ಜೀಯಾಂಗ್ಸೂ

ಜಿಯಾಂಗ್ಸು - ಚೀನಾದ ಪೂರ್ವ ಕರಾವಳಿಡ್ ಉಪ್ಪುನ ಒಂಜಿ ಪ್ರಾಂತ್ಯ. ಉಂದೆತ ಗಡಿ ಬಡಕಾಯಿಡ್ ಷಾನ್ ಟಂಗ್, ದಕ್ಷಿಣೊಡು ಜಜೀಯಾಂಗ್, ಬೊಕ್ಕ ಪಡ್ಡಾಯಿಡ್ ಆನ್ ಹ್ವೇ, ಮೂಡಾಯಿಡ್ ಹಳದಿ ಸಮುದ್ರ ಉಂಡು. ಉಂದು ಚೀನಾದ ಎಲ್ಯ ಪ್ರಾಂತ್ಯೊಲೆಡ್ ಒಂಜಿ, ಉಂದು40,927 ಚದರ ಮೈಲ್ ವಿಸ್ತೀರ್ಣೊಡು ಉಂಡು. ಆಂಡಲಾ, ಉಂದು ಮಸ್ತ್ ಜನಸಂಖ್ಯೆ ಉಪ್ಪುನ ಪ್ರಾಂತ್ಯೊಲೆಡ್ ಒಂಜಿ. ಜನಸಂಖ್ಯೆ 470,000 (1968 ಅಂದಾಜಿ). ರಾಜಧಾನಿ ನಂಜಿಂಗ್.

ಭೌಗೋಳಿಕ ಮಾಹಿತಿ

ಪ್ರಾಂತ್ಯೊದ ನೈಋತ್ಯ ಬೊಕ್ಕ ಉತ್ತರ ಭಾಗೊಡು ಮಾತ್ರ ತಗ್ಗ್ ದ ಗುಡ್ಡೆಲು ಉಂಡು. ಒಂದಿನ ಪ್ರದೇಶ ಯಾಂಗ್ ಟ್ಸೀ, ಹ್ವೈಹೊ , ಬೊಕ್ಕ ಹಳದಿ ತುದೆಕ್ಲೆನ ಬರಿಟ್ ಜವುಗು ಭೂಮಿ, ಬೊಕ್ಕ ಉತ್ತರ ಚೀನಾ ಬಯಲುದ ವಿಸ್ತರಣೆ. ಇಡೀ ಕರಾವಳಿ ಪ್ರದೇಶ ಮಸ್ತ್ ಮಟ್ಟ್ ಡ್ ಜನವಸತಿ ಇಜ್ಜಂದಿನವು. ಸಮುದ್ರ ಕರೆಟ್ ಒಟ್ಟು ಆಪಿನ ಮಣ್ಣ್ ಬೊಕ್ಕ ಪೊಯ್ಯೇಡ್ ಜಲಯಾನೊಗು ಅಡೆತಡೆ ಆಪುಂಡು. ಪ್ರಾಂತ್ಯದ.ರಡ್ಡ್ ನಗರೊಲು ಷಾಂಗ್ ಹೈ ಬೊಕ್ಕ ನ್ಯಾನ್ ಕಿಂಗ್ ಪನ್ಪಿನ ಪ್ರಾಂತ್ಯೊದ ನಡುಟೆ ಸಂಪರ್ಕ ಮಲ್ಪುನ ತುದೆ ಯಾಂಗ್ ಟ್ಸೀ .ಷಾಂಗ್‌ಹೈ ಈ ಸುದೆತ ಮುಖ್ಯ ಭೂಮಿದ ಮಿತ್ತ್, ಬೊಕ್ಕ ನ್ಯಾನ್ ಕಿಂಗ್ ೨೪೦ ಕಿ.ಮೀ ದೂರೊಡು ಪಶ್ಚಿಮೊಗು, ಪ್ರಾಂತೀಯ ಗಡಿಟ್ ಉಂಡು.

ಹಳದಿ ಸುದೆತ ಮಸ್ತ್ ಪಿರಾಕ್ದ ಚಾನಲ್ ಲು ಉತ್ತರ ಜಿಯಾಂಗ್ಸುನು ಬೇದಿಸಿಂಡ್. ೧೯೪೬ಡ್ದ್ ಬೊಕ್ಕ, ಸುದೆನ್ ಶಾಂಡೊಂಗ್ ದ ಉತ್ತರೊಗು ಬದಲಾವಣೆ ಮಲ್ತೆರ್. ಹಳದಿ ಸುದೆ ಬೊಕ್ಕ ಯಾಂಗ್ ಟ್ಸೀ ಸುದೆತ ನಡುಟು ಇಪ್ಪುನ ಆನ್ ಹ್ವೋ ಪ್ರಾಂತ್ಯೊದ ನೀರ್ ಹ್ಯಿಹೆ ನದಿಡ್ದ್ ಜಿಯಾಂಗ್ಸುದ ಪಶ್ಚಿಮ ಗಡಿಟ್ ಉಪ್ಪುನ ಹುವಾಂಗ್ಶಿ ಕೆರೆಕ್ ಪೋಪುಂಡು. ದುಂಬು, ಹಳದಿ ತುದೆ ಪ್ರವಾಹೊಡು ಇತ್ತಿನಗ, ಉಂದು ತುಂಬುದು ಹುವಾಯಿಹೆ ನದಿಗ್ ಸೇರುಂಡು, ಅಪಗ ಉಂದು ಗ್ರೇಟ್ ಕ್ಯಾನಲ್ ಮೂಲಕ ಯಾಂಗ್ಜಿ ಸುದೆಕ್ ಸೇರುಂಡು. ೭ನೇ ಶತಮಾನೊಡು ನಿರ್ಮಾಣ ಆಯಿನ ಈ ಕಾಲುವೆ ಪ್ರಾಂತ್ಯೊದ ಇಡೀ ಉದ್ದೊಗು ಪೋಪುಂಡು. ಈ ಪ್ರಾಂತ್ಯೊಡು ಬಾರೀ ಮಲ್ಲ ಕೆರೆ ತೈಹು. ಜಿಯಾಂಗ್ಸು ಪ್ರಾಂತ್ಯೊಡು ಮಸ್ತ್ ನದಿಲು ಬೊಕ್ಕ ಕಾಲುವೆಲು ಉಂಡು. ಉತ್ತರ ಜಿಯಾಂಗ್ಸುಡ್ ಮುಖ್ಯ ನೀರಾವರಿ ಕಾಲುವೆ ಸು-ಪೀ. ಹುವಾಂಗ್ಶಿ ನದಿಡ್ದ್ ಬರ್ಪಿನ ಹುವಾಯಿಹೆ ಸುದೆತ್ತ ನೀರ್ನ್ ಬಳಕೆ ಮಲ್ಪೆರೆ ಉಂದೆನ್ ನಿರ್ಮಾಣ ಮಲ್ತೆರ್. ಸುದೆತ ಪ್ರವಾಹೊನು ನಿಯಂತ್ರಣ ಮಲ್ಪೆರೆ ಬೊಕ್ಕ ನೀರಾವರಿ ಉದ್ದೇಶೊಗು ಮಸ್ತ್ ಯೋಜನೆಲೆನ್ ಕೈಗೊಂಡಿತ್ತೆರ್.

ಸಾರಿಗೆ ಸಂಪರ್ಕ

ಶಾಂಘೈಡ್ ವಾಂಗ್ ಪೊಕಿಯಾಂಗ್ ಸುದೆತ ಪ್ರವಾಹೊನು ನಿಯಂತ್ರಣ ಮಲ್ಪೆರೆ ದಕ್ಷಿಣೊಡು ತೋಡುನ 56 ಕಿ.ಮೀ ಉದ್ದೊದ ಕಾಲುವೆ ದೋಣಿಡ್ ಸಂಚಾರ ಮಲ್ಪೆರೆ ಎಡ್ಡೆ. ಉಂದು ತೈಹು ಕೆರೆಕ್ ಸಂಪರ್ಕ ಮಲ್ಪುಂಡು. ಉತ್ತರೊಡು ಕ್ಸಿನ್ಹೈಲಿನ್ ಬೊಕ್ಕ ಸುಝೌ ನಡುಟು ಪೂರ್ವೊಡ್ದ್ ಪಶ್ಚಿಮೊಗು ಪೋಪಿನ ಲುಂಗ್-ಹೈ ರೈಲ್ವೆ ಜಿಯಾಂಗ್ಸು ಮೂಲಕ ಪೋಪುಂಡು. ಪಡ್ಡಾಯಿಡ್ ಶಾಂಘೈಡ್ದ್ ನಂಜಿಂಗ್ ಬೊಕ್ಕ ನೈಋತ್ಯೊಡು ಹಾಂಗ್ಝೌ ಮುಟ್ಟ ರೈಲ್ವೆಲು ಉಂಡು. ಜಿಯಾಂಗ್ಸುಡ್ ರಸ್ತೆಲೆಡ್ದ್ ಕಾಲುವೆಲು ಮುಖ್ಯ. ಆಂಡಲಾ, ಜಲಮಾರ್ಗೊಲು ಮಸ್ತ್ ಇಜ್ಜಿ.

ಹವಾಗುಣ

ಹಂಗ್-ಟ್ಸಿ ಹು ಡ್ದ್ ಉತ್ತರೊಗು, ಜಿಯಾಂಗ್ಸುದ ಹವಾಮಾನ ಉತ್ತರ ಚೀನಾ ಬಯಲುದ ಹವಾಮಾನೊಗು ಹೋಲಿಕೆ ಆಪುಂಡು. 25"-30". ಚಳಿಗಾಲೊಲು ತೀವ್ರವಾದುಂಡು. ಹುವಾಯ್ ಹೋ ನದಿ ಉತ್ತರ ಬೊಕ್ಕ ದಕ್ಷಿಣ ಚೀನಾದ ಹವಾಮಾನೊಲೆನ ನಡುಟು ಸರಿಸುಮಾರು ವಿಭಜನಾ ರೇಖೆ. ಕೆಳ ಯಾಂಗ್ಜಿ ನದಿ ಪ್ರದೇಶೊಡು ಮಳೆ 42"-45". ಜನವರಿಡ್ ಸರಾಸರಿ ಉಷ್ಣಾಂಶ 1.0°C-1.70°C ಉಪ್ಪುಂಡು. ಇಡೀ ಪ್ರಾಂತ್ಯೊಡು ಬೇಸ ಋತುಡು ಮಸ್ತ್ ಒಣಸ್ ಉಪ್ಪುಂಡು. ಅಪಗ ಆರ್ದ್ರತೆಲಾ ಎಚ್ಚ ಉಪ್ಪುಂಡು.

ಕೃಷಿ, ಉದ್ಯಮ |

ಬಡಕಾಯಿಡ್ ಚಳಿಗಾಲದ ಗೋಧಿ ಬೊಕ್ಕ ಬೇಸದ ಬಾರ್ಲಿ ಬುಳೆಪುಂಡು. ಬೇತೆ ಬೇಸಿಗೆದ ಬುಳೆಕುಲು ಪರ್ತಿ, ಜೋಳ, ಮೆಕ್ಕೆಜೋಳ, ಬೊಕ್ಕ ಬಟಾಟೆ. ಕೆಳ ಯಾಂಗ್ಜಿ ಬಯಲುಡು, ಚಳಿಗಾಲದ ಗೋಧಿ ಬೊಕ್ಕ ಬಾರ್ಲಿನ್ ಬುಳೆಪಾವೆರ್, ಬೇಸಿಗೆದ ಅರಿ, ಪರ್ತಿ, ಸೋಯಾಬಿನ್ ಬೊಕ್ಕ ಉಪ್ಪುದ ಪೀಟರ್ ನ್ ಲಾ ಬುಳೆಪಾವೆರ್. ಯಾಂಗ್ಜಿ ನದಿ ಡೆಲ್ಟಾಡ್ ಪರ್ತ್ತಿ ಮುಖ್ಯ ಬುಳೆ. ಶಾಂಘೈ ಬೊಕ್ಕ ತೈ ಕೆರೆತ ನಡುತ ಪ್ರದೇಶೊಡು ಸಾಲ್ಟ್ ಪೀಟರ್ ನ್ ಮುಖ್ಯವಾದ್ ಬುಳೆಪಾವೆರ್. ಜಿಯಾಂಗ್ಸು ಚೀನಾದ ಒಟ್ಟು ಅರಿ ಬೊಕ್ಕ ಗೋಧಿ ಉತ್ಪಾದನೆಡ್ ಸುಮಾರ್ 10 ಶೇಕಡಾ ಬೊಕ್ಕ ಪರ್ತಿದ ಸುಮಾರ್ 20 ಶೇಕಡಾ ಉತ್ಪಾದನೆ ಮಲ್ಪುಂಡು. ಶಾಂಘೈ, ವುಕ್ಸಿ, ಬೊಕ್ಕ ಸುಝೌ ಡ್ ರೇಷ್ಮೆ ನೂಲುನ ಕಾರ್ಖಾನೆಲೆಗ್ ರೇಷ್ಮೆ ಉತ್ಪಾದನೆ ಮಲ್ಪೆರೆ ರೇಷ್ಮೆ ಹುಳುಲೆನ್ ಬಳಸುವೆರ್. ಮುಲ್ಪ ಬುಳೆಯಿನ ಪರ್ತಿನ್ ಶಾಂಘೈಡ್ ಪರ್ತಿದ ಜವಳಿ ಗಿರಣಿಲೆಗ್ ಸರಬರಾಜು ಮಲ್ಪೆರೆ ಉಪಯೋಗ ಮಲ್ಪುವೆರ್. ಜಿಯಾಂಗ್ಸುದ ಉತ್ತರ ಕರಾವಳಿ ಪ್ರದೇಶೊಡು ಉಪ್ಪು ಉತ್ಪಾದನೆ ಮುಖ್ಯ ಉದ್ಯಮ ಆದುಂಡು, ಬೊಕ್ಕ ಕೆರೆಕುಲೆಡ್, ನದಿಲೆಡ್ ಬೊಕ್ಕ ಕಾಲುವೆಲೆಡ್ ಮೀನುಗಾರಿಕೆ ಮಲ್ಪುವೆರ್. ಯಾಂಗ್ಜಿದ ಉತ್ತರೊಡು, ಪಂಜಿಲು, ಕೈಕಂಜಿಲು ಬೊಕ್ಕ ಬಾತುಕೋಳಿಲೆನ್ ಬುಲೆಪಾವೆರ್.

ಈ ಪ್ರದೇಶೊಡು ಖನಿಜ ಸಂಪನ್ಮೂಲೊಲು ಸಮೃದ್ಧವಾಯಿನವು ಅತ್ತ್, ದಾಯೆ ಪಂಡ ಉಂದು ಸುದೆಡ್ದ್ ದೆಕ್ಕ್ ನ ಮಣ್ಣ್ ಡ್ದ್ ಮಲ್ಪುನವು. ಆಂಡಲಾ, ಅಯಿತ ಯುದ್ಧತಂತ್ರದ ಮಹತ್ವೊಗು ಕಾರಣವಾದ್, ಚೀನಾದ ಅರ್ಧೊಡ್ದ್ ಜಾಸ್ತಿ ವ್ಯಾಪಾರೊನು ಈ ಪ್ರಾಂತ್ಯೊ ನಿಯಂತ್ರಣ ಮಲ್ಪುಂಡು. ಉಂದು ಒಂಜಿ ಕೈಗಾರಿಕಾ ಕೇಂದ್ರ.

ನಗರೊಲು

ಜಿಯಾಂಗ್ಸುಡ್ ಕೆಲವು ಮಲ್ಲ ನಗರೊಲು ಉಂಡು. ಶಾಂಘೈ ಜಿಯಾಂಗ್ಸುಡ್ದ್ ರಾಜಕೀಯವಾದ್ ಪ್ರತ್ಯೇಕವಾದುಂಡು. ಜಿಯಾಂಗ್ಸು ರಾಜಧಾನಿ ನಂಜಿಂಗ್. ಬೇತೆ ಪ್ರಮುಖ ನಗರೊಲು ಸುಝೌ, ವುಕ್ಸಿ, ಬೊಕ್ಕ ಚಾಂಗ್ಝೌ. ಈ ನಗರೊಲು ಯಾಂಗ್ಜಿ ನದಿತ ದಕ್ಷಿಣೊಡು ಉಂಡು ಬೊಕ್ಕ ನಂಜಿಂಗ್-ಶಾಂಘೈ ರೈಲ್ವೆಡ್ ಉಂಡು. ಯಾಂಗ್ಜಿ ಬೊಕ್ಕ ಚೆನ್ಕಿಯಾಂಗ್ ಯಾಂಗ್ಜಿ ನದಿತ ಉತ್ತರ-ದಕ್ಷಿಣ ದ್ವಾರೊಲೆನಲೆಕ ಉಂಡು.

ಚರಿತ್ರೆ

ಈ ಪ್ರಾಂತ್ಯ ಐತಿಹಾಸಿಕವಾದ್ ಮುಖ್ಯವಾಯಿನವು. ದುಂಬುದ ಕಾಲೊಡು ಉಂದು ವು ಬೊಕ್ಕ ಝೌ ರಾಜವಂಶೊಲೆನ ಭಾಗವಾದಿತ್ತ್ಂಡ್. ವು ರಾಜವಂಶೊದ ನಂತರದ ರಾಜವಂಶೊಲೆನ ಕಾಲೊಡು, ಈ ಪ್ರದೇಶೊ ಮಲ್ಲ ಪ್ರಾಂತ್ಯೊಲೆನ ಭಾಗವಾದಿತ್ತ್ಂಡ್. ೧೬೬೭ ಮುಟ್ಟ ಉಂದೆಕ್ ಪ್ರತ್ಯೇಕ ಪ್ರಾಂತೀಯ ಸ್ಥಾನಮಾನ ಇಜ್ಜಿ. ಆರು ರಾಜವಂಶೊಲೆನ ಕಾಲೊಡು ನಂಜಿಂಗ್ ರಾಷ್ಟ್ರೀಯ ಸರ್ಕಾರೊದ ಕೇಂದ್ರ ಆದಿತ್ತ್ಂಡ್. ೧೩೬೮ಡ್ ಮಿಂಗ್ ರಾಜವಂಶದ ರಾಜಧಾನಿ ಆಂಡ್. ಉಂದು ೧೯೧೧ಡ್ ತಾತ್ಕಾಲಿಕವಾದ್ ರಾಷ್ಟ್ರೀಯ ರಾಜಧಾನಿ ಆದಿತ್ತ್ಂಡ್, ಮತ್ತೆ ೧೯೨೮-೩೭ ಬೊಕ್ಕ ೧೯೪೫-೪೯ಡ್. ೧೯೪೯ಡ್ ಕಮ್ಯುನಿಸ್ಟ್ ಲು ಚೀನಾದ ರಾಜಧಾನಿನ್ ನಂಜಿಂಗ್ ಡ್ದ್ ಪೀಕಿಂಗ್ ಗ್ ವರ್ಗಾವಣೆ ಮಲ್ತೆರ್. ಪ್ರಾಂತೀಯ ರಾಜಧಾನಿನ್ ಚೆನ್ಚೆಂಗ್ ಡ್ದ್ ನಂಜಿಂಗ್ ಗ್ ವರ್ಗಾವಣೆ ಮಲ್ತೆರ್. ಯಾಂಗ್ಜಿ ದ ಉತ್ತರೊಡು ಮ್ಯಾಂಡರಿನ್ ಭಾಷೆನ್ ಪಾತೆರುವೆರ್, ನಂಜಿಂಗ್ ಪ್ರದೇಶೊಡು ಯಾಂಗ್ಜಿ ದ ದಕ್ಷಿಣೊಡು ದಕ್ಷಿಣ ಮ್ಯಾಂಡರಿನ್ ಭಾಷೆನ್ ಪಾತೆರುವೆರ್, ಬೊಕ್ಕ ಪೂರ್ವೊಡು ಮಾವೊ ಪರ್ವತೊಲೆಡ್ದ್ ಕರಾವಳಿ ಮುಟ್ಟ ಸಾಂಗ್-ಚಿಯಾಂಗ್ ಅತ್ತ್ಂಡ ವು ಭಾಷೆಲೆನ್ ಪಾತೆರುವೆರ್.

ಶಿಕ್ಷಣ

ಚೀನಾಡ್ ಸಂಶೋಧನೆ ಬುಕ್ಕ ಶಿಕ್ಷಣೊಡು ಜಿಯಾಂಗ್ಸು ಪ್ರಮುಖ ಪ್ರಾಂತ್ಯೊಲೆಡ್ ಒಂಜಿ.2022 ತ್ ಪೊರ್ತುಗು, ಜಿಯಾಂಗ್ಸು 168 ಮಲ್ಲ ಶಿಕ್ಷಣ ಸಂಸ್ಥೆಲೆನ್ ಆಯೋಜನೆ ಮಲ್ತಿಂಡ್., ಉಂದು ಮಾತಾ ಚೀನೀ ಪ್ರಾಂತ್ಯೊಲೆಡ್ ಸುರುತ ಸ್ಥಾನಡ್ ಉಂಡು. ಜಿಯಾಂಗ್ಸುಡು ಸುಮಾರ್ ಎಡ್ಡೆ ಶಿಕ್ಷಣ ಸಂಸ್ಥೆಲು ಉಂಡು ಹೊಂದಿದೆ,ಐತ 16 ವಿಶ್ವವಿದ್ಯಾಲಯ ಡಬಲ್ ಫಸ್ಟ್-ಕ್ಲಾಸ್ ಕನ್ಸ್ಟ್ರಕ್ಷನ್‌ಡ್ ಪಟ್ಟಿ ಮಲ್ತ್ ದೇರ್ ಉಂಡು, ಬೀಜಿಂಗ್ ರಡ್ಡನೇ ಸ್ಥಾನಡ್ ಉಂಡು. 2025ತ ಪೊರ್ತುಗು , ಜಿಯಾಂಗ್ಸುದ ಆಜಿ ಪ್ರಮುಖ ನಗರಲು ಪ್ರಕೃತಿ ಸೂಚ್ಯಂಕರ್ದ್ ಟ್ರ್ಯಾಕ್ ಮಲ್ತ್ ನ ವೈಜ್ಞಾನಿಕ ಸಂಶೋಧನಾ ಔಟ್‌ಪುಟ್‌ರ್ದ್ ಲೋಕೊದ ಅಗ್ರ 200 (ನಾನ್‌ಜಿಂಗ್ 5 ನೇ, ಸುಝೌ 33 ನೇ, ಝೆನ್‌ಜಿಯಾಂಗ್ 98 ನೇ, ಯಾಂಗ್‌ಝೌ 118 ನೇ, ವುಕ್ಸಿ 161 ನೇ ಬುಕ್ಕ ಗ್‌ಝೌ 173 ನೇ) ನಗರಲೆಡ್ ಸ್ಥಾನ ಪಡೆತ್ಂಡ್.