ದಾದ್ರಾ-ನಗರ್ ಹವೇಲಿ ಬೊಕ್ಕ ದಮನ್-ದಿಯು

ದಾದ್ರಾ ಬೊಕ್ಕ ನಗರ್ ಹವೇಲಿ, ಬೊಕ್ಕ ದಮನ್ ಬೊಕ್ಕ ದಿಯು ಭಾರತದ ಒಂಜಿ ಕೇಂದ್ರಾಡಳಿತ ಪ್ರದೇಸೊ. ಇಂದೆತ ರಾಜಧಾನಿ ರಾಜಧಾನಿ ದಮನ್. ದುಂಬು ಇತ್ತಿನ ದಾದ್ರಾ ಬೊಕ್ಕ ನಗರ್ ಹವೇಲಿ, ಅಂಚನೆ ದಮನ್ ಬೊಕ್ಕ ದಿಯು- ಉಂದು ರಡ್ಡ್ ಪ್ರದೇಸೊಲೆನ್ ಒಟ್ಟು ಸೇರಾದ್ ಒಂಜಿ ಕೇಂದ್ರಾಡಳಿತ ಪ್ರದೇಸೊನು ಉಂಡು ಮಲ್ತೆರ್. ಈ ವಿಲೀನೊದ ಯೋಜನೆನ್ ಭಾರತ ಸರ್ಕಾರ ೨೦೧೯ನೇ ಇಸವಿದ ಜುಲೈ ತಿಂಗೊಲುಡು ಘೋಷಣೆ ಮಲ್ತ್ಂಡ್. ನೆಕ್ಕ್ ಬೋಡಾಯಿನ ಕಾನೂನುನು ೨೦೧೯ನೇ ಇಸವಿದ ಡಿಸೆಂಬರ್ ತಿಂಗೊಲುಡು ಭಾರತದ ಸಂಸತ್‌ಡ್ ಪಾಸ್ ಆಂಡ್ ಬೊಕ್ಕ ಉಂದು ೨೬ ಜನವರಿ ೨೦೨೦ದಾನಿ ಜಾರಿಗ್ ಬತ್ತ್ಂಡ್.

ಈ ಪ್ರದೇಸೊಡು ಒಟ್ಟು ನಾಲ್ ಬೇತೆ-ಬೇತೆ ಭೌಗೋಳಿಕ ಭಾಗೊಲು ಉಲ್ಲ ದಾದ್ರಾ, ನಗರ್ ಹವೇಲಿ, ದಮನ್, ಬೊಕ್ಕ ದಿಯು ದ್ವೀಪ. ದಿಯು ಬುಡ್ದು ಬಾಕಿದ ಮೂಜಿ ಪ್ರದೇಸೊಲು ಕೈತಲ್‌ಡ್ ಉಲ್ಲ ಆಂಡ ದಿಯು ದ್ವೀಪ ಮಾತ್ರ ಮುಲ್ಪಡ್ದ್ ಅಂದಾಜಿ ೬೮೦ ಕಿಲೋಮೀಟರ್ ದೂರೊಡು ಉಂಡು.

ಈ ನಾಲ್ ಭಾಗೊಲುಲಾ ದುಂಬು ಪೋರ್ಚುಗೀಸ್ ಭಾರತದ ಬಾಗ ಆದಿತ್ತ. ಬೊಕ್ಕ ನೆಕ್ಲೆನ ಒಟ್ಟು ರಾಜಧಾನಿ ಗೋವಾದ ಪಣಜಿ ಆದಿತ್ಂಡ್. ಗೋವಾ ಬೊಕ್ಕ ಸ್ವತಂತ್ರ ದಾದ್ರಾ-ನಗರ್ ಹವೇಲಿದ ವಿಲೀನೊಡ್ದು ಬೊಕ್ಕ, ೨೦ನೇ ಶತಮಾನದ ನಡುಟು ಉಂದು ಭಾರತದ ಆಡಳಿತದ ಅಡಿಕ್ಕ್ ಬತ್ತ್ಂಡ್. ೧೯೮೭ನೇ ಇಸವಿಡ್ ಗೋವಾಗ್ ರಾಜ್ಯದ ಸ್ಥಾನಮಾನ ತಿಕ್ಕುನ ಮುಟ್ಟ, ಗೋವಾ, ದಮನ್ ಬೊಕ್ಕ ದಿಯುನು ಒಟ್ಟಾದ್ ಆಡಳಿತ ಮಲ್ತೊಂದಿತ್ತೆರ್.