ಜಸ್ಟೀಸ್ ಕೆ.ಎಸ್.ಹೆಗ್ಡೆ

ವಿಕಿಪೀಡಿಯರ್ದ್
Jump to navigation Jump to search
ಕೆ.ಎಸ್.ಹೆಗ್ಡೆ

ಜಸ್ಟೀಸ್ ಕೆ.ಎಸ್.ಹೆಗ್ಡೆ ಭಾರತದ ಸುಪ್ರೀಂ ಕೋರ್ಟುದ ನ್ಯಾಯಾಧೀಶರಾದ್ ಇತ್ತಿನಾರ್. ಮೆರೆನ ಅಮ್ಮೆರ್: ಕೌಡೂರು ನಾಯರ್ ಬೊಟ್ಟು ಸುಬ್ಬಯ್ಯ ಹೆಗ್ಡೆ ಅಪ್ಪೆ: ಇರ್ಮಾಡಿ ಲಿಂಗಮ್ಮ ಶೆಡ್ತಿ ಅಪ್ಪೆ ಅಮ್ಮೆರೆನ ಏಳ್ ಜನ ಜೋಕುಲೆಡ್ ಎಲ್ಯ ಮಗೆ ಆದ್ ಕಾರ್ಲ (ಕಾರ್ಕಳ)ದ ಎಲ್ಯ ಹಳ್ಳಿಯಾದುಪ್ಪುನ ಕೌಡೂರುಡು ಪುಟುದು ಬುಲೆಯೆರ್. ಕಾರ್ಲದ ಬೋರ್ಡ್ ಹೈಸ್ಕೂಲುಡು ಪ್ರೈಮರಿ ಶಾಲೆಗ್ ಪೋಯಿನ ಆರ್ ಬೊಕ್ಕ ಕುಡ್ಲದ ಕೆನರಾ ಹೈಸ್ಕೂಲುಡು, ಸೈಂಟ್ ಅಲೋಶಿಯಸ್ ಕಾಲೇಜ್ ಡ್ ಕಲ್ತೆರ್. ಅಲ್ತ್ ಡ್ದ್ ಬೊಕ್ಕ ಮದ್ರಾಸ್ ದ ಸರಕಾರಿ ಕಾನೂನು ಕಾಲೇಜಿಡ್ ಪದವಿ ದೆತೊಂದು ೧೯೩೩ಡು ಕಾರ್ಲಡ್ ನ್ಯಾಯವಾದಿ ಆಯೆರ್. ಏಳ್ ವರ್ಸೊಡ್ದು ಬೊಕ್ಕ ಕುಡ್ಲಗ್ ಬತ್ತ್ ದ್ ಪ್ರ್ಯಾಕ್ಟೀಸ್ ಮಲ್ತಿನ ಆರ್ ಪಬ್ಲಿಕ್ ಪ್ರಾಸಿಕ್ಯೂಟರ್ ಆಯೆರ್. ಐಡ್ದ್ ಬೊಕ್ಕ ೧೯೫೨ಡು ರಾಜ್ಯ ಸಭೆತ್ತ ಸದಸ್ಯೆರಾಯೆರ್. ೧೯೫೭ಡು ಮೈಸೂರು ಹೈಕೋರ್ಟುದ ನ್ಯಾಯಾಧೀಶೆರಾದ್ ನೇಮಕ ಆಯಿನೆಕ್ಕ್ ರಾಜ್ಯಸಭಾ ಸ್ಥಾನೊಗು ರಾಜಿ ಕೊರಿಯೆರ್. ೧೯೬೭ಡ್ ಭಾರತದ ಸರ್ವೋಚ್ಚ ನ್ಯಾಯಾಲಯದ ನ್ಯಾಯಾಧೀಶೆರಾದ್ ನೇಮಕ ಆಯಿನ ಕೆ.ಎಸ್. ಹೆಗ್ಗಡ್ರ್ ೧೯೭೩ಡು ಅಪಗದ ಸರಕಾರ ಸೇವಾ ಹಿರಿಯಾದಿಗೆನ್ ಮದತ್ತಿನೆಕ್ಕ್ ಪ್ರತಿಭಟನೆಯಾದ್ ರಾಜಿ ಕೊರಿಯೆರ್. ಮೆರೆನ ಒಟ್ಟಿಗೆನೇ ಒರಿನ ರಡ್ಡ್ ಜನ ನ್ಯಾಯಾಧೀಶೆರ್ನಕುಲುಲಾ ರಾಜಿ ಕೊರ್ನವು ಮಲ್ಲ ಸುದ್ಧಿಯಾದಿತ್ತ್ಂಡ್. ಭಾರತೀಯ ಜನತಾ ಪಕ್ಷದ ಸಂಸದೆ ಆದ್, ಲೋಕಸಭೆಡ್ ಸ್ಪೀಕರ್ ಆದ್ ಬೆಂದಿನಾರ್ ಕೌಡೂರು ಸದಾನಂದ ಹೆಗ್ಡೆರ್. ಬೊಕ್ಕ ಊರುಡು ನಿಟ್ಟೆ ವಿದ್ಯಾ ಸಂಸ್ಥೆ ಸ್ಥಾಪನೆಗ್ ಕಾರಣ ಆಯೆರ್.

ಉಲ್ಲೇಕೊ[ಸಂಪೊಲಿಪುಲೆ]