ವಿಷಯಕ್ಕೆ ಹೋಗು

ತೆರುಕ್ಕುಟ್ಟು

ವಿಕಿಪೀಡಿಯ, ಒಂಜಿ ಸೊತಂತ್ರ ವಿಶ್ವಕೋಶ
ತೆರುಕ್ಕುಟ್ಟು ಪ್ರದರ್ಶನ ಕೊರೊಂದುಪ್ಪುನ ಕಲಾವಿದೆರ್

ತೆರುಕ್ಕುಟ್ಟು ಒಂಜಿ ತಮಿಳು ಭಾಷೆದ ಪ್ರಕಾರ ಬೀದಿ ರಂಗಭೂಮಿ , ಭಾರತದ ತಮಿಳುನಾಡು ರಾಜ್ಯ ಬೊಕ್ಕ ಶ್ರೀಲಂಕಾದ ತಮಿಳು ಭಾಷೆ ಪಾತೆರುನ ಪ್ರದೇಶೊಲೆಡ್ ಅಭ್ಯಾಸ ಮಲ್ಪುನವು.[೧] ತೆರುಕುಟ್ಟು ಒಂಜಿ ಕೂತು ರೂಪ, ಮನರಂಜನೆ, ಆಚರಣೆ ಬೊಕ್ಕ ಸಾಮಾಜಿಕ ಬೋಧನೆದ ಮಾಧ್ಯಮ,[೨] ತಮಿಳಕಂನ ಆರಂಭೊಡ್ದೇ ಪುಟ್ಟುದುಂಡು.[೩][೪] ತೆರುಕ್ಕುಟ್ಟು ವಿವಿಧ ವಿಷಯೊಲೆನ್ ನಿರ್ವಹಿಸಾವುಂಡು. ಒಂಜಿ ವಿಷಯೊ ಹಿಂದೂ ಮಹಾಕಾವ್ಯ ಮಹಾಭಾರತದ ತಮಿಳು ಭಾಷಾ ಆವೃತ್ತಿಡ್ಡು ಬಯಿದುಂಡು, ಉಂದು ದ್ರೌಪದಿ ಪಾತ್ರೊನು ಕೇಂದ್ರೀಕರಿಸುಂಡು.[೫] ಆಧುನಿಕ ಕಾಲೊಡು ತೇರುಕ್ಕುಟ್ಟು ಬೊಕ್ಕ ಕತ್ತೈಕುಟ್ಟು ಪನ್ಪಿನ ಶಬ್ದೊಲೆನ್ ಮಸ್ತ್ ಸರ್ತಿ ಒಂಜೊಂಜಿ ಬದಲಾವಣೆಡ್ ಬಳಕೆ ಮಲ್ಪುವೆರ್; ಆಂಡಲಾ, ಐತಿಹಾಸಿಕವಾದ್ ಈ ರಡ್ಡ್ ಪದೊಕುಲು ಕನಿಷ್ಠ ಕೆಲವು ಗ್ರಾಮೊಲೆಡ್ ರಡ್ಡ್ ಬೇತೆ ಬೇತೆ ರೀತಿದ ಪ್ರದರ್ಶನೊಲೆನ್ ಗುರುತಿಸವುಂಡು. ತೆರುಕ್ಕುಟ್ಟು ಪಂಡ ಮೆರವಣಿಗೆಡ್ ಚಲಿಸುನ ಪ್ರದರ್ಶನೊಲೆನ್ ಸೂಚಿಸವುಂಡು, ಆಂಡ ಕಟ್ಟೈಕುಟ್ಟು ಪಂಡ ರಾತ್ರೆ, ಒಂಜಿ ನಿಶ್ಚಿತ ಪ್ರದರ್ಶನ ಸ್ಥಳೊಡು ನಿರೂಪಣೆದ ಪ್ರದರ್ಶನೊಲೆನ್ ಸೂಚಿಸಾವುಂಡು.[೬]

ಇತಿಹಾಸೊ

[ಸಂಪೊಲಿಪುಲೆ]
ಕೂತು ನರಶಿಮಾ ಪಾತ್ರೊದ ಪ್ರದರ್ಶಕನ ಮುಖವಾಡ, ಸುಮಾರು 1700–1750

ತೇರುಕ್ಕುಟ್ಟು ಪನ್ಪಿನ ಶಬ್ದ ತಮಿಳು ಬಾಸೆದ ತೇರು ("ಬೀದಿ") ಬೊಕ್ಕ ಕುಟ್ಟು ("ರಂಗಮಂದಿರ") ಪನ್ಪಿನ ಶಬ್ದೊಲೆಡ್ದ್ ಬತ್ತುದುಂಡು.[೭] "ಕಟ್ಟೈಕುಟ್ಟು" ಪನ್ಪಿನ ಶಬ್ದ ಬೈದಿನವು ಕಟ್ಟಾಯಿ (ಅತ್ತ್ಂಡ ಕಟ್ಟಾಯಿ ಚಮಂಕಲ್) ಪನ್ಪಿನ ವಿಶೇಷ ಸಿಂಗಾರದ ಪುದರುಡ್ದ್ ಬತ್ತ್‌ಂಡ್. ಸಾಹಿತಿ ಎಂ. ಷಣ್ಮುಗಂ ಪಿಳ್ಳೈ ತೇರುಕ್ಕುಟ್ಟುನು ತಮಿಳು ಮಹಾಕಾವ್ಯ ಸಿಲಪ್ಪುತಿಕೇರಂ ಗ್ ಹೋಲಿಕೆ ಮಲ್ತ್ ದ್ ಸಿಲಪ್ಪುತಿಕೇರಂ ನ್ ತೇರುಕ್ಕುಟ್ಟು ದ ಆದಿ ರೂಪ ಪಂಡ್ದ್ ಲೆಪ್ಪುವೆರ್. ಸಿಲಪ್ಪುತಿಕೇರಂ ದ ಕತೆನ್ ಇತ್ತೆಲಾ ತೆರುಕ್ಕುಟ್ಟು ನಟೆರ್ ನಡಪಾವೊಂದುಲ್ಲೆರ್, ತೆರುಕ್ಕುಟ್ಟು ನಾಟಕ ಮಹಾಕಾವ್ಯ ಡ್ ಪ್ರತಿಯೊಂಜಿ ಅಧ್ಯಾಯೊದ ಸುರುತ ಬೊಕ್ಕ ಅಂತ್ಯೊದಲೆಕ ಸುರು ಆಪುಂಡು ಬೊಕ್ಕ ಮುಗಿಪುಂಡು, ಬೊಕ್ಕ ನಟೆರ್ ಶ್ಲೋಕ ಡ್ ಗದ್ಯೊಡು ಪಾಡ್ದ್ ವಿವರನೆ ಪಾತೆರುವೆರ್, . ಸಿಲಪುತ್ತಿಕೇರಂ ಬೊಕ್ಕ ತೆರುಕ್ಕುಟ್ಟು ರಡ್ಡ್ ಲಾ ಮಹಿಳೆಯೆರೆನ ಶುದ್ಧತೆ ಬೊಕ್ಕ ನೈತಿಕ ಶಕ್ತಿನ್ ಪಾಲನೆ ಮಲ್ಪುನ ಮೌಲ್ಯೊಲೆನ ಸುತ್ತ ಕೇಂದ್ರೀಕೃತವಾದುಂಡು.[೨] ಆಂಡಲಾ ಚಾರಿತ್ರಿಕವಾದ್ ತೂಂಡ ತೇರುಕ್ಕುಟ್ಟು ರಡ್ಡ್ ಮೂಜಿ ಶತಮಾನೊಡ್ದ್ ಜಾಸ್ತಿ ಪಿರಾಕ್ ದ ಅತ್ತ್.[೨] ಸಂಶೋಧಕೆರ್ ರಿಚರ್ಡ್ ಎ. ಫ್ರಾಸ್ಕಾ ಬರೆಯಿನ ಪ್ರಕಾರ ಅರೆನ ಕೆಲವು ಶೋ-ಗೋಯರ್ಸ್ ನಂಬುನಂಚಿನ ತೆರುಕ್ಕುಟ್ಟು ಮೂಲತಃ ಜಿಂಗಿ ಪ್ರದೇಶೊಡ್ದ್ ಬತ್ತ್ಂಡ್.[೮]ಉಂದು ದಕ್ಷಿಣ ಭಾರತ ಡ್ದ್ ಶ್ರೀಲಂಕಾ ಗ್ ವ್ಯಾಪಿಸಾಯಿನವು, ಜಾಫ್ನಾ ಬೊಕ್ಕ ಬಟ್ಟಿಕಾಲೋವಾಡ್ ಜನಪ್ರಿಯ ಆಂಡ್. ಸುರುತ ಶ್ರೀಲಂಕಾದ ರಂಗಮಂದಿರ (ಮುಕ್ತ ರಂಗಮಂದಿರ) ತೇರುಕುಟ್ಟು ನಾಟಕೊಲೆನ್ ಪ್ರಸ್ತುತಿ ಬೊಕ್ಕ ಶೈಲಿಡ್ ನಿಕಟವಾದ್ ಅನುಸರಿಸೊಂದಿತ್ತೆ.[೯]ಜಾಫ್ನಾಡ್ ಜೆಸುಯಿಟ್ ಪಾದ್ರಿಲು ಕ್ಯಾಥೊಲಿಕ್ ನಾಟಕೊಲೆನ್ ಪೋರ್ಚುಗೀಸ್ ಸಂಪ್ರದಾಯೊಡು ತೆರುಕುಟ್ಟು ಶೈಲಿಡ್ ಪ್ರಸ್ತುತ ಮಲ್ತೆರ್.[೧೦] ತೇರುಕ್ಕುಟ್ಟು ಬೊಕ್ಕ ಯಕ್ಷಗಾನ, ಕಥಕ್ಕಳಿ ಇಂಚಿನ ಬೇತೆ ನೆರೆಕರೆತ ಪ್ರಾದೇಶಿಕ ನಾಟಕ ಪ್ರಕಾರೊಲೆನ ನಡುಟು ಉಪ್ಪುನ ಸಾಮ್ಯತೆಲೆನ್ ಒವ್ವೆ ವಿದ್ವಾಂಸೆರ್ ಗಮನಿಸೊಲಿ.[೧೧] ಆಂಡಲಾ, ಕಥಕಳಿದಲೆಕ ಅತ್ತ್, ತೇರುಕುಟ್ಟು ಕಮ್ಮಿ ಸಂಹಿತೆ ಆತ್ಂಡ್, ಬೊಕ್ಕ ಸಾಮಾನ್ಯವಾದ್ ಶಾಸ್ತ್ರೀಯ ಕಲೆತ ರೂಪೊಡ್ದ್ ಜಾನಪದ ಕಲೆ ಪಂಡ್ದ್ ಪರಿಗಣಿಸವೆರ್.[೧೨] ಇಂಚಿಪ್ಪದ ಕಾಲೊಡು ಕೆಲವು ತೆರುಕುಟ್ಟು ಗುಂಪುಲು ವೃತ್ತಿಪರ ತಂಡೊ ಆದ್ ಕಾರ್ಯನಿರ್ವಹಣೆ ಮಲ್ಪೆರೆ ಸುರು ಮಲ್ದೆರ್.[೧೩]

ವಿಷಯ

[ಸಂಪೊಲಿಪುಲೆ]

ದ್ರೌಪದಿ ನ ಪಾತ್ರೊಗು ಒತ್ತು ಕೊರ್ದು, ಮಹಾಭಾರತ ದ ಕತೆತ ಪುನರಾವರ್ತನೆದ ಸುತ್ತ ಮಸ್ತ್ ತೇರುಕುಟ್ಟು ಪ್ರದರ್ಶನೊಲು ಕೇಂದ್ರೀಕೃತವಾದುಂಡು. ರಾಮಾಯೊಣದ ಮಿತ್ತ್ ತೇರುಕುಟ್ಟು ನಾಟಕೊಲು ಮರಿಯಮ್ಮನ ಪರ್ಬೊದ ಪೊರ್ತುಡು ನಡಪುಂಡು, ಕೆಲವು ನಾಟಕೊಲೆಡ್ ಸ್ಥಳೀಯ ದೈವೊಲುಲಾ ತೋಜಿದ್ ಬರ್ಪುಂಡು.[೧೧]

ತೇರುಕುಟ್ಟು ನಾಟಕೊಲು ಧಾರ್ಮಿಕ ಆಚರಣೆಲೆನ ಒಂಜಿ ಭಾಗ ಆದುಂಡು, ಉಂದೆಟ್ ತಮಿಳು ಪಂಚಾಂಗ ದ ಸುರುತ ಮಾಸ ಆಯಿನ ಚಿಟ್ಟಿರಾಯಿ ಡ್ದ್ ಸುರುವಾಪುನ ಇರ್ವತ್ತೊಂಜಿ ದಿನೊತ ದೇವಸ್ಥಾನದ ಉತ್ಸವಲಾ ಸೇರ್ದ್ ಉಪ್ಪುಂಡು.[೨] ತೇರುಕುಟ್ಟು ಪ್ರದರ್ಶನೊಲು ನೇಮದ ನಡುಟು ಸುರು ಆದ್ ಅಕೇರಿದ ದಿನೊತ ಕಾಂಡೆ ಮುಟ್ಟ ನಡಪುಂಡು. ತೇರುಕುಟ್ಟು ನಾಟಕೊಲೆನ ಪ್ರಮುಖ ವಿಚಾರೊಲು:

  • ದ್ರೌಪದಿ ಕಲ್ಯಾಣಂ (ದ್ರೌಪದಿನ ಮದಿಮೆ)
  • ಸುಪತ್ತಿರಾಯಿ ಕಲ್ಯಾಣಂ (ಸುಭದ್ರನ ಮದಿಮೆ)
  • ಅಲ್ಲಿ ಅರ್ಜುನನ್ (ಅರ್ಜುನನ ಅಲ್ಲಿಗ್ ಮದಿಮೆ)
  • ಪಂಕಲ್ ಕಪಟಂ (ದ್ರೌಪದಿ ವ್ರತ)
  • ಅರ್ಜುನನ ತಪಂ (ಅರ್ಜುನನ ತಪಸ್ಸ್)
  • ಕೃಷ್ಣನ್ ತೈತು (ಕೃಷ್ಣನ ಮಿಷನ್)
  • ಅಭಿಮನ್ಯು ಕಾಂತೈ (ಅಭಿಮನ್ಯುನ ಸೋಲು)
  • ಕರ್ಣ ಮೋಕ್ಷಾಯಂ (ಕರ್ಣನ ಸೋಲು)
  • ಪತಿನೆತ್ತಂ ಪೊರ್ (ಪದಿನೆಂಟನೆ ದಿನದ ಲಡಾಯಿ)
  • ಅರವಣ ಕಲಪ್ಪಾಲಿ ("ಅರವಣನ ಯುದ್ಧ ಭೂಮಿದ ಮಿತ್ತ್ ಬಲಿ")[೧೪]

ತೇರುಕ್ಕುಟ್ಟು ನಾಟಕೊಲು ಗೀತೆ, ಸಂಗೀತ, ನಲಿಕೆ, ನಾಟಕೊನು "ಬುದ್ಧಿವಂತ ವೇದಿಕೆದ ತಂತ್ರೊಲೆನ್" ಒಟ್ಟು ಸೇರಾವುಂಡು.[೧೫] ನಟೆರ್ ಬಣ್ಣ ಬಣ್ಣದ ವೇಷಭೂಷಣೊಲೆನ್ ಪಾಡ್ದ್ ಉಪ್ಪುವೆರ್. ತೆರುಕ್ಕುಟ್ಟು ಸಂಗೀತಗಾರೆರ್ ಬಳಸೊಂದಿತ್ತಿನ ಸಂಗೀತ ವಾದ್ಯೊಲು ಪಂಪ್ ಆರ್ಗನ್/ಹಾರ್ಮೋನಿಯಂ, ಡ್ರಮ್ಸ್, ಮುಖವಿನೈ (ಒಂಜಿ ಒಬೊದ ಲೆಕೊನೆ ಒಂಜಿ ವಾದ್ಯ), ಬೊಕ್ಕ ಸಿಂಬಲ್ಸ್. ಪ್ರದರ್ಶನದ ವೇದಿಕೆನ್ ದೇವಾಲಯದ ಅಂಗಳೊಡು, ಒಂಜಿ ತೆರೆದ ಮೈದಾನೊಡು, ಅತ್ತಂದೆ ಬೇತೆ ಏತ್ ಅನುಕೂಲಕರ ಸ್ಥಳೊಡು ಗುರುತು ಮಲ್ಪುವೆರ್, ಬೊಕ್ಕ ಜನಕುಲು ಆಯತಾಕಾರದ ವೇದಿಕೆದ ಮೂಜಿ ಬದಿಟ್ ಕುಲ್ಲುವೆರ್. ಗಾಯಕೆರ್ ಬೊಕ್ಕ ಸಂಗೀತಗಾರೆರೆನ ಗಾಯಕವರ್ಗ ವೇದಿಕೆದ ಪಿರವುಡು ಉಪ್ಪುಂಡು, ಬೊಕ್ಕ ನಟೆರ್ ಎದುರುದ ಭಾಗೊನ್ ಬಳಸುವೆರ್. ಒಂಜಿ ಪರದೆನ್ ಪತೊಂದು ರಡ್ಡ್ ಜನ ವೇದಿಕೆಗ್ ಬರ್ಪೆರ್, ಅಕ್ಲೆನೊಟ್ಟುಗು ಆನೆದ ತರೆತ ಹಿಂದೂ ದೇವೆರೆನ ಗಣೇಶ ಧರಿನ ಒರಿ ನಟೆಲಾ ಉಲ್ಲೆರ್. ಗಾಯಕ ಮಂಡಳಿ ಗಣಪತಿಗ್ ಪ್ರಾರ್ಥನೆ ಮಲ್ಪೆರೆ ಸುರು ಮಲ್ಪುಂಡು, ಬೇತೆ ಮಸ್ತ್ ದೈವೊಲೆಗ್ಲಾ ಪ್ರಾರ್ಥನೆ ಮಲ್ಪುವೆರ್. ಗಣೇಶನ ಪಾತ್ರೊನ್ ಮಲ್ಪುನ ನಟೆ ಇತ್ತೆ ವೇದಿಕೆಡ್ದ್ ಪಿದಯಿ ಬರ್ಪೆರ್ ಬೊಕ್ಕ ಕಟ್ಟಿಯಕ್ಕರನ್ (ಜಸ್ಟರ್ ಬೊಕ್ಕ ಸೂತ್ರಧಾರೆ ಅಂಚನೆ ನಿರೂಪಕೆರ್) ವೇದಿಕೆಡ್ ಬರ್ಪೆರ್. ಈ ಕತ್ತಿಯಕ್ಕರನ್ ಮಲ್ಪೊಡಾಯಿನ ನಾಟಕದ ಕತೆನ್ ನಿರೂಪಣೆ ಮಲ್ತ್‌ದ್ ಪಾತ್ರಿಲೆನ ಪರಿಚಯ ಮಲ್ಪುಂಡು. ಕೆಲವೊಂಜಿ ಸರ್ತಿ, ಪಾತ್ರೊಲು ತನ್ಕುಲೆನ್ ತಾನ್ ಪರಿಚಯ ಮಲ್ಪುವೆರ್. ಕತ್ತಿಯಕ್ಕರ ದೃಶ್ಯೊಲೆನ್ ಒಟ್ಟು ಸೇರಾವುಂಡು, ವೇದಿಕೆಡ್ ನಡಪುನ ಘಟನೆಲೆಗ್ ಸಂದರ್ಭೊನು ಒದಗಾವುಂಡು, ದೃಶ್ಯೊಲೆನ ನಡುಟು ಜೋಕ್ಸ್ ಮಲ್ಪುಂಡು. ನಟೆರ್ ಸ್ವತಃ ಗಾಯನ ಮಲ್ಪುವೆರ್, ಕೋರಸ್ ದ ಬೆಂಬಲೊಡು. ತೇರುಕ್ಕುಟ್ಟು ನಾಟಕದ ಗ್ರಂಥ ಒಂಜಿ ವಿಚಾರೊಗು ಸಂಬಂಧ ಪಟ್ಟಿನ ಪಾಡ್ದನೊಲೆನ ಸರಣಿ. ಪ್ರತಿಯೊಂಜಿ ಪಾಡ್ದನೊಲಾ ಒಂಜಿ ರಾಗ ಡ್ ನಡಪುಂಡು, ಉಂದು ಒಂಜಿ ಶಾಸ್ತ್ರೀಯ ಪಾಡ್ದನೊದ ರೂಪೊಡು ರಚನೆ ಆತ್ಂಡ್. ಉಂದೆತ ದುಂಬು ವಿರುತ್ತಮ್ ಉಂಡು, ಉಂದು ಪಾಡ್ದನೊದ ಒಂಜೇ ರಾಗೊಡು ನಾಲ್ ಸಾಲುದ ಪದ್ಯ ಪಠಣ.[೧೬] ಪಾಡ್ದನೊದ ಪಿರವು, ಒರಿ ನಟೆ ಅಯಿನ್ ಆಧಾರ ಮಲ್ತ್ದ್ ಒಂಜಿ ಭಾಷಣ ಕೊರ್ಪೆರ್. ಫ್ರೆಂಚ್ ರಂಗಮಂದಿರ ಕಂಪೆನಿ, ಥಿಯೇಟ್ರೆ ಡು ಸೊಲೀಲ್, ಅಕ್ಲೆನ ನಾಟಕ 'ಎ ರೂಮ್ ಇನ್ ಇಂಡಿಯಾ' ಡ್ 'ತೆರುಕುಟ್ಟು ದ ಅಂಶೊಲೆನ್ ಬಳಕೆ ಮಲ್ತೆರ್, ಉಂದೆಟ್ ರಡ್ಡ್ ಕತೆಕುಲು ಉಂಡು, 'ದಿ ವೋ ಆಫ್ ದ್ರೌಪದಿ' ಬೊಕ್ಕ 'ದಿ ಡೆಫೀಟ್ ಆಫ್ ಕರ್ಣ'.[೧೫]

ಉಲ್ಲೇಕೊಲು

[ಸಂಪೊಲಿಪುಲೆ]
  1. ↑ Sarachchandra, Ediriweera R. (1966). The Folk Drama of Ceylon. Colombo: Department of Cultural Affairs, Ceylon. p. 116. OCLC 63859810.
  2. 1 2 3 4 Varadpande, Manohar Laxman (1990) [1987]. History of Indian Theatre. Abhinav Publications. pp. 39–44. ISBN 978-81-7017-278-9. OCLC 18270064.
  3. ↑ ಟೆಂಪ್ಲೇಟ್:Usurped
  4. ↑ Tamilnadu.com Archived ೧೯ ಜೂನ್ ೨೦೧೩ at the Wayback Machine
  5. ↑ Srinivas, Smriti (2004) [2001]. Landscapes of Urban Memory. Orient Longman. p. 23. ISBN 81-250-2254-6. OCLC 46353272.
  6. ↑ Bruin, Hanne M de (1999). Kattaikkuttu: The flexibility of a south Indian theatre tradition. E. Forsten. pp. 85–99. ISBN 978-90-6980-103-2. OCLC 42312297.
  7. ↑ Barfoot, C.C. (1993). Theatre Intercontinental: Forms, Functions, Correspondences. Rodopi. p. 116. ISBN 90-5183-575-2. OCLC 29909259.
  8. ↑ Frasca, Richard Armando (1984). The Terukkūttu : ritual theater of Tamilnadu (Ph.D. thesis). University of California, Berkeley. p. 140. OCLC 13876271.
  9. ↑ W. T. A. Leslie Fernando (24 December 2003). "Daily Mirror". Archived from the original on 23 March 2004. Retrieved 2007-11-21.
  10. ↑ W. T. A. Leslie Fernando. "Did Sinhala drama originate in Christmas?". Retrieved 2007-11-21.
  11. 1 2 Hiltebeitel, Alf (1988). The Cult of Draupadi: Mythologies: From Gingee to Kuruksetra. University Of Chicago Press. pp. 146–149. ISBN 978-0-226-34046-3. OCLC 18739841.
  12. ↑ Richmond, Farley P.; Darius L. Swann; Phillip B. Zarrilli (1993) [1990]. Indian Theatre: Traditions of Performance. Motilal Banarsidass. p. 309. ISBN 978-0-8248-1322-2. OCLC 20594132.
  13. ↑ "From Street Theater to Kattaikuttu". 4 November 1999. Retrieved 2007-11-21.
  14. ↑ Symbol of sacrifice: Online edition of The Hindu, 17 August 2001
  15. 1 2 ಟೆಂಪ್ಲೇಟ್:ಉಲ್ಲೇಖ ಸುದ್ದಿ
  16. ↑ edited by Stanley Sadie. (1980). "Introduction to Indian Music: Folk Music". The New Grove Dictionary of Music and Musicians. Oxford University Press. ISBN 978-1-56159-174-9. {{cite book}}: |author= has generic name (help)

ಹೆಚ್ಚಿನ ಓದುವಿಕೆ

[ಸಂಪೊಲಿಪುಲೆ]
  • Frasca, Richard Armando (1990). Theatre of the Mahabharata: terukkuttu Performances in South India. University of Hawaii Press. ISBN 978-0-8248-1290-4. OCLC 21147946.
  • Gentes, Mary Josephine (1987). Hinduism through village dance drama : narrative image and ritual process in South India's terukkuttu and Yaksagana ritual theaters (Ph.D. thesis). University of Virginia. OCLC 20052719.
  • Frasca, Richard Armando (1998). "The Dice Game and the Disrobing (Pakatai Tuyil): A terukkuttu Performance". Asian Theatre Journal. 15 (1). University of Hawai'i Press: 1–44. doi:10.2307/1124097. JSTOR 1124097.
  • Bruin, Hanne M de (1999). Kattaikkuttu: The flexibility of a south Indian theatre tradition. E. Forsten. ISBN 978-90-6980-103-2. OCLC 42312297.

ಬಾಹ್ಯ ಕೊಂಡಿಗಳು

[ಸಂಪೊಲಿಪುಲೆ]

ಶೈಲಿ

[ಸಂಪೊಲಿಪುಲೆ]
"https://tcy.wikipedia.org/w/index.php?title=ತೆರುಕ್ಕುಟ್ಟು&oldid=352478"ಡ್ದ್ ದೆತ್ತೊಂದುಂಡು