ತಿರುಮಲಾಂಬ

ನಂಜನಗೂಡು ತಿರುಮಲಾಂಬ
ಪುಟ್ಟಿನ ಊರು	ಮಾರ್ಚ್ ೨೫, ೧೮೮೭ ನಂಜನಗೂಡು
ಸೈತಿನ ದಿನೊ	ಆಗಸ್ಟ್ ೩೧, ೧೯೮೨
ಬೇಲೆ	ಲೇಖಕಿ
ದೇಸೊ	ಭಾರತೀಯ
ಪ್ರಕಾರೊ	ಕಥೆ, ಕವನ, ಕಾದಂಬರಿ, ನಾಟಕ
ವಿಸಯೊ	ಜೀವನ, ಸ್ತ್ರೀಪರ ಕಾಳಜಿ
ಸಾಹಿತ್ಯೊ ಚಳುವಳಿ	ನವೋದಯ

Nanjanagudu Tirumalamba
ಫೈಲ್:Nanjangud-Tirumalamba-pic.jpg
ಪುಟ್ಟು	Nanjanagudu Tirumalamba (೧೮೮೭-೦೩-೨೫)೨೫ ಮಾರ್ಚಿ ೧೮೮೭ Nanjanagudu, Mysore State, British India (now in Mysore, Karnataka, India)
ಸಾವು	31 August 1982(1982-08-31) (ಪ್ರಾಯ 95) Nanjangud, Mysore, Karnataka, India.
ಬೇಲೆ	Kannada writer, political activist, feminist, poet, writer, publisher, newspaper editor, printer
ಪುಗರ್ತೆದ ಕ್ಷೇತ್ರೊ	ತೆರಿಯೊನುನ
ಅಪ್ಪೆಅಮ್ಮೆರ್	Venkatakrishna Iyengar, Alamelamma

ತಿರುಮಲಾಂಬ ( ಮಾರ್ಚ್ ೨೫, ೧೮೮೭ - ಆಗಸ್ಟ್ ೩೧, ೧೯೮೨ ) ಒರ್ತಿ ಆಧುನಿಕ ಕನ್ನಡ ಬರವುದಾರ್, ಪತ್ರಿಕೆದ ಸಂಪಾದಕಿ, ಪ್ರಕಾಶಕಿ ಬುಕ್ಕೊ ಮುದ್ರಕಿ.

ಬದ್‌ಕ್

ಪೊಸಗನ್ನಡದ ಸುರುತ ಸಾಹಿತಿ, ಪತ್ರಿಕೆದ ಸಂಪಾದಕಿ, ಪ್ರಕಾಶಕಿ, ಮುದ್ರಕಿ ಪಂಡ್ದ್ ಪುಗರ್ತೆ ಪಡೆಯಿನ ತಿರುಮಾಲಂಬ ಪೊಂಜೊವುಲೆನ ಉನ್ನತಿಗಾದ್ ಪಗೆಲ್ ರಾತ್ರೆ ಬೇಲೆ ಮಲ್ತೆರ್. ಆರ್ ಮಾರ್ಚ್ ೨೫, ೧೮೮೭ಡ್ ನಂಜನಗೂಡುಡು ಪುಟ್ಟಿಯೆರ್. ಆರೆನ ಅಮ್ಮೆ ವೆಂಕಟಕೃಷ್ಣ ಅಯ್ಯಂಗಾರ್ ಒರಿ ವಕೀಲೆರ್. ಅಪ್ಪೆ ಆಲಮೇಲಮ್ಮ. ಶ್ರೀ ವೈಷ್ಣವ ಪದ್ದತಿದ ಇಲ್ಲದ ಉಪ್ಪುನ ಕ್ರಮ ಇತ್ತಿಲೆಕನೆ ಅಕ್ಲೆನ ಇಲ್ಲದ ಬಾಸೆ ತಮಿಳು. ಅಕ್ಲೆಗ್ ಸ್ಥಳೀಯ ಬಾಸೆ ಆಯಿನ ಕನ್ನಡದ ಮಿತ್ತ್ ವಿಶೇಷ ಪ್ರೀತಿ ಉಂಡು. ಆಕ್ಲೆಗ್ ತೆಲುಗು ಬುಕ್ಕೊ ಕನ್ನಡ ಬುಕ್ಕೊ ತಮಿಳು ಬಾಸೆದ ಪರಿಚಯ ಇತ್ತ್ಂಡ್.

ಆನಿದ ಕಾಲೊಡು ಬಾಲ್ಯ ವಿವಾಹ ಪದ್ಧತಿ ಆದಿತ್ತಿನ ಕಾಲೊಡು ತಿರುಮಾಲಂಬನ್ ಪತ್ತ್ ವರ್ಸೊಡೇ ಮದ್ಮೆ ಮಲ್ಪುವೆರ್. ಆಂಡ ಅಲೆನ್ ಪದಿನಾಲ್ ವರ್ಸೊದ ಪ್ರಾಯೊಡು ವಿಚ್ಛೇದನ ಮಲ್ತೆರ್. ಅಲೆನ ಅಮ್ಮೆ ವೆಂಕಟಕೃಷ್ಣ ಅಯ್ಯಂಗಾರ್ ಸಾಹಿತ್ಯ ಪ್ರೇಮಿ ಬುಕ್ಕೊ ವಿಶಾಲ ಮನಸ್ಸ್ ದಾರ್, ಅಧ್ಯಯನ ಮಲ್ತಿನ ಮಲ್ಲ ಮಲ್ಲ ವಿಷಯೊಲೆನ್ ತನ್ನ ಮಗಳೆಗ್ ಕೊರ್ದು ಕೊರ್ಪೆರ್. ಅಂಚಾದ್, ಪುಸ್ತಕೊಲು ಅಕ್ಲೆನ ಸಂಗಾತಿಲು ಆಯೆರ್.ರಾಮಾಯಣ,ಮಹಾಭಾರತ, ಭಾಗವತ ಪಠಣ ಮಾತ್ರ ಅತ್ತ್, ನಂಜನಗೂಡು ಶ್ರೀಕಂಠಶಾಸ್ತ್ರಿ, ಬೆಳ್ಳವೆ ಸೋಮನಾಥಯ್ಯ, ಎಂ. ವೆಂಕಟಾದ್ರಿ ಶಾಸ್ತ್ರಿ ಬುಕ್ಕೊ ಬೇತೆಕ್ಲೆನ ಕಥೆ, ನಾಟಕೊಲೆನ್ ವ್ಯಾಪಕವಾದ್ ಓದರೆ ಸುರು ಮಲ್ತೆರ್. ಇಂಚ, ತನ್ನ ಅಧ್ಯಯನೊದ ಒಟ್ಟಿಗೆ ತನ್ನ ಆಂತರಿಕ ಶಕ್ತಿನ್ ಬುಲೆಪಾದ್, ತಿರುಮಾಲಂಬ ತನ್ನ ವೈಯಕ್ತಿಕ ಜೀವನೊದ ಮಿತ್ತ್ ಕೇಂದ್ರೀಕರಿಸವುನ ಬದಲ್ ಲೋಕೊದ ಜನಕುಲೆನ ಕಷ್ಟೊಲೆನ್ ಕೇಂದ್ರೀಕರಿಸೊಡುಂದು ನಿರ್ಧರಿಸಯೆರ್.

ಒರ್ತಿ ಶಿಕ್ಷಕಿ ಆದ್

ಕಾಲಿ ಸಮಯೊಡು ಬರಿತ ಜೋಕುಲೆಗ್ ಪಾಠ ಮಲ್ಪೆರೆ ಸುರು ಮಲ್ತಿನ ತಿರುಮಾಲಂಬೆರ್ ಕ್ರಮೇಣ ತನ್ನ ಇಲ್ಲ್ ನ್ ಸಾಲೆ ಆದ್ ಪರಿವರ್ತಿಸಯೆರ್. ಜೋಕುಲು ಮಾತ್ರ ಅತ್ತ್, ನೆರೆಕರೆತ ಪೊಂಜೊವುಲುಲಾ ಆಯಿನಾತ್ ಬೇಗದ ಬೇಲೆನ್ ಮುಗಿಪಾದ್ ಜೋಕುಲೆನೊಟ್ಟುಗು ಅಧ್ಯಯನ ಮಲ್ಪೆರೆ ಸುರು ಮಲ್ತೆರ್. ಇಂಚ ಕ್ರಮೇಣ ಉಂದು "ಮಾತ್ರುಮಂದಿರ" ಪನ್ಪಿ ಪುದರ್ ಪಡೆಂಡ್. ಈ ದಿನೊಕುಲೆಡ್ ತಿರುಮಾಲಂಬೆರ್ ತನ್ನ ಮೋಕೆದ ವಿದ್ಯಾರ್ಥಿಲೆಗಾದ್ "ಸಂಮಾರ್ಗದರ್ಶಿನಿ" ಪನ್ಪಿ ಪತ್ರಿಕೆನ್ ಸುರು ಮಲ್ತೆರ್.

ತಿರುಮಾಲಂಬಗ್ ಕಲ್ಪುನ ಪೊರ್ತುಡು ದಾದ ಇಷ್ಟ ಆಂಡ್ ಪನ್ಪಿನೆನ್ ಬರೆಪಿನ ಅಭ್ಯಾಸ ಇತ್ತ್ಂಡ್. ಅರೆನ ಆಲೋಚನೆಲೆನ ವ್ಯಾಪ್ತಿ ಈ ವಿಷಯೊಗು ಸರಿ ಆಯೆರೆ ಸುರು ಆನಗ, ಅರೆನ ಬರವುದ ವ್ಯಾಪ್ತಿ ನಾಟಕೊಲು, ಕಾದಂಬರಿಲು, ಕತೆಕುಲು ಬುಕ್ಕೊ ಭಕ್ತಿ ಗೀತೆಲೆನ್ ಸೇರಾವುನಂಚಿನ ವಿಸ್ತಾರ ಆಂಡ್. ಅರೆನ "ಅಮ್ಮೆರೆನ ಇಲ್ಲ್" ಅರೆನ ಬರವುಲೆಗ್ ಮಸ್ತ್ ಪ್ರೇಕ್ಷಕೆರೆನ್ ಒದಗಾಂಡ್. ಅಂಚ ತಿರುಮಲಂಬ ತನ್ನ ನಿಕಟ ಪ್ರೇಕ್ಷಕೆರೆಗ್ ಜಾಸ್ತಿ ಜಾಸ್ತಿ ವಿಷಯೊಲೆನ್ ಎತ್ತಾವುನ ಸಲುವಾದ್ ಜಾಸ್ತಿ ಜಾಸ್ತಿ ಬರೆಯೆರೆ ಸುರು ಮಲ್ತೆರ್.

ಒರ್ತಿ ಬರವುದಾರ್ ಆದ್

ಒಂಜಿ ಸರ್ತಿ "ಮಧುರವಾಣಿ" ಪನ್ಪಿ ಮೈಸೂರುದ ಒಂಜಿ ಮಾಸಿಕ ಪತ್ರಿಕೆಡ್ ಕತೆತ ಸ್ಪರ್ಧೆ ಆನಗ ತಿರುಮಾಲಾಂಬೆರ್ಲಾ ತನ್ನ ಕತೆನ್ ಕಡಪುಡುವೆರ್. ಇಂಚಿತ್ತಿನ ಪೊರ್ಲುದ ಕಥೆ ಬರೆತಿನ ಲೇಖಕೆರೆನ ಸೊತ್ತುಡು ಸ್ವತಃ "ಮಧುರವಾಣಿ" ದ ಸಂಪಾದಕೆರ್ ಶ್ರೀ ಕೆ. ಹನುಮಾನ್ ತಿರುಮಾಲಂಬನ ಇಲ್ಲಗ್ ಸ್ವತಃ ಬತ್ತೆರ್ಗೆ. ಅಕುಲು ಅಲ್ಪ ತೂಯಿನವು ಒಂಜಿ ಬರವುದ ನಿಧಿ. ಆ ಗ್ರಾಮೊಡು ದಿಂಜ ಕತೆಕುಲು, ಕಾದಂಬರಿಲು, ನಾಟಕೊಲು, ಪ್ರಬಂದೊಲು ಇಂಚಿತ್ತಿ ಬೇತೆ ವೈವಿಧ್ಯಮಯ ಬರವುಲು ಇತ್ತ್ಂಡ್. ಉಂದೆಟ್ "ವಿಧವಾ ಕರ್ತವ್ಯ" ಪನ್ಪಿನ ಬರವುಡು ಹನುಮಂತೆರೆಗ್ ಮಸ್ತ್ ಮೆಚ್ಚಿಗೆ ಆದ್ ತನ್ನ "ಮಧುರವಾಣಿ" ಪತ್ರಿಕೆಡ್ ಪ್ರಕಟ ಮಲ್ತೆರ್. ಅಪಗದ ಪ್ರಬಲ ಸಮಾಜೊಡ್ದ್ ಬತ್ತಿನ ಮಸ್ತ್ ಟೀಕೆಲೆನ್ ತೂಂಡಲಾ, ತಿರುಮಲಂಬಾ, ಅವುಲು ಮಾತೆರ್ಲ ನಿರಾಸೆ ಆವಂದೆ, ಆತ್ಮವಿಶ್ವಾಸೊಡು ತನ್ನ ಸರಿ ಪಂಡ್ದ್ ತೆರಿನ ಕೆಲಸೊನು ಮುಂದುವರಿಸಯೆರ್. ಉಂದೆತ ಒಟ್ಟುಗು ಅರೆನ ಪ್ರೀತಿದ ಅಮ್ಮೆರ್ನ ಬೆಂಬಲ ಬುಕ್ಕೊ ಆಶೀರ್ವಾದೊಲುಲಾ ಇತ್ತ್ಂಡ್. ಅಯಿಡ್ದ್ ಬುಕ್ಕೊ ತಿರುಮಾಲಂಬೆರ್ "ಸತಿ ಹಿತೈಸಿನಿ" ಪನ್ಪಿನ ಬೂಕುಲೆನ ಸರಣಿನ್ ಸುರು ಮಲ್ತೆರ್.

ಒರ್ತಿ ಪ್ರಕಾಶಕಿ ಆದ್

"ಸತಿಹಿತೈಸಿನಿ"ದ ಸುರೂತ ಪ್ರಕಟಣೆ ಆದ್ ತಿರುಮಾಲಂಬೆರೆನ ಕಾದಂಬರಿ "ಸುಶೀಲೆ" 1913ಡ್ ಪ್ರಕಟ ಆಂಡ್. ಈ ಕಾದಂಬರಿ ನಾಲ್ ಆವೃತ್ತಿಲೆಡ್ ಪೋದು ಪ್ರಕಟವಾದ್ ಕಮ್ಮಿ ಸಮಯೊಡು 7,000 ಪ್ರತಿಲೆನ್ ಮಾರಾಟ ಮಲ್ತ್ಂಡ್.

"ಸತಿಹಿತೈಸಿನಿ" ಸಂಘಟನೆ ತಿರುಮಾಲಂಬನ ಪ್ರಕಟಣೆಲೆನ್ ಮಾತ್ರ ಅತ್ತ್ "ಸಮ್ಮನ ಗ್ರಂಥವಳಿ", "ಸಂಮಾರ್ಗಾದರ್ಶಿ ಗ್ರಂಥ ಮಾಲಿಕಾ", "ನಂದಿನಿ ಗ್ರಂಥಮಾಲಾ" (ಪನ್ಯಂ ಸುಂದರಶಾಸ್ತ್ರಿ, ಸರಗೂರು ವೆಂಕಟ ವರದಾಚಾರ್ಯ), " ಅಲಂಕಾರ ಶಾಸ್ತ್ರ ಗ್ರಂಥ " (ಡಾ. ಎಸ್.ಎನ್. ನರಸಿಂಹೈ) ಇಂಚಿನ ಮಲ್ಲ ಪುಸ್ತಕೊಲೆನ್ ಪ್ರಕಟ ಮಲ್ತ್ ಂಡ್, ಉಂದೆಟ್ "ಸೂಕ್ಷ್ಮಾಯುರ್ವೇದ ಚಿಕಿತ್ಸಾ ಪ್ರಯೋಗ","ಸರಳ ಯೂನಿಪ್ಯಾಥಿ ಚಿಕಿತ್ಸಕ" ಪನ್ಪುನ ವೈದ್ಯ ವಿಜ್ಞಾನ ಗ್ರಂಥ (ಡಾ. ಶ್ರೀನಿವಾಸಮೂರ್ತಿ) ಅಂಚಿನ ಎಡ್ಡೆ ಪುಸ್ತಕೊಲು ಪ್ರಕಟ ಆಂಡ್. ತಿರುಮಾಲಂಬಗ್ ಇಂಚಿನ ಒಂಜಿ ಉದಾತ್ತ ಉತ್ಸಾಹ ಇತ್ತ್ಂಡ್. ತಿರುಮಾಲಂಬೆರ್ 1913-16ದ ನಡುಟು ಒಟ್ಟು ಪತ್ತೊಂಜಿ ಪುಸ್ತಕೊಲೆನ್ ಪ್ರಕಟ ಮಲ್ತೆರ್, ಅವುಲು "ನಭಾ", "ವಿದ್ಯುಲ್ಲಥ", ಬುಕ್ಕೊ "ಹರಿನ" ಉಂಡು. ಕತೆಕುಲು, ಕಾದಂಬರಿಲು, ಎಲ್ಯ ಕತೆಕುಲು, ಪತ್ತೆದಾರಿ ಕಾದಂಬರಿಲು, ಪ್ರಬಂಧೊಲು, ಕಬಿತೆಲು, ನಾಟಕೊಲು ಒಟ್ಟು ಸೇರ್ದ್ ಸುಮಾರ್ ಇರ್ವತ್ತೆನ್ಮ ಕೃತಿಲೆನ್ ಬರೆತೆರ್. 1939ಡ್ ಬರೆತಿನ "ಮಣಿಮಾಲಾ" ತಿರುಮಾಲಂಬೆರೆನ ಕಡೆತ ಕಾದಂಬರಿ. ಅರೆನ ಕೃತಿಲು ಪೂರ್ಣ ಕಲಾಗ್ರಂಥ, ದಕ್ಷಕನ್ಯ, ಬುಕ್ಕೊ ವಿದ್ಯುಲ್ಲಥ ಮೈಸೂರು ವಿಶ್ವವಿದ್ಯಾಲಯದ ಮಧ್ಯಂತರ ಬುಕ್ಕೊ ಬಿ.ಎಸ್.ಸಿ. ಅವು ತರಗತಿಲೆಗ್ ಪಠ್ಯಪುಸ್ತಕೊಲು ಆದಿತ್ತ್ಂಡ್.

ಒರ್ತಿ ಪತ್ರಿಕೆದ ಸಂಪಾದಕಿ ಆದ್

ದುಂಬುಗು ತಿರುಮಾಲಂಬೆರ್ " ಕರ್ನಾಟಕ ನಂದಿನಿ " ಪನ್ಪಿನ ಮಾಸಿಕ ಪತ್ರಿಕೆನ್ ಸುರು ಮಲ್ತೆರ್. "ಯಾನ್ ಒರ್ತಿ ಸರಳ, ಸಾಮಾನ್ಯ ಪೊಣ್ಣು ಶಿಕ್ಷಣದ ಹಗ್ಗೊಲೆನ್ ತೆರಿಯೊಂದಿಜ್ಜಿ. ಆಧುನಿಕ ನಾಗರಿಕತೆದ ಸಾರ ಅತ್ತಂದೆ ಜ್ಞಾನದ ಮೂಲೊನು ತೆರಿಯಂದಿನ ಒರ್ತಿ ಪೊಣ್ಣು. ಆಂಡಲಾ, ಎಂಕ್ಲೆನ ಅಕ್ಕನ ವರ್ಗೊಗು ಎಂಕ್ ದಾದ ಸೇವೆ ಮಲ್ಪೆರೆ ಸಾಧ್ಯ ಆಪುಂಡು ಪನ್ಪಿನ ಅಗಾಧ ಆಸೆ ಎಂಕ್ ಬುಡ್ದು ಪೋಪುಜಿ," ಪಂಡ್ದ್ ತಿರುಮಲಾಂಬಾ ಪನ್ಪೆರ್ ಈ ಮಾಸಿಕ ಪತ್ರಿಕೆ ಮಹಿಳಾ ಸಮುದಾಯೊಗು ಒಂಜಿ ಅನನ್ಯ ಕೊಡುಗೆ ಆಂಡ್. "ನಂದಿನಿಗ್" ಕಬಿತೆ ಕಡಪುನಕುಲೆಡ್ ಒರ್ತಿಯೆ ಉಡುಪಿದ ತುಳಸಿಬಾಯಿ ಪನ್ಪಿ ಲೇಖಕಿ ಎಲ್ಯ ಪ್ರಾಯೊಡೆ ತೀರ್ದ್ ಪೋಯೆರ್. ಕಾಡೆಂಗೋಡ್ಲು ಶಂಕರಭಟ್ಟ ತನ್ನ ಕೆಲವು ಬರವುಲೆನ್ ನಂದಿನಿಗ್ ಕಡಪುಡುವೆರ್. ಪತ್ರಿಕೆಡ್ "ಕನ್ನಡ ರನ್ನಗನ್ನಡಿ" ಪನ್ಪುನ ಒಂಜಿ ಪುಟೊನ್ ಕನ್ನಡ ಆಚರಣೆ ಮಲ್ಪುನಕ್ಲೆಗ್ ಸಮರ್ಪಿಸಯೆರ್. "ನಂದಿನಿ"ಗ್ ಬರೆಯೆರೆ ಕಲ್ತ್ ನ ಪೊಣ್ಣುಲೆಗ್ ಆರ್ ವಿನಂತಿ ಮಲ್ತೊಂದು ಇತ್ತೆರ್. ಒಂಜಿ ಮುಷ್ಟಿ ಬರವುದಕುಲು ಮಾತ್ರ ಇತ್ತಿನೆಡ್ದಾವರ, ತಿರುಮಲಂಬ ಸ್ವತಃ ಆರೇ ನಿರಂತರವಾದ್ ಬೇತೆ ಬೇತೆ ಪುದರ್‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‍ಡ್ ಬರೆವೊಡಾಂಡ್. ಈ ಪತ್ರಿಕೆ ಮಸ್ತ್ ಪೊರ್ತುಗು ನಡಪರೆ ಸಾಧ್ಯ ಆಯಿಜಿ ಬುಕ್ಕೊ ಉಂತಾವೊಡಾಂಡ್.

ಕಡೆತ ದಿನೊಕುಲು

ಅಂಚನೆ, ಅರೆನ ಅಮ್ಮೆರ್ನ ಸಾವು ತಿರುಮಲಂಬಗ್ ಒಂಜಿ ಆಘಾತ ಆದ್ ಬತ್ತ್ಂಡ್. ಇಂಚ ಎಚ್ಚಾದ್ ಅಂತರ್ಮುಖಿ ಆಯಿನ ತಿರುಮಾಲಂಬೆರ್ ತನ್ನ ಬರವುನು ಆಧ್ಯಾತ್ಮಿಕತೆದ ದಿಕ್ಕುಗು ಮಲ್ತೆರ್. ದುಂಬುಗು ಬರೆಪುನ ಬೋರ್ಚಿ ಪನ್ಪಿನ ಭಾವನೆಡ್, ಅರೆನ ಮನಸ್ಸ್ ಮೌನೊಗು ಬದಲಾಂಡ್.

೯೫ ವರ್ಸೊದ ಸುದೀರ್ಘ ಜೀವನೊಡು ಕಷ್ಟೊಲೆನ್, ಟೀಕೆಲೆನ್, ಲಾಭೊಲೆನ್ ಬುಕ್ಕೊ ನಷ್ಟೊಲೆನ್ ಗೆಂದ್‌ದ್ ಆರ್ ನಡಪಾಯಿನ ಅಮೂಲ್ಯ ಜೀವನ ಈ ಲೋಕೊದ ಜನೊಕುಲೆಗ್ ಒಂಜಿ ಬೊಲ್ಪುದ ದೀಪೊ ಆದುಂಡು. ಪೊಸಕನ್ನಡದ ಸುರೂತ ಬರಹಗಾರ್ತಿ, ಪತ್ರಿಕೆದ ಸಂಪಾದಕಿ, ಪ್ರಕಾಶಕಿ ಶ್ರೀಮತಿ ನಂಜನಗೂಡು ತಿರುಮಾಲಂಬ ಮೇರ್ 1982 ಆಗಸ್ಟ್ 31 ತಾರೀಕ್‌ಗ್ ತೀರ್ ಪೋಯೆರ್. ಅಕ್ಲೆನ ಜೀವನ, ಅಯಿಟ್ ಬರ್ಪಿನ ಬೊಲ್ಪು, ಏಪಲಾ ಅಳಿಸಾವರೆ ಸಾಧ್ಯ ಇಜ್ಜಿ.

ಪ್ರಶಸ್ತಿಲು, ಗೌರವೊಲು

"ಸತಿ ಹಿತೈಸಿನಿ" ಸರಣಿಡ್ದ್ "ಮಾತ್ರುನಂದಿನಿ", "ಚಂದ್ರಾವಾದನ", ಬುಕ್ಕೊ "ರಮಾನಂದ" ಇಂಚಿನ ಕೃತಿಲು ಮದ್ರಾಸ್ ಶಾಲೆದ ಪುಸ್ತಕ ಬುಕ್ಕೊ ಸಾಹಿತ್ಯ ಸಂಸ್ಥೆದ ಪ್ರಶಸ್ತಿನ್ ಪಡೆಯೆರ್. ಕರುನಾಡ ವಿದ್ಯಾವರ್ಧಕ ಸಂಘ "ರಮಾನಂದ",ಬುಕ್ಕೊ "ಪೂರ್ಣಕಲ" ಕೃತಿಕುಳು ಪ್ರಶಸ್ತಿ ಕೊರ್ತುಂಡು. ತಿರುಮಲಂಬೆರೆನ ಕೆಲವು ಕೃತಿಲೆಗ್ ಮೈಸೂರು, ಮದ್ರಾಸ್, ಬೊಂಬಾಯಿ ಸರ್ಕಾರೊಲು ಬಹುಮಾನೊಲೆನ್ ಕೊರ್ತೆರ್. ೧೯೮೦ನೇ ಇಸವಿಡ್ ರಾಜ್ಯ ಸಾಹಿತ್ಯ ಅಕಾಡೆಮಿಡ್ ತಿರುಮಾಲಾಂಬೆರೆನ್ ಗೌರವ ಮಲ್ತೆರ್.

ಸುಮಾರ್ ರಡ್ಡ್ ದಶಕೊಡ್ದಿಂಚಿ, ೧೯೧೭ಡ್ದ್ ಬುಕ್ಕೊ, ಮದ್ರಾಸ್, ಮೈಸೂರು, ಬೊಂಬಾಯಿ ರಾಜ್ಯೊಲೆಡ್ ಶಾಲೆ, ಕಾಲೇಜ್‌ಲೆಡ್ ಆರೆನ ಕೃತಿಲೆನ್ ಪಠ್ಯಪುಸ್ತಕೊಲೆನ ರೂಪೊಡು ಕಲ್ಪಾವೊಂದಿತ್ತೆರ್.

ತಿರುಮಲಂಬ ಪ್ರಶಸ್ತಿ

ತಿರುಮಾಲಂಬನ ಪುದರ್‌ನ್ ಶಾಶ್ವತವಾದ್ ಮಲ್ಪೆರೆ, ಚಿ. ನ. ಮಂಗಳ ತಿರುಮಾಲಂಬೆರೆನ ಜನ್ಮಶತಮಾನೋತ್ಸವೊದ ಭಾಗವಾದ್ ಮಾರ್ಚ್ ೨೫, ೧೯೮೭ ಡ್ ನಡತಿನ ಒಂಜಿ ಸಮಾರಂಭೊಡು ಆರ್ ರಚನೆ ಮಲ್ತಿನ "ಶಾಶ್ವತಿ" ಸಂಘಟನೆ 'ಶ್ರೀಮತಿ ನಂಜನಗೂಡು ತಿರುಮಾಲಂಬಾ ಪ್ರಶಸ್ತಿನ್ ಸ್ಥಾಪನೆ ಮಲ್ತ್ಂಡ್. ಈ ಪ್ರಶಸ್ತಿ, "ತಿರುಮಾಲಾಂಬ ಪ್ರಶಸ್ತಿ" ಪ್ರತೀ ವರ್ಷೊಡ್ದಿಂಚಿ ಒಂಜಿ ಮಲ್ಲ ಮಹಿಳಾ ಬರಹಗಾರ್ತಿಗ್ ಕೊರೊಂದು ಬೈದೆರ್.

ಕಾದಂಬರಿಲು

• ಸುಶೀಲಾ (ಉಂದೆಟ್ 'ಕಾದಂಬರಿ' ಪನ್ಪಿ ಶಬ್ದ ಬಳಕೆ ಆತ್ಂಡ್)
• ನಭಾ
• ವಿದ್ಯುತ್ ಕೊರತೆ ||
• ವಿರಗಿನಿ
• ದಕ್ಷಕಾನ್ಯೆ (ಗೂಢಚಾರಿ)
• ಮಣಿಮಲ

ನಾಟಕೊಲು

• ಸಾವಿತ್ರಿನ ಇತಿಹಾಸ ||
• ಜಾನಕಿ ಕಲ್ಯಾಣ್ |
• ಚಂದ್ರವಾದನ, ೧.
• ರಮಾನಂದ,

ಮಾಹಿತಿ ಕೃಪೆ

ತಿರುಮಾಲಂಬನ ಬಗ್ಗೆ ವೈದೇಹಿ ಬರವು.