ಜೆಟ್ ಲಿ

ಜೆಟ್ ಲಿ

ಜೆಟ್ ಲಿ (ಅರೆನ ಜನನ ೨೬ ಏಪ್ರಿಲ್ ೧೯೬೩),ಲಿ ಲಿಯಾಂಜಿ, ಪಂಡ್ದ್ ಪುದರ್ ಪೋಯಿನ, ಒರಿ ಚೀನಿ ಚಿತ್ರ ನಟೆ, ನಿರ್ಮಾಪಕೆ,ಸಮರ ಕಲಾವಿದೆ ಬುಕ್ಕೊ್ಕ ನಿವೃತ್ತ 'ವುಶು' ಮಾಸ್ಟರ್ . ಆರ್ ಸಿಂಗಾಪುರ್ ದ ಒರಿ ನಾಗರಿಕೆರ್

ವೃತ್ತಿ ಜೀವನ

ವು ಬಿನ್ ನ ಅಡಿಟ್ ಮೂಜಿ ವರ್ಷದ ಶ್ರದ್ಧೆದ ತರಬೇತಿದ ನಂತರ, ಜೆಟ್ ಲಿ ಬೀಜಿಂಗ್ ವುಶು ತಂಡೊಗು ರಾಷ್ಟ್ರೀಯ ಚಾಂಪಿಯನ್ ಶಿಪ್ ಗೆಂದಿಯೆರ್. ಆರ್ 19 ವರ್ಸೊದ ಪ್ರಾಯೊಡು ವುಶುಡ್ದ್ ನಿವೃತ್ತರಾದ್ ಚಿತ್ರರಂಗೊಗು ಸೇರ್ದೆರ್. ಅರೆನ ಸುರುತ ಸಿನಿಮಾ ಶಾವೊಲಿನ್ ಟೆಂಪಲ್ (೧೯೮೨) . ಝಾಂಗ್ ಯಿಮೌ ನಿರ್ದೇಶನದ ೨೦೦೧ ಚಿತ್ರ ಹೀರೋ ಬುಕ್ಕೊ್ಕ ಒನ್ಸ್ ಅಪಾನ್ ಎ ಟೈಮ್ ಇನ್ ಚೀನಾ ಸರಣಿಡ್ ವಾಂಗ್ ಫಾ-ಹುಂಗ್ ಪನ್ಪಿನ ಜಾನಪದ ನಾಯಕನ ಪಾತ್ರೊಡು ಆರ್ ಮಸ್ತ್ ಪುದರ್ ಪಡೆಯೆರ್. ಸಮರ ಕಲೆನ್ ತೋಜಾವುನ ಕೆಲವು ಸಿನಿಮಾಲೆಡ್ ಆರ್ ನಟನೆ ಮಲ್ತೆರ್. 'ಲಿ' ನ ಸುರುತ ಚೀನೀ ಅತ್ತ್ ನ ಸಿನಿಮಾ 1998 ಡ್ ಬತ್ತಿನ ದಿ ಲಾಸ್ಟ್ ವೆಪನ್ 4 ಸಿನಿಮಾ, ಅಯಿಟ್ ಆರ್ ಖಳನಾಯಕೆರೆನ ಪಾತ್ರೊನ್ ಮಲ್ತೆರ್. ಅರೆನ ಸುರುತ ಹಾಲಿವುಡ್ ಸಿನಿಮಾಡ್ ಮುಖ್ಯ ಪಾತ್ರೊಡು ನಟನೆ ಮಲ್ತೆರ್ ರೋಮಿಯೋ ಮಸ್ಟ್ ಡೈ (೨೦೦೧, ಹಾನ್ ಸಿಂಗ್ ನ ಪಾತ್ರ). ಆರ್ ಮಸ್ತ್ ಆಕ್ಷನ್ ಸಿನಿಮಾಲೆಡ್ ನಟನೆ ಮಲ್ತೆರ್.. ಕಿಸ್ ಆಫ್ ದ ಡ್ರ್ಯಾಗನ್ ಬುಕ್ಕೊ್ಕ ಅನ್ ಲೀಶ್ಡ್ ಪನ್ಪಿನ ಫ್ರೆಂಚ್ ಸಿನಿಮಾಲೆಡ್ ಲಾ ಆರ್ ನಟನೆ ಮಲ್ತೆರ್. ಜಾಕಿ ಚಾನ್ ನೊಟ್ಟುಗು ದಿ ಒನ್ (೨೦೦೧) ಡ್ ನಟನೆ ಮಲ್ತೆರ್, ದಿ ಫಾರ್ಬಿಡೆನ್ ಕಿಂಗ್ ಡಮ್ (೨೦೦೮) ಡ್ ನಟನೆ ಮಲ್ತೆರ್, ಸಿಲ್ವೆಸ್ಟರ್ ಸ್ಟಾಲೋನ್ ಚಿತ್ರ ದಿ ಎಕ್ಸ್ಪೆಂಡೆಬಲ್ಸ್ ಡ್ ನಟನೆ ಮಲ್ತೆರ್, ಬುಕ್ಕೊ್ಕ ದಿ ಮಮ್ಮಿ: ಟಾಂಬ್ ಆಫ್ ದಿ ಡ್ರ್ಯಾಗನ್ ಎಂಪರರ್ (೨೦೦೮) ಆರ್ ಸಿನಿಮಾಡ್ ಮುಖ್ಯ ಖಳನಾಯಕನ ಪಾತ್ರೊನ್ ಲಾ ಮಲ್ತೆರ್.