ಜಾರ್ಜಿಯಾ
ಜಾರ್ಜಿಯಾ ಪೂರ್ವ ಯುರೋಪ್ ಬೊಕ್ಕ ಪಶ್ಚಿಮ ಏಷ್ಯಾಡ್ ಪಗರ್ದ್ ಇಪ್ಪುನ ಒಂಜಿ ಖಂಡಾಂತರ ದೇಶ.[1] ಪಡ್ಡಾಯಿಡ್ ಕಪ್ಪು ಸಮುದ್ರ, ಬಡಕಾಯಿ ಬೊಕ್ಕ ಈಶಾನ್ಯೊಡು ರಷ್ಯಾ, ನೈಋತ್ಯೊಡು ಟರ್ಕಿ, ದಕ್ಷಿಣೊಡು ಅರ್ಮೇನಿಯಾ, ಬೊಕ್ಕ ಆಗ್ನೇಯೊಡು ಅಝರ್ ಬೈಜಾನ್‌ದ ಒಟ್ಟುಗು ಜಾರ್ಜಿಯಾ ತನ್ನ ಸೀಮೆನ್ ಪಟ್ಟೊಂದುಂಡು. ಜಾರ್ಜಿಯಾ ದೇಸೊದ ಇಸ್ತೀರ್ನೊ ಒಟ್ಟು 69,700 ಚದರ ಕಿಲೋಮೀಟರ್ (26,900 ಚದರ ಮೈಲ್). ಮುಲ್ಪದ ಜನಸಂಖ್ಯೆ 3.7 ಮಿಲಿಯನ್. ಈ ದೇಸೊದ ರಾಜಧಾನಿ ಟಿಬಿಲಿಸಿ. ಇಸ್ತೀರ್ನೊದ ಲೆಕ್ಕೊಡು ಜಗತ್‌ಡ್ ೧೧೯ನೇ ಸ್ತಾನೊಡು ಉಂಡು, ಅಂಚನೆ ಜನಸಂಖ್ಯೆದ ಲೆಕ್ಕೊಡು ೧೨೬ನೇ ಸ್ತಾನೊಡು ಜಾರ್ಜಿಯಾ ಉಂಡು. ಈ ದೇಸೊದ ಅಧೀಕೃತ ಬಾಸೆ ಜಾರ್ಜಿಯನ್. ಜಾರ್ಜಿಯನ್ ಜನೊಕುಲು ಈ ದೇಸೊದ ಮೂಲ ನಿವಾಸಿಲು ಅತ್ತಂದೆ, ಬಹುಸಂಖ್ಯಾತೆರ್. ಒಟ್ಟು ಜನಸಂಖ್ಯೆಡ್ ಅಂದಾಜಿ ೮೬% ದಾತ್ ಜಾರ್ಜಿಯನ್ ಜನೊಕುಲು ಮುಲ್ಪ ಉಲ್ಲೆರ್.
ಜಾರ್ಜಿಯಾಡ್ ಇತಿಯಾಸ ಪೂರ್ವೊಡ್ದುಲಾ ನರಮಾನಿಲು ಉಪ್ಪೆರೆ ಸುರು ಮಲ್ತ್‌ದೆರ್. ಜಾರ್ಜಿಯಾ ವೈನ್ ತಯಾರ್ ಮಲ್ಪುನೆಟ್ ಪುಗರ್ತೆ ದೆತೊಂದಿನ ದೇಸ. ಪಿರಾಕ್ದ ಕಾಲೊಡು ಕೋಲ್ಕಿಸ್ ಬೊಕ್ಕ ಐಬೇರಿಯಾ ಪನ್ಪಿನ ಎಲ್ಯ ರಾಜ್ಯೊಲು ಸುರು ಆಯ. ಉಂದೇ ಇತ್ತೆದ ಜಾರ್ಜಿಯಾ ದೇಶೊಗು ಮೂಲು ಆಂಡ್. ನಾಲನೇ ಶತಮಾನೊದ ಸುರುಕು ಜಾರ್ಜಿಯಾಡ್ ಕ್ರಿಶ್ಚಿಯನ್ ಧರ್ಮೊ ಪರಡರ ಸುರು ಆದಿತ್ಂಡ್. ಮಧ್ಯಯುಗೊತ್ತ ಪೊರ್ತುಡು 'ಡೇವಿಡ್ IV' ಬೊಕ್ಕ 'ರಾಣಿ ತಮಾರ್'- ಮೊಕ್ಲೆನ ಆಡಳಿತೊಡು ಜಾರ್ಜಿಯಾ ಎಡ್ಡೆ ಬುಲೆಚಿಲ್‌ಡ್ ಇತ್ತ್ಂಡ್.[2] ೧೫ನೇ ಶತಮಾನೊಡ್ದು ಬೊಕ್ಕ ಮಂಗೋಲೆರ್, ಒಟ್ಟೊಮನ್ ಸಾಮ್ರಾಜ್ಯ ಬೊಕ್ಕ ಪರ್ಷಿಯಾದ ಆಕ್ರಮಣಡ್ದಾವರ ಈ ರಾಜ್ಯೊಗು ತೊಂದರೆ ಸುರು ಆಂಡ್. ಜಾರ್ಜಿಯಾ ರಷ್ಯನ್ ಸಾಮ್ರಾಜ್ಯೊಡ್ದು ಸಾಯೊ ಕೇಂಡ್. ರಷ್ಯಾ ಸಾಯ ಮಲ್ತ್ಂಡ್.
ಜಾರ್ಜಿಯಾಡ್ ಏಕೀಕೃತ ಸಂಸದೀಯ ಗಣರಾಜ್ಯೊದ ರೂಪೊದ ಪ್ರಜಾಪ್ರಭುತ್ವ ಸರ್ಕಾರ ಉಂಡು. ಜಾರ್ಜಿಯಾ ಅಭಿವೃದ್ಧಿ ಪಡೆಯಿನ ದೇಶ. ಮಾನವ ಅಭಿವೃದ್ಧಿ ಸೂಚ್ಯಂಕೊಡು 60ನೇ ಸ್ಥಾನೊಡು ಉಂಡು. ಗಾಂಜಾನ್ ಕಾನೂನುಬದ್ಧ ಮಲ್ತಿನ ಜಗತ್ತ್ ದ ರಡ್ಡನೆ ದೇಶಲಾ ಅಂದ್. ಜಾರ್ಜಿಯಾ ಯುರೋಪ್ ಕೌನ್ಸಿಲ್, ಯುರೋಕಂಟ್ರೋಲ್, ಬಿಎಸ್ಇಸಿ, ಜಿಯುಎಎಂ, ಎನರ್ಜಿ ಕಮ್ಯುನಿಟಿ ಅತ್ತಂದೆ ಬೇತೆ ಅಂತರರಾಷ್ಟ್ರೀಯ ಸಂಸ್ಥೆಲೆನ ಸದಸ್ಯೆ ಆದುಂಡು.[3][4]
ಉಲ್ಲೇಕೊಲು
[ಸಂಪೊಲಿಪುಲೆ]- ↑ Encyclopedia Britannica", Caucasus Archived 4 ಮೇ 2020 at the Wayback Machine, June 2021: "One widely accepted scheme draws the dividing line along the crest of the Greater Caucasus range, putting the portion of the region north of the line in Europe and the portion south of it in Asia. Another puts the western portion of the Caucasus region in Europe and the eastern part (the bulk of Azerbaijan and small portions of Armenia, Georgia, and Russia's Caspian Sea coast) in Asia..."
- ↑ "'World's oldest wine' found in 8,000-year-old jars in Georgia". BBC News. 13 November 2017. Archived from the original on 14 November 2017. Retrieved 8 October 2023.
- ↑ "Constitution of Georgia". The Legislative Herald of Georgia. 29 June 2020. Article 1.1, 7.2, 45, 52 and 54. Archived from the original on 27 October 2023. Retrieved 2022-03-25.
- ↑ "Consolidating Parliamentary Democracy in Georgia". UNDP Georgia. Archived from the original on 19 June 2021. Retrieved 2022-03-25.