ಜ್ಯೋತಿಲಕ್ಷ್ಮಿ (ನಟಿ)

ಜ್ಯೋತಿಲಕ್ಷ್ಮಿ
ಪುಟ್ಟು	ಜ್ಯೋತಿ ೨ ನವೆಂಬರ್ ೧೯೪೮ ತಂಜಾವೂರು, ಮದ್ರಾಸ್ ಪ್ರಾಂತ್ಯ, ತಮಿಳುನಾಡು
ತೀರಿನಿ	ಅಗಸ್ಟ್ ೮, ೨೦೧೬
ಬೇಲೆ/ಲು	ಚಲನಚಿತ್ರ ನಟಿ
ಸಕ್ರಿಯೊ ವರ್ಷೊಲು	೧೯೬೩–೨೦೧೬
ಸಂಗಾತಿ	ಸಾಯಿಪ್ರಸಾದ್
ದಸ್ಕತ್

ಜ್ಯೋತಿಲಕ್ಷ್ಮಿ ದಕ್ಷಿಣ ಭಾರತೊದ ಜನಪ್ರಿಯ ಚಲನಚಿತ್ರ ನಟಿ. ತೆಲುಗು, ತಮಿಳು, ಮಲಯಾಳಂ, ಕನ್ನಡ ಬುಕ್ಕ ಹಿಂದಿ ಬಾಸೆಡ್ ಸುಮಾರ್ ೩೦೦ ರ್ದ್ಲಾ ಜಾಸ್ತಿ ಚಲನಚಿತ್ರೊಲೆಡ್ ಅಬಿನಯ ಮಲ್ದೆರ್. ವೃತ್ತಿ ಜೀವನೊದ ಸುರೂತ ದಿನೊಟ್ಟ್ ನಾಯಕಿಯಾದ್ ಅಬಿನಯ ಮಲ್ತಿನ ಜ್ಯೋತಿಲಕ್ಷ್ಮಿ ಅವೆರ್ದ್ ಬುಕ್ಕ ನರ್ತಕಿಯಾದ್ ಮೆಚ್ಚುಗೆನ್ ಪಡೆಯೆರ್. ಮಲಯಾಳಂದ ಮುರಪ್ಪೆಣ್ಣು(೧೯೬೫) ಬುಕ್ಕ ಹಿಂದಿದ ಪಾಯಲ್ ಕಿ ಝಂಕಾರ್(೧೯೬೮) ಚಿತ್ರೊಲೆಡ್ ನಾಯಕಿಯಾದ್ ಸ್ಮರಣೀಯ ಅಬಿನಯ ಮಲ್ತಿನ ಮೇರ್ ೧೯೭೦ ನೇ ಇಸವಿಡ್ ಪ್ರಖ್ಯಾತ ಕೌಬಾಯ್ ಶೈಲಿದ ಚಿತ್ರೊದ ನಿರ್ದೇಶಕ ಕೆ.ಎಸ್.ಆರ್.ದಾಸ್ ಮೆರೆನ ಪಿಲ್ಲಾ ಪಿಡುಗ(೧೯೭೨) ಬುಕ್ಕ ರಾಣಿ ಔರ್ ಜಾನಿ(೧೯೭೩) ಇಂಚಿನ ಸುಮಾರ್ ಸಿನಿಮೊಲೆಡ್ ನಾಯಕಿಯಾದ್ ಅಬಿನಯ ಮಲ್ದೆರ್. ಜ್ಯೋತಿಲಕ್ಷ್ಮಿ ಮೆರೆನ ಪ್ರಮುಖ ಕನ್ನಡ ಚಿತ್ರೊಲ್ ವೊವ್ ಪಂಡ - ಕುಳ್ಳ ಏಜೆಂಟ್ ೦೦೦(೧೯೭೨) ಬುಕ್ಕ ಕೌಬಾಯ್ ಕುಳ್ಳ(೧೯೭೩). .

ಕಿರುತೆರೆ

ಜ್ಯೋತಿಲಕ್ಷ್ಮಿ ಮೇರ್ ಕಿರುತೆರೆಡ್ ಸಕ್ರಿಯವಾದ್ ಬೇಲೆ ಮಲ್ತೊಂದಿತ್ತೆರ್. ತಮಿಳು ಬಾಸೆದ ಸನ್ ಟಿವಿ ವಾಹಿನಿಡ್ ಪ್ರಸಾರ ಆವೊಂದಿತ್ತಿನ ವೇಲನ್ ಬುಕ್ಕ ವಸಂತಂ ದಾರಾವಾಹಿಲೆಡ್ ಅಬಿನಯ ಮಲ್ದೆರ್.

ವೈಯಕ್ತಿಕ ಜೀವನ

ಪ್ರಸಿದ್ಧ ಚಲನಚಿತ್ರ ಛಾಯಾಗ್ರಹಕೆರಾಯಿನ ಸಾಯಿಪ್ರಸಾದ್ ಪನ್ಪಿನರೆನ್ ಮೇರ್ ಮದಿಮೆ ಆಯೆರ್. ಈ ದಂಪತಿನ ಏಕೈಕ ಪುತ್ರಿ ಜ್ಯೋತಿಮೀನಾ ಮೇರ್ಲಾ ಕೆಲವ್ ತೆಲುಗು ಬುಕ್ಕ ತಮಿಳು ಚಿತ್ರೊಲೆಡ್ ನರ್ತಕಿಯಾದ್ ಬೇಲೆ ಮಲ್ತ್ದೆರ್. ಬ್ಲಡ್ ಕ್ಯಾನ್ಸರ್ ಕಾಯಿಲೆ ಇತ್ತಿನ ಜ್ಯೋತಿಲಕ್ಷ್ಮಿ ಆಗಸ್ಟ್ ೯, ೨೦೧೬ ನೇ ತಾರೀಕ್‍ಗ್ ಚೆನ್ನೈಡ್ ತೀರಿಯೆರ್.

ಜ್ಯೋತಿಲಕ್ಷ್ಮಿ ಅಬಿನಯದ ಕೆಲವು ಸಿನಿಮೊಲು

ತೆಲುಗು

• ಪುಣ್ಯವತಿ(೧೯೬೭)-ಎನ್.ಟಿ.ಆರ್., ಕೃಷ್ಣಕುಮಾರಿ, ಹರನಾಥ್
• ಮೋಸಗಾಳ್ಳುಕು ಮೋಸಗಾಡು(೧೯೭೧)-ಕೃಷ್ಣ, ವಿಜಯನಿರ್ಮಲ
• ಕೊರಾಡ ರಾಣಿ(೧೯೭೨)-ರಾಮಕೃಷ್ಣ
• ಮೊನಗಾಡೊಸ್ತುನ್ನಾಡು ಜಾಗ್ರತ್ತ(೧೯೭೨)-ಕೃಷ್ಣ
• ಹಂತಕುಲು ದೇವಾಂತಕುಲು(೧೯೭೨)-ಕೃಷ್ಣ
• ಪಿಲ್ಲಾ ಪಿಡುಗ(೧೯೭೨)-ರಾಮಕೃಷ್ಣ
• ಜ್ಯೋತಿಲಕ್ಷ್ಮಿ(೧೯೭೩)-ರಾಮಕೃಷ್ಣ
• ಪಂಜರಮ್ಲೋ ಪಸಿಪಾಪ-(೧೯೭೩)-ರಾಮಕೃಷ್ಣ
• ಗುಂಡೇಲು ತೀಸಿನ ಮೊನಗಾಡು(೧೯೭೪)-ಕಾಂತಾರಾವ್

ತಮಿಳು

• ಪೂವುಮ್ ಪೊಟ್ಟುಮ್(೧೯೬೮)-ಎ.ವಿ.ಎಂ.ರಾಜನ್, ಭಾರತಿ, ಮುತ್ತುರಾಮನ್

ಕನ್ನಡ

• ಕುಳ್ಳ ಏಜೆಂಟ್ ೦೦೦(೧೯೭೨)-ದ್ವಾರಕೀಶ್
• ಕೌಬಾಯ್ ಕುಳ್ಳ(೧೯೭೩)-ದ್ವಾರಕೀಶ್

ಮಲಯಾಳಂ

• ಮುರಪ್ಪೆಣ್ಣು(೧೯೬೫)-ಪ್ರೇಮ್ ನಜೀರ್, ಶಾರದಾ
• ಕುಂಜಲ್ ಮರಕ್ಕರ್(೧೯೬೭)-ಪ್ರೇಮ್ ನಜೀರ್
• ನಗರಮೇ ನಂದಿ(೧೯೬೭)-ಪ್ರೇಮ್ ನಜೀರ್, ಉಷಾನಂದಿನಿ, ಮಧು
• ಕೊಡುಂಗಲ್ಲೂರಮ್ಮ(೧೯೬೮)-ಪ್ರೇಮ್ ನಜೀರ್, ಕೆ.ಆರ್.ವಿಜಯಾ

ಹಿಂದಿ

• ಪಾಯಲ್ ಕಿ ಝಂಕಾರ್(೧೯೬೮)-ಕಿಶೋರ್ ಕುಮಾರ್, ರಾಜಶ್ರೀ
• ರಾಣಿ ಔರ್ ಜಾನಿ(೧೯೭೩)-ಅರುಣಾ ಇರಾನಿ, ಅನಿಲ್ ಧವನ್