ಜಮ್ಮು & ಕಾಶ್ಮೀರ ಬ್ಯಾಂಕ್
ಜಮ್ಮು & ಕಾಶ್ಮೀರ ಬ್ಯಾಂಕ್ ಲಿಮಿಟೆಡ್ ಜಮ್ಮು ಕಾಶ್ಮೀರ ಮೂಲದ ಒಂಜಿ ಬ್ಯಾಂಕಿಂಗ್ ಬೊಕ್ಕ ಹಣಕಾಸು ಸೇವೆ ಕೊರ್ಪುನ ಕಂಪನಿ. ಇಂದೆತ ಪ್ರಧಾನ ಕಚೇರಿ ಜಮ್ಮು ಕಾಶ್ಮೀರದ ಶ್ರೀನಗರೊಡು ಉಂಡು. ಈ ಬ್ಯಾಂಕ್‌ನ್ 1ನೇ ಅಕ್ಟೋಬರ್ 1938ನೇ ಇಸವಿಡ್ ಅಪಗದ ಜಮ್ಮು ಕಾಶ್ಮೀರ ರಾಜ್ಯದ ಮಹಾರಾಜ ಹರಿಸಿಂಗ್ ಉಂಡು ಮಲ್ತೆರ್.[೧]
ಜಮ್ಮು ಕಾಶ್ಮೀರ ಬ್ಯಾಂಕ್‌ದ ರಚನೆ ಒಂತೆ ವಿಚಿತ್ರ ರೀತಿಡ್ ಉಂಡು. ಅಂಚಾದ್ ಈ ಬ್ಯಾಂಕ್‌ನ್ ಖಾಸಗಿ ಅತ್ತಂಡ ರಾಷ್ಟ್ರೀಕೃತ ಬ್ಯಾಂಕ್ ಪಂದ್ ವರ್ಗೀಕರಣ ಮಲ್ಪುನು ಒಂತೆ ಬಂಗದ ಕೆಲಸ. ದಾಯೆ ಪಂಡ ಜಮ್ಮು ಕಾಶ್ಮೀರ ಬುಕ್ಕ ಲಡಾಖ್ ಸರ್ಕಾರಲು ಈ ಬ್ಯಾಂಕ್‌ಡ್ ಶೇಕಡಾ 59.4 ದಾತ್ ಪಾಲುನು ಹೊಂದ್‌ದ್ ಉಲ್ಲ.[೨] ಈ ಕಾರಣಡ್ದಾವರ, ಇಂದೆನ್ ಕಾನೂನುಬದ್ಧವಾದ್ 'ಸರ್ಕಾರಿ ಕಂಪನಿ' ಪಂದ್ ವ್ಯಾಖ್ಯಾನ ಮಲ್ತ್‌ದೆರ್. ಆಂಡ ಭಾರತೀಯ ರಿಸರ್ವ್ ಬ್ಯಾಂಕ್ ಇಂದೆನ್ ಸಾರ್ವಜನಿಕ ವಲಯದ ಬ್ಯಾಂಕ್ ಪಂದ್ ವರ್ಗೀಕರಣ ಮಲ್ತಿಜಿ. ದಾಯೆ ಪಂಡ ಇಂದೆಟ್ ಕೇಂದ್ರ ಸರ್ಕಾರಗ್ ಈ ಬ್ಯಾಂಕ್‍ಡ್ಪಾಲ್ ಇಜ್ಜಿ. ಬೊಕ್ಕ ಈ ಬ್ಯಾಂಕು 1949ನೇ ಇಸವಿದ ಬ್ಯಾಂಕಿಂಗ್ ನಿಯಂತ್ರಣ ಕಾಯ್ದೆದ ಅಡಿಟ್ ಮಂಜೂರಾತಿ ಆಯಿನ 'ಪರ ಖಾಸಗಿ ವಲಯದ' ಲೈಸೆನ್ಸ್ ಅಡಿಟ್ ವಾಣಿಜ್ಯ ವ್ಯವಹಾರಲೆನ್ ನಡಪಾವೊಂದುಂಡು. ಈ ಕಾರಣಡ್ದಾವರ ಜಮ್ಮು ಕಾಶ್ಮೀರ ಬ್ಯಾಂಕು ಸರ್ಕಾರಿ ಪ್ರಾಯೋಜಿತ ಬ್ಯಾಂಕ್‌ಲಾ ಅಂದ್, ಕೇಂದ್ರ ಸರ್ಕಾರಗ್ ಈ ಬ್ಯಾಂಕ್‌ಡ್ ಪಾಲು ಇಜ್ಜನೆಡ್ದಾವರ, ಖಾಸಗಿ ವಲಯದ ಬ್ಯಾಂಕ್‌ಲಾ ಅಂದ್.[೩]
2025ದ ಕಡೇಟ್ ಬ್ಯಾಂಕ್‌ಗ್ 18 ರಾಜ್ಯೊಲು ಬೊಕ್ಕ 4 ಕೇಂದ್ರಾಡಳಿತ ಪ್ರದೇಶೊಲೆಡ್ ಒಟ್ಟು 1008 ಶಾಖೆಲು, 1436 ಎಟಿಎಂಲು ಬೊಕ್ಕ 'ಈಸಿ ಬ್ಯಾಂಕಿಂಗ್ ಯೂನಿಟ್ಸ್' (ಇಬಿಯು) ಪಂದ್ ಲೆಪ್ಪುನ 99 ಎಲ್ಯ ಎಲ್ಯ ಶಾಖೆಲು ಉಲ್ಲ. ಇಂದೆಟ್ 835 ಶಾಖೆಲು ಜಮ್ಮು ಬೊಕ್ಕ ಕಾಶ್ಮೀರ ಕೇಂದ್ರಾಡಳಿತ ಪ್ರದೇಶಡುಲಾ, 37 ಶಾಖೆಲು ಲಡಾಖ್ ಕೇಂದ್ರಾಡಳಿತ ಪ್ರದೇಶಡುಲಾ, ಬಾಕಿದ 136 ಶಾಖೆಲು ಬೇರೆ ಕಡೆಟ್ ಉಲ್ಲ.
ಇತಿಹಾಸ
[ಸಂಪೊಲಿಪುಲೆ]ಜಮ್ಮು ಕಾಶ್ಮೀರ ಬ್ಯಾಂಕ್‌ನ್ 1ನೇ ತಾರೀಕ್ ಅಕ್ಟೋಬರ್ 1938ನೇ ಇಸವಿಡ್ ಜಮ್ಮು ಕಾಶ್ಮೀರದ ಮಹಾರಾಜೆರಾದಿತ್ತಿನ ಮಹಾರಾಜ ಹರಿಸಿಂಗ್ ಲೆಟರ್ಸ್ ಪೇಟೆಂಟ್ (ರಾಜಾಜ್ಞೆ) ಮೂಲಕ ಸ್ಥಾಪನೆ ಮಲ್ತೆರ್. ಬ್ಯಾಂಕ್‌ದ ಸ್ಥಾಪಕ ನಿರ್ದೇಶಕೆರ ಬೊಕ್ಕ ಷೇರುದಾರೆ ಆದ್ ಸೇರರೆ ಪಾರಮಾರ ರಜಪೂತ ವಂಸೊದ ಮಹಾರಾಜರೆನ್ ಹರಿಸಿಂಗ್ ಮಹಾರಾಜೆರ್ ಲೆತ್ತೆರ್.
1947–1948ನೇ ಇಸವಿದ ಭಾರತ-ಪಾಕಿಸ್ತಾನ ಯುದ್ಧಡ್ದ್ ಬೊಕ್ಕ, ಜಮ್ಮು ಕಾಶ್ಮೀರ ಸಂಸ್ಥಾನ ರಡ್ ಬಾಗೊ ಆಂಡ್. ಇಂದೆಡ್ದಾತ್ರ, ಬ್ಯಾಂಕ್‌ದ ಒಟ್ಟು 10 ಶಾಖೆಲೆನ ಪೈಕಿ ಮುಜಫರಾಬಾದ್, ರಾವಲಕೋಟ್ ಬೊಕ್ಕ ಮಿರ್ಪುರ್ (ಇತ್ತೆ ಪಾಕಿಸ್ತಾನದ ಆಡಳಿತಡುಪ್ಪುನ ಆಜಾದ್ ಕಾಶ್ಮೀರಡು ಉಲ್ಲ) ಶಾಖೆಲು ಗಡಿ ನಿಯಂತ್ರಣ ರೇಖೆದ ಅಂಚಿದ ಪ್ರದೇಶೊಗು ಸೇರಿದ್ ಪೋಯಾ.
ಭಾರತೀಯ ಕಂಪನಿಲೆನ ಕಾಯ್ದೆ 2013ರ ಅಡಿಟ್ ಈ ಬ್ಯಾಂಕ್‌ನ್ ಸರ್ಕಾರಿ ಕಂಪನಿ ಪಂದ್ ಪುದರ್ ಉಂಡು. 1971ನೇ ಇಸವಿಡ್ ಈ ಬ್ಯಾಂಕ್‌ಗ್ 'ಷೆಡ್ಯೂಲ್ಡ್ ಬ್ಯಾಂಕ್' ಸ್ಥಾನಮಾನ ತಿಕ್ಕಂಡ್ ಬೊಕ್ಕ 1976ನೇ ಇಸವಿಡ್ ಭಾರತೀಯ ರಿಸರ್ವ್ ಬ್ಯಾಂಕ್ ಈ ಬ್ಯಾಂಕ್‌ನ್ ‘ಎ’ ಕ್ಲಾಸ್ ಬ್ಯಾಂಕ್ ಪಂದ್ ಘೋಷಣೆ ಮಲ್ತ್ಂಡ್.
ಅಂಗಸಂಸ್ಥೆಲು
[ಸಂಪೊಲಿಪುಲೆ]ಜೆ&ಕೆ ಬ್ಯಾಂಕ್ ತನ್ನ ಸಂಪೂರ್ಣ ಸ್ವಾಮ್ಯದ ಅಂಗಸಂಸ್ಥೆಯಾಯಿನ 'ಜೆಕೆಬಿ ಫೈನಾನ್ಶಿಯಲ್ ಸರ್ವಿಸಸ್ ಲಿಮಿಟೆಡ್' ಮೂಲಕ ಹೂಡಿಕೆ ಬೊಕ್ಕ ಸ್ಟಾಕ್ ಬ್ರೋಕಿಂಗ್ ಸೇವೆಲೆನ್ ಒದಗಾವೊಂದುಂಡು. ಈ ಸಂಸ್ಥೆಗ್ 12 ಶಾಖೆಲು ಉಲ್ಲ. ಇಂದೆಟ್ ಕಾಶ್ಮೀರಡು 5 ಶಾಖೆಲು, ಜಮ್ಮುಡು 6 ಶಾಖೆಲು ಬೊಕ್ಕ ಗುರಗಾಂವ್‌ಡ್ 1 ಶಾಖೆ ಉಂಡು. ಇಂದೆತ ಒಟ್ಟುಗು, ಜಮ್ಮು ಬೊಕ್ಕ ಕಾಶ್ಮೀರ ಕೇಂದ್ರಾಡಳಿತ ಪ್ರದೇಶದಾದ್ಯಂತ ಉಪ್ಪುನ 61 ಜೆ&ಕೆ ಬ್ಯಾಂಕ್ ಶಾಖೆಲೆಡ್ ಈ ಸಂಸ್ಥೆದ ವಿಬಾಗೊ ಉಂಡು.
ಪ್ರಾದೇಶಿಕ ಗ್ರಾಮೀಣ ಬ್ಯಾಂಕ್
[ಸಂಪೊಲಿಪುಲೆ]ಜೆ&ಕೆ ಬ್ಯಾಂಕ್ 'ಜಮ್ಮು ಬೊಕ್ಕ ಕಾಶ್ಮೀರ ಗ್ರಾಮೀಣ ಬ್ಯಾಂಕ್'ದ ಪ್ರಾಯೋಜಕ ಬ್ಯಾಂಕ್ ಆದ್‌ಲಾ ಕೆಲಸ ಮಲ್ಪುಂಡು. ಈ ಸಂಸ್ಥೆಡ್ ಜೆಕೆ ಬ್ಯಾಂಕ್ 35%ದಾತ್ ಪಾಲ್ ಉಂಡು. 1 ಮೇ 2025ನೇ ಇಸವಿಡ್ ತನ್ನ ವ್ಯವಹಾರನು ಸುರು ಮಲ್ತಿನ ಗ್ರಾಮೀಣ ಬ್ಯಾಂಕ್, ಲಡಾಖ್ ಕೇಂದ್ರಾಡಳಿತ ಪ್ರದೇಶದ 2 ಜಿಲ್ಲೆ ಅತ್ತಂದೆ ಜಮ್ಮು ಕಾಶ್ಮೀರ ಕೇಂದ್ರಾಡಳಿತ ಪ್ರದೇಶದ ಇಡೀ 20 ಜಿಲ್ಲೆಲೆಗ್ ತನ್ನ ಸೇವೆನ್ ಕೊರೊಂದುಂಡು.[೪]
ಉಲ್ಲೇಕ
[ಸಂಪೊಲಿಪುಲೆ]- ↑ Sharma, S. P. (2019-06-16). "Mired in controversies, J&K Bank finally comes under RTI Act". The Statesman (in ಇಂಗ್ಲಿಷ್). Retrieved 2025-01-06.
- ↑ Zargar, Safwat (2024-06-01). "RBI recommends shrinking J&K government share in Jammu and Kashmir Bank". Scroll.in (in ಇಂಗ್ಲಿಷ್). Retrieved 2026-04-01.
- ↑ Service, Statesman News (2018-12-03). "Does turning J-K Bank a PSU undermine Article 370?". The Statesman (in ಇಂಗ್ಲಿಷ್). Retrieved 2025-01-06.
- ↑ jkgb. "J&K Grameen Bank - Engendering Empowerment". www.jkgb.in. Archived from the original on 28 July 2021. Retrieved 2021-07-28.