ತಾನಿಯಾ ಸಚ್ದೇವ್

ತಾನಿಯಾ ಸಚ್ದೇವ್ (ಪುಟ್ಟು ೨೦ ಆಗಸ್ಟ್ ೧೯೮೬) ಒರ್ತಿ ಭಾರತದ ಚೆಸ್ ಆಟಗಾರ್ತಿ ಆದ್ ಫಿಡೆ ಇಂಟರ್ನ್ಯಾಷನಲ್ ಮಾಸ್ಟರ್ (ಐಎಂಎಂ) ಬುಕ್ಕೊ ವುಮೆನ್ ಗ್ರ್ಯಾಂಡ್ ಮಾಸ್ಟರ್ (ಡಬ್ಲ್ಯೂಜಿಎಂ) ಬಿರುದುಲೆನ್/ಶ್ರೇಣಿಲೆನ್ ಪಡೆಯೆರ್. ಆರ್ ಭಾರತೀಯ ಪೊಣುಲೆನ ಚೆಸ್ ಚಾಂಪಿಯನ್ ಶಿಪ್ ನ್ ರಡ್ಡ್ ಸರ್ತಿ ಗೆಂದಿಯೆರ್, ೨೦೦೬ ಬುಕ್ಕೊ ೨೦೦೭ಡ್ . ಆರ್ ೨೦೦೭ಡ್ ಒಂಜಿ ಸರ್ತಿದ ಏಷ್ಯಾದ ಪೊಣ್ಣುಲೆನ ಚೆಸ್ ಚಾಂಪಿಯನ್ ಆಯೆರ್ . ಆರ್ 2016, , 2018 ಬುಕ್ಕೊ 2019 ಡ್ ಮೂಜಿ ಸರ್ತಿ ಕಾಮನ್ ವೆಲ್ತ್ ಪೊಂಜೊಲೆನ ಚೆಸ್ ಚಾಂಪಿಯನ್ ಆಯೆರ್. ಆರ್ ಒರ್ತಿ ಚೆಸ್ ಕಾಮೆಂಟೇಟರ್ ಲಾ ಅಂದ್.

ಸುರುತ ವರ್ಷೊಲು

ದೆಲ್ಲಿಡ್ ಪುಟ್ಟುನ ಸಚ್ದೇವ್ ಗ್ ಅರೆನ ಅಮ್ಮ ಅಂಜು 6 ವರ್ಸೊದ ಪ್ರಾಯೊಡು ಈ ಗೊಬ್ಬುಗು ಪರಿಚಯ ಮಲ್ತೆರ್. . ಅಲೆನ ಅಪ್ಪೆ ಅಮ್ಮೆರ್ ಅಲೆಗ್ ವೃತ್ತಿಪರ ತರಬೇತಿ ಕೊರ್ತೆರ್. ಆರ್ ೮ ವರ್ಸೊದ ಪ್ರಾಯೊಡು ಅರೆನ ಸುರುತ ಅಂತರಾಷ್ಟ್ರೀಯ ಪ್ರಶಸ್ತಿನ್ ಗೆಂದಿಯೆರ್. ಆಲೆನ ಸುರುತ ವರ್ಸೊಡು, ಕೆ. ಸಿ. ಅಲೆನ್ ಜೋಶಿ ತರಬೇತಿ ಕೊರ್ತೆರ್. ಆರ್ ತನ್ನ ಬಾಲ್ಯೊಡು ಮಸ್ತ್ ಸ್ಪರ್ಧೆಲೆನ್ ಗೆಂದಿಯೆರ್. ಆರ್ ೧೯೯೮ಡ್ ಭಾರತೀಯ ಅಂಡರ್-೧೨ ಚಾಂಪಿಯನ್ ಆದಿತ್ತೆರ್ . ಆರ್ ೨೦೦೦ಡ್ ಏಷ್ಯಾದ ಅಂಡರ್ ೧೪ ಬಾಲೆಲೆನ ಚಾಂಪಿಯನ್ ಆದ್ ೧೯೯೮ಡ್ ವಿಶ್ವ ಯುವ ಚೆಸ್ ಚಾಂಪಿಯನ್ ಶಿಪ್ ಡ್ ಬಾಲೆಲೆನ ಅಂಡರ್ ೧೨ ವಿಭಾಗೊಡು ಕಂಚಿದ ಪದಕೊನು ಗೆಂದಿಯೆರ್. ಮೇರ್ ೨೦೦೨ಡ್ ಮರಾವಿಲಾಡ್ ನಡತಿನ ಏಷ್ಯನ್ ಜೂನಿಯರ್ ಗರ್ಲ್ಸ್ ಚಾಂಪಿಯನ್ ಶಿಪ್ ಡ್ ಗೆಂದಿಯೆರ್.

ತಾನಿಯಾ ಸಚ್ದೇವ್, ೨೦೦೮

ಕೆಲಸ

೨೦೦೫ ಡ್ ಪೊಂಜೊಲೆನ ಗ್ರ್ಯಾಂಡ್ ಮಾಸ್ಟರ್ ಬಿರುದು ಗೆಂದಿನ ೮ನೇ ಭಾರತದ ಗೊಬ್ಬುದಾರ್ ಸಚ್ದೇವ್ ಆಯೆರ್. ಮೇರ್ ೨೦೦೬ ಬುಕ್ಕೊ ೨೦೦೭ಡ್ ಭಾರತೀಯ ರಾಷ್ಟ್ರೀಯ ಮಹಿಳಾ ಪ್ರೀಮಿಯರ್ ಚೆಸ್ ಚಾಂಪಿಯನ್ ಶಿಪ್ ಗೆಂದಿಯೆರ್. ೨೦೦೭ಡ್, ಟೆಹ್ರಾನ್ ಡ್ ನಡತಿನ ಮಹಿಳಾ ಏಷ್ಯಾದ ಚೆಸ್ ಚಾಂಪಿಯನ್ ಶಿಪ್ ನ್ ಒಂಜಿ ಸುತ್ತುದ ಪಂದ್ಯಾವಳಿಡ್ ೬೧⁄೨ ಅಂಕೊಲೆನ್ ಗಳಸೊಂದು ಗೆಂದಿಯೆರ್ . ಮೇರ್ 2009ಡ್ ಅರ್ಜುನ ಪ್ರಶಸ್ತಿನ್ ಪಡೆಯೆರ್. ೨೦೧೬ಡ್, ಸಚ್ದೇವ್ ರೆಕ್ಜಾವಿಕ್ ಓಪನ್ ಡ್ ಎಡ್ಡೆ ಪೊಂಜೊಲೆನ ಸ್ಪರ್ಧಿ ಪ್ರಶಸ್ತಿನ್ ಗೆಂದಿಯೆರ್ . ಕಲುತಾರಾಡ್ ನಡತಿನ ಪೊಂಜೊಲೆನ ಕಾಮನ್ವೆಲ್ತ್ ಚಾಂಪಿಯನ್ಶಿಪ್ ಬಿರುದುನ್ ಗೆಂದಿನಾರ್.

ಮಹಿಳಾ ಚೆಸ್ ಒಲಿಂಪಿಯಾಡ್ ಡ್ 2008ಡ್ದ್ ಬುಕ್ಕೊ ಭಾರತೀಯ ತಂಡೊದ ಭಾಗವಾದ್ ಉಲ್ಲೆರ್. ೨೦೦೯ ಬುಕ್ಕೊ ೨೦೧೧ಡ್ ನಡತಿನ ಮಹಿಳಾ ವಿಶ್ವ ತಂಡದ ಚೆಸ್ ಚಾಂಪಿಯನ್ ಶಿಪ್ ಡ್ ಭಾರತೀಯ ತಂಡೊದ ಭಾಗವಾದ್ ಇತ್ತೆರ್. ೨೦೦೩, ೨೦೦೬ ಏಷ್ಯನ್ ಗೇಮ್ಸ್ ಬುಕ್ಕೊ ೨೦೦೯ ಏಷ್ಯನ್ ಇಂಡೋರ್ ಗೇಮ್ಸ್ ಡ್ದ್ ಬುಕ್ಕೊ ಪೊಂಜೊಲೆನ ಏಷ್ಯಾ ತಂಡ ಚೆಸ್ ಚಾಂಪಿಯನ್ ಶಿಪ್ ಡ್ ಭಾರತದ ರಾಷ್ಟ್ರೀಯ ತಂಡೊಗು ಗೊಬ್ಬು ಗೊಬ್ಬೊಂದು ಇತ್ತೆರ್. ಸಚ್ದೇವ್ ಇಸ್ತಾಂಬುಲ್ ಡ್ ನಡತಿನ ೨೦೧೨ ಮಹಿಳಾ ಚೆಸ್ ಒಲಿಂಪಿಯಾಡ್ ಡ್ ಬೋರ್ಡ್ ೩ ಗ್ ವೈಯಕ್ತಿಕ ಕಂಚಿದ ಪದಕ ಗೆಂದಿಯೆರ್. ಮಹಿಳಾ ಏಷ್ಯಾದ ತಂಡದ ಚಾಂಪಿಯನ್ ಶಿಪ್ ಡ್ ಆರ್ ನಾಲ್ ತಂಡದ ಬೊಳ್ಳಿ ಪದಕೊಲೆನ್ (೨೦೦೮, ೨೦೦೯, ೨೦೧೨, ಬುಕ್ಕೊ ೨೦೧೪ಡ್) ಬುಕ್ಕೊ ನಾಲ್ ವೈಯಕ್ತಿಕ ಪದಕೊಲೆನ್ (ಮೂಜಿ ಬೊಳ್ಳಿ ಬುಕ್ಕೊ ಒಂಜಿ ಕಂಚಿದ) ಗೆಂದಿಯೆರ್.

2015 ಡ್ ಸಚ್ದೇವ್ ಏಷ್ಯನ್ ಕಾಂಟಿನೆಂಟಲ್ ಮಹಿಳಾ ರಾಪಿಡ್ ಚೆಸ್ ಚಾಂಪಿಯನ್ ಶಿಪ್ ಡ್ ಬೊಳ್ಳಿ ಪದಕ ಗೆಂದಿಯೆರ್.

ಸಚ್ದೇವ್ ಚೆಸ್ಬೇಸ್ ಫ್ರಿಟ್ಜ್ಟ್ರೈನರ್ ಸ್ಟ್ರಾಟೆಜಿ ಡಿವಿಡಿನ್ ಪ್ರಸ್ತುತ ಮಲ್ತೆರ್ ಬುಕ್ಕೊ ಚೆನ್ನೈಡ್ ಮ್ಯಾಗ್ನಸ್ ಕಾರ್ಲ್ಸೆನ್ ಬುಕ್ಕೊ ವಿಶ್ವನಾಥನ್ ಆನಂದ್ ನಡುಟು ನಡತಿನ ೨೦೧೩ ವಿಶ್ವ ಚಾಂಪಿಯನ್ಶಿಪ್ ಪಂದ್ಯೊಗು ಅಧಿಕೃತ ಕಾಮೆಂಟರಿ ತಂಡೊದ ಸದಸ್ಯೆರಾದಿತ್ತೆರ್ . ಜುಲೈ ೨೦೧೯ಡ್, ಸಚ್ದೇವ್ ಕಾಮನ್ವೆಲ್ತ್ ಪೊಂಜೊಲೆನ ಚಾಂಪಿಯನ್ಶಿಪ್ ನ್ ಗೆಂದಿಯೆರ್ ಬುಕ್ಕೊ ದುಂಬುದ ವರ್ಷ ತನ್ನ ಬಿರುದುನ್ ಮುಂದುವರಿಸಯೆರ್.

ಸೆಪ್ಟೆಂಬರ್ ೨೦೨೪ಡ್ ಬುಡಾಪೆಸ್ಟ್, ಹಂಗೇರಿಡ್ ನಡತಿನ ೪೫ನೇ ಚೆಸ್ ಒಲಿಂಪಿಯಾಡ್ ಡ್ ಪೊಂಜೊಲೆನ ಸ್ಪರ್ಧೆಡ್ ಬಂಗಾರ್ದ ಪದಕ ಗೆಂದಿನ ಭಾರತೀಯ ತಂಡೊದ ಭಾಗವಾದ್ ಆರ್ ಇತ್ತೆರ್. ಆ ವರ್ಷ ದೇಶ ತನ್ನ ಸುರುತ ಒಲಿಂಪಿಯಾಡ್ ಪ್ರಶಸ್ತಿನ್ ಗೆಂದಿನವು . ಫೆಬ್ರವರಿ ೨೦೨೫ಡ್, ಆರ್ ಬಿಬಿಸಿ ಚೇಂಜ್ ಮೇಕರ್ ಆಫ್ ದ ಇಯರ್ ೨೦೨೪ ಪ್ರಶಸ್ತಿನ್ ಪಡೆಯೆರ್.

ವೈಯಕ್ತಿಕ ಜೀವನ

ಸಚ್ದೇವ್ ದೆಹಲಿದ ವಸಂತ ವಿಹಾರದ ಆಧುನಿಕ ಶಾಲೆಡ್ ಶಾಲಾ ಶಿಕ್ಷಣ ಮುಗಿತ್ದ್ ಶ್ರೀ ವೆಂಕಟೇಶ್ವರ ಕಾಲೇಜಿಡ್ ಪದವಿ ಪಡೆಯೆರ್.

[ ಉಲ್ಲೇಖ ಬೋಡು ]

ಆರೆನ್ ರೆಡ್ ಬುಲ್ ಡ್ದ್ ಪ್ರಾಯೋಜಿಸಾಯಿನಕುಲು. ಮೇರ್ ದೆಹಲಿ ಮೂಲದ ವಾಸ್ತುಶಿಲ್ಪಿ ವಿರಾಜ್ ಕಟಾರಿಯನ್ ನವೆಂಬರ್ ೨೦೧೪ಡ್ ಮದಿಮೆ ಆಯೆರ್.