ದಕ್ಷಿಣ ಕೊರಿಯಾ
ದಕ್ಷಿಣ ಕೊರಿಯಾ- ಅಧಿಕೃತವಾದ್ 'ಕೊರಿಯಾ ಗಣರಾಜ್ಯ' ಮೂಡಾಯಿ ಏಷ್ಯಾದ ಒಂಜಿ ದೇಶ. ಉಂದು ಕೊರಿಯನ್ ಪರ್ಯಾಯ ದ್ವೀಪದ ತೆಂಕಾಯಿ ಭಾಗೊಡು ಉಂಡು. ಉತ್ತರ ಕೊರಿಯಾ ಬೊಕ್ಕ ಈ ದೇಸೊಲೆ ನಡುಟು ಸೈನ್ಯ ಇಜ್ಜಂದಿನ ವಲಯ (ಡಿಮಿಲಿಟರೈಸ್ಡ್ ಝೋನ್) ಉಂಡು. ದಕ್ಷಿಣ ಕೊರಿಯಾದ ಪಡ್ಡಾಯಿಡ್ ಹಳದಿ ಸಮುದ್ರ ಬೊಕ್ಕ ಮೂಡಾಯಿಡ್ ಜಪಾನ್ ಸಮುದ್ರ ಉಂಡು. ಈ ದೇಸೊದ ಅಂದಾಜಿ ಜನಸಂಕೆ ೫ ಕೋಟಿ ೧೧ ಲಕ್ಷ ಉಂಡು. ೧,೦೦,೪೭೨ ಚದರ ಕಿಲೋಮೀಟರ್‌ಡ್ ದಕ್ಷಿಣ ಕೊರಿಯಾ ಪರಡ್‌ದ್ ಉಂಡು. ಸಿಯೋಲ್ ದಕ್ಷಿಣ ಕೊರಿಯಾದ ರಾಜದಾನಿ ಆದುಂಡು.[1]
ಏಷ್ಯಾಡ್ ಇಪ್ಪುನ ದೇಸೊಲೆಡ್ ಎಚ್ಚ ದುಂಬರಿತಿನ ದೇಸೊ ಪಂದ್ ದಕ್ಷಿಣ ಕೊರಿಯಾನ್ ಪರಿಗಣಿಸಾವೆರ್. ಈ ದೇಸೊದ ಸಂವಿದಾನ 1987ನೇ ಇಸವಿಡ್ ಉಂಡಾಂಡ್. ಉಂದು ಒಂಜಿ ಏಕೀಕೃತ ಅಧ್ಯಕ್ಷೀಯ ಗಣರಾಜ್ಯೊನು ಬುಕ್ಕೊ ಮುಲ್ಪದ ಪ್ರಜೆಕುಲು ಆಯ್ಕೆ ಮಲ್ತಿನ ಒಂಜಿ ಸಭೆತ್ತ ಶಾಸಕಾಂಗೊ ಉಂಡು. ಮುಲ್ಪದ ಮೂಲ ನಿವಾಸಿಲೆಗ್ ಪ್ರತಿ ಒರಿಲಾ ದೇಸೊದ ಸೈನ್ಯೊಡು ಕಡ್ಡಾಯವಾದ್ ಸೇವೆ ಸಂದಾವೊಡು ಪಂದ್ ಕಾನೂನು ಉಂಡು.[2]
ದಕ್ಷಿಣ ಕೊರಿಯಾದ ಇತ್ತೆದ ಜಿಡಿಪಿ ೩.೫೪೨ ಟ್ರಿಲಿಯನ್ ಡಾಲರ್ ಉಂಡು. ಜಿಡಿಪಿದ ಲೆಕ್ಕೊಡು ಜಗತ್ತ್‌ಡ್ ೧೪ನೇ ಸಾನೊಡು ಉಂಡು. ಉಂದು ಜಗತ್ತ್‌ದ ಒಂಬತ್ತನೇ ಮಲ್ಲ ರಫ್ತುದಾರ ಬುಕ್ಕೊ ಹತ್ತನೇ ಮಲ್ಲ ಆಮದುದಾರ ದೇಸೊ ಆದುಂಡು. ಶಿಕ್ಷಣ, ಮಾನವ ಅಭಿವೃದ್ಧಿ, ಪ್ರಜಾಪ್ರಭುತ್ವ ಆಡಳಿತ ಬುಕ್ಕೊ ನಾವೀನ್ಯತೆದ ಮೆಟ್ರಿಕ್ಸ್‌ಲೆಡ್ ಈ ದೇಸೊ ಎಡ್ಡೆ ಪ್ರದರ್ಶನ ಕೊರ್ಪುಂಡು. ಪ್ರಪಂಚೊದ ಬೇತೆ ದೇಸೊಲೆಗ್ ಹೋಲಿಕೆ ಮಲ್ತ್ಂಡ, ಮುಲ್ಪದ ಜನೊಕ್ಲೆನ ಆಯುಶ್ಯದ ಪ್ರಮಾಣ ಎಚ್ಚ ಉಂಡು.
ಉಲ್ಲೇಕ
[ಸಂಪೊಲಿಪುಲೆ]- ↑ "Overview of Korea". korea.net. Ministry of Culture, Sports and Tourism. Retrieved 18 September 2026.
- ↑ "South Korea". history.com. history. Retrieved 18 September 2026.