ಝಾಂಗ್ ಜಿಲಿನ್

ಝಾಂಗ್ ಜಿಲಿನ್ (ಪುಟ್ಟುದಿನಿ ೨೨ ಮಾರ್ಚ್ ೧೯೮೪) ಒರ್ತಿ ಚೀನೀ ನಟಿ, ಗಾಯಕಿ, ಫ್ಯಾಷನ್ ಮಾಡೆಲ್ ಬೊಕ್ಕ ಸೌಂದರ್ಯ ರಾಣಿ, ೨೦೦೭ಡ್ ಮಿಸ್ ವರ್ಲ್ಡ್ ಪನ್ಪಿನ ಕಿರೀಟೊನು ಪಡೆಯೆರ್; ಆರ್ ದುಂಬು ಮಿಸ್ ಚೀನಾ ವರ್ಲ್ಡ್ ೨೦೦೭ ಪನ್ಪಿನ ಬಿರುದುನ್ ಪಡೆಯೆರ್.

ಝಾಂಗ್ ಜಿಲಿನ್

ಜೀವನ ಚರಿತ್ರೆ

ಜಾಂಗ್ ಮಾರ್ಚ್ ೨೨, ೧೯೮೪ಡ್ ಶಾಂಡೊಂಗ್ ದ ವೈಹೈಡ್ ಪುಟ್ಟುವೆರ್. ನನೊಂಜಿ ಸರ್ತಿ ಆರ್ ಬೀಜಿಂಗ್ ದ ಹೈಡಿಯನ್ ಜಿಲ್ಲೆಗ್ ಪೋಯೆರ್, ಅಲ್ಪ ಆರ್ 1996 ಡ್ದ್ 2002 ಮುಟ್ಟ ಪ್ರೌಢಶಾಲೆಗ್ ಪೋಯೆರ್. ಅಪಗ ಆರ್ ಬೀಜಿಂಗ್ ದ ವಿಜ್ಞಾನ ಬೊಕ್ಕ ತಂತ್ರಜ್ಞಾನ ವಿಶ್ವವಿದ್ಯಾಲಯೊಡು ಅಧ್ಯಯನ ಮಲ್ತೆರ್, ಬೊಕ್ಕ 2006ಡ್ ವ್ಯವಹಾರ ಆಡಳಿತೊಡು ಪದವಿ ಪಡೆಯೆರ್. ಜಾಂಗ್ ಇತ್ತೆ ಒರಿ ಫ್ಯಾಷನ್ ಮಾಡೆಲ್ ಆದ್ ಬೇಲೆ ಮಲ್ಪುವೆರ್.

ಆದಿ ಜೀವನ

ಶೈಕ್ಷಣಿಕವಾದ್ ಆಧಾರಿತ ಕುಟುಂಬೊಡು ಬುಲೆಯಿನ ಜಾಂಗ್, ಯಾಪಲ ತನ್ನ ಶಿಕ್ಷಣೊಗು ಮೌಲ್ಯ ಕೊರ್ದು ತನ್ನ ಅಧ್ಯಯನೊಡು ಮಸ್ತ್ ಸಾಧನೆಲೆನ್ ಮಲ್ತೆರ್. ಒರಿ ವಿದ್ವಾಂಸೆ ಬೊಕ್ಕ ಒರಿ ಕ್ರೀಡಾಪಟು, ಜಾಂಗ್ ಜಿಲಿನ್ ಎಂಟು ವರ್ಸೊದ ಪ್ರಾಯೊಡು ಬೇತೆ ಬೇತೆ ಕ್ರೀಡೆಲೆಡ್ ತರಬೇತಿ ಸುರು ಮಲ್ತೆರ್. ಟ್ರಿಪಲ್ ಜಂಪ್ ಬೊಕ್ಕ ಹರ್ಡಲ್ಸ್ ಡ್ ಆರ್ ಮಲ್ಲ ಮಟ್ಟೊಡು ಉಲ್ಲೆರ್, ಬೊಕ್ಕ 1999ಡ್ 10ನೇ ಬೀಜಿಂಗ್ ಸಿಟಿ ಯೂತ್ ಗೇಮ್ಸ್ ಡ್ ಗೆಂದಿನ ಬುಕ್ಕೊ 100-ಮೀಟರ್ ಹರ್ಡಲ್ಸ್ ಡ್ ವೃತ್ತಿಪರವಾದ್ ತರಬೇತಿ ಪಡೆಯೆರ್.

೨೦೦೨ಡ್, ಜಾಂಗ್ ಪ್ರೌಢಶಾಲೆಡ್ದ್ ಪದವಿ ಪಡೆಯೆರ್ ಬೊಕ್ಕ ವಿಜ್ಞಾನ ಬೊಕ್ಕ ತಂತ್ರಜ್ಞಾನ ವಿಶ್ವವಿದ್ಯಾಲಯೊಡು ಬೀಜಿಂಗ್ ಅಧ್ಯಯನ ಸುರು ಮಲ್ತೆರ್, ಅಲ್ಪ ಆರ್ ೨೦೦೬ಡ್ ಪದವಿ ಪಡೆಯೆರ್. ಪದವಿಪೂರ್ವ ವಿದ್ಯಾರ್ಥಿಯಾದ್, ಆರ್ ಮಸ್ತ್ ಅಥ್ಲೆಟಿಕ್ ಸ್ಪರ್ಧೆಲೆಡ್ ಸ್ಪರ್ಧೆ ಮಲ್ತೆರ್ ಬೊಕ್ಕ ಗೆಂದಿಯೆರ್. ೨೦೦೫ಡ್, ಅರೆನ ವಿಶ್ವವಿದ್ಯಾಲಯೊಡು "ಸ್ಪೋರ್ಟ್ಸ್ ಅಡ್ವಾನ್ಸ್ಮೆಂಟ್ ಡಿಸ್ಟಿಂಕ್ಷನ್ ಅವಾರ್ಡ್" ನ್ ಗೆಂದಿಯೆರ್.

ಮಾಡೆಲಿಂಗ್ ವೃತ್ತಿಜೀವನ

ಜಾಂಗ್ ನ ಮಾಡೆಲಿಂಗ್ ಬೊಕ್ಕ ಪೇಜೆಂಟ್ ವೃತ್ತಿಜೀವನ 2003ಡ್ ಸುರು ಆಂಡ್, ಅಪಗ ಆರ್ ನ್ಯೂ ಸಿಲ್ಕ್ ರೋಡ್ ಮಾಡೆಲಿಂಗ್ ಏಜೆನ್ಸಿ ಆಯೋಜಿಸಾಯಿನ ಒಂಜಿ ಸೌಂದರ್ಯ ಸ್ಪರ್ಧೆಡ್ ಪಾಲ್ ಪಡೆಯೆರ್. ಸುರುತ ಸರ್ತಿ ಸ್ಪರ್ಧೆಡ್ ಪಾಲ್ ಪಡೆಯಿನ ಜಾಂಗ್, ಅನುಭವದ ಕೊರತೆಡ್ದ್ ಟಾಪ್ 10 ಡ್ ಸ್ಥಾನ ಪಡೆಯೆರೆ ಸಾಧ್ಯ ಆಂಡ್. ಆಂಡಲಾ, ನನೊಂಜಿ ಸರ್ತಿ ಏಜೆನ್ಸಿದ ಕಾರ್ಯನಿರ್ವಾಹಕ ವ್ಯವಸ್ಥಾಪಕೆರ್ ಲಿ ಕ್ಸಿಯಾಒಬೈ ಅರೆನ್ ಕಂಡು ಕನತೆರ್. ಜಾಂಗ್ ಅಪಗಡ್ದ್ ಬೊಕ್ಕ ಪ್ಯಾರಿಸ್ ಬೊಕ್ಕ ಬರ್ಲಿನ್ ಸೇರ್ದ್ ಜಗತ್ತ್ ದ ಪ್ರಮುಖ ಫ್ಯಾಷನ್ ರಾಜಧಾನಿಲೆನ ರನ್ ವೇಲೆನ್ ಅಲಂಕರಿಸಯೆರ್.

೨೦೦೬ಡ್, ಚೀನೀ ಫ್ಯಾಷನ್ ಅಂಡ್ ಕಲ್ಚರ್ ಅವಾರ್ಡ್ಸ್ ಡ್ ಟಾಪ್ ಟೆನ್ ಪ್ರೊಫೆಷನಲ್ ಸೂಪರ್ ಮಾಡೆಲ್ ಲೆಡ್ ಒರಿಯೆ ಆದ್ ಆಯ್ಕೆ ಆಯೆರ್. ಅಪಗ ಆರ್ ಪ್ಯಾರಿಸ್ ಡ್ ಜಾರ್ಜಿಯೊ ಅರ್ಮಾನಿನ ೨೦೦೭ ಶರತ್ಕಾಲ/ಚಳಿಗಾಲದ ಸಂಗ್ರಹ ಕಾರ್ಯಕ್ರಮೊಡು ನಡತೊಂದು ಪೋಯೆರ್ ಬೊಕ್ಕ ನನೊಂಜಿ ಸರ್ತಿ ನ್ಯೂ ಸಿಲ್ಕ್ ರೋಡ್ ಮಾಡೆಲಿಂಗ್ ಏಜೆನ್ಸಿಡ್ದ್ "ವರ್ಷದ ಅತ್ಯುತ್ತಮ ಮಾದರಿ" ಪನ್ಪಿನ ಬಿರುದುನ್ ಗೆಂದಿಯೆರ್.

ಡಿಸೆಂಬರ್ ೧, ೨೦೦೭ಡ್, ಹೈನಾನ್ ದ ಸಾನ್ಯಾಡ್ ಕ್ರೌನ್ ಆಫ್ ಬ್ಯೂಟಿ ಥಿಯೇಟರ್ ಡ್ ಮಿಸ್ ವರ್ಲ್ಡ್ ೨೦೦೭ ಪಂಡ್ದ್ ಕಿರೀಟೊನು ಪಡೆಯೆರ್. ಅಲೆನ ಆಳ್ವಿಕೆದ ಪೊರ್ತುಡು, ಅಲೆನ್ 20 ದೇಶೊಲೆಡ್ 80 ಡ್ದ್ ಜಾಸ್ತಿ ನಗರೊಲೆಗ್ ಪೋಯೆರ್. ಈ ದೇಶೊಲೆಡ್ ಕೆಲವು ದೇಶೊಲು ಯುನೈಟೆಡ್ ಕಿಂಗ್ ಡಮ್, ಅಮೇರಿಕ ಸಂಯುಕ್ತ ಸಂಸ್ಥಾನೊಲು, ರಷ್ಯಾ, ಮೆಕ್ಸಿಕೊ, ಟ್ರಿನಿಡಾಡ್ ಬೊಕ್ಕ ಟೊಬಾಗೊ, ವಿಯೆಟ್ನಾಂ, ಬೊಕ್ಕ ದಕ್ಷಿಣ ಆಫ್ರಿಕಾ.

ಚಿತ್ರ ವೃತ್ತಿಜೀವನ

ಜಾಂಗ್ 2011 ಡ್ ಹೀ-ಮ್ಯಾನ್ (ಚಿತ್ರ) ಬೊಕ್ಕ 2014 ಡ್ ಹಾಂಗ್ ಕಾಂಗ್ ಫ್ಯಾಂಟಸಿ ಚಿತ್ರ ದಿ ಮಂಕಿ ಕಿಂಗ್ (2014 ಚಿತ್ರ) ಡ್ ನಟನೆ ಮಲ್ತೆರ್.

ವೈಯಕ್ತಿಕ ಜೀವನ

೨೦೧೩ಡ್, ಫುಕೆಟ್, ಫುಕೆಟ್ ಪ್ರಾಂತ್ಯ, ಥೈಲ್ಯಾಂಡ್ ಡ್ ನಿ ಲೀ ನ್ ಮದಿಮೆ ಆಯೆರ್. ಬೊಕ್ಕ ಏಪ್ರಿಲ್ ೨೦೧೬ಡ್, ಅಲೆಗ್ ಒಂಜಿ ಪೊಣ್ಣು ಜೋಕುಲು ಪುಟ್ಟುವೆರ್.

ಸಂಗೀತ

ಜಾಂಗ್ 2008 ಸಮ್ಮರ್ ಒಲಿಂಪಿಕ್ಸ್ ಧ್ವನಿಪಥೊಗು ತನ್ನ ಸ್ವರೊನು ಕೊರ್ತೆರ್ ಬೊಕ್ಕ ಅದೇ ಪಾಡ್ದನೊದ ಸಂಗೀತ ವೀಡಿಯೊಡುಲಾ ತೋಜಿದ್ ಬತ್ತೆರ್, 'ಬೀಜಿಂಗ್ ವೆಲ್ಕಮ್ಸ್ ಯು'.

ಚಿತ್ರೊಲು

• ಹಿ-ಮ್ಯಾನ್ (ಚಲನಚಿತ್ರ) (2011)
• ಬ್ಯಾಡ್ಜಸ್ ಆಫ್ ಫ್ಯೂರಿ (2013)
• ದಿ ಮಂಕಿ ಕಿಂಗ್ (2014 ಚಲನಚಿತ್ರ) (2014)
• ದಿ ಬ್ರೇಕ್-ಅಪ್ ಆರ್ಟಿಸ್ಟ್ (2014)
• ಬಗ್ಸ್ (2014 ಚಲನಚಿತ್ರ) (2014)
• ಮೀಟ್ ಮಿಸ್ ಆಂಕ್ಸೈಟಿ (2014)
• ಸ್ಪೈಸಿ ಹಾಟ್ ಇನ್ ಲವ್ (2016)

ಬಾಹ್ಯ ಕೊಂಡಿಲು

• Zhang Zi Lin's website
• Zhang Zi Lin's blog Archived ೨೦೧೧-೦೭-೧೬ at the Wayback Machine
• Miss World 2007 - Zhang Zi Lin's Official Profile at Miss World Official Website
• Miss World 2007 at South Asian Biz
• ಟೆಂಪ್ಲೇಟ್:IMDb name