಂಜಿ ಮ್ಯಾಗ್ನೆಟಿಕ್ ಬಿರುಗಾಳಿದ ಪೊರ್ತುಡು ಉತ್ಪತ್ತಿ ಆಯಿನ ಕೆಂಪು ಅರೋರಾ ಆದಿಪ್ಪೊಡು ಪಂಡ್ದ್ ಮಾರ್ಚ್ ೨೦೨೦ಡ್ ಮಲ್ತ್‌ನ ಸಂಸೋದನೆಡ್ದ್ ತೆರಿಪುಂಡು.
ಜಾನಪದ ಕತೆಕುಲು |
[ಸಂಪೊಲಿಪುಲೆ]
ದಿಂಜದ ಬುಲೆಚಿಲ್ ಪಡೆಯಿನ ರಾಷ್ಟ್ರೊಲೆಡ್ ಇತ್ತ್‌ನಂಚ, ಬಾಯಿ ಪಾತೆರೊದ ಸಂಪ್ರದಾಯೊದ ಜೀವಂತ್ ಕತೆಗಾರೆರೆನ್ ತೂಯೆರ ಕಸ್ಟೊ ಆವೊಂದುಂಡು. ಆಂಡ ಪಿರಾಕ್‍ದ ಸಂಗ್ರಹ ಆಯಿನ ಜಾನಪದ ಕತೆತ ಸಂಪೊತ್ತ್‌ಡ್ ಉಂಡು. ಮುಕಾಶಿ-ಬನಾಶಿ ("ದುಂಬುದ ಕಾಲೊದ" ಅತ್ತಂದೆ "ಕರಿನ ಕಾಲೊದ" ಕತೆಕುಲು) ಪನ್ಪಿನ ಪುದರ್‌ನ್ ಸಾಮಾನ್ಯ ಜಾನಪದ ಕತೆಕ್ ಅನ್ವಯಿಸವೊಂದ್ ಉಂಡು. ದಾಯೆ ಪಂಡ ಅವು ಸಾಮಾನ್ಯವಾದ್ "ಮುಕಾಶಿ..." [೪] ("ಒಂಜಾನೊಂಜಿ ಕಾಲೊಡು..." ಪನ್ಪಿನ ಸೂತ್ರೊಡು ಸುರು ಆಪುಂಡು). ಅವು "ಡಾಟ್ಟೊ ಹರೈ" [೪] (ಒಂಜಿ ರೂಪಾಂತರ ರೂಪೊ ದೋಂಡೋ ಹರೇ ) ಇಂಚಿನ ಕೆಲವು ಸೆಟ್ ಫ್ರೇಸ್ ಡ್ ಲಾ ಮುಚ್ಚುಂಡು.
ಈ ಕತೆಕುಲೆನ್ ಅಗ್ಲೆನ ನೆರೆತ ಬಾಸೆಲೆಡ್ ಪನ್ಪೆರ್. ಉಂದು ಪಿದಯಿದಕ್ಲೆಗ್ ಅರ್ತೊ ಮಲ್ಪಿಯರ ಕಷ್ಟೊ ಆಪುಂಡು. ದಾಯೆ ಪಂಡ ಉಚ್ಚಾರಣೆ ಬುಕ್ಕೊ ಉಚ್ಚಾರಣೆದ ವ್ಯತ್ಯಾಸೊಲು, ಸಂಯೋಗೊಲು ಬುಕ್ಕೊ ಶಬ್ದಕೋಶೊಲು. ಕ್ಷೇತ್ರೊಡ್ದ್ ಸಂಗ್ರಹೊ ಮಲ್ತ್‌ನ ದಿಂಜ ಜಾನಪದೊ ಕತೆಕುಲು ವಾಸ್ತವೊಡು ಗುಣಮಟ್ಟೊದ ಜಪಾನೀಸ್ ಬಾಸೆಗ್ "ಅನುವಾದೊಲು" (ಅತ್ತಂದೆ ರೂಪಾಂತರೊಲೆನ ಲೆಕೊ, ಕೆಲವು ಸಂಗ್ರಹ ಮಲ್ತ್‌ನ ನಿರೂಪಣೆಲೆನ್ ವಿಲೀನ ಮಲ್ಪುನವು).
ಶಾಸ್ತ್ರೀಯ ಜಾನಪದ ಕತೆಕುಲು
[ಸಂಪೊಲಿಪುಲೆ]ಮೊಮೊಟಾರೊ ದಂಚಿನ ಶಾಸ್ತ್ರೀಯ ಜಾನಪದ ಕತೆಕುಲು, ಇತ್ತೆದ ಜಪಾನಿಯೆರ್ ಚಿತ್ರೊಡು ಇಪ್ಪುನ ಜೋಕುಲೆನ ಕತೆಪುಸ್ತಕೊಲು, ಮಂಗಾ ಅತ್ತಂದೆ ಬೇತೆ ಜನಪ್ರಿಯೊಡ್ ಪರಿಚಿತೆರಾದ್ ಉಲ್ಲೆರ್. ಅಯಿನ್ ಎಡೊ ಕಾಲೊಡು ಮುದ್ರಿತ ಆಯಿನ ಚಿತ್ರ-ಪುಸ್ತಕೊಲೆಡ್ದ್ ತೂವೊಲಿ. ಆಂಡಲಾ ಅಯಿತ ಮೂಲಮಾದರಿ ಕತೆಕುಲು ಮಸ್ತ್ ದುಂಬು ಪೋವೊಲಿ. ಜೋಕುಲೆನ ಕತೆತ ಲೇಖಕೆ ಸಜಾನಾಮಿ ಇವಾಯಾ ನಾನೊರೊ ಬರೆಯಿನ ನಿರೂಪಣೆ.(1870–1933; ಅಪಾಪಗ ಜಪಾನ್ದ ಪೆರಾಲ್ಟ್ ಪಂಡ್ದ್ ತೆರಿಯೆರ) [೫] ಇನಿ ಸಾಮಾನ್ಯವಾದ್ ತೆರಿನ ರೂಪೊಲೆನ್ ಸ್ತಾಪನೆ ಮಲ್ಪುನಗ ಒಂಜಿ ಬಲಕೈಂದ್ ತೆರಿಯೊಂದೆರ್.
ಜಾನಪದ ಕತೆಟ್ ಇಪ್ಪುನ ಪ್ರಾಣಿಲು
[ಸಂಪೊಲಿಪುಲೆ]ಪೊಸ ಅನುರೂಪೊಲು
[ಸಂಪೊಲಿಪುಲೆ]ಜಾನಪದ ಕತೆಲೆನ್ ನಾಟಕಕಾರೆ ಜುಂಜಿ ಕಿನೋಶಿತಾ, ಮುಕ್ಯವಾದ್ ಯುಜುರು ( ಟ್ವಿಲೈಟ್ ಕ್ರೇನ್, 1949), [೬] ವೇದಿಕೆದ ಪ್ರದರ್ಶನೊಗು ಅಳವಡಿಸಯೆರ್. ಉಂದು ಜಾನಪದ ಕತೆ ಟ್ಸುರು ನೋ ಒಂಗಾಯೆಶಿ.
ಅದ್ಭುತ ಜೀವಿಲು
[ಸಂಪೊಲಿಪುಲೆ]
ಸಾಂಪ್ರದಾಯಿಕ ಜಪಾನ್ದ ಮೂಲೊಲೆಡ್ದ್ ದೆತೊನುನ ಕತೆಟ್ ಜಪಾನ್ದ ರಾಕ್ಷಸೆರೆನ ಬಗ್ಗೆ ಇತ್ತೆ ಮಸ್ತ್ ಆಸಕ್ತಿ ಉಂಡು. ಕೆಲವು ಯೋಕೈ ಅತ್ತಂದೆ ವಿಚಿತ್ರ ಜೀವಿಲು ಜಾನಪದದ ಸೊತ್ತುಲು. ಬಾಯಿ ಪಾತೆರೊಡು ಜನಕುಲೆನ ನಡುಟು ಪ್ರಸಾರೊ ಆಪುಂಡು ಬೊಕ್ಕ ಪ್ರಚಾರೊ ಆಪುಂಡು. ಆಂಡ ಅಕ್ಲೆನ ಬಗೆಟ್ ದಿಂಜ ಜೀವಿಲು ಅತ್ತಂದೆ ಕತೆಕುಲು ಎಡೊ ಕಾಲೊಡು ಇತ್ತಂಡ್‌. ಬುಕ್ಕೊ ಅಯಿಡ್ದ್ ದುಂಬುದ ಬೇಲೆದ ಬರವುದಕುಲು ಉದ್ದೇಶಪೂರ್ವಕವಾದ್ ನಾಡ್‌ದೆರ್ ಪನ್ಪುನೆನ್ ಒರಿ ಅರ್ತೊ ಮಲ್ಪೊಡು. ಬುಕ್ಕೊ ಅವು ನಿಜೊ ಅರ್ತೊಡು ಜಾನಪದೊ ಅತ್ತ್.
ಜನಪದ ಕಲೆ ಬುಕ್ಕೊ ಕೈಸೊತ್ತು
[ಸಂಪೊಲಿಪುಲೆ]ಕೆಲವು ಪುದರ್ ಪೋಯಿನ ಕರಕುಶಲ ಸೊತ್ತುಲು ಉದಾರ್ಮೆಗ್, ನೆಟ್ಸುಕೆ, ರಕೂನ್ ಡಾಗ್ ಮಣ್ಣ್ ದ ಪಾತ್ರೆ ( ಶಿಗರಾಕಿ ವೇರ್ ), ಸಾಂಪ್ರದಾಯಿಕ ಜಪಾನಿನ ಕೈ ಸೊತ್ತುಲೆನ್ ಬಾಗೊ ಮಲ್ಪೊಲಿ.
ದಿನೊ ನಿತ್ಯೊದ ಇಲ್ಲಡೆದ ಬಳಕೆದ ಒಂಜಿ ಲೆಕ್ಕೊದ ಲೇಕನೊಲು (ಮಿಂಗು), ಕೀಜೊ ಶಿಬುಸಾವಾ ಒಟ್ಟು ಮಲ್ತ್‌ನ ಸೊತ್ತುಲೆ ಅಟಿಕ್ ಮ್ಯೂಸಿಯಂ ಸಂಗ್ರಹೊ ಆಂಡ್. ಇತ್ತೆ ಹೆಚ್ಚದವು ಒಸಾಕಾದ ಸುಯಿಟಾಡ್ ರಾಷ್ಟ್ರೀಯ ಜನಾಂಗಶಾಸ್ತ್ರದ ಮ್ಯೂಸಿಯಂಡ್ ಉಂಡು. ಯಾನಾಗಿ ಸೊಯೆಟ್ಸು ಮುತಾಲಿಕೆಡ್ ನಡತ್‌ನ ಮಿಂಗೇ ಪೊರ್ಂಬಾಟೊದ ಪೊರ್ಲುದ ನೋಟೊಡು ಜಾನಪದೊ ಕೈ ಸೊತ್ತುಲೆನ್ ಮೆಚ್ಚುನ ಪ್ರಯತ್ನೊ ಆತ್ಂಡ್.
ಪ್ರತಿನಿದಿ ಕಲೆ
[ಸಂಪೊಲಿಪುಲೆ]- ಓಟ್ಸು, ಶಿಗಾ ಪ್ರಾಂತ್ಯೊಡು ಓಟ್ಸುಡ್ ತಯಾರ್ ಮಲ್ಪುನ ಒಂಜಿ ರೀತಿದ ಜಾನಪದೊ ಚಿತ್ರಕಲೆ. ಉಂದು ದಿಂಜ ಸರ್ತಿ ರಾಕ್ಷಸೆರೆನ ಲೆಕೊದ ವ್ಯಕ್ತಿಲೆನ್ ತೋಜಾವುಂಡು. ಇಂದೆನ್ ಪ್ರಯಾಣಿಕೆರೆಗ್ ಉರ್ಕುದ ರೂಪೊಡು ದೆತೊಂದು ತಯಾರ್ ಮಲ್ಪುವೆರ್.
- ಎಮಾ, ಕುದುರೆ ಅತ್ತಂದೆ ಬೇತೆ ವ್ಯಕ್ತಿಲೆನ ಚಿತ್ರೊಲೆನ್ ಒಟ್ಟು ಮಲ್ಪುನ ಮರತ ಪಟೊಲು. ಅಯಿಟ್ ಆಸೆಲೆನ್ ಬರೆದ್ ಗುಡಿಕ್ಲೆಡ್ ನೇಲ್ಪಾವೆರ್.
- ಕೊಯಿನೊಬೊರಿ, ಕಾರ್ಪ್ ಆಕಾರದ ಪಲಕೊಲು.
ಗೊಬ್ಬುದ ಸೊತ್ತುಲು
[ಸಂಪೊಲಿಪುಲೆ]ಉಲ್ಲೇಕೊ
[ಸಂಪೊಲಿಪುಲೆ]- ↑ Ayabe, Tsuneo (1976). "Esoteric Rituals in Japanese Traditional Secret Societeis: A Study of the Death and Rebirth Motif". In Bharati, Agrhananda (ed.). Agents and Audiences. Walter de Gruyter. ISBN 978-3-11-080584-0.
- ↑ Jeremy, Michael Ernes; Robinson (1989). Ceremony and Symbolism in the Japanese Home. Manchester University Press ND. ISBN 978-0-7190-2506-8. , pp.125- goes into a description of kasō in considerable detail.
- ↑ ೩.೦ ೩.೧ Lock, Margaret M. (1984). East Asian Medicine in Urban Japan: Varieties of Medical Experience. University of California Press. ISBN 978-0-520-05231-4. , p.98 her informants do not believe in it, but rather not be seen
- ↑ ೪.೦ ೪.೧ Masuda, Katsumi (1964). "mukashibanashi" 昔話 [Japanese tales section]. In Heibonsha (ed.). Sekai hyakka jiten 世界百科事典. Vol. 21. pp. 499–502.
- ↑ Kinoshita, Junji (1974). Hyōronshu (collected criticisms 1956~1957). Vol. 4. Miraisha (未来社). p. 82.
直接民衆の語る物語からではなく)巌谷小波が定型化し、それが国定 教科書によって広く普及されたそういう桃太郎の話
- ↑ Keene, Donald (1999). Dawn to the West: Japanese Literature of the Modern Era. Columbia University Press. pp. 482–483. ISBN 978-0-231-11439-4.