ಟಾಂಗ್ ದಾನ್ಹಾಂಗ್

ಟಾಂಗ್ ಡಾನ್ಹೊಂಗ್ (ಚೀನೀ: 唐丹鸿; ಪುಟ್ಟಿನ ನವೆಂಬರ್ ೧೯೬೫) ಚೀನಾದ ಮುಖ್ಯ ಭೂಭಾಗೊದ ಒರಿ ಕವಿ ಬೊಕ್ಕ ಚಿತ್ರ ನಿರ್ದೇಶಕೆರ್. ಆರ್ ೨೦೦೫ಡ್ದ್ ಇಸ್ರೇಲ್ ಡ್ ಜೀವನ ಮಲ್ತೊಂದುಲ್ಲೆರ್. ಆರ್ನ ಕೆಲಸೊಲು ಚೀನಾಡ್ ಜೀವನ ಮಲ್ಪುನ ವಿವಿಧ ಜನಾಂಗೀಯ ಬೊಕ್ಕ ಅಲ್ಪಸಂಖ್ಯಾತ ಸಮುದಾಯೊಲೆನ ಜೀವನೊನು ಬೆಳಗಿಸವುನ ಗಮನೊನು ಸೆಲೆ ದ್ಂಡ್, ಉದಾಹರಣೆಗೆ ಟಿಬೆಟಿಯನ್ ಬೊಕ್ಕ ಉಯ್ಘರ್ ಲು.

ಸುರುತ ಜೀವನ ಬೊಕ್ಕ ಶಿಕ್ಷಣ

ಟಾಂಗ್ ಡಾನ್ಹೊಂಗ್ ಸಿಚುವಾನ್ ಪ್ರಾಂತ್ಯೊದ ಚೆಂಗ್ಡುಡ್ ಪುಟ್ಟುವೆರ್. ೧೯೮೬ಡ್ ಸಿಚುವಾನ್ ವಿಶ್ವವಿದ್ಯಾಲಯೊದ ಗ್ರಂಥಾಲಯ ಬೊಕ್ಕ ಮಾಹಿತಿ ವಿಜ್ಞಾನ ವಿಭಾಗೊಡ್ದ್ ಪದವಿ ಪಡೆಯೆರ್. ಅಯಿಡ್ದ್ ಬೊಕ್ಕ ನಾಲ್ ವರ್ಸೊಗು ಪಶ್ಚಿಮ ಚೀನಾ ವಿಶ್ವವಿದ್ಯಾಲಯೊದ ವೈದ್ಯಕೀಯ ವಿಜ್ಞಾನೊದ ಗ್ರಂಥಾಲಯೊಡು ಬೇಲೆ ಮಲ್ತೆರ್. ೧೯೯೧ಡ್ದ್ ೧೯೯೨ ಮುಟ್ಟ, ಚೆಂಗ್ಡುಡ್ ಒಂಜಿ ಗ್ಯಾಲರಿಡ್ ಬೇಲೆ ಮಲ್ತೆರ್.

ವೃತ್ತಿ – ಬರವು

೧೯೯೪ ದ ಸುರುಟು, ಟಾಂಗ್ ಡಾನ್ಹೊಂಗ್ ಚೆಂಗ್ಡುದ ಪಿರಾಕ್ದ ಭಾಗೊಡು ರೆನ್ಹೌ ಸ್ಟ್ರೀಟ್ ಡ್ ಕಾಫ್ಕಾ ಬುಕ್ಸ್ಟೋರ್ ನ್ ತೆರೆಯೆರ್. ಈ ಸಾಹಿತ್ಯಿಕ ಪುಸ್ತಕದ ಅಂಗಡಿ ನಗರೊಡು ಪ್ರವಾಸಿಲೆಗ್ ಮಸ್ತ್ ಜನಪ್ರಿಯ ಆದಿತ್ತ್ಂಡ್. ಸುಮಾರ್ ೧೯೯೯ಡ್, ಅಂಗಡಿ ಮುಚ್ಚಿಂಡ್, ಬೊಕ್ಕ ಟಾಂಗ್ ಚೆಂಗ್ಡು ಸಾಂಸ್ಕೃತಿಕ ದೃಶ್ಯೊಡ್ದ್ ಕಣ್ಮರೆ ಆಯೆರ್. ಕೆಲವು ವರ್ಸೊಡ್ದು ಬೊಕ್ಕ, ಆರ್ ಟೆಲ್ ಅವಿವ್ ಡ್ ಪುನರ್ ತೋಜಿದ್ ಬತ್ತೆರ್. ಈ ಅವಧಿಡ್ (೧೯೯೨-೨೦೦೨) ಚೀನಾಡ್ ಬರೆತಿನ ಕಬಿತೆಲೆನ ಸಂಗ್ರಹೊನು ೨೦೧೨ಡ್ ಎಕ್ಸ್-ರೇ, ಸ್ವೀಟ್ ನೈಟ್ (ಚೀನೀ: X光的、甜蜜的夜) ಪನ್ಪಿನ ಶೀರ್ಷಿಕೆಡ್ ಪ್ರಕಟ ಮಲ್ತೆರ್. ಟಾಂಗ್ ನ ಬರವುಲು ಚೀನಾ ಡಿಜಿಟಲ್ ಟೈಮ್ಸ್ ಡ್ ನಿಯಮಿತವಾದ್ ಪ್ರಕಟ ಆಪುಂಡು. ೨೦೦೮ಡ್, ಟಿಬೆಟ್ ನ್ ಒರಿ ಹಾನ್ ಚೀನೀ ವ್ಯಕ್ತಿಯಾದ್ ತನ್ನ ಭಾವನೆಲೆನ್ ಕುರಿತು ಒಂಜಿ ಪ್ರಬಂಧೊನು ಪ್ರಕಟಿಸಯೆರ್. ೨೦೧೦ಡ್, ಹಿರಿಯ ಟಿಬೆಟಿಯನ್ ನಿರಾಶ್ರಿತೆರೆನ ಮೌಖಿಕ ಇತಿಹಾಸೊಲೆನ್ ಸಂಗ್ರಹ ಮಲ್ಪೆರೆ ಭಾರತೊಗು ಪೋಯೆರ್. 2019ಡ್, ಜೈಲ್ ಡ್ ಉಪ್ಪುನ ಉಯ್ಘರ್ ಕವಿ ಅಬ್ಲೆಟ್ ಅಬ್ದುರಿಶಿದ್ ಬರ್ಕಿ ಬಗ್ಗೆ ಹೈಫಾ ವಿಶ್ವವಿದ್ಯಾಲಯೊದ ನಿಯಾಮ್ರೋಡ್ ಬರನೋವಿಚ್ ನ್ ಸಂದರ್ಶನ ಮಲ್ತೆರ್.

ಸಿನಿಮಾ

ಟಾಂಗ್ ಡಾನ್ಹೊಂಗ್ ಚೆಂಗ್ಡು ವಿಯೆಂಟಿಯಾನ್ ಡಾಕ್ಯುಮೆಂಟರಿ ಫಿಲ್ಮ್ ಪ್ರೊಡಕ್ಷನ್ ಕಂಪೆನಿದ ನಿರ್ದೇಶಕೆರ್ ಆದಿತ್ತೆರ್. ಅರೆನ ಸುರುತ ಡಾಕ್ಯುಮೆಂಟರಿ ಚಿತ್ರ ಟ್ಸುರ್ಫು ಮಠ (ಚೀನೀ: 楚布寺) ಫೆಬ್ರವರಿ ೧೯೯೮ಡ್ ಚಿತ್ರೀಕರಣ ಆಂಡ್. ಅರೆನ ಪ್ರಮುಖ ಕೆಲಸೊಲು ಡ್ಜಾಚುಕಾ (ಚೀನೀ: 扎溪卡), ನಿಮಾ ದಿ ಕಾಂಕ್ವೆರರ್ (ಚೀನೀ: 降神者尼玎), ಅಟ್ ದಿ ಗಾಟಮ್ಸ್ ಆಫ್ ಟಿನಾಸ್ಟಮ್ – ಕ್ಯೂನೆರಲ್ (ಚೀನೀ: 在轮回之门--藏族人的悺葬习俗), ಟಾಪ್ ಅಡ್ವೆಂಚರ್–98 ಯಾರ್ಲುಂಗ್ ಜಾಂಗ್ಬೊ ರಿವರ್ ರಾಫ್ಟಿಂಗ್ ಅಡ್ವೆಂಚರ್ (ಚೀನೀ:露在探適---98雅鲁藏布江漂流探適), ಬೊಕ್ಕ ನೈಟಿಂಗೇಲ್, ನಾಟ್ ದ ಒನ್ಲಿ ವಾಯ್ಸ್ (ಚೀನೀ: 夜莺不大不到官歌喉, 2000).

ನೈಟಿಂಗೇಲ್ ಚಿತ್ರ ಚೆಂಗ್ಡುಡ್ ಮೂಜಿ ಕಲಾವಿದೆರೆನ ಜೀವನೊನು ನಿಕಟವಾದ್ ಅನುಸರಿಸವುಂಡು ಬೊಕ್ಕ ಆಧುನಿಕ ಮಾರುಕಟ್ಟೆ ಆರ್ಥಿಕತೆಡ್ ಅಕುಲು ಎದುರಿಸೊಂದಿಪ್ಪುನ ಒತ್ತಡೊಲೆನ್ ಸಾಂಕೇತಿಕವಾದ್ ವ್ಯಕ್ತಪಡಿಸವುಂಡು.

ವೈಯಕ್ತಿಕ ಜೀವನ

ಟಾಂಗ್ ಡಾನ್ಹೊಂಗ್ 2001ಡ್ ವಿಚ್ಛೇದನ ಆಯೆರ್. ಅಯಿಡ್ದ್ ಬೊಕ್ಕ ಚೀನೀ ವೈದ್ಯಕೀಯ ಅಧ್ಯಯನ ಮಲ್ಪುನ ಒರಿ ಇಸ್ರೇಲಿ ಪೊಂಜೊವುನ್ ತೂಯೆರ್. ಅಕುಲು ಮದಿಮೆ ಆದ್ 2005 ದ ಕಡೆಟ್ ಇಸ್ರೇಲ್ ಗ್ ಪೋಯೆರ್. ಅಲ್ಪ ಉಪ್ಪುನಗ, ಟಾಂಗ್ ಟೆಲ್ ಅವಿವ್ ವಿಶ್ವವಿದ್ಯಾಲಯೊಡು ಮ್ಯಾಂಡರಿನ್ ಭಾಷೆನ್ ಕಲ್ಪಾವೆರ್.