ದೀಪಿಕಾ ಕುಮಾರಿ
ದೀಪಿಕಾ ಕುಮಾರಿ
[ಸಂಪೊಲಿಪುಲೆ]ದೀಪಿಕಾ ಕುಮಾರಿ (ಪುಟ್ಟು ೧೩ ಜೂನ್ ೧೯೯೪) ಬಿಲ್ಲುಗಾರಿಕೆಡ್ ಇತ್ತೆದ ವಿಶ್ವ ನಂಬರ್ ೭ ಭಾರತೀಯ ಕ್ರೀಡಾಪಟು. ಬುಕ್ಕೊ ದುಂಬುದ ವಿಶ್ವ ನಂಬರ್ ೧. ಆರ್ ೨೦೧೦ ಕಾಮನ್ ವೆಲ್ತ್ ಗೇಮ್ಸ್ ಡ್ ಮಹಿಳಾ ವೈಯಕ್ತಿಕ ರಿಕರ್ವ್ ಸ್ಪರ್ಧೆಡ್ ಚಿನ್ನದ ಪದಕ ಗೆಂದಿನಾರ್. ಮೇರ್ ಡೋಲಾ ಬ್ಯಾನರ್ಜಿ, ಬೊಂಬಾಯಿಲ ದೇವಿ ನ ಒಟ್ಟುಗು ಮಹಿಳಾ ತಂಡದ ರಿಕರ್ವ್ ಸ್ಪರ್ಧೆಡ್ ಚಿನ್ನದ ಪದಕ ಗೆಂದಿಯೆರ್.[೧]
ಸುರುತ ಜೀವನ
[ಸಂಪೊಲಿಪುಲೆ]ದೀಪಿಕಾ ಕುಮಾರಿ ಶಿವನಾರ್ಯನ್ ಮಹತೋ ಪನ್ಪಿನ ಒರಿ ಆಟೋ ರಿಕ್ಷಾ ಡ್ರೈವರ್ ಬುಕ್ಕೊ ಗೀತಾ ಮಹತೋ ಪನ್ಪಿನ ರಾಂಚಿ ಮೆಡಿಕಲ್ ಕಾಲೇಜಿಡ್ ನರ್ಸ್ ಆದ್ ಪುಟ್ಟುವೆರ್. ಅರೆನ ಅಪ್ಪೆ ಅಮ್ಮೆರ್ ರಾಂಚಿಡ್ದ್ 15 ಕಿ.ಮೀ ದೂರೊಡು ಉಪ್ಪುನ ರತುಚಾಟಿ ಗ್ರಾಮೊಡು ಉಲ್ಲೆರ್. ಎಲ್ಯ ಪ್ರಾಯೊಡು, ಕುಕ್ಕುಗ್ ಕಲ್ಲ್ ನ್ ಬಳಸದ್ ಗುರಿನ್ ಗುರಿ ಮಲ್ಪುನ ಬುಕ್ಕೊ ಹೊಡೆದ್ ಬಿಲ್ಲುಗಾರಿಕೆನ್ ಅಭ್ಯಾಸ ಮಲ್ತೆರ್. ದೀಪಿಕಾ ಬಿಲ್ಲುಗಾರಿಕೆ ತಜ್ಞೆ ಆಯೆರೆ ಕನಸ್ ನ್ ಬೆಂಬಲಿಸರೆ, ಆರ್ಥಿಕವಾದ್ ಸರಿಯಾದ್ ಇಜ್ಜಂದಿನ ಅಲೆನ ಅಪ್ಪೆ ಅಮ್ಮೆರ್ ಅಲೆನ ತರಬೇತಿಗ್ ಬಿಲ್ಲುದಂಚಿನ ಪೊಸ ಸಾಧನೊಲೆನ್ ಕೊಂಡೊನೆರೆ ಕುಟುಂಬದ ಬಜೆಟ್ ಡ್ ರಾಜಿ ಮಲ್ಪೊಡಾಂಡ್. ಉಂದು ಸುರುತ ದಿನೊಕುಲೆಡ್ ಕಷ್ಟ ಆಂಡ್. ಫಲವಾದ್, ಜವನ್ಯೆ ದೀಪಿಕಾ ಬಿದಿರುದ ಬಿಲ್ಲು ಬುಕ್ಕೊ ಬಾಣೊಲೆನ್ ಬಳಸದ್ ಇಲ್ಲಡ್ ಬಿಲ್ಲುಗಾರಿಕೆನ್ ಅಭ್ಯಾಸ ಮಲ್ತೆರ್. ದುಂಬುಗು, ಟಾಟಾ ಆರ್ಚರಿ ಅಕಾಡೆಮಿಡ್ ವಾಸ ಮಲ್ಪುನ ದೀಪಿಕಾನ ಸೋದರ ಮಗೆ ವಿದ್ಯಾ ಕುಮಾರಿ ಆರ್ಚರಿಡ್ ಅರೆನ ಪ್ರತಿಭೆನ್ ಬುಲೆಪಾಯೆರೆ ಸಹಾಯ ಮಲ್ತೆರ್.
ವೃತ್ತಿ ಜೀವನ
[ಸಂಪೊಲಿಪುಲೆ][೨] ದೀಪಿಕಾಗ್ 2005ಡ್ ರಾಜ್ಯದ ಮುಖ್ಯಮಂತ್ರಿ ಅರ್ಜುನ್ ಮುಂಡಾನ ಪತ್ನಿ ಮೀರಾ ಮುಂಡಾ ಸ್ಥಾಪನೆ ಮಲ್ತಿನ ಖರ್ಸಾವನ್ ಡ್ ಅರ್ಜುನ್ ಆರ್ಚರಿ ಅಕಾಡೆಮಿಡ್ ಸೇರ್ನಗ ಅರೆನ ಸುರುತ ಅನಿರೀಕ್ಷಿತ ಬದಲಾವಣೆ ಬತ್ತ್ಂಡ್. ಆಂಡ ವೃತ್ತಿಪರ ಬಿಲ್ಲುಗಾರಿಕೆಡ್ ಅರೆನ ಮುಂದಿನ ಪ್ರಯಾಣ 2006ಡ್ ಜಮಶೆಡ್ಪುರ್ ಡ್ ಟಾಟಾ ಬಿಲ್ಲುಗಾರಿಕೆ ಅಕಾಡೆಮಿಗ್ ಸೇರ್ನಗ ಸುರು ಆಂಡ್. ಅಲ್ಪ ಅಕುಲು ಸರಿಯಾಯಿನ ಸಾಧನೊಲೆನ್ (ಬಿಲ್ಲು) ಬುಕ್ಕೊ ಸಮವಸ್ತ್ರೊನ್ ಬಳಸದ್ ಅಕ್ಲೆನ ತರಬೇತಿನ್ ಸುರು ಮಲ್ತೆರ್. ಮುಲ್ಪ ಅರೆಗ್ 500 ರೂಪಾಯಿ ಸ್ಟೈಪೆಂಡ್ ಲಾ ಬತ್ತ್ಂಡ್. ದೀಪಿಕಾ ತನ್ನ ಸುರುತ ಕ್ಯಾಡೆಟ್ ವಿಶ್ವ ಚಾಂಪಿಯನ್ ಶಿಪ್ ಗೆಂದಿನ ಬುಕ್ಕೊ ನವೆಂಬರ್ ೨೦೦೯ಡ್ ಮೂಜಿ ವರ್ಷೊಡ್ ಸುರುತ ಸರ್ತಿ ಇಲ್ಲಗ್ ವಾಪಸ್ ಬತ್ತೆರ್.
ಸಾಧನೆ
[ಸಂಪೊಲಿಪುಲೆ]- ಕಳೆಂಜಿ ವಾರ, ಏಪ್ರಿಲ್ ೨೦೧೬ಡ್ ಚೀನಾದ ಶಾಂಘೈಡ್ ನಡತಿನ ವಿಶ್ವಕಪ್ ಡ್ ಆರ್ ವಿಶ್ವ ದಾಖಲೆನ್ ಸಮ ಮಲ್ತೆರ್.
- ಮಹಿಳಾ ರಿಕರ್ವ್ ವೈಯಕ್ತಿಕ ವಿಭಾಗೊಡು, ದೀಪಿಕಾ 72-ಏರೋ ರ್ಯಾಂಕಿಂಗ್ ಸುತ್ತುಡು 720 ಡ್ದ್ 686 ಅಂಕೊಲೆನ್ ಗಳಸೊಂದು ಕೊರಿಯಾದ ಕಿ ಬೊ ಬೇ ದಾಖಲೆನ್ ಸಮ ಮಲ್ತೆರ್.
- ೨೦೧೫ಡ್, ಬೇ ೭೦ ಮೀಟರ್ ದೂರೊಡ್ದ್ ೭೨ ಬಾಣೊಲೆಡ್ ೬೮೬ ಬಾಣೊಲೆನ್ ಗಳಸೊಂಡೆರ್. ಅವು ಒಂಜಿ ವಿಶ್ವ ದಾಖಲೆ ಆದಿತ್ತ್ಂಡ್. ಅಯಿಕ್ ದುಂಬು, ದಕ್ಷಿಣ ಕೊರಿಯಾದ ಪಾರ್ಕ್ ಸಾಂಗ್-ಹ್ಯುನ್ 682 ಸ್ಕೋರ್ ಮಲ್ತಿನ ದಾಖಲೆನ್ ಮಲ್ತೆರ್. ಕೊರಿಯಾದ ಇಮ್ ಡಾಂಗ್-ಹ್ಯುನ್ 72 ಸುತ್ತುಡು 699 ಅಂಕೊಲೆನ್ ಗಳಸೊಂಡೆರ್, ಉಂದು ಇತ್ತೆ ಪುರುಷೆರೆನ ವೈಯಕ್ತಿಕ ರಿಕರ್ವ್ ವಿಭಾಗೊಡು ವಿಶ್ವ ದಾಖಲೆ ಆದುಂಡು.[೩]
- ದೀಪಿಕಾ ಸುರುಕು 2012 ಲಂಡನ್ ಒಲಿಂಪಿಕ್ಸ್ ಡ್ ಸ್ಪರ್ಧೆ ಮಲ್ತೆರ್. ಆ ಕಾಲೊಡು ಆರ್ ಜಗತ್ತ್ ಡ್ ಒಂಜಿ ಸ್ಥಾನೊಡು ಇತ್ತೆರ್. ಆ ಆತ್ಮವಿಶ್ವಾಸ ಆ ದಿನ ಅಕ್ಲೆನ ಪಿರವು ಇತ್ತ್ಂಡ್. ಆಂಡ ಆರ್ ಸುರುತ ಸುತ್ತುಡು ಫೇಲ್ ಆಯೆರ್. ೨೦೧೨ ಲಂಡನ್ ಒಲಿಂಪಿಕ್ಸ್ ಡ್ದ್ ಬುಕ್ಕೊ, ದೀಪಿಕಾ ವೈಯಕ್ತಿಕ ಬುಕ್ಕೊ ತಂಡದ ವಿಭಾಗೊಲೆಡ್ ಸೇರ್ದ್ ಕೆಲವು ಪದಕೊಲೆನ್ ಗೆಂದಿಯೆರ್. ಇತ್ತೆ, ಆರ್ ವಿಶ್ವ ದಾಖಲೆನ್ ಸಮ ಮಲ್ತೆರ್ ಬುಕ್ಕೊ ಅರೆನ ಆತ್ಮವಿಶ್ವಾಸ ಏರ್ದ್ಂಡ್.
- 42-ಪೌಂಡ್ ಬಿಲ್ಲು: ಜಗತ್ತ್ ಡ್ ಏಳನೇ ಸ್ಥಾನೊಡು ಉಪ್ಪುನ ದೀಪಿಕಾ ತನ್ನ ಫಿಟ್ನೆಸ್ ಬುಕ್ಕೊ ಶಕ್ತಿನ್ ಮಸ್ತ್ ಸುಧಾರಿಸಯೆರ್. ಕಳೆದ್ ನಾಲ್ ವರ್ಷೊಡ್ ಅರೆನ ಬಿಲ್ಲುದ ತೂಕ 38 ಡ್ದ್ 42 ಪೌಂಡ್ ಗ್ ಏರ್ದ್ಂಡ್. 40-ಪೌಂಡ್ ಬಿಲ್ಲುನ್ ಸಾಮಾನ್ಯವಾದ್ ಹೆಚ್ಚಿನ ಅಂತರರಾಷ್ಟ್ರೀಯ ಬಿಲ್ಲುಗಾರೆರ್ ಬಳಸುವೆರ್. ಅದ್ಭುತ ನಿಯಂತ್ರಣೊಡು ಕೆಲವು ಸಾಧನೆ ಮಲ್ತಿನ ಕ್ರೀಡಾಪಟುಲು ಮಾತ್ರ 42-ಪೌಂಡ್ ಬಿಲ್ಲುನ್ ಬಳಸುವೆರ್. ಉಂದು ಬಾಣದ ವೇಗನ್ ವರ್ಧನೆ ಮಲ್ಪೆರೆ ಸಹಾಯ ಮಲ್ಪುಂಡು, ಗಾಳಿನ್ ಕಡ್ತ್ ದ್ ಗುರಿನ್ ನಿಖರವಾದ್ ಹೊಡೆಯೆರೆ ಸಹಾಯ ಮಲ್ಪುಂಡು.
ಉಲ್ಲೇಕೊಲು
[ಸಂಪೊಲಿಪುಲೆ]https://www.olympics.com/en/athletes/deepika-kumari https://www.olympics.com/en/news/deepika-kumari-olympics-games-results-performance https://www.thehindu.com/sport/olympics/archer-deepika-kumari-craves-for-elusive-olympic-medal/article68425609.ece