ತಮಿಳುನಾಡು ಮರ್ಕೆಂಟೈಲ್ ಬ್ಯಾಂಕ್
ತಮಿಳ್ನಾಡ್ ಮರ್ಕೆಂಟೈಲ್ ಬ್ಯಾಂಕ್ ಲಿಮಿಟೆಡ್ ಭಾರತದ ಖಾಸಗಿ ರಂಗದ ಒಂಜಿ ಬ್ಯಾಂಕ್. ಉಂದೆನ್ 1921ನೇ ಇಸವಿಡ್ ಸ್ಥಾಪನೆ ಮಲ್ತ್‌ದೆರ್. ತಮಿಳುನಾಡುದ ತೂತುಕುಡಿಟ್ ಉಂದೆತ್ತ ಪ್ರಧಾನ ಕಚೇರಿ ಉಂಡು. ದೇಸೊರ್ಮೆ 623 ಶಾಖೆಲು, 262 ನಗದು ಮರುಬಳಕೆ ಯಂತ್ರಲು (ಕ್ಯಾಶ್ ಡೆಪಾಸಿಟ್ ಮೆಷಿನ್) ಬೊಕ್ಕ 1151 ಎಟಿಎ‍ಮ್‌ಲೆನ್ ಈ ಬ್ಯಾಂಕ್ ಹೊಂದ್‌ದುಂಡು.[1]
ಭಾರತೀಯ ಶೇರು ಮಾರುಕಟ್ಟೆಡ್ ಸೇರ್ಪಡೆಯಾಗಿಪ್ಪುನ ಟಿಎಮ್‌ಬಿ, ಮಾರುಕಟ್ಟೆ ಬಂಡವಾಳದ ಆಧಾರೊಡು 16ನೇ ಸ್ಥಾನೊಡು ಉಂಡು.[2]
ಇತಿಹಾಸ
[ಸಂಪೊಲಿಪುಲೆ]ನಾಡಾರ್ ಉದ್ಯಮಿಲೆನ ಸಮುದಾಯಗಾದ್ ಒಂಜಿ ಬ್ಯಾಂಕ್‌ನ್ ಸ್ಥಾಪನೆ ಮಲ್ಪುನ ಆಲೋಚನೆನ್ ಸುರುಕು 1920 ಟ್ ತೂತುಕುಡಿಟ್ ನಡತಿನ ನಾಡಾರ್ ಮಹಾಜನ ಸಂಗಮದ ವಾರ್ಷಿಕ ಸಭೆಟ್ಟ್ ದೀಯೆರ್. ಈ ಪ್ರಸ್ತಾಪ ಬೇಗನೆ ಕಾರ್ಯರೂಪೊಗು ಬತ್ತ್ಂಡ್. 11 ಮೇ 1921 ಟ್ ಭಾರತೀಯ ಕಂಪನಿಲೆನ ಕಾಯ್ದೆ 1913 ದ ಅಡಿಟ್ ದಿ ನಾಡಾರ್ ಬ್ಯಾಂಕ್ ಲಿಮಿಟೆಡ್ ಪನ್ಪಿನ ಪುದರ್‌ದ ಪೊಸ ಬ್ಯಾಂಕ್ ಅಸ್ತಿತ್ವೊಗು ಬತ್ತ್ಂಡ್.[3]
ಎಂ. ವಿ. ಷಣ್ಮುಗವೇಲ್ ಮೆರೆನ್ 4 ನವೆಂಬರ್ 1921 ಟ್ ಬ್ಯಾಂಕ್‌ದ ಸುರುತ ಅಧ್ಯಕ್ಷರಾದ್ ಆಯ್ಕೆ ಮಲ್ತ್‌ದೆರ್. 11 ನವೆಂಬರ್ 1921 ಟ್ ತೂತುಕುಡಿದ ಸೌತ್ ರಾಜಾ ರಸ್ತೆಡ್ ಇಪ್ಪುನ ಅನಾ ಮಾವಣ್ಣ ಕಟ್ಟಡೊಡು ಈ ಬ್ಯಾಂಕ್‌ನ್ ವ್ಯವಹಾರ ಸುರು ಮಲ್ತೆರ್.[4]
1937 ಟ್ ಬ್ಯಾಂಕ್ ಶ್ರೀಲಂಕಾಡ್ ಒಂಜಿ ಶಾಖೆನ್ ದೆತ್ತ್ಂಡ್. ಆಂಡ 1939 ದ ಪೊರ್ತುಗು ಅಯಿನ್ ಮುಚ್ಚೊಡಾಂಡ್.[5] 1947 ದ ಪೊರ್ತುಗು ಬ್ಯಾಂಕ್‌ಗ್ ಬರೆ ನಾಲ್ ಶಾಖೆಲು-ತೂತುಕುಡಿ, ಮಧುರೈ, ಶಿವಕಾಶಿ ಬೊಕ್ಕ ವಿರುದುನಗರಡ್- ಮಾತ್ರ ಇತ್ತ್ಂಡ್. 1976 ಟ್ ತಮಿಳುನಾಡು ರಾಜ್ಯೊಡ್ದು ಪಿದಯಿ ಬೆಂಗಳೂರುಡು ಬ್ಯಾಂಕ್ ತನ್ನ ಸುರುತ ಶಾಖೆನ್ ಸುರು ಮಲ್ತ್ಂಡ್. 1963 ನವೆಂಬರ್‌ಡ್ ನಾಡಾರ್ ಬ್ಯಾಂಕ್ ತನ್ನ ಪುದರ್‌ನ್ 'ತಮಿಳ್ನಾಡ್ ಮರ್ಕೆಂಟೈಲ್ ಬ್ಯಾಂಕ್ ಲಿಮಿಟೆಡ್' ಪಂದ್ ಬದಲಾವಣೆ ಮಲ್ತೊಂಡ್.[6]
ಬ್ಯಾಂಕ್‌ದ ಸುರುತ ಸಂಪೂರ್ಣ ಗಣಕೀಕೃತ ಶಾಖೆನ್ 9 ಡಿಸೆಂಬರ್ 1984 ಟ್ ತೂತುಕುಡಿದ ಡಬ್ಲ್ಯೂ.ಜಿ.ಸಿ ರಸ್ತೆಡ್ ಸುರು ಮಲ್ತ್ಂಡ್. ಬ್ಯಾಂಕ್ ತನ್ನ ಸುರುತ ಎಟಿಎಂ ಕಾರ್ಡ್‌ನ್ 11 ನವೆಂಬರ್ 2003 ಟ್ ಬಿಡುಗಡೆ ಮಲ್ತ್ಂಡ್.[7]
6 ಸೆಪ್ಟೆಂಬರ್ 2021 ಟ್ ತಮಿಳ್ನಾಡ್ ಮರ್ಕೆಂಟೈಲ್ ಬ್ಯಾಂಕ್, ಐಪಿಒ ಆರಂಭಿಕ ಸಾರ್ವಜನಿಕ ಕೊಡುಗೆ) ಮೂಲಕ ಬಂಡವಾಳ ಒಟ್ಟು ಮಲ್ಪೆರೆ ಭಾರತೀಯ ಷೇರು ಬೊಕ್ಕ ವಿನಿಮಯ ಮಂಡಳಿಗ್ ಅರ್ಜಿ ಪಾಡಿಂಡ್. ಸೆಬಿದ ಅನುಮೋದನೆದ ಬೊಕ್ಕ 7 ಜೂನ್ 2022 ಟ್ ಕಂಪನಿ ತನ್ನ ಐಪಿಒಗಾದ್ ಸೆಬಿದ್ ಒಪ್ಪಿಗೆ ಪಡೆಯಿಂಡ್. 15ನೇ ಸೆಪ್ಟೆಂಬರ್ 2022 ಟ್ ಬ್ಯಾಂಕ್ ಭಾರತದ ಶೇರು ಮಾರುಕಟ್ಟೆಡ್ ಸೇರ್ಪಡೆಯಾಂಡ್.[8][9]
ವಿವಾದೊಲು
[ಸಂಪೊಲಿಪುಲೆ]ಉಲ್ಲೇಕ
[ಸಂಪೊಲಿಪುಲೆ]- ↑ "Pan India Network". tmb.bank.in. TMB. Retrieved 1 July 2026.
- ↑ "Private Sector Bank Companies". screener.in. Mittal Analytics Private Ltd. Retrieved 1 July 2026.
- ↑ "Pan India Network". tmb.bank.in. TMB. Retrieved 1 July 2026.
- ↑ "Pan India Network". tmb.bank.in. TMB. Retrieved 1 July 2026.
- ↑ "Tamilnad Mercantile Bank Ltd". fortuneindia.com. Fortune India. Retrieved 1 July 2026.
- ↑ "Pan India Network". tmb.bank.in. TMB. Retrieved 1 July 2026.
- ↑ "Pan India Network". tmb.bank.in. TMB. Retrieved 1 July 2026.
- ↑ "TMB Get SEBI nod for IPO". timesofindia.indiatimes.com. TOI. Retrieved 1 July 2026.
- ↑ "Tamilnad Mercantile Bank Ltd. IPO Details". ticker.finology.in. FINOLOGY VENTURES PRIVATE LIMITED. Retrieved 1 July 2026.