ಡೋಲು

ವಿಕಿಪೀಡಿಯರ್ದ್
Jump to navigation Jump to search

ಡೋಲು ಪಂಡ ಒಂಜಿ ಸಂಗೀತ ಉಪಕರಣ ನೆಕ್ಕ್ ದೋಲು ಪಂಡ್ದ್ ಲಾ ಪನ್ಪೆರ್. ಉಂದು ಚರ್ಮ ವಾದ್ಯ ವಿಭಾಗದವು ಅತ್ತ್ ಡ ಬೊಟ್ಟುನ ಸಾದನ. ಉಂದೆನ್ ಬೊಟ್ಟುನೆಕ್ಕ್ ಲಾ ಕ್ರಮ ಉಂಡು. ಭೂತ ದರಿಪುನದಗ, ಜಾತ್ರೆಡ್, ಮೆರವಣಿಗೆ ಪೋನಗ, ಮರಣದ ಸುದ್ದಿದಪಗ ಬೇತೆ ಬೇತೆ ಸ್ವರೊಟ್ಟು ಬೊಟ್ಟುವೆರ್. ಬೂತೊ ನಲಿಪುನಗ, ನೇಮೊದಾನಿ, ಊರುದ ಜಾತ್ರೆ ಆನಗ ಡೋಲು ಬೊಟ್ಟುನ ದುಂಬುಡುದಿಂಚಿ ತುಳುನಾಡ್‍ಡ್ ನಡತ್ತ್ ಬತ್ತ್‌ನ ವಾಡಿಕೆ.[೧][೨]

  1. ಮೇರೆರ್, ಕೊರಗೆರ್ ಬುಕ್ಕೊ ಮನ್ಸೆರ್ ಆರಾಧನೆದ ಸಮಯೊಡು ಬೂತೊ ನಡಪ್ಪುನ ಜಾಗೆಡ್, ಬೂತೊ ಚಾವಡಿದ ಪಿದಯಿಡ್ ಜಾಲ್‍ಡ್ ಉಂತುದು ಡೋಲು ಬೊಟ್ಟುವೆರ್.
  2. ಡೋಲು ಬೊಟ್ಟುನವು ಒಂಜಿ ಸೇವೆಂದ್ ನಂಬೊಂದು ಈ ಜಾತಿದಕುಲು ಈ ಸಮಯೊಡು ಬರ್ಪೆರ್. ಬೂತೊ ನಲಿಕೆ ಆನಗ ಅಕುಲು ಡೋಲು ಬೊಟ್ಟುವೆರ್.
  3. ಬೂತೊ ನಲಿಕೆಗ್‍ಲಾ ಡೋಲು ಬೊಟ್ಟುನೆಗ್‍ಲಾ ಸೀದೊ ಸಂಬಂದೊ ಇದ್ದಿ. ಆಂಡ ಡೋಲು ಬೊಟ್ಟುನೆಡ್ದಾವರ ಅಲ್ಪ ಬೂತೊ ಸುರುವಾಂಡ್ಂದ್ ದೂರೊಗು ಮುಟ್ಟ ಸೂಚನೆ ತಿಕ್ಕುಂಡು. ನೇಮೊ ಜಾತ್ರೆದ ಸದ್ದ್ ಗದ್ದಲೊ ಹೆಚ್ಚುಂಡು.
  4. ಊರುದ ಜಾತ್ರೆದಪಗ ಜಾತ್ರೆದ ಅಡ್ಕಡ್ ಉಂತೊಂದು ಡೋಲು ಬೊಟ್ಟುವೆರ್.
  5. ಜಾತ್ರೆ, ನೇಮೊದಾನಿ ಡೋಲು ಬೊಟ್ಟುನಕ್ಲೆಗ್ ನಾಲ್ ಕಾಸ್ ತಿಕ್ಕುಂಡು ಪಂಡ್‍ದ್ ಡೋಲು ಬೊಟ್ಟುನೆಗ್ ಪೊಸ ರಂಗ ಬರ್ಪುಂಡು.
  6. ಡೋಲು ಬೊಟ್ಟುನೆನ್ ಬೂತೊ, ನೇಮೊದ ಹಿಮ್ಮೇಲೊಂದ್ ಪನಿಯರ ಆಪುಜಿ. ಅವೊಂಜಿ ಕುಸಾಲ್‍ಗಾದ್ ಬೊಟ್ಟುನ ವಾದ್ಯೊ.

ಉಲ್ಲೇಕೊ[ಸಂಪೊಲಿಪುಲೆ]

  1. https://kn.wikipedia.org/wiki/
  2. http://kannadajaanapada.blogspot.in/2014/06/blog-post_27.html
"https://tcy.wikipedia.org/w/index.php?title=ಡೋಲು&oldid=74007"ಡ್ದ್ ದೆತ್ತೊಂದುಂಡು