ತೋರಣ
ತೋರಣ ಹಿಂದೂ ಧರ್ಮಡ್ ಪೊರ್ಲುಗು ಬೋಡಾದ್ ಬಾಕಿಲ್ಗ್ ಕಟ್ಟುನ ವಸ್ತ್ಗ್ ಪನ್ಪೆರ್. ಸಾಮಾನ್ಯವಾದ್ ಉಂದೆನ್ ಕುಕ್ಕುದ ಇರೆ ಅತ್ತ್ಂಡ ಚೆಂಡ್ ಪೂಡ್ದ್ ಮಲ್ಪುವೆರ್, ಇತ್ತೆ ಪ್ಲಾಸ್ಟಿಕ್ದಲ ಕಟ್ಟುವೆರ್[೧]. ಉಂದು ಸಾಂಪ್ರದಾಯಿಕ ಹಿಂದೂ ಸಂಸ್ಕೃತಿದ ಭಾಗವಾದಿತ್ತ್ದ್ ಎಡ್ದೆ ದಿನೊಕುಲೆಡ್ ಅಂಚನೆ ಮದಿಮೆ ಭೂತ ಕೋಲ ನೇಮದ ಪೊರ್ತುಡು ಕಟ್ಟುವೆರ್ . ತೋರಣವು ಪಚ್ಚೆ, ಮಂಜಲ್ ಕೆಂಪು ಬಣ್ಣೊಡು ಕುಂಟುಡುಲ ಅತ್ತ್ಂಡ್ ಸಾಮಾನ್ಯವಾದ್ ಕುಕ್ಕುದ ಇರೆತ ಅಂಚನೆ ಪ್ಲಾಸ್ಟಿಕ್ ಕಾಕಜಿಡ್ಲ ಮಲ್ಪುವೆರ್ .[೨]
ನೇಮದ ತೋರಣ
[ಸಂಪೊಲಿಪುಲೆ]ನೇಮ ತೋರಣ ಪಂಡ ನೇಮದಪಗ ಕಡ್ಡಾಯವಾದ್ ಕಟ್ಟುನಂಚಿನ ಒಂಜಿ ಬಗೆತ ತೋರಣ .ಉಂದು ಸಾಮಾನ್ಯವಾದ್ ಕಮಾನು ಆಕಾರೊಡು ಕಟ್ಟುವೆರ್ .ಉಂದೆಕ್ ಕಂಗ್ನ್ ತಿಗ್ರ್ದ್ ತಲಾಕೆ ಮಲ್ತ್ದ್ ಅವೆನ್ ಅರ್ಧ ಚಂದ್ರಾಕೃತಿಡ್ ಬಗ್ಗದ್ ಕಟ್ಟ್ದ್ ಅವೆಕ್ ಕುಕ್ಕುದ ಇರೆ ಸುತ್ತುವೆರ್ .ಉಂದೆತ ಉಲಯಿಡೆ ದೈವ ,ಬುಕ್ಕೊ್ಕ ದೈವದ ಪಾತ್ರಿನಕುಲು ಮಾತ್ರ ಪೋಪುನ ಪದ್ದತಿ.ಉಂದೆಕ್ ತೋರಣ ಒಪ್ಪಿಪುನೆಂದ್ ಪನ್ಪೆರ್ .
ದ್ವಾರದ ತೋರಣ
[ಸಂಪೊಲಿಪುಲೆ]ಬಾಕಿಲ್ದ(ದ್ವಾರದ) ತೋರಣ ಪಂಡ ಇಲ್ಲ್ದ ದೇವಸ್ಥಾನೊದ ಅತ್ತ್ಂಡ ದೈವಸ್ಥಾನೊದ ಎದುರುದ ದಾರಂದದ ಸುತ್ತಲ ಪೊರ್ಲುಗಾತ್ರ ಕಟ್ಟುನ ತೋರಣ.ಶಾಲೆಲೆಡ್ ನಡಪುನ ಕಾರ್ಯ ಕ್ರಮದ ಪೊರ್ತುಡು ಇಡಿ ಶಾಲೆನ್ ಕುಕ್ಕುದ ಇರೆತ ತೋರಣಡ್ ಶೃಂಗಾರ ಮಲ್ಪುವೆರ್.
ತೋರಣದ ವಿಧೊಕುಲು
[ಸಂಪೊಲಿಪುಲೆ]- ಇರೆತ ತೋರಣ
- ಕುಂಟುದ ತೋರಣ
- ಪ್ಲಾಸ್ಟಿಕ್ ತೋರಣ
- ಕಾಕಜಿದ ತೋರಣ
ಉಲ್ಲೇಕೊಲು
[ಸಂಪೊಲಿಪುಲೆ]- ↑ www.wisdomlib.org (2014-08-03). "Torana, Toraṇa: 33 definitions". www.wisdomlib.org (in ಇಂಗ್ಲಿಷ್). Retrieved 2025-12-01.https://www.wisdomlib.org/definition/torana
- ↑ Rivers, Victoria Z. (June 2014). "The torans of Gujarat and Rajasthan: meanings and origins". Marg, A Magazine of the Arts: 78–80.