ದೇವಕಿ ಜೈನ್
ದೇವಕಿ ಜೈನ್ | |
|---|---|
 ದೇವಕಿ ಜೈನ್ | |
| ಪುಟ್ಟು | 1933 (age ವಿವರೊ ದೋಸೊ: ಗೊತ್ತಾವಂದಿನ ಚಿನ್ನೆಲು "೨".–ವಿವರೊ ದೋಸೊ: ಗೊತ್ತಾವಂದಿನ ಚಿನ್ನೆಲು "೨".)ವಿವರೊ ದೋಸೊ: ಗೊತ್ತಾವಂದಿನ ಚಿನ್ನೆಲು "೨". |
| ಬೇಲೆ | ಬೇಲೆ |
| ಪ್ರಶಸ್ತಿಲು | Padma Bhushan |
| Academic background | |
| Alma mater | St Anne's College, Oxford |
| Academic work | |
| Institutions | University of Delhi |
| Main interests | Feminist economics |
| ದಸ್ಕತ್ | |
ದೇವಕಿ ಜೈನ್ (ಪುಟ್ಟು ೧೯೩೩) ಒರ್ತಿ ಭಾರತೊದ ಅರ್ಥಶಾಸ್ತ್ರಜ್ಞೆರ್ ಬುಕ್ಕೊ ಬರವುಗಾರ್ತಿ. ಮುಕ್ಯವಾದ್ ಸ್ತ್ರೀವಾದಿ ಅರ್ಥಶಾಸ್ತ್ರೊದ ಕ್ಷೇತ್ರೊಡು ಬೇಲೆ ಮಲ್ತೆರ್. ಸಾಮಾಜಿಕ ನ್ಯಾಯೊಗು ಬುಕ್ಕೊ ಮಹಿಳಾ ಸಬಲೀಕರಣೊಗು ಮಲ್ತಿನ ಕೊಡುಗೆಗ್ 2006ಡ್ ಭಾರತ ಸರಕಾರೊದ ಕೈತಲ್ದ್ ಪದ್ಮಭೂಷಣ ಪನ್ಪಿನ ಮೂಜನೆ ಮಲ್ಲ ನಾಗರಿಕ ಇನಾಮುನು ಪಡೆಯೆರ್.
ಸುರುತ ಜೀವನೊ
[ಸಂಪೊಲಿಪುಲೆ]ಜೈನ್ ಮೈಸೂರುಡು ಪುಟ್ಟುವೆರ್. ಆರ್ ಮೈಸೂರು ರಾಜ್ಯೊಡು ಸಚಿವೆರ್ ಆದಿತ್ತೆರ್. ಎಂಎ ಶ್ರೀನಿವಾಸನೆರೆ ಮಗಳ್.
ಕಲ್ಪಾಟಿಗೆ
[ಸಂಪೊಲಿಪುಲೆ]ಜೈನ್ ಭಾರತೊಡು ಬೇತೆ ಬೇತೆ ಕಾನ್ವೆಂಟ್ ಸಾಲೆಲೆಡ್ ಕಲ್ತ್ನಾರ್. ೧೯೫೩ಡ್ ಮೈಸೂರು ವಿಶ್ವವಿದ್ಯಾಲಯೊಡ್ದ್ ಗಣಿತ, ಇಂಗ್ಲಿಸ್ ಬುಕ್ಕೊ ಒಟ್ಟಾರೆ ಸಾದನೆಡ್ ಒಂಜನೆ ಸಾಲ್ಡ್ ಮೂಜಿ ಬಂಗಾರ್ದ ಪದಕೊಲೆನ್ ಗೆಂದಿಯೆರ್. ಆರ್ ಆಕ್ಸ್ಫರ್ಡ್ದ ಸೈಂಟ್ ಆನ್ಸ್ ಕಾಲೇಜ್ಗ್ ಸೇರ್ಯೆರ್. ಆಕ್ಸ್ಫರ್ಡ್ಡ್ದ್ ತತ್ವಶಾಸ್ತ್ರೊ, ರಾಜಕೀಯೊ, ಬುಕ್ಕೊ ಅರ್ಥಶಾಸ್ತ್ರೊಡು ಪದವಿ ಪಡೆಯಿನ ಪಡೆಯೆರ್. ಬುಕ್ಕೊ ೧೯೬೯ ಮುಟ್ಟ ದೆಹಲಿ ವಿಶ್ವವಿದ್ಯಾಲಯೊಡು ಅರ್ಥಶಾಸ್ತ್ರೊನು ಕಲ್ಪಾಯೆರ್.
ವಿಶ್ವಸಂಸ್ಥೆ ಬುಕ್ಕೊ ಅಂತರರಾಷ್ಟ್ರೀಯ ಜಾಲಬಂದೊ
[ಸಂಪೊಲಿಪುಲೆ]
ಉಮೆನ್ ಇನ್ ಇಂಡಿಯಾ ಪನ್ಪುನ ಬೂಕುಡು ಬೇಲೆ ಮಲ್ಪುನ ಮೂಲಕೊ, ಆರ್ ಸ್ತ್ರೀವಾದಿ ವಿಸಯೊಲೆಡ್ ತೊಡಗೊಂಡೆರ್. ಬರವು, ಉಪನ್ಯಾಸೊ, ಜಾಲತಾಣೊ, ಪೊಣ್ಣುಲೆಗ್ ಮಾರ್ಗದರ್ಶನೊ ಕೊರ್ಪುನ ಬುಕ್ಕೊ ಪೊಣ್ಣುಲೆಗ್ ಸಹಾಯೊ ಮಲ್ಪುನ ಕೆಲಸೊಡು ಆರ್ ಸಕ್ರಿಯವಾದ್ ಪಾಲ್ ಪಡೆಯೆರ್.
ಜೈನ್ ನವದೆಹಲಿಡ್ ಇಪ್ಪುನ ಇನ್ಸ್ಟಿಟ್ಯೂಟ್ ಆಫ್ ಸೋಶಿಯಲ್ ಸ್ಟಡೀಸ್ ಟ್ರಸ್ಟ್ (ಐಎಸ್ಎಸ್ಟಿ) ದ ಸ್ಥಾಪಕೆರ್. ಅಲ್ಪ ಆರ್ 1994ಗ್ ಮುಟ್ಟ ನಿರ್ದೇಶಕೆರಾದ್ ಸೇವೆ ಮಲ್ತೆರ್. ಪೊಂಜೊಳೆ ಉದ್ಯೋಗೊ ಕ್ಷೇತ್ರೊಡು ಬೇಲೆ ಮಲ್ತ್ದ್ ಭಾರತೊದ ಅಂತರಾಷ್ಟ್ರೀಯ ಮಹಿಳಾ ವರ್ಸೊಗು ಇಂಡಿಯನ್ ಉಮೆನ್ ಪನ್ಪುನ ಬೂಕುನು ಸಂಪಾದನೆ ಮಲ್ತೆರ್.
ಗಾಂಧಿವಾದೊ ಜೈನೆರೆನ ಬೇಲೆ ಬುಕ್ಕೊ ಜೀವನೊದ ಮಿತ್ತ್ ಪ್ರಬಾವೊ ಬೀರುಂಡು. ಈ ತತ್ವಶಾಸ್ತ್ರೊಗು ಅನುಗುಣವಾದ್, ಅರೆನ ಶೈಕ್ಷಣಿಕ ಸಂಶೋಧನೆ ನ್ಯಾಯೊ, ಪ್ರಜಾಪ್ರಭುತ್ವೊದ ವಿಕೇಂದ್ರೀಕರಣೊ, ಜನ-ಕೇಂದ್ರೀಕೃತ ಅಭಿವೃದ್ಧಿ, ಬುಕ್ಕೊ ಮಹಿಳಾ ಹಕ್ಕ್ಲೆನ ವಿಸಯೊಲೆನ್ ಕೇಂದ್ರೀಕರಿಸವುಂಡು. ಆರ್ ಸ್ಥಳೀಯ, ರಾಷ್ಟ್ರೀಯ ಬುಕ್ಕೊ ಅಂತರರಾಷ್ಟ್ರೀಯ ಪೊಂಜೊವುಲೆನ ಪೊರಂಬಾಟೊಲೆಗಾದ್ ಬೇಲೆ ಮಲ್ತೆರ್. ಇತ್ತೆ ಆರ್ ಭಾರತೊದ ಬೆಂಗಳೂರುಡು ಜೀವನೊ ಮಲ್ತೊಂದುಲ್ಲೆರ್.
ಜೈನ್ ಮಸ್ತ್ ಜಾಲತಾಣೊಲೆಡ್ ಬುಕ್ಕೊ ವೇದಿಕೆಲೆಡ್ ಪಾಲ್ ಪಡೆಯಿನ ಒರಿ ಆದ್ ಮಸ್ತ್ ಪ್ರಯಾಣ ಮಲ್ತೆರ್. ಯುನೈಟೆಡ್ ನೇಷನ್ಸ್ ಸೆಂಟರ್ ಫಾರ್ ಏಷ್ಯಾ-ಪೆಸಿಫಿಕ್ಗ್ ಲಿಂಗ ಸಲಹಾ ಸಮಿತಿದ ಅಧ್ಯಕ್ಷೆರಾದ್, ಪೆಸಿಫಿಕ್ ಬುಕ್ಕೊ ಕೆರಿಬಿಯನ್ ಸೇರ್ದ್ ಕೆಲವು ದೇಸೊಲೆಗ್ ಪೋಪೆರ್. ಆಫ್ರಿಕದ ಮೊಜಾಂಬಿಕ್, ಟಾಂಜಾನಿಯಾ, ಕೀನ್ಯಾ, ನೈಜೀರಿಯಾ, ಬೆನಿನ್ ಬುಕ್ಕೊ ಸೆನೆಗಲ್, ಲೈಬೀರಿಯಾ, ಕೋಟ್ ಡಿವೊಯರ್, ದಕ್ಷಿಣ ಆಫ್ರಿಕಾ ಅತ್ತಂದೆ ಬೋಟ್ಸ್ವನಾಗ್ ಪೋಯೆರ್. ಜೂಲಿಯಸ್ ನ್ಯೆರೆರೆನೊಟ್ಟುಗು, ಆಫ್ರಿಕನ್ ನಾಯಕೆರೆನ್ ತೂದು ಅಕ್ಲೆನ ಆಲೋಚನೆಲೆನ್ ಬುಕ್ಕೊ ಬೇನೆಲೆನ್ ಚರ್ಚೆ ಮಲ್ಪುನ ಅವಕಾಸೊನು ಪಡೆಯೆರ್. ನ್ಯೆರೆರೆ ಸ್ತಾಪನೆ ಮಲ್ತ್ನ ಮಾಜಿ ದಕ್ಷಿಣ ಆಯೋಗದ ಸದಸ್ಯೆಲಾ ಅಯೆರ್.
ಯುನೈಟೆಡ್ ನೇಷನ್ಸ್ ಡೆವಲಪ್ಮೆಂಟ್ ಪ್ರೋಗ್ರಾಮ್ (ಯುಎನ್ಪಿ) ಸ್ಥಾಪನೆ ಮಲ್ತ್ನ ಸಲಹಾ ಸಮಿತಿದ ಸದಸ್ಯೆರಾದಿತ್ತೆರ್. 1997ಡ್ ಬಡತನೊದ ಬಗೆಟ್ ಮಾನವ ಅಭಿವೃದ್ಧಿ ವರದಿ ಬುಕ್ಕೊ 2002ಡ್ ಆಡಳಿತ ವರದಿನ್ ತಯಾರ್ ಮಲ್ಪುನ ಬಗ್ಗೆ ಸಲಹೆ ಕೊರ್ತೆರ್. ಜೋಕುಲೆನ ಮಿತ್ತ್ ಸಶಸ್ತ್ರ ಸಂಗರ್ಸೊದ ಪ್ರಬಾವೊನು ಅದ್ಯಯನೊ ಮಲ್ಪಿಯರ ಯುಎನ್ ನೇಮಕ ಮಲ್ತ್ನ ಗ್ರಾಕಾ ಮ್ಯಾಚೆಲ್ ಅದ್ಯಯನ ಗುಂಪುದ ಸದಸ್ಯೆರಾದಿತ್ತೆರ್.
ಉಮೆನ್, ಬುಲೆಚ್ಚಿಲ್ ಬುಕ್ಕೊ ಯುಎನ್-ಎ-ಸಿಕ್ಸ್-ಇಯರ್ ಕ್ವೆಸ್ಟ್ ಫಾರ್ ಇಕ್ವಾಲಿಟಿ ಆಂಡ್ ಜಸ್ಟಿಸ್ಡ್ ಪೊಂಜೊನಕ್ಲೆನ ಕೊಡುಗೆಲು ಯುಎನ್ಡ್ ಬುಲೆಚ್ಚಿಲ್ ಬುಕ್ಕೊ ಕ್ರಮೊಲೆನ್ ಎಂಚ ಬದಲಾವಣೆ ಮಲ್ತ್ಂಡ್ ಪನ್ಪುನೆರ್ ತೋಜಾದೆರ್. ಸ್ತ್ರೀವಾದಿ ಅರ್ಥಶಾಸ್ತ್ರಜ್ಞೆರೆನ ದಿಟ್ಟಿಡ್ "ಬಡತನೊದ ಸ್ತ್ರೀಕರಣೊ" ಪನ್ಪುನ ಪದೊನ್ ಆರ್ ಪರಿಚಯಿಸಯೆರ್. "ಬಡತನೊದ ಸ್ತ್ರೀಕರಣೊ"ದ ಬಗೆಟ್ ಜೈನ್ ವಿವರಿಸಯೆರ್, "ಮೂಜಿ ಬೇತೆ ಬೇತೆ ಅಂಸೊಲೆನ್ ವರ್ಣನೆ ಮಲ್ಪಿಯರ ಉಪಯೋಗ ಮಲ್ತೆರ್: ಪೊಣ್ಣುಲು ಅನ್ಜೋವುಲೆಡ್ದ್ ಬಡವೆರ್ ಆಯೆರೆ ಸಾದ್ಯತೆ ಉಂಡು. ಪೊಣ್ಣುಲೆನ ಬಡವು ಆಂಜೋವುಲೆಡ್ದ್ರೆ ಎಚ್ಚ. ಬುಕ್ಕೊ ಪೊಣ್ಣುಲೆನ ನಡುಟು ಜಾಸ್ತಿ ಬಡತನೊದ ಕಡೆಕ್ ಪೋಪುನ ಚಳುವಳಿ ಪೊಣ್ಣುಲೆನ ಮುಕ್ಯಸ್ಥೆರೆನ ಕುಟುಮೊಲೆನ ಏರಿಕೆದೊಟ್ಟುಗು ಸಮ್ಮಂದೊ ಪಡೆವೊಂದ್ಂಡ್." ಅರೆನ ಪ್ರಕಾರೊ, "ಕೆಲಸೊದ ಸ್ತ್ರೀಕರಣೊ" ಪಂಡ ಕಡಮೆ ಗುಣಮಟ್ಟೊದ, ಕಡಮೆ ಸಂಬಲೊದ ಬೇಲೆನ್ ಸೂಚಿಸವುಂಡು. “ಸ್ತ್ರೀಕರಣೊ” ಪೊಂಜೋವುಲೆನ ಎಚ್ಚದ ಉಪಸ್ತಿತಿನ್ ಅಪಮೌಲ್ಯೊ ಮಲ್ಪುಂಡು.
ಕಲ್ಪಾದಿಗೆದ ಜೀವನೊ
[ಸಂಪೊಲಿಪುಲೆ]ದೇವಕಿ ಜೈನೆರೆಗ್ 1983ಡ್ ಸ್ಕ್ಯಾಂಡಿನೇವಿಯನ್ ಇನ್ಸಿಟ್ಯೂಟ್ ಫಾರ್ ಏಷ್ಯನ್ ಸ್ಟಡೀಸ್, ಕೋಪನ್ ಹೇಗನ್ಗ್ ಲಿಂಗ ಬುಕ್ಕೊ ಬಡತೊದ ಬಗೆಟ್ ಈ ಪ್ರದೇಸೊಡು 9 ವಿಶ್ವವಿದ್ಯಾಲಯೊಲೆಡ್ ಉಪನ್ಯಾಸೊಗು ಕೊರ್ಪುನ ಫೆಲೋಶಿಪ್ನ್ ಪಡೆವೊಂದೆರ್. ದಕ್ಷಿಣ ಆಫ್ರಿಕಾ ಗಣರಾಜ್ಯೊದ ಡರ್ಬನ್-ವೆಸ್ಟ್ವಿಲ್ಲೆ ವಿಶ್ವವಿದ್ಯಾಲಯೊಡ್ದ್ ಅರೆಗ್ ಗೌರವ ಡಾಕ್ಟರೇಟ್ (1999) ಕೊರ್ತೆರ್. ಬೀಜಿಂಗ್ ವಿಶ್ವ ಸಮ್ಮೇಳನೊಡು ಯುಎನ್ ಡಿಪಿಡ್ದ್ ಬ್ರಾಡ್ಫೋರ್ಡ್ ಮೋರ್ಸ್ ಮೆಮೊರಿಯಲ್ ಪ್ರಶಸ್ತಿನ್ (1995) ಪಡೆಯೆರ್. ಆರ್ ಇನ್ಸ್ಟಿಟ್ಯೂಟ್ ಆಫ್ ಡೆವಲಪ್ಮೆಂಟ್ ಸ್ಟಡೀಸ್, ಯೂನಿವರ್ಸಿಟಿ ಆಫ್ ಸಸೆಕ್ಸ್ (೧೯೯೩) ಡ್ ವಿಸಿಟಿಂಗ್ ಫೆಲೋ ಆದ್ ಹಾರ್ವರ್ಡ್ ಯೂನಿವರ್ಸಿಟಿ ಬುಕ್ಕೊಬೋಸ್ಟನ್ ಯೂನಿವರ್ಸಿಟಿ (1984) ಡ್ ಫುಲ್ಬ್ರೈಟ್ ಸೀನಿಯರ್ ಫೆಲೋ ಆದಿತ್ತೆರ್. ಆರ್ ಕರ್ನಾಟಕ ಸರ್ಕಾರದ ರಾಜ್ಯ ಯೋಜನಾ ಮಂಡಳಿದ ಸದಸ್ಯೆರಾದಿತ್ತೆರ್. ಯುಜಿಸಿದ ಪೊಂಜೊಲೆನ ಅದ್ಯಯನೊಲೆನ ಸ್ತಾಯಿ ಸಮಿತಿದ ಸದಸ್ಯೆರಾದಿತ್ತೆರ್. ಬುಕ್ಕೊ ಜೂಲಿಯಸ್ ನ್ಯೆರೆರೆನ ಗುರ್ಕಾರ್ಮೆಡ್ ದಕ್ಷಿಣ ಆಯೋಗದ ಸದಸ್ಯೆರಾದಿತ್ತೆರ್. ೨೦೧೩-೧೪ ಶೈಕ್ಷಣಿಕ ವರ್ಸೊಡು ಆರ್ ಆಕ್ಸ್ಫರ್ಡ್ದ ಸೈಂಟ್ ಆನ್ಸ್ ಕಾಲೇಜ್ ಡ್ ಪ್ಲಮರ್ ವಿಸಿಟಿಂಗ್ ಫೆಲೋ ಆದಿತ್ತೆರ್.
ಸೊಂತೊ ಜೀವನೊ
[ಸಂಪೊಲಿಪುಲೆ]ಮೇರ್ ೧೯೬೬ಡ್ ಗಾಂಧಿವಾದಿ ಅರ್ಥಶಾಸ್ತ್ರಜ್ಞೆ ಲಕ್ಷ್ಮೀಚಂದ್ ಜೈನ್ರೆನ್ ಮದಿಮೆ ಆಯೆರ್. ಲಕ್ಷ್ಮೀ ಚಂದ್ ಜೈನ್ 2010 ಡ್ ತೀರ್ ಪೋಯೆರ್. ಅಕ್ಲೆಗ್ ರಡ್ಡ್ ಜೋಕುಲು ಉಲ್ಲೆರ್. ಅಲ್ಪ ಎನ್ಡಿಟಿವಿ ದ ಇತ್ತೆದ ವ್ಯವಸ್ಥಾಪಕ ಸಂಪಾದಕೆರ್ ಆಯಿನ ಶ್ರೀನಿವಾಸನ್ ಜೈನ್ ಸೇರ್ದ್ ರಡ್ಡ್ ಜನೊ ಜೋಕ್ಲು ಉಲ್ಲೆರ್.
ಆಯ್ಕೆ ಮಲ್ತಿನ ಗ್ರಂಥಸೂಚಿ
[ಸಂಪೊಲಿಪುಲೆ]ಬೂಕುಲು
[ಸಂಪೊಲಿಪುಲೆ]- ಜೈನ್, ದೇವಕಿ (ಸೆಪ್ಟೆಂಬರ್ 2018). ಕ್ಲೋಸ್ ಎನ್ಕೌಂಟರ್ಸ್ ಆಫ್ ಅನೊದರ್ ಕೈಂಡ್. ವಿಮೆನ್ ಅಂಡ್ ಡೆವೆಲಪ್ಮೆಂಟ್ ಇಕನಾಮಿಕ್ಸ್. SAGE ಪಬ್ಲಿಷರ್ ಇಂಡಿಯಾ. ISBN 9789352807727 [೧]
- ಜೈನ್, ದೇವಕಿ (19 ಮಾರ್ಚ್ 2018). ದಿ ಜರ್ನಿ ಆಫ್ ಎ ಸದರ್ನ್ ಫೆಮಿನಿಸ್ಟ್. SAGE ಪಬ್ಲಿಷರ್ ಇಂಡಿಯಾ. ISBN 9789352806232 [೨]
- ಜೈನ್, ದೇವಕಿ (ಅಕ್ಟೋಬರ್ 2020). ದಿ ಬ್ರಾಸ್ ನೋಟ್ಬುಕ್: ಎ ಮೆಮೊಯಿರ್. ಸ್ಪೀಕಿಂಗ್ ಟೈಗರ್. ISBN 9789389958676 [೩]
ಉಲ್ಲೇಕೊಲು
[ಸಂಪೊಲಿಪುಲೆ]- ↑ Jain, Devaki (September 2018). Close Encounters of Another Kind. Women and Development Economics. SAGE Publisher India. ISBN 9789352807727.
- ↑ Jain, Devaki (19 March 2018). The Journey of a Southern Feminist. SAGE Publisher India. ISBN 9789352806232.
- ↑ Jain, Devaki (October 2020). The Brass Notebook: A Memoir. Speaking Tiger. ISBN 9789389958676. Archived from the original on 2020-10-09. Retrieved 2022-01-08.
ಪಿದಯಿದ ಕೊಂಡಿಲು
[ಸಂಪೊಲಿಪುಲೆ]- ದೇವಕಿ ಜೈನ ವೆಬ್ಸೈಟ್ (ಸಮಗ್ರ ಗ್ರಂಥಸೂಚಿದೊಟ್ಟುಗು)
- ಕ್ಯಾಸಬ್ಲಾಂಕಾ ಡ್ರೀಮರ್ಸ್ ನ ವೆಬ್ಸೈಟ್ ಡ್ Archived
- ಹೋಮ್ ಇಂಟರ್ನ್ಯಾಷನಲ್ ಅಸೋಸಿಯೇಷನ್ ಫಾರ್ ಫೆಮಿನಿಸ್ಟ್ ಎಕನಾಮಿಕ್ಸ್ (ಐಎಎಫ್ಎಫ್ಇ)
- ಹೋಮ್ ಸ್ತ್ರೀವಾದಿ ಅರ್ಥಶಾಸ್ತ್ರ ಜರ್ನಲ್