ಡಿ.ಕೆ.ಚೌಟ

ವಿಕಿಪೀಡಿಯರ್ದ್
Jump to navigation Jump to search
ಡಿ.ಕೆ. ಚೌಟ

ದರ್ಬೆ ಕೃಷ್ಣಾನಂದ ಚೌಟ ಪುದರ್‌ದ ಡಿ.ಕೆ. ಚೌಟೆರ್ ಕೃಷಿಕೆರ್, ನಾಟಕದಾರ್. ಇಂಬೆರ್ ತುಳು ಕನ್ನಡ ಸಾಹಿತಿ[೧].

ಕೃಷಿ ಹಿನ್ನೆಲೆಡ್ದ್ ಬತ್ತ್‍ನ ದರ್ಬೆ ಕೃಷ್ಣಾನಂದ ಚೌಟೆರೆನ ಅಪ್ಪೆ ಬಾಸೆ ತುಳು. ಭಾರತೊದ ಮಲ್ಲ ಉದ್ಯಮಿ, ಬರವುಗಾರೆ ಬುಕ್ಕೊ ನಾಟಕಗಾರೆರಾದ್ ಪರಿಚಯೊ ಆದಿಪ್ಪುನ ಚೌಟೆರ್ ಕರ್ನಾಟಕ ಚಿತ್ರಕಲಾ ಪರಿಷತ್‍ದ ಪ್ರಧಾನ ಕಾರ್ಯಂತೆರ್ ಬುಕ್ಕೊ ಗುರ್ಕಾರೆರಾದ್ ಬೇಂದ್‍ನಾರ್. ಬಂಟ ಸಮಾಜೊಗು ಸೇರ್‍ನ ಡಿ.ಕೆ.ಚೌಟೆರ್ ಇತ್ತೆ ಬೆಂಗಳೂರುಡು ನಿಲೆಯಾದುಲ್ಲೆರ್. ಇತ್ತೆಲಾ ಸಾಹಿತ್ಯ ಕೃಷಿತ ಬುಲೆಚ್ಚಿಲ್‍ನ್ ಮಾಲ್ತೊಂದಿಪ್ಪುನ ಚೌಟೆರ್ ಬೆಂಗಳೂರು ಚಿತ್ರಕಲಾ ಪರಿಷತ್ತ್‍ದ ಅಧ್ಯಕ್ಷೆರಾದಿತ್ತೆರ್. ತುಳು ಕನ್ನಡ ಬಾಸೆಡ್ ಕತೆ, ನಾಟಕೊ, ಕಾದಂಬರಿಲೆನ್ ಬರೆಯಿನಾರ್.

ಬದ್‌ಕ್‍ದ ಕತೆ[ಸಂಪೊಲಿಪುಲೆ]

  1. ಪುಟ್ಟ್ : ಕೇರಳ ರಾಜ್ಯೊದ ಕಾಸರಗೋಡು ಕೈತಲ್ದ ಮೀಯಪದವುಡು ಜೂನ್ ೧, ೧೯೩೮ನೆ ಇಸವಿಡ್ ಪುಟ್ಟ್‌ಯೆರ್.
  2. ಸಾವು : ೧೯-೦೬-೨೦೧೯ತಾನಿ ತಿರ್ ಪೊಯೆರ್.
  3. ಚೌಟೆರೆನ ಜೋಕುಲು : ಮಗೆ ಸಂದೀಪ್ ಚೌಟ ಬುಕ್ಕೊ ಮಗಳ್ ಪ್ರಜ್ಞಾ ಚೌಟ.
  4. ವಿದ್ಯೆ : ಚೌಟೆರ್ ಮುಂಬಯಿ ವಿಶ್ವವಿದ್ಯಾನಿಲಯೊಡು ಅರ್ಥಶಾಸ್ತ್ರ ಎಂ.ಎ. ಸ್ನಾತಕೋತ್ತರ ಪದವಿನ ಮುಗಿತ್‍ದ್ ಘಾನ, ನೈಜೀರಿಯಾ ಬುಕ್ಕೊ ಲಂಡನ್ಡ್ ಬೇತೆ ಬೇತೆ ಕಂಪೆನಿಲೆಡ್ ಬೆಂದೆರ್.
  5. ಕಾವ್ಯನಾಮೊ : ಇಂಬೆರೆನ ಕಾವ್ಯನಾಮೊ ಆನಂದಕೃಷ್ಣ.
  6. ಉದ್ಯಮೊ : ಪಿದಯಿ ದೇಸೊದ ಅನುಭವೊಡು ಬೆಂಗ್ಳೂರುಗು ಬತ್ತ್‍ದ್ ಇಂಡಸ್ಟ್ರೀಲೆಡ್, ಎಕ್ಸ್‍ಪೋರ್ಟ್ ಕಂಪೆನಿಲೆಡ್ ಅಂಚನೆ ಬೇತೆ ಬೇತೆ ಉದ್ಯಮೊಡು ಆರೆನ್ ತೊಡಗಿಸವೊಂದು ಎಂ/ಎಸ್ ಪವರ್ ಗ್ಯಾರ್ ಲಿಮಿಟೆಡ್, ಎಂ/ಎಸ್ ಪಿ.ಸಿ. ಎಕ್ಸ್‍ಪೋರ್ಟ್ ಬುಕ್ಕೊ ಸನ್ ವ್ಯಾಲಿಕ್ಲಬ್ ಇಂಚಿತ್ತಿ ಕಂಪೆನಿಲೆನ್ ಸ್ವಂತೊ ಕಟ್ಟ್‍ದ್ ಬುಲೆಪಾಯೆರ್. ಇಂದೆಕಾತ್ರೊ ಚೌಟೆರೆಗ್ ಐನ್ ಸರ್ತಿ ಎಕ್ಸ್‍ಪೋರ್ಟ್ ಪ್ರೊಮೋಶನ್ ಕೌನ್ಸಿಲ್‍ದ ಅವಾರ್ಡ್ ಬತ್ತ್‍ಂಡ್. ಅಂಚನೆ ಚೌಟೆರೆನ ಗುರ್ಕಾರ್ಮೆಡ್ 1995ಡ್ ವಲ್ರ್ಡ್ ಬಂಟ್ಸ್ ಕನ್‍ವೆನ್ಶನ್ ಬೆಂಗ್ಳೂರು ನಡತ್‍ಂಡ್.

ಚೌಟೆರೆನ ಬೂಕುಲು[ಸಂಪೊಲಿಪುಲೆ]

ತುಳುಟು ಮಿತ್ತಬಯಿಲ್ ಯಮುನಕ್ಕೆ ಕಾದಂಬರಿ, ಕರಿಯವಜ್ಜೆರೆನ ಕತೆಕುಲು ಕಿನ್ಯಕತೆಕ್ಲೆ ಕೋಪೆ ಬೊಕ್ಕ ಪಿಲಿಪತ್ತಿ ಗಡಸ್, ಮೂಜಿಮುಟ್ಟು ಮೂಜಿಲೋಕ, ಪತ್ತ್‍ಪೆಜ್ಜೆಲು ನಾಟಕೊಲೆನ್ ಬರೆತೆರ್. ಕನ್ನಡೊಡು ಅರ್ಧಸತ್ಯ, ಬಾಕಿಸುಳ್ಳಲ್ಲ ಕಾದಂಬರಿನ್ ಬರೆತೆರ್.

ತುಳು ಕಾದಂಬರಿ[ಸಂಪೊಲಿಪುಲೆ]

  1. ಮಿತ್ತ ಬೈಲ್ ಯಮುನಕ್ಕ

ಕಿನ್ಯ ಕತೆಕುಲು[ಸಂಪೊಲಿಪುಲೆ]

  1. ಕರಿಯವಜ್ಜೆರೆನ ಕಥೆಕುಲು

ತುಳು ನಾಟಕೊಲು[ಸಂಪೊಲಿಪುಲೆ]

  1. ಪಿಲಿಪತ್ತಿ ಗಡಸ್
  2. ಮೂಜಿ ಮುಟ್ಟು ಮೂಜಿ ಲೋಕ
  3. ಪಾಟ್ ಪಜ್ಜೆಲು

ಪ್ರಶಸ್ತಿಲು[ಸಂಪೊಲಿಪುಲೆ]

  1. ಮಂಗಳೂರು ವಿಶ್ವವಿದ್ಯಾಲಯ ಗೌರವ ಡಾಕ್ಟೊರೇಟ್[೨]
  2. ತುಳು ಸಾಹಿತ್ಯ ಅಕಾಡೆಮಿ ಪಶಸ್ತಿ, ೨೦೧೧[೩]


ಉಲ್ಲೇಕೊ[ಸಂಪೊಲಿಪುಲೆ]

  1. https://www.thehindu.com/todays-paper/tp-features/tp-fridayreview/keeping-tulu-close-to-heart/article5269471.ece
  2. http://www.hindu.com/2011/04/29/stories/2011042955660500.htm
  3. http://www.hindu.com/2011/03/19/stories/2011031961280500.htm