ತಿರುವಾತಿರಕಳಿ

ತಿರುವಾತಿರಕಳಿ
Shiva as Nataraja and Parvati, Thousand-Pillared Hall, Meenakshi Temple, Madurai
ಆಚರಿಸವೆರ್	Hindus
ಬಗೆ	Religious
Significance	Celebrates the cosmic dance, Birthday, and Ardhanarishvara form of Lord Shiva
ಆಚರಣೆಲು	Fasting, Abhisheka, puja, chariot procession, Thiruvasagam, Thiruvathirakali
ತಾರಿಕ್	Margali
Frequency	Annual / Biannual

ತಿರುವಾತಿರಕಳಿ ಕೇರಳಡ್, ಓಣಂ ಬೊಕ ಬಿಸು ಪರ್ಬದ ಒಟ್ಟಿಗೆ ನಡಪುನ ಒಂಜಿ  ಪ್ರಮುಖ ಸಾಂಪ್ರದಾಯಿಕವಾಯಿನ ಜಾನಪದ ಪರ್ಬ. ನೆನ್ ಮಲಯಾಳದ ಪೊಂಜೆ ನಕುಲು  ಆಚರಿಸುವೆರ್. ಉಂದು ಹೆಚ್ಚಾದ್ ಪೊಂಜೇನಕ್ಲೆಗ್ ಇತ್ತ್ ನ ಪರ್ಬ; ಮದಿಮೆ ಆವಂದಿನ ಪೊಂಜೆ ನಕುಲು ಎಡ್ಡೆ ಕಂಡನಿ ತಿಕ್ಕೆರೆ ಈ ದಿನಯಾನಿ ಎಚ್ಚ ವ್ರತ ಮಲ್ಪುವೆರ್ ಬೊಕ ಮದಿಮೆ ಆಯಿನ ಪೊಂಜೇನಕುಲು  ದುಂಬುದ ದಿನರ್ದ್ (ಮಕಯಿರಂ ನಕ್ಷತ್ರ) ಬೊಕ ತಿರುವತಿರ ದಿನತಾನಿ ತನ್ನ ಕಂಡನಿ ಬೊಕ ಕುಟುಂಬದ ಯೋಗಕ್ಷೇಮಗ್ ಬೋಡಾದ್ ವ್ರತ ಮಲ್ಪುವೆರ್. ಪೊಸ ಮದಿಮಾಳ್ನ ಸುರುತ  ತಿರುವತಿರ ಆಲ್ನ ಪೂತಿರುವತಿರ.

ತಿರುವಾತಿರಕಳಿ

ತಿರುವಾತಿರಕಳಿ ಬಗ್ಗೆ

ಉಂದು ಕೇರಳಡ್ ಸುಗ್ಗಿದ ಪರ್ಬ ಆಯಿನ  ಓಣಂದ ಸಮಯಡ್ ಮಲ್ಪುನ  ಜನಪ್ರಿಯವಾಯಿನ ಗುಂಪು ನಲಿಕೆ. ಈ ನಲಿಕೆನ್ ಪೊಂಜೇನಕ್ಲ್  ಪ್ರದರ್ಶನ ಮಲ್ಪುವೆರ್. ಲಯಬದ್ಧವಾದ್ ವೃತ್ತಾಕಾರಡ್ ತಿರುವಾತೀರ ಪದ್ಯಗ್ಲೇ ರಾಗಗ್ ಪೋಪೆರ್. ತಿರುವಾ ತಿರಕಳಿನ್ ಕೈಕೊಟ್ಟಿಕಿಲಿಸ್ ಪಂದ್ ಲಾ ಲೆಪ್ಪುವೆರ್. ಉಂದು ಭಗವಾನ್ ಶಿವನ ಜನ್ಮದಿನವಾಯಿನ ತಿರುವಾತೀರದ ಶುಭ ದಿನತಾನಿ ಪೊಂಜೇನಕ್ಲೆನ ತಂಡರ್ದ್ ವಿಶೇಷ ನಲಿಕೆ ಪ್ರದರ್ಶನವಾಪುಂಡು. ನೆನ್ ಮಲಿಯಾಲ ತಿಂಗೊಲುದ ಧನುಡು ಆಚರಿಸಾಬೆರ್. ಈ ನಲಿಕೆ ಪ್ರದರ್ಶನದ ದುಂಬುದ ಮುಖ್ಯ ಕಾರಣ ಪಂಡ ಶಾಶ್ವತ ಸಂಸಾರಗ್ ಆಶೀರ್ವಾದ ಬೊಕ ಸಂಗಾತಿನ ದೀರ್ಘಾಯುಷ್ಯಗ್ ಬೋಡಾದ್ ಆಳವಾದ್ ಅಧ್ಯಯನ ಮಲ್ಪುನೆ.ಅಂಚನೆ ಶಿವನ ಕೋಪೊರ್ದು ಮನ್ಮಥನ್ ರಕ್ಷಿದಾಯಿನ ಶಕ್ತಿಗ್ ಪೊಂಜೆನಕುಲು  ಪ್ರಾರ್ಥನೆ ಮಲ್ಪುವೆರ್. ಈ ನಲಿಕೆದ ಆಚರಣೆದ ಕಥೆನ್ ಹಿಂದೂ ಪುರಾಣಗ್ಲೆಡ್ ತೂವೊಲಿ. ದಂತಕಥೆತ ಪ್ರಕಾರ, ಒರ್ತಿ ವಿಧವೆ ತನ್ನ ಗಂಡನ ನಷ್ಟದ ಬಗ್ಗೆ ನಿರಂತರವಾದ್ ಚಿಂತಿಸೊಂದಿತ್ತಲ್. ಆಲ್ ಪಾರ್ವತಿ ದೇವಿನ್ ಪ್ರಾರ್ಥನೆ ಮಲ್ತಾಳ್ ಬೊಕ ಪಾರ್ವತಿ ಆ ಪೊಂಜೆನ ಕಂಡನಿಯನ್ ಒರಿಪಾಯೆರೆ  ಶಿವನ ಮನವೊಲಿಸಾಯಲ್. ಶಿವೆ ಪಾರ್ವತಿ ದೇವಿನ ಬಲವಂತಗ್ ಶರಣಾವೊಡಾನ್ಡ್. ಈ ಘಟನೆನ್ ಗುರುತಿಸೆರೆ ಪೊಂಜೆನಕುಲು ತನ್ನ ಕಂಡನಿಯನ ದೀರ್ಘಾಯುಷ್ಯಗ್ ಈ ನಲಿಕೆನ್ ನಲಿಪುವೆರ್. ಈ ನೃತ್ಯ ಪ್ರದರ್ಶನಡ್ ದೀಪನ್ ಪೊತ್ತಾಬೆರ್ ಬೊಕ ಐತ ಸುತ್ತಲಾ ಪೊಂಜೆನಕುಲು ಕೈಟ್ ತಾಟಿ ಬೊಟ್ಟುದು ಪದ್ಯದ ಒಟ್ಟಿಗೆ ನಲಿಪುವೆರ್.

ತಿರುವಾತಿರಕಳಿನ್ ತಿರುವಾತಿರ ದಿನತಾನಿ ಪೊಂಜೆನಕುಲು  ಪ್ರದರ್ಶನ ಮಲ್ಪುನ ನಲಿಕೆದ ಪ್ರಕಾರವಾದಿತ್ತ್ ದ್, ಉಂದು ಜಾನಪದ ಪದ್ಯಲೆಡ್ ಪ್ರೇಮಪಾಶಡ್ ಉಪ್ಪುನ ಪಾರ್ವತಿನ ಕಥೆಕ್ಲೆನ್, ಶಿವನ ವಾತ್ಸಲ್ಯ ಬೊಕ ಶಿವನ ಶಕ್ತಿ ಬೊಕ ಶಕ್ತಿಗಾದ್ ಆಲ್ನ ಹಂಬಲ ಬೊಕ ತಪಸ್ಸ್ ದ ಕಥೆಕ್ಲೆನ್ ಪನ್ಪುoಡು. ನೀಲವಿಳಕ್ಕುವಿನ ಸುತ್ತಲಾ ನಲಿಕೆದಕ್ಲೆನ ಗುಂಪು ನಡಪಾವುನ ಲಯಬದ್ಧ ಚಲನೆಳು ಲಾಸ್ಯ ಅತಂಡ ಸ್ತ್ರೀಲಿಂಗದ ಕಾಮುಕ ಮೋಡಿ ಬೊಕ ಅನುಗ್ರಹನ್ ಸಾಕಾರಗೊಳಿಸಾವುಂಡು. ಈ, ತಿರುವಾತಿರಕಳಿ ಮಾತಾ ಋತುಗ್ಲೆಗ್ಲಾ ಜನಪ್ರಿಯ ನೃತ್ಯ ಪ್ರಕಾರವಾತ್oಡ್. ತಿರುವಾತಿರಕಳಿ ಕೇರಳದ ವಿಶಿಷ್ಟವಾಯಿನ ನಲಿಕೆದ ಪ್ರಕಾರ. ಉಂದು ಸರಳ ಆಂಡ ಬಾರೀ ಆಕರ್ಷನೆದ ಪಜ್ಜೆದ ಪೊಂಜೊಲೆನ  ಗುಂಪು ನಲಿಕೆ. ಪ್ರಾಚೀನ ಕಾಲಡ್, ಪರ್ಬಲು ಬೊಕ  ಸಮಾರಂಭಗ್ಲೆದ ಸಮಯಡ್ ಪೊಂಜೆನಕುಲುತನ್ನ ಇಲ್ಲಡ್  ಈ ನಲಿಕೆನ್ ಪ್ರದರ್ಶನ ಮಲ್ಪುವೆರ್. ನೆತ್ತ ಮಲಯಾಳಂಡ್ ಪುದರ್ ಅಕಾ ಕೈಕೊಟ್ಟಿಕಳಿ: ಅಕಾ-ಉಲಾಯಿ + ಕೈಕೊಟ್ಟಿಕಳಿ-ನಟನೆ ಕೈಕೊಟ್ಟಿಕಳಿ ಪನ್ಪುನ ಪುದರ್ನ್ ಕೊರೊಂದು ಇತ್ತೆರ್. ಶಿವೆ ಪಾರ್ವತಿನ್ ತನ್ನ ಬೊಡೆದಿಯಾದ್ ಸ್ವೀಕಾರ ಮಲ್ತಿನೆತ ನೆನಪುಗಾದ್ ತಿರುವಾತಿರ ಕಾಳಿ ಪಂದ್ ಪುರಾಣ ಪನ್ಪುಂಡು. ಕೇರಳ ಶೈಲಿದ ವಿಶಿಷ್ಟವಾಯಿನ ಮುಂಡು ಬೊಕ ನೆರಿಯತು ಪಾಡೊಂದು ಪೊಂಜೇನಕ್ಲೆನ ಗುಂಪು ಬೊಕ ಮಲ್ಲಿಗೆದ ಮಾಲೆಡ್  ಅಲಂಕರಿಸಾಯಿನ ಕುಜಲ್ ಗ್  ಬನ್ ಪಾಡ್ದ್ ಪರ್ಬೊಗ್ಲೆದ ಪೊರ್ತುಡು ಈ ನಲಿಕೆನ್ ಪ್ರದರ್ಶನ ಮಲ್ಪುವೆರ್. ಕೈಕೊಟ್ಟಿಕಳಿ ಸಂದೇಶನ್ ಕೊರ್ಪುಂಡು. ತಿರುಾವತಿರನ್ ಕೇರಳದ ಕರ್ವಾ ಚೌತ್‌ನ ಸ್ವಂತ ಆವೃತ್ತಿ ಪಂದ್ ಲೆಪ್ಪುವೆರ್.

ತಿರುವಾತಿರ ಕಾಳಿಗ್ ಸಂಬಂಧಿಸಾಯಿನ ವಿಶ್ವ ದಾಖಲೆಳು

ವಿಶ್ವದ ಬಾರೀ ಮಲ್ಲ ತಿರುವತಿರ ದಾಖಲೆ ಟ್ವೆಂಟಿ20 ಕಿಳಕ್ಕಂಬಲಂಗ್ ಸೇರಿನ್ಡ್. ಮೇ 1, 2017 ತಾನಿ ನಡತ್ ನ 16 ನಿಮಿಷಗ್ಲೇ ಪ್ರದರ್ಶನ 10-75 ವರ್ಷ ಪ್ರಾಯದ ಒಟ್ಟು 6,582 ಪೊಂಜೇನಕುಳು ಬೊಕ ಪೊಂಜೆನಕುಲು ಭಾಗವಹಿಸಾಯಿನ ಈಡೇಮುಟ್ಟದ ಭಾರೀ ಮಲ್ಲ ತಿರುವತಿರ ಪಂದ್ ಪರಿಗಣಿಸದೆರ್. ಕೇರಳದ 2,500ಪೂಜೆನಕುಲು ಬೊಕ ಕೊಕ್ಲೆನ ಒಟ್ಟಿಗೆ, ಒಒಂಜಿ ರಷ್ಯಾದ ಪೊಂಜೊವು ಬೊಕ ಬೇತೆ 20 ರಾಜ್ಯಗ್ಲೇದ 4,500 ಗ್ಲಾ ಜಾಸ್ತಿ ಪೊಂಜೇನಕುಕು ಈ ಕಾರ್ಯಕ್ರಮಡ್ ಭಾಗವಹಿಸಾದೆರ್. 16 ನಿಮಿಷಗ್ಲೆ ಪ್ರದರ್ಶನಗ್ ಬೋಡಾದ್ ಪೊಂಜೇನಕ್ಲೆಗ್ ನಲಿಕೆದ ಪ್ರಸಿದ್ಧ ಶಿಕ್ಷಕೆರ್ ಬೊಕ ಅಭ್ಯಾಸಕಾರೆರ್ ತರಬೇತಿ ಕೊರಿಯೆರ್. ನಲಿಕೆದಕುಲು ಪಾಡುನ ಸಾಂಪ್ರದಾಯಿಕ ಡ್ರೆಸ್ಸು "ಕಸವು ಮುಂಡು ಬೊಕ ನೆರಿಯತ್" ನ್ ಕಿಳಕ್ಕಂಬಲಂ ಒದಗ್ಂಡ್. ಈ ಕಾರ್ಯಕ್ರಮನ್ ಕಿಳಕ್ಕಂಬಲಂ ಗ್ರೂಪ್‌ದ ಸಿಎಸ್‌ಆರ್ ವಿಭಾಗವಾಯಿನ ಟ್ವೆಂಟಿ20 ಕಿಳಕ್ಕಂಬಲಂ, ಚಾವರ ಸಾಂಸ್ಕೃತಿಕ ಕೇಂದ್ರ ಬೊಕ ತಿರುವತಿರಾದ ಪರ್ವನೇಂದು ಶಾಲೆ ಆಯೋಜಿಸಾದಿತ್ತೆರ್.

"ವಿಶ್ವದ ಬಾರೀ ಮಲ್ಲ ತಿರುವತಿರಾದ ದಾಖಲೆ ಟ್ವೆಂಟಿ20 ಕಿಳಕ್ಕಂಬಲಂಗ್ ಸೇರಿನ್ಡ್" ಪಂದ್ ಗಿನ್ನೆಸ್ ವಿಶ್ವ ದಾಖಲೆದ ತೀರ್ಪುಗಾರೇರಾಯಿನ ರಿಷಿ ನಾಥ್, ಕೈಟೆಕ್ಸ್ ಅಪ್ಯಾರಲ್ ಪಾರ್ಕ್‌ನ ಎಂಡಿ ಸಾಬು ಎಂ ಜಾಕೋಬ್ ಬೊಕ ಟ್ವೆಂಟಿ20ದ ಮುಖ್ಯ ಸಂಯೋಜಕೇರಾಯಿನ ಸಾಬು ಎಂ ಜಾಕೋಬ್ ಅರೆಗ್ ಪ್ರಮಾಣಪತ್ರನ್ ಹಸ್ತಾಂತರಿಸಾವೊಂದು ಪಂಡೆರ್.