ಜಮಲಾಬಾದ್

Gadaikallu entrance,
Reading: Welcome to Jamlabad, height: 1700 feet

Narrow steps leading to the fort

ಜಮಾಲಾಬಾದ್ ಕೋಟೆ ಕರ್ನಾಟಕದ ದಕ್ಷಿಣಗನ್ನಡ ಜಿಲ್ಲೆದ ಬೆಳ್ತಂಗಡಿದ ಕೈತಲ್ ಉಪ್ಪುನ ಒಂಜಿ ಪಿರಾಕ್ದ ಗುಡ್ಡೆದ ಮಿತ್ತ್ ದ ಕೋಟೆ. ಉಂದು ಕುದ್ರೆಮುಖ ಗುಡ್ಡೆ ಶ್ರೇಣಿದ ಗುಡ್ಡೆಲೆನ ಮುದೆಲ್‍ಡ್ ಉಂಡು, ಬೆಳ್ತಂಗಡಿ ಊರುಡ್ದ್ 8 ಕಿ.ಮೀ ಬಡಕಾಯಿಡ್, ಕುಡ್ಲ ಊರುಡ್ದ್ 65 ಕಿ.ಮೀ ದೂರೊಡು ಉಂಡು. ಇಂದೆನ್ ಸ್ಥಳೀಯವಾದ್ "ಜಮಲಾಬಾದ್ ಕೋಟೆ" ಅತ್ತ್ಂಡ "ಗಡಾಯಿಕಲ್ಲು" ಪಂಡ್‍ದ್ ಲೆಪ್ಪುವೆರ್.

ಇತಿಹಾಸೊ

ಕರಾವಳಿಡ್ ಕದಂಬ ಮನೆತನದ ಪ್ರಭಾವ ಕಮ್ಮಿ ಆಯಿಬೊಕ್ಕ ತುಳುವೆರ್ನ ಆಡಳಿತಾಧಿಕಾರಿ ಆದ್ ಬತ್ತಿನ ನರಸಿಂಹನ ವಾಸಸ್ಥಾನ ಈ ಬಂಡೆದ ಮುದೆಲ್‍ಡ್ ಇತ್ತಿಂಡ್. ದೇಡ್ದಾವರ ಈ ಬಂಡೆಗ್ ನರಸಿಂಹಘಡ ಪಂಡ್‍ದ್ ಪುದರ್ ಇತ್ತ್ಂಡ್.ಬಂಡೆದ ಮಿತ್ತ್ ಪ್ರಾಕ್‍ದ ಒಂಜಿ ಕೋಟೆಲಾ ಇತ್ತ್ಂಡ್.ಈ ಕೋಟೆನ್ ಟಿಪ್ಪು ಸುಲ್ತಾನ್ 1794 ಇಸವಿಡ್ ನವೀಕರಣ ಮಲ್ತ್‍ದ್ ಆರೆನ ಅಪ್ಪೆ ಜಮಲಾಬೀ ಪನ್ಪಿನ ಪುದರ್‌ಡ್ ದೀಯೆರ್. ಒಂಜಿ ಗಟ್ಟಿ ಕೋಟೆದ ನಿರ್ಮಾಣೊಗು ಸೂಕ್ತವಾದ್ ಇತ್ತಿನ ಮಲ್ಲ ಗ್ರಾನೈಟಿಕ್ ಕಲ್ಲ್ ಡ್ದ್ ಆರ್ ಮಸ್ತ್ ಪ್ರಭಾವಿತರಾದ್ ಅಲ್ಪ ಒಂಜಿ ಕೋಟೆನ್ ಕಟ್ಟೆರೆ ನಿರ್ಧರಿಸಯೆರ್. ಸ್ಥಳೀಯೆರೆನ ಪ್ರಕಾರ, ಶತ್ರುಲು ಆಕ್ರಮಣ ಮಲ್ಪುನಗ ಸುತ್ತಮುತ್ತದ ಜಾಗಲೆನ್ ತೂಯೆರೆ ವೀಕ್ಷಣಾ ಗೋಪುರ ಆದ್ ಸೇವೆ ಮಲ್ಪೆರೆ ಉಂದು ನಿರ್ಮಾಣ ಆತ್ಂಡ್. ೧೭೯೯ಡ್ ಇಂದೆನ್ ಟಿಪ್ಪು ಸುಲ್ತಾನ್ ಮೈಸೂರು ಯುದ್ಧಡ್ ಸೋತಿ ಬೊಕ್ಕ ತಿಮ್ಮನಾಯಕೆ ವಶ ಪಡಿಸಾವೊಂಡೆ. ಕುಡ ೧೮೦೦ ಇಸವಿಡ್ ಉಂದು ಬ್ರಿಟಿಷೆರ್ನ ಆಡಳಿತಗ್ ಬತ್ತ್ಂಡ್. ಮಿತ್ತ್ ಒಂಜಿ ಕೆರೆ ಉಂಡು ಉಂದೆನ್ ನೀರ್ ಸಂಗ್ರಹ ಮಲ್ಪೆರೆ ಉಪಯೋಗ ಮಲ್ಪುವೆರ್, ಉಂದು ತೂಯೆರೆ ನಿಜವಾದ್ ಲಾ ಮಂತ್ರಮುಗ್ಧ ಆಪುಂಡು.

ಕೋಟೆಗ್ ಒಂಜಿ ಸಪೂರದ ಮಾರ್ಗೊಡು ಪೋವೊಲಿ, ಕೋಟೆಗ್ ಸುಮಾರ್ 1876 ಮೊಟ್ಟುಲು ಉಂಡು ಅವು ಗ್ರಾನೈಟ್ ಬೆಟ್ಟೊಡ್ದ್ ಕಡ್ತ್ ದ್ ಮಿತ್ತ್ ಮುಟ್ಟ ಪೋಪುಂಡು.

View from top of the hillock